[᭕᭒ 52B]
᭕᭒
ᬢᭂᬤᬄ᭞ᬢᬦᬸᬘᬧᭂᬦ᭄ᬧᬸᬦᬶᬓ᭞ᬭᬶᬂᬕ᭄ᬬᬜᬃᬯᬸᬯᬸᬲᭂᬦ᭄ᬫᬮᬶᬄ᭞ᬯᬸᬲ᭄ᬢᬢᬲ᭄ᬕᬮᬶ᭞ᬚᬕ᭄ᬭᬯᬸᬄᬲᬶᬓᭂᬧ᭄ᬩᬗ᭄ᬮᬶ᭟ᬓᬩᬶᬦᬯᬲᬶᬓᭂᬧ᭄ᬓ᭄ᬮᬸᬗ᭄ᬓᬸᬂᬫᬩᬋᬗᬦ᭄ᬤᬾᬯᬧᭀᬤᭀᬮ᭄ᬫᬸᬘᬸᬓᬶᬦ᭄᭞ᬫᬧᬾᬕᭀᬓ᭄ᬗᭂᬮᭀᬤᬂ᭞ᬲᬶᬓᭂᬧ᭄ᬩ᭠
ᬗ᭄ᬮᬶᬗᬯᬸᬳᬂ᭞ᬭᬶᬂᬩᬜ᭄ᬘᬶᬗᬄᬲᬓᬾᬂᬓᬗᬶᬦ᭄᭞ᬲᬋᬂᬗᭂᬮᭀᬤᬂ᭞ᬫᬦ᭄ᬤᭂᬕ᭄ᬭᬶᬂᬩᬜ᭄ᬚᬃᬲᬗ᭄ᬕᬶᬂ᭟ᬦᬜ᭄ᬘᭂᬩ᭄ᬓᭀᬩᬾᬃᬫᬯᬢᭂᬲᬦ᭄ᬢᬸᬓ᭄ᬢᬮᬩᬄ᭞ᬩᬮᬾᬃᬢᭀᬬᬓᬩᬗ᭄ᬮᬶ᭞ᬓ᭄ᬮᬸᬗ᭄ᬓᬸᬂᬲᬮᭀᬤ᭄ᬢᭀᬬ᭞ᬭᬯᬸᬄᬢ᭄ᬧᬶᬦ᭄ᬲᬵᬕᬭ᭞᭠
ᬢᬦ᭄ᬓᭀᬘᬧ᭄ᬲᬸᬦᬶᬓᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭞ᬭᬶᬂᬓ᭄ᬭᬕᬫᬲᬸᬘᬧ᭄ᬫᬮᬶᬄ᭟ᬕᬸᬲ᭄ᬢᬶᬳᬮᬶᬢ᭄ᬗᬸᬭᬄᬩᬄᬩᬗᬸᬦ᭄ᬢᬤᬫ᭄ᬧ᭄ᬮᬂ᭞ᬓ᭄ᬭᬫᬲ᭄ᬫᭂᬤᬳᬦ᭄ᬫᬩᬮᬶᬓ᭄᭞ᬕᬸᬲ᭄ᬢ᭄ᬬᬕᬸᬂᬗᭀᬋᬗᬂ᭞ᬳᬦᬓ᭄ᬫᬸᬮᬕᬸᬲ᭄ᬢᬶᬦ᭄ᬜ᭞ᬬᬦ᭄ᬢᬦ᭄ᬲᬾᬩᭂᬢᬶ
ᬤᬓᬸᬦ᭄ᬢᬶᬮ᭄᭞ᬳᬶᬗᬦᬦ᭄ᬲᬾᬤ᭞ᬕᬸᬲ᭄ᬢᬶᬗᬸᬭᬄᬭᬶᬂᬫᬃᬕ᭄ᬕᬶ᭟ᬳᬧᬦ᭄ᬫᬮᬫᬯᬶᬤᬶᬗᬦ᭄ᬲᬓᬾᬂᬮᬯᬲ᭄᭞ᬢᬯᬦᬦ᭄ᬓᬧᬶᬂᬲᬶᬲᬶᬧ᭄᭞ᬯᬸᬲ᭄ᬓᬲᬶᬦᬫ᭄ᬧᬸᬭ᭞ᬢᬸᬃᬓᬳᬶᬘ᭄ᬙᬾᬦ᭄ᬓᬯᬶᬓᬦ᭄᭞ᬳᬶᬩᬶᬦ᭄ᬢᬂᬓᬸᬓᬸᬲ᭄ᬓᬓ᭄ᬬᬢᬶ᭞ᬮ᭄ᬯᬶᬃᬩ᭄ᬯᬬᬫᬗᬂ
[᭕᭓ 53A]
᭞ᬲᬭᭀᬱᬫᬸᬗ᭄ᬲᬸᬂᬫᬗ᭄ᬲᬶᬂ᭟ᬫᬕᬸᬮᬸᬗᬦ᭄ᬲᬶᬓᭂᬧ᭄ᬩᬢᬸᬄᬫᬶᬹᬚ᭄ᬭᬶᬄᬗᬮᬾᬭᬂ᭞ᬓᬳᬸᬩᭂᬃᬓᬩᭂᬤᬶᬮᬶᬦ᭄᭞ᬲᬸᬃ᭠ᬬ᭄ᬬᬓᬾᬢᬦ᭄ᬧᭂᬕᬢ᭄᭞ᬭᬶᬧᬲ᭄ᬤᬍᬫ᭄ᬫᬢᬗ᭄ᬕᬮ᭄᭞ᬧᬢᭀᬮᬦ᭄ᬲᬾᬫᬮᬦ᭄ᬧᭂᬭᬶᬂ᭞ᬫᬮᬶᬢᬸᬘᬧᬂ᭞ᬲᬂᬗᬫᭂᬮ᭄ᬲᬸᬓ᭠
ᬯᬢᬶ᭟ᬗᬸᬭᬳᭀᬓᬮᬶᬮᬶᬄᬢᬦ᭄ᬤᬤᭀᬲᬦ᭄ᬤᭂᬮᬂ᭞ᬦᬶᬗ᭄ᬕᬮᬶᬦ᭄ᬲᬸᬓᬯᬢᬶ᭞ᬳᬗ᭄ᬲᭂᬗᬦᬾᬢᬸᬗ᭄ᬕᬄ᭞ᬫᬫᬃᬕ᭄ᬕᬶᬫᬭᬭᬫ᭄ᬧ᭞ᬭᬶᬂᬧᬢᬦᬸᬫᬸᬗ᭄ᬕᬸᬄᬓᬗᬶᬦ᭄᭞ᬫᬲᭂᬫ᭄ᬩᬃᬲᭂᬫ᭄ᬩᬭ᭄᭞ᬜᬸᬗ᭄ᬓᬦ᭄ᬯᭂᬢᭂᬂᬧ᭄ᬭᬫᬗ᭄ᬓᬶᬦ᭄᭟ᬤᬾᬯᬕ᭄ᬠᬾᬳᬕᬸᬂᬲᬸᬓᬯᬢᬶ
ᬢᬾᬤᬄ᭞ᬲᬋᬂᬳᭀᬓᬮᬦ᭄ᬭᬩᬶ᭞ᬭᬳ᭄ᬯᬶᬂᬚ᭄ᬭᭀᬧᬳᬂ᭞ᬓᬩᬢᬸᬄᬲᬕᭂᬋᬳᬦ᭄᭞ᬢ᭄ᬮᬲᬦ᭄ᬲᬤᬕᬶᬂᬧᬸᬭᬷ᭞ᬓᬂ᭠ᬬᬂᬧᬋᬓᬦ᭄᭞ᬓᬢᬄᬧᬜ᭄ᬚᬓᬾᬗᬶᬭᬶᬂ᭟ᬓᬩᬶᬦᬯᬦᬵᬕᬭᬦᬾᬗᬯᬸᬕ᭄ᬚᬕᬢ᭄᭞ᬲᬸᬓᬯᬢᬶᬓᬸᬓᬸᬳᬶᬦ᭄᭞ᬢᬸᬮ᭄ᬬᬲᬶᬗ᭄ᬳᬮᭀᬤ᭄ᬭ᭞ᬩᬸᬩᭂᬃᬓᬶᬤᬂᬳᬸᬧᬫ᭞ᬘᭀᬓᭀᬃᬤᬳᭀᬓᬫᬸᬘᬸᬓᬶᬦ᭄᭞ᬗᭀᬋᬕᬂᬧᬜ᭄ᬚᬓ᭄᭞ᬲᬸᬃᬬ᭄ᬬᬓ᭄ᬫᬯᬦ᭄ᬢᬶᬯᬦ᭄ᬢᬶ᭟ᬳᬸᬫᬸᬂᬲ᭄ᬯᬭᬦ᭄ᬕᭀᬂᬓᭂᬡ᭄ᬠᬂᬫᬭᬶᬂᬩᬜ᭄ᬢᬶᬗᬄ᭞ᬲᬸᬓᬯᬢᬶᬦᬓᬸᬢᬶᬦ᭄᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂ᭞ᬭᬶᬂᬩᬢᬸᬄᬓ
Kaca:Bali-lontar-gaguritan-rusak-gianyar-02-300ppi.pdf/53
Kaca puniki sampun kauji-wacén
