[᭕᭗ 57B]
᭕᭗
ᬲᬶᬂᬓᬢᭀᬂ᭞ᬦᭀᬭᬦᬓᭀᬦ᭄ᬤᬸᬭᬶᬂᬚᬸᬭᬶᬢ᭄᭞ᬧ᭄ᬭᬚᬸᬭᬶᬢ᭄ᬫᬚᬧᬳᬶᬢ᭄᭞ᬬᬤᬶᬦ᭄ᬓᬋᬩᬸᬢ᭄ᬩᬦ᭄ᬰᬢ᭄ᬭᬸᬄᬓᭀᬘᬧ᭄ᬤᬸᬓᬶᬂᬩ᭄ᬮᬫ᭄ᬩᬗᬦ᭄᭞ᬢᬶᬢ᭄ᬬᬂᬜᬤ᭄ᬬᬜᬦ᭄ᬤᬶᬂᬩ᭄ᬮᬶ᭞ᬦᭀᬭᬓᭀᬦ᭄ᬤᬸᬭ᭄᭞ᬬᬤ᭄ᬬᬧᬶᬦ᭄ᬲᬵᬫ᭄ᬧᬸᬦ᭄ᬮᬜ᭄ᬘᬶᬗ
ᬦ᭄᭟ᬗᬶᬭᬶᬂᬦᬾᬫᬗ᭄ᬓᬶᬦ᭄ᬤᬩ᭄ᬤᬩᬂ᭞ᬗᬶᬭᬶᬂᬦᬾᬩᬾᬜ᭄ᬚᬂᬫ᭄ᬤᬮᬶᬦ᭄᭞ᬳᬶᬭᬶᬗᬦᬾᬓᬦ᭄ᬢᬸᬦ᭄ᬢᬺᬱ᭄ᬡ᭞ᬜᬤ᭄ᬬᬳᬶᬧᬸᬦ᭄ᬧᬘᬂᬗᬶᬭᬶᬂ᭞ᬧᬸᬭᬸᬦ᭄ᬦᬶᬦ᭄ᬤᬶᬳᬶᬦ᭄ᬩᭂᬮᬶ᭞ᬫᬗ᭄ᬤᭀᬄᬢᬦ᭄ᬓᬲᬶᬤᬾᬂᬮᬓᬸ᭞ᬮᬸᬓᬢᬵᬦ᭄ᬢᬸᬓ᭄ᬧᬸᬭᬸᬱ᭞ᬲᭀᬢᬦᬶᬂᬓ᭄ᬱᬯ᭄ᬭᬶᬬ
ᬮᬸᬯᬶᬄ᭞ᬩᬾᬜ᭄ᬚᬂᬧᬸᬗ᭄ᬓᬸᬭ᭄᭞ᬢᬍᬃᬩ᭄ᬮᬶᬧᬘᬂᬲᬾᬤ᭟ᬲᬗᬶᬂᬩ᭄ᬮᬄᬩᬢᬸᬄᬩᭂᬮ᭄ᬩᭂᬮᬦ᭄᭞ᬳᬗ᭄ᬮᬸᬭᬄᬓ᭄ᬢᬸᬢ᭄ᬜᬯᬸᬭᬶᬦ᭄᭞ᬦᬯ᭄ᬕᬂᬭᬢᬸᬘᭀᬓᭀᬃᬤ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬓᬤᬸᬂᬧᭂᬮᬶᬄ᭞ᬤᬤᭀᬲ᭄ᬦᬓᬸᬢᬶᬦ᭄ᬯᬵᬢᬶ᭞ᬓᬩᬦ᭄ᬤᬩᬦ᭄ᬧ᭄ᬬ᭠
ᬦᬓ᭄ᬘᬸᬘᬸ᭞ᬧᬫᬜ᭄ᬘᬦᬦ᭄ᬳ᭄ᬬᬂᬢᬶᬢᬄ᭞ᬗ᭄ᬳᬶᬂᬢᬶᬢ᭄ᬬᬂᬜᬤ᭄ᬬᬦᬢᬓᬶᬦ᭄᭞ᬲᬧᬢᬸᬤᬸᬄ᭞ᬚ᭄ᬮᬾᬦᬾᬢᬶᬩᬭᬶᬂᬢᬶᬢ᭄ᬬᬂ᭟ᬳᬮᬶᬢ᭄ᬳᭀᬓᬵᬲ᭄ᬫᬸᬳᬾᬭᬂ᭞ᬤᬸᬄᬲᬗ᭄ᬓᬦᬶᬂᬧᬸᬮᬓᬺᬢᬶ᭞ᬦᬸᬫᬶᬢᬶᬲ᭄ᬓᬫᬤ᭄ᬬᬧᬤ᭞ᬳᬮᬶᬢ᭄ᬗᬸᬭᬄᬦᬶᬫ᭄ᬩᬮ᭄ᬫ
[᭕᭘ 58A]
ᬮᬶᬄ᭞ᬳᬗ᭄ᬕᬶᬄᬧᬸᬦᬶᬯ᭄ᬬᬓ᭄ᬢᬶ᭞ᬢᬦ᭄ᬯᬗ᭄ᬤᬾᬚ᭄ᬗᬄᬲᬢᬸᬯᬸᬓ᭄᭞ᬤᬶᬓᬧᬦ᭄ᬯᬸᬲ᭄ᬓᬳᬸᬘᬧ᭄᭞ᬨᬮᬦᬾᬩᬲ᭄ᬢᬓᬸᬢ᭄ᬫᬵᬢᬶ᭞ᬤ᭄ᬫᭂᬦᬶᬤᬸᬧ᭄᭞ᬗᬸᬭᬄᬫᬥᬾᬳᬕᬾᬦᬶᬫ᭄ᬩᬮ᭄᭟ᬳᬫ᭄ᬧᬸᬭᬭᬢᬸᬘᭀᬓᭀᬃᬤ᭞ᬢᬦ᭄ᬫᬭᬶᬢᬶᬢ᭄ᬬᬂᬗᭂᬩᬸᬓᬶᬦ᭄᭞
ᬭᬢᬸᬭᬢᬸᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬗᬫᬦᬳᬶᬦ᭄᭞ᬩᭀᬬᬤᬤᭀᬲ᭄ᬓᭂᬮᬶᬤᬶᬦ᭄᭞ᬲᬵᬧᬸᬦ᭄ᬧᬚ᭠ᬦ᭄ᬢᭀᬲᬦ᭄ᬮᬘᬸᬭ᭄᭞ᬯᬶᬭᬾᬄᬤᬤᭀᬲ᭄ᬢᬢᬓᬦ᭄᭞ᬳᬶᬤᬳᬦᬓᬕᬸᬂᬫᬗ᭄ᬕᬶᬲ᭄᭞ᬫᬗ᭄ᬤᬢᬸᬫᬸᬲ᭄᭞ᬓᬳᭀᬦᬾᬢᬶ
ᬩᬭᬶᬂᬢᬶᬢ᭄ᬬᬂ᭟ᬤᬸᬍᬕ᭄ᬘᭀᬓᭀᬃᬤᬫᬶᬋᬗᬂ᭞ᬧᬲᬳᬸᬃᬲᬂᬧ᭄ᬢᬂᬲᬶᬓᬶ᭞ᬲᭂᬧᭂᬢ᭄ᬧᬢᬶᬫ᭄ᬩᬮᬾᬋᬓᭀ᭞ᬤᬾᬦᬶᬂᬢᬦ᭄ᬯᬾᬦ᭄ᬢᭂᬦ᭄ᬫᬤᬕᬶᬂ᭞ᬫᬸᬮᬕ᭄ᬢᬧ᭄ᬫᬦᭂᬮᬶ᭞ᬢᭀᬂᬤᬤᬶᬳᭂᬢᭀᬳᬶᬦ᭄ᬚᬕᬸᬂ᭞ᬢᬸᬭᬄᬚ᭄ᬦᭂᬂᬓᬱᬮᬶᬹᬧ᭞ᬳᬦ᭄ᬢᬸᬓᬦᬓ
ᬕᬸᬂᬫᬗ᭄ᬕᬶᬲ᭄᭞ᬢᬸᬃᬲᬸᬫᬳᬸᬭ᭄᭞ᬲᬭᬮᬾᬤᬂᬧᬓᬬᬸᬦᬦ᭄᭟ᬧᬜ᭄ᬚᬂᬬᬦᬶᬂᬘᬭᬶᬢᬬᬂ᭞ᬩᬩᬯᭀᬲᬾᬓᬵᬮᬯ᭄ᬗᬶ᭞ᬫᬕᬸᬚᭂᬕ᭄ᬚᬦ᭄ᬢᭀᬲ᭄ᬭᬳᬶᬦ᭞ᬧᬤᬲᬮᬶᬂᬧᬶᬓᭂᬤᭂᬳᬶᬦ᭄᭞ᬩᭀᬬᬤᬤᭀᬲ᭄ᬧᬸᬗ᭄ᬕᭂᬮᬶᬦ᭄᭞ᬚᬮᬭᬦ᭄ᬫ᭠
Kaca:Bali-lontar-gaguritan-rusak-gianyar-02-300ppi.pdf/58
Kaca puniki sampun kauji-wacén
