[᭕᭑ 51B]
᭕᭑
ᬦ᭄ᬲᬗ᭄ᬰᬬ᭞ᬤᬕᬶᬂᬢᬶᬢ᭄ᬬᬂᬲᬋᬂᬲᬫ᭞ᬜᬤ᭄ᬬᬦᬶᬦ᭄ᬤᬶᬳᬂ᭞ᬓᬤᬶᬳᬸᬩᬬᬗᬸᬤᬶ᭟ᬗᬸᬭᬄᬫᬥᬾᬲ᭄ᬫᬸᬦᬾᬓᬤᬶᬫᬩᭀᬬ᭞ᬓᬧᬶᬦᭂᬳᬧᬸᬲ᭄ᬚᬢᬶ᭞ᬧ᭄ᬭᬕᬸᬗᬾᬲᬯᭀᬲᬦ᭄᭞ᬤᬯᭂᬕ᭄ᬲᬵᬫ᭄ᬧᬸᬦ᭄ᬜᬾᬭᬾᬬᬶ᭞ᬢᬸᬃᬬᬓ
ᬢᬫ᭄ᬧᬶᬳᬦ᭄ᬢᬸᬓ᭄ᬯᭂᬗᬶ᭞ᬳᬶᬕᬸᬲ᭄ᬢᬶᬗᬸᬭᬄ᭞ᬢᬦ᭄ᬲᬸᬭᬸᬤ᭄ᬫᬫᬶᬦᭂᬳᬶᬦ᭄᭟ᬲᬓᬶᬂᬢᬶᬢᬄᬚᬮᬭᬦ᭄ᬫᬗ᭄ᬕᬶᬄᬲᬗ᭄ᬲᬭ᭞ᬫᬦᬹᬢ᭄ᬧ᭄ᬭᬓᬺᬢ᭄ᬢᬶᬂᬗᬹᬦᬶ᭞ᬓ᭄ᬦᬶᬳᬶᬦ᭄ᬤ᭄ᬭᬚᬮ᭞ᬓᬾᬗᬶᬦᬦ᭄ᬕᬸᬲ᭄ᬢᬶᬗᬸᬭᬄ᭞ᬩᬸᬤᬮ᭄ᬲᬓᬾᬂᬳᬜ᭄ᬘᬓ᭄ᬱᬚᬶ᭞ᬓᬧ
ᬓᭀᬮ᭄ᬫᬦ᭄᭞ᬢᬦ᭄ᬫᬭᬶᬫᬫᬶᬦᭂᬳᬶᬦ᭄᭟ᬓᬢᬸᬢ᭄ᬩᬸᬭᬶᬢᬦ᭄ᬢᬸᬓᬶᬕᬸᬲ᭄ᬢᬶᬕ᭄ᬢᬲᬦ᭄᭞ᬤᬾᬯᬚᬫᬸᬃᬜᬋᬗᬶᬦ᭄᭞ᬗᬢᬸᬭᬂᬧᬧᬸᬗ᭄ᬯ᭞ᬭᬢᬸᬲᬵᬫ᭄ᬧᬸᬦᬂᬢᬾᬤᬄ᭞ᬦᬶᬗ᭄ᬕᬮᬶᬦ᭄ᬕ᭄ᬬᬜᬭᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬗ᭄ᬕᬸᬗᬂ᭞ᬗᬸᬭᬄᬫ
ᬥᬾᬲ᭄ᬫᬸᬢᬗᬶᬲ᭄ᬧᬲ᭄ᬢᬶᬲᬵᬫ᭄ᬧᬸᬦᬦ᭄ᬢᬸᬓ᭄ᬤᬦᬾᬫᬶᬓᬬᬸᬦᬂ᭞ᬯ᭄ᬬᬢᬭᬢ᭄ᬗ᭄ᬬᬯ᭄ᬗᬶ᭞ᬢᭀᬂᬤᬤᬶᬳᬦ᭄ᬤᭂᬕᬂ᭞ᬩᬸᬤᬮ᭄ᬫᬗᬸᬢᬂᬧᬜ᭄ᬚᬓ᭄᭞ᬢᬸᬫ᭄ᬩᬓ᭄ᬧᬘᬦᬗᬦ᭄ᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬫᬃᬕ᭞ᬧᬗᬶᬭᬶᬂᬗᬢᬭᬶ᭟ᬳᬕᬸᬮᬸᬗ
[᭕᭒ 52A]
ᬦ᭄ᬫᬦ᭄ᬢᬸᬓ᭄ᬓᬩᬢᬸᬄᬭᬦ᭄ᬢᬩᬦ᭄᭞ᬓᭀᬘᬧ᭄ᬭᬶᬂᬕ᭄ᬬᬜᬃᬫᬗ᭄ᬓᬶᬦ᭄᭞ᬲᬫᬶᬓᬫᭂᬫᭂᬕᬦ᭄᭞ᬢᬦ᭄ᬓᬦ᭄ᬢᭂᬦ᭄ᬚᬚᬮ᭠ᬗᬦ᭄᭞ᬳᬶᬤᬾᬯᬗᬸᬭᬄᬦᬾᬫᬗ᭄ᬓᬶᬦ᭄᭞ᬳᭀᬲ᭄ᬓᬶᬂᬘᬶᬢ᭄ᬢ᭞ᬭᬾᬄᬩ᭄ᬮᬄᬩᬢᬸᬄᬦᬶᬗ᭄ᬕᬮᬶᬦ᭄᭟ᬧᬢᬶᬚ᭄ᬮᬫᬸᬢ᭄ᬭ
ᬭᬶᬲᬶᬤᬫᬧᬸᬢᬸᬲᬦ᭄᭞ᬗᭂᬤᭂᬗᬂᬲᬶᬓᭂᬧ᭄ᬩᬗ᭄ᬮᬶ᭞ᬲᬂᬓᬳᬸᬢᬸᬲ᭄ᬓᬾᬘᬧ᭄᭞ᬤᬦᬾᬕᬸᬲ᭄ᬢᬶᬕᭂᬢᬲᬦ᭄᭞ᬧᬺ᭠ᬩ᭄ᬓᭂᬮ᭄ᬕ᭄ᬬᬜᬃᬢᬦᬸᬦᬶᬂ᭞ᬭᬶᬂᬩᬩᬯᭀᬲᬦ᭄᭞ᬳᬶᬕᬸᬲ᭄ᬢᬶᬯᬸᬲ᭄ᬫᬫᬃᬕ᭄ᬕᬶ᭟ᬓᬶᬧᬓ᭄ᬓᬶᬧᭂᬧ᭄ᬲᬦᬾᬓᬦ᭄ᬢᬸᬦ᭄ᬭᬶᬂᬩᬜ᭄ᬘᬶᬗᬄ
᭞ᬳᬶᬕᬸᬲ᭄ᬢᬶᬢᬦ᭄ᬓᬧᬗ᭄ᬕᬶᬄ᭞ᬫᬶᬢᬳᭂᬦ᭄ᬓᬓᬸᬢᬂ᭞ᬧᬲ᭄ᬮᬶᬬᬸᬃᬤᬸᬭᬸᬲ᭄ᬲᭂᬗᬧ᭄᭞ᬓᬤᬶᬳᬬᬫ᭄ᬲᬫ᭄ᬩᬶᬦᬶᬜ᭄ᬚᬶᬦ᭄᭞ᬲᬦᬾᬕ᭄ᬢᬧᬦ᭄᭞ᬭᬭᬸᬤᬶᬧᬸᬦ᭄ᬧ᭄ᬭᬫᬗ᭄ᬓᬶᬦ᭄᭟ᬓᬧᬶᬳᬸᬦᬶᬂᬭᬶᬂᬳᬶᬤᬾᬯᬳᬩ᭄ᬬᬦ᭄ᬲᭂᬤᬄ᭞ᬩ᭄ᬮᬄᬩᬢᬸᬳᬾᬦᬶᬗ᭄ᬕ᭠
ᬮᬶᬦ᭄᭞ᬲᬸᬳᬸᬂᬭᬶᬂᬩᬜ᭄ᬘᬶᬗᬄ᭞ᬩᬩᬶᬢ᭄ᬭᬲ᭄ᬬᬗᬦ᭄ᬩᬸᬤᬮ᭄᭞ᬢᬾᬫᭂᬂᬓᬬᬸᬦᬾᬫᬶᬦᭂᬳᬶᬦ᭄᭞ᬗ᭄ᬭᬕᬫᬓᬸᬢᬂ᭠ᬭᬭᬶᬲ᭄ᬭᬯᬸᬄᬧ᭄ᬭᬫᬗ᭄ᬓᬶᬦ᭄᭟ᬲᬕᭂᬋᬳᬦ᭄ᬮᬦᬂᬳᬶᬲ᭄ᬢ᭄ᬭᬷᬧᬸᬢᬸᬳᭀᬓ᭞ᬭᬳ᭄ᬯᬶᬂᬚ᭄ᬭᭀᬓ᭄ᬮᭀᬤ᭄ᬲᬫᬶ᭞ᬓᬩ᭄ᬮᬄᬩᬢᬸᬄ
Kaca:Bali-lontar-gaguritan-rusak-gianyar-02-300ppi.pdf/52
Kaca puniki sampun kauji-wacén
