[᭔᭙ 49B]
᭔᭙
ᬧ᭄ᬫᭂᬤᬮ᭄ᬧᬗᬦ᭄ᬤᬶᬓ᭞ᬚᬮᬦ᭄ᬩᬢᭂᬓᬂᬚᬦᬶ᭞ᬫᬩᬸᬯᬢᬧᬶᬲᬦ᭄᭞ᬮᬦ᭄ᬫᬲ᭄ᬫᬭᬶᬂᬕ᭄ᬬᬜᬭ᭄᭞ᬳᬗ᭄ᬮᬸᬭᬄᬫ᭠ᬥᬾᬜᬳᬸᬭᬶᬦ᭄᭞ᬕᬸᬫᬦ᭄ᬢᬶᬗᬗ᭄ᬓᬲ᭄᭞ᬢᬶᬢ᭄ᬬᬂᬫᬲ᭄ᬫᬳᬶᬭᬶᬓᬶ᭟ᬫᬤᬓ᭄ᬲᬶᬤᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬶᬦ᭄ᬤᬶᬳᬂ᭞ᬮᬮᬮᬗᬶ
ᬢ᭄ᬢᬶᬢ᭄ᬬᬂᬭᬶᬳᬶᬦ᭄᭞ᬓᭀᬢᬸᬲ᭄ᬓᬩ᭄ᬮᬂᬩᬗᬦ᭄᭞ᬜᬾᬤᬬᬂᬤᬍᬫ᭄ᬦᬸᬱ᭞ᬧᬺᬩ᭄ᬓᭂᬮ᭄ᬕ᭄ᬬᬜᬭᬾᬲᬫᬶ᭞ᬩᬗᬸᬦ᭄ᬧᬤᬶᬂᬓ᭄ᬮᬓ᭄᭞ᬧᬥᬲᬮᬶᬂᬳᭀᬓᭀᬓᬶᬦ᭄᭟ᬢᬦᬸᬘᬧᬂᬢᬢᬃᬬ᭄ᬬᬦᬾᬤᬸᬓ᭄ᬧᬸᬦᬶᬓ᭞ᬳᬸᬩᬬᬲᬋᬂᬫᬵᬢᬶ᭞ᬘ
ᬭᬶᬢᬜᭀᬭᬾᬬᬂ᭞ᬲᬶᬓᭂᬧ᭄ᬓ᭄ᬮᬸᬗ᭄ᬓᬸᬗᬾᬫᬸᬗ᭄ᬕᬄ᭞ᬫᬫᬗ᭄ᬓᬢᬶᬦ᭄ᬚᬕᬢ᭄ᬮᭂᬩᬶᬄ᭞ᬢ᭄ᬮᬶᬓᬸᬧ᭄ᬓᭂᬫ᭄ᬩᭂᬗᬦ᭄᭞ᬲᬵ᭠ᬫ᭄ᬧᬸᬦ᭄ᬓᬳᬯᬸᬕ᭄ᬲᬫᬶ᭟ᬢᬦ᭄ᬧᬯᬦ᭄ᬬᬸᬤᬢᬸᬃᬲᬵᬫ᭄ᬧᬸᬦ᭄ᬓᬕᬤᬾᬦᬦ᭄᭞ᬳᬶᬤᬾᬯᬕ᭄ᬠᬾᬭᬳᬶ᭞ᬮᬦ᭄ᬤᬾᬯᬲ᭄ᬦᭂ᭠
ᬢᬦ᭄᭞ᬓᬫᭂᬫᭂᬕᬦ᭄ᬗᭂᬢᬩ᭄ᬢᬩ᭄᭞ᬓᬲ᭄ᬮᭂᬓ᭄ᬓᬲᬾᬧᬦ᭄ᬢᬗ᭄ᬓᬶᬲ᭄᭞ᬤᬸᬭᬸᬲ᭄ᬫᬲᭂᬭᬄ᭞ᬓᬵᬢᭂᬄᬓᬓ᭄ᬮᬸᬂᬗ᭄ᬓᬸᬂᬭᬭᬶ᭠ᬲ᭄᭟ᬯᬾᬦ᭄ᬧᬋᬓᬦ᭄ᬓᭀᬘᬧ᭄ᬫᬤᬦᬶᬤ᭄ᬭᬩ᭞ᬫᬫ᭄ᬢᭂᬂᬧᭀᬮᬶᬄᬜᬶᬮᬶᬩ᭄᭞ᬗᬸᬦᬶᬗᬂᬓᬕ᭄ᬬᬜᬭ᭄᭞ᬭᬶᬗᬶᬤ
[᭕᭐ 50A]
ᬤᬾᬗᬸᬭᬄ᭞ᬫᬮᬳᬶᬩ᭄ᬧᬢᬶᬧᬸᬭᬸᬕᬶᬦ᭄᭞ᬢᬸᬃᬜ᭄ᬫᬄᬜ᭄ᬫᬄ᭞ᬲᬕᬾᬢ᭄ᬮᬩᬸᬄᬜᬸᬗ᭄ᬓᬶᬮᬶᬂ᭟ᬕᭂᬲᬄᬗᬗ᭄ᬲᬸᬃᬭᬯᬸᬄᬭᬶᬂᬩᬜ᭄ᬘᬶᬗᬄᬕ᭄ᬬᬜᬭ᭄᭞ᬗᭀᬚᭀᬕ᭄ᬓᬳᬜ᭄ᬘᬓ᭄ᬱᬚᬶ᭞ᬧᬦᬗ᭄ᬓᬶᬮᬦᬢᬧ᭄᭞ᬢᬗ᭄ᬓᭂᬚᬸᬢ᭄ᬲᬂᬦᬸᬫᭀᬦᬂ᭞
ᬭᬯᬸᬄᬜᬦᬾᬤᬳᬲ᭄ᬤᬶᬳᬶᬲ᭄᭞ᬬᬫᬸᬮᬤ᭄ᬓᬄ᭞ᬫᬢᬸᬃᬲᬫ᭄ᬩᬶᬮᬶᬂᬗ᭄ᬮᬶᬂ᭟ᬳᬦᬓᬕᬸᬂᬮᬘᬸᬃᬲᬦ᭄ᬘᬾᬓᭀᬭᬶᬤᬾ᭠ᬢ᭞ᬳᬶᬳᬦᬓ᭄ᬫᬓᬓᬮᬶᬄ᭞ᬦᬾᬯᬯᬸᬜᬾᬭᬾᬬᬂ᭞ᬓᬶ᭞ᬲᬶᬓᭂᬧ᭄ᬓ᭄ᬮᬸᬗ᭄ᬓᬸᬂᬗᬢᭂᬳᬂ᭞ᬕᬢ᭄ᬭᬦᬾᬧᬗ᭄ᬕᬶᬄᬭᬶᬂᬫᬃᬕ᭄ᬕᬶ
᭞ᬲᬸᬫ᭄ᬓᭂᬦ᭄ᬧᬶᬲᬦ᭄᭞ᬓᬩᬂᬩᬗᬂᬦᬾᬢᬸᬦᬶ᭟ᬭᬶᬂᬲᬾᬢ᭄ᬭᬢᬓ᭄ᬫᬸᬂᬫᬾᬄᬲᬵᬫ᭄ᬧᬸᬦ᭄ᬓᬤᬶᬸᬲᬤᬬᬂ᭞ᬫᬩᬸᬓ᭄ᬲᬵᬫ᭄ᬧᬸᬦ᭄ᬫᬳᭀᬃᬣᬶ᭞ᬓᬗ᭄ᬓᬢ᭄ᬤᬾᬯᬗᬸᬭᬄ᭞ᬳᭂᬗ᭄ᬲᭂᬓ᭄ᬫᬫᬦ᭄ᬢᭂᬕ᭄ᬤᬤ᭞ᬗᭂᬫ᭄ᬩᭂᬂᬗ᭄ᬢᬾᬮ᭄ᬢᭀᬬᬦᬓ᭄ᬱᬶ᭞ᬤᬳᬢ᭄ᬲᬸᬗ᭄ᬓᬯ᭞ᬤᬸᬄᬓ
ᬢᬸᬯᭀᬦᬶᬂᬯᬷᬥᬶ᭟ᬤᬾᬯᬳᬩ᭄ᬬᬦ᭄ᬲᭂᬤᬄᬯ᭄ᬭᬸᬳᬶᬂᬘᬾᬱ᭄ᬝᬓᬭ᭞ᬳᬶᬗ᭄ᬕᬶᬄᬩ᭄ᬮᬶᬧᬶᬦᭂᬳᬶᬦ᭄᭞ᬤᬾᬦᬶᬂᬓᬦ᭄ᬢᬸᬦ᭄ᬳᭀᬃᬣ᭞ᬲᬵᬫ᭄ᬧᬸᬦᬂᬓᬢᬭᬕᬮ᭄᭞ᬧᬫᬸᬧᬸᬢ᭄ᬢᬍᬃᬓᬧᬗ᭄ᬕᬶᬄ᭞ᬭᬶᬗᬭᬶᬮᭀᬓ᭞ᬲᬫᬬᬦᬾᬲᬋᬂᬲᬫᬶ᭟ᬢᬸᬃᬓᬧᬢᬸ᭠
Kaca:Bali-lontar-gaguritan-rusak-gianyar-02-300ppi.pdf/50
Kaca puniki sampun kauji-wacén
