[᭕᭘ 58B]
᭕᭘
ᬗᬦ᭄ᬢᬶᬮᬘᬸᬭ᭄᭞ᬫᬾᬄᬲᬵᬫ᭄ᬧᬸᬦ᭄ᬤᬲ᭄ᬭᬳᬶᬦ᭞ᬫᬓᬳᭀᬦ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬗᬸᬗ᭄ᬲᬶᬳᬸᬩᬸᬤ᭄᭞ᬢ᭄ᬤᬸᬦ᭄ᬭᬶᬂᬢᬸᬓᬤ᭄ᬧᬘᬫ᭄ᬧ᭄ᬯᬦ᭄᭟ᬲ᭄ᬯᬭᬦ᭄ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬗᭂᬫ᭄ᬧᬂ᭞ᬫᬶᬦᬩ᭄ᬯᬾᬦ᭄ᬢᭂᬦ᭄ᬫᬫᬾᬓᬶᬳᬶᬦ᭄᭞ᬧᬢᬶᬮᬸᬧ᭄ᬮᬧ᭄ᬫᬗᬮᬾᬭᬂ᭞ᬧ
ᬮᬶᬂᬮᬸᬤᬶᬦᬸᬚᬦᬗᬶᬦ᭄᭞ᬮᭀᬤ᭄ᬩᬗ᭄ᬓ᭄ᬬᬂᬲᬶᬤᭂᬫ᭄ᬧᬶᬭᬶᬕ᭄᭞ᬫᬮᬶᬧ᭄ᬢᬦ᭄ᬢᭂᬤᬸᬦ᭄ᬓᬯᬸᬄ᭞ᬗ᭄ᬭᬕᬲᬩᬶᬂᬢᬸᬓᬤ᭄ᬯᭀᬲ᭄᭞ᬫᬸᬗ᭄ᬕᬄᬓᬯᬸᬄᬫᬦᬭᬶᬧᬶᬂ᭞ᬳᬦᬓ᭄ᬩᬾᬜ᭄ᬚᬸᬮ᭄᭞ᬜᭂᬭᬶᬢᬶᬦ᭄ᬦᬸᬦ᭄ᬤᬾᬦ᭄ᬢᬵᬢᬶᬬᬂ᭟ᬲᬫᬶᬗ᭄ᬓᬶᬦ᭄ᬲᭂᬗᬧ᭄ᬫᬲᬾ
ᬧᬓ᭄᭞ᬚᭂᬚᭂᬄᬗ᭄ᬢᭀᬃᬩᬸᬓᬫᬵᬢᬶ᭞ᬧᬕ᭄ᬮᬬᬸᬢ᭄ᬫᬦᬾᬓ᭄ᬫᬫᬸᬓᬮ᭄᭞ᬢ᭄ᬯᬭᬗᬲᬾᬦ᭄ᬢᬸᬓᬤᬶᬤᬶᬂ᭞ᬩᬸᬦᬫ᭄ᬩᬦᬾᬕ᭄ᬮᬦ᭄ᬢᬶᬗᬶᬦ᭄᭞ᬧᬢᬶᬦ᭄ᬢᬸᬫ᭄ᬩᬓ᭄ᬜᬦᬾᬳ᭄ᬮᬸᬂ᭞ᬢᬸᬗ᭄ᬓᭂᬤᬂᬗᬫᭂᬦᬾᬓᬂ᭞ᬦᬾᬳᭀᬩᬄᬦᬕᬶᬄᬓᭂᬤᭂᬗᬶᬦ᭄᭞ᬧ
ᬢᬶᬚ᭄ᬮᬫᬸᬢ᭄᭞ᬘ᭄ᬦᬶᬓ᭄ᬘᭂᬦᬶᬓᬾᬳᭂᬜ᭄ᬚᬸᬯᬂ᭟ᬦᬶᬜ᭄ᬘᬧ᭄ᬤᬾᬰᬧᬲᬗ᭄ᬕᬶᬗᬦ᭄᭞ᬮᬸᬗ᭄ᬲ᭄ᬬᬓ᭄ᬓᬤᬾᬯᬢᬦ᭄ᬫᬮᬶᬄ᭞ᬲᬓᬾᬂᬧᬫ᭄ᬩᬾᬤᬦᬶᬂᬢᬶᬢᬄ᭞ᬢᬦ᭄ᬧᭂᬕᬢᬸᬚᬦ᭄ᬗᬸᬭᬶᬧᬶᬲ᭄᭞ᬗᬶᬮ᭄ᬕᬶᬮᬂᬫᬓᬲᬫᬶ᭞ᬦᬾᬘ᭄ᬦᬶᬓ᭄ᬗᭂᬮᬶᬂᬧᬘᬺ᭠
[᭕᭙ 59A]
ᬗᬸᬓ᭄᭞ᬭᬶᬂᬢᬸᬓᬤ᭄ᬳᬬᬸᬂᬮᬫ᭄ᬮᬫ᭄᭞ᬗ᭄ᬭᬾᬧᬾᬫᬤᬦ᭄ᬤᬦ᭄ᬫᬫᬃᬕ᭄ᬕᬶ᭞ᬫᬸᬗ᭄ᬕᬄᬓᬯᬸᬄ᭞ᬗᭀᬚᭀᬕ᭄ᬧ᭄ᬭᬤᬾᬰᬜᬾᬗ᭄ᬓᬲ᭟ᬫᬮᬶᬄᬫᬫᬃᬕ᭄ᬕᬶᬗᬯᬸᬳᬂ᭞ᬤᬾᬰᬢᬫᬦ᭄ᬧᬸᬗ᭄ᬕᬮ᭄ᬳᬸᬗ᭄ᬲᬶ᭞ᬓᬦ᭄ᬢᬸᬦ᭄ᬫᬜᬸᬚᬸᬃᬗᬯᬸᬳᬂ᭞ᬤᬾᬰᬲᬗᬾᬄᬲᬕᬾ᭠
ᬢ᭄ᬧᬗ᭄ᬕᬶᬄ᭞ᬯᬢᬭᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬭ᭄᭞ᬓ᭄ᬭᬾᬩᬾᬓ᭄ᬓᭂᬩᬾᬃᬳᬸᬚᬦᬯᬸᬲ᭄᭞ᬚ᭄ᬦᭂᬓ᭄ᬭᬶᬗᬮᬲ᭄ᬧᬮ᭞ᬫᬗᬶᬮ᭄ᬕᬶ᭠ᬮᬂᬲᬋᬂᬲᬫᬶ᭞ᬲᬕᬾᬢ᭄ᬭᬯᬸᬄ᭞ᬳᬸᬢᬸᬲᬦ᭄ᬫᬗ᭄ᬯᬶᬗᬦ᭄ᬤᭂᬕᬂ᭟ᬤᬾᬦᬶᬂᬯ᭄ᬗᬶᬫᬤᬸᬦᬸᬗᬦ᭄᭞ᬭᬶᬂᬲᬗᬾᬄᬲᬶᬦᬋᬂᬲ᭠
ᬫᬶ᭞ᬧᬓ᭄ᬭᭀᬲᭀᬓ᭄ᬗᬦ᭄ᬢᬶᬬᬂᬮ᭄ᬫᬄ᭞ᬦᬸᬧ᭄ᬢᬸᬧᬂᬧᬫᬶᬦᭂᬄᬧᬮᬶᬂ᭞ᬩᬾᬜ᭄ᬚᬂᬳᬸᬗᬶᬸᬘᬧᬂᬫᬮᬶᬄ᭞ᬧᬲᭂᬫ᭄ᬗᬦ᭄ᬲᬫᬶᬧᭂᬲᬸ᭞ᬲᬵᬫ᭄ᬧᬸᬦ᭄ᬓᬦ᭄ᬢ᭄ᬬᬂᬫᬫᬃᬕ᭄ᬕ᭞ᬲᬕᬾᬢ᭄ᬭᬳᬸᬄᬲᬓᬾᬂᬫᬗ᭄ᬯᬶ᭞ᬲᬂᬓᬳᬸᬲᬸᬲ᭄᭞ᬫᬳᬶᬭᬶᬗᬦ᭄ᬲᬶᬓᭂᬧ᭄ᬤᬵ
ᬫᬲ᭄᭟ᬦᬾᬫᬸᬘᬸᬓᬶᬦ᭄ᬲᬶᬩᬂᬓᬧᬮ᭄᭞ᬲᬳᬲᬢ᭄ᬓᬫᬸᬲ᭄ᬗᬸᬲᬶᬦ᭄᭞ᬫᬫᬓᭂᬲ᭄ᬬᬩ᭄ᬲᬂᬭᬭᬸᬤ᭄ᬋᬓᭀ᭞ᬫ᭠ᬲᭂᬭᬄᬕᭀᬤᭀᬗᬦ᭄ᬲᬫᬶ᭞ᬧᬥᬗᭂᬜ᭄ᬚᬸᬳᬂᬓᭂᬭᬶᬲ᭄᭞ᬩ᭄ᬤᬶᬮ᭄ᬢᬸᬫ᭄ᬩᬓ᭄ᬩᭀᬓᬢ᭄ᬢᬸᬮᬸᬧ᭄᭞ᬧ᭄ᬭᬫᬗ᭄ᬓᬶᬦ᭄ᬓᬕᭂᬢᬓᬂ
Kaca:Bali-lontar-gaguritan-rusak-gianyar-02-300ppi.pdf/59
Kaca puniki sampun kauji-wacén
