[᭔᭘ 48B]
᭔᭘
ᬕ᭄ᬬᬜᬭ᭄᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬭᬓᬶ᭞ᬮᬦᬶᬓ᭄ᬢᬸᬢ᭄ᬲᭂᬓᬭ᭄ᬓᬢᭀᬩᭀᬧᬸᬧᬸᬢᬂ᭞ᬬᬾᬢ᭄ᬭᬦ᭄ᬢᬓ᭄ᬫᬸᬂᬗᭂ᭠ᬢᬸᬦᬶ᭞ᬲᬓᬾᬂᬧᬓᬶᬭᬦ᭄᭞ᬤ᭄ᬫᬧᭀᬤᭀᬮ᭄ᬓᭂᬩᭀᬦ᭄ᬳᬸᬕᬶ᭟ᬤᬾᬯᬗᬸᬭᬄᬢᬸᬮᬶᬓᬸᬧ᭄ᬲᬓᬤᬶᬩᬗ᭄ᬓᬶ᭞ᬤᬾᬦᬶᬂᬧᬸ
ᬢ᭄ᬭᬦᬾᬓᬭᬶ᭞ᬭᬶᬂᬢ᭄ᬮᬶᬓᬸᬧ᭄ᬫᬕ᭄ᬦᬄ᭞ᬲᬾᬩᭂᬢ᭄ᬤᬾᬯᬩ᭄ᬬᬦ᭄ᬲᭂᬤᬄ᭞ᬭᬯᬸᬄᬦ᭄ᬢᭂᬕ᭄ᬫᬜᬶᬫ᭄ᬧᬶᬭᬶᬦ᭄᭞ᬳᬶᬤᬾᬯᬗᬸᬭᬄ᭞ᬧᬕᭂᬄᬧᬘᬂᬫᬩᬮᬶᬓ᭄᭟ᬭᬶᬂᬩᬜ᭄ᬘᬶᬗᬄᬕ᭄ᬬᬜᬃᬲ᭄ᬤᭂᬓ᭄ᬫᬢᬢᬃᬬ᭄ᬬᬦ᭄᭞ᬫᬩᬲᬩᬭᭀᬂᬲᬫᬶ᭞ᬢᬮᬸᬳᬩᭂᬂ
ᬩᭂᬗᬦ᭄᭞ᬧᬘᬂᬫᬾᬮᬶᬦᬶᬦ᭄ᬚᬕᬢ᭄᭞ᬫᬗ᭄ᬕᭂᬄᬲᬸᬪᬓ᭄ᬢᬶᬭᬶᬂᬕᬸᬲ᭄ᬢᬶ᭞ᬤ᭄ᬬᬲ᭄ᬢᬸᬦ᭄ᬧᬾᬢᭂᬜᬕ᭄᭞ᬢ᭄ᬯᬭᬮᬓᬃᬫᬓᬶᬭᬶᬕ᭄᭟ᬭᬶᬂᬩ᭄ᬮᬄᬩᬢᬸᬄᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬯᭀᬲᬦ᭄᭞ᬧᬺᬩ᭄ᬓᭂᬮ᭄ᬫᬜ᭄ᬘᬗᬶᬭᬶᬂ᭞ᬗᬾᬮᬶᬗᬶᬦ᭄ᬳᭀᬭᭀᬗᬦ᭄᭞
ᬲᬶᬓᭂᬧᬾᬲᬵᬫ᭄ᬧᬸᬦ᭄ᬫᭂᬧᬄ᭞ᬓᬚᬓ᭄ᬮᭀᬤ᭄ᬓᬯᬸᬄᬓᬗᬶᬦ᭄᭞ᬲᬫᬶᬲᬬᬕ᭞ᬗᬋᬧᬶᬦ᭄ᬲᬶᬓᬶᬲᬶᬓᬶ᭟ᬕᬸᬲ᭄ᬢᬶᬳᬮᬶ᭠ᬢ᭄ᬗᬸᬭᬄᬗᬓᬸᬕᬶᬦ᭄ᬭᬶᬂᬓ᭄ᬭᬫᬲ᭄᭞ᬓᭀᬚᬦ᭄ᬲᬩᬦᬾᬗᬶᬭᬶᬂ᭞ᬕᬸᬲ᭄ᬢᬶᬗᬸᬭᬄᬳᭀᬓ᭞ᬳᬋᬧᬾᬓᬦᬕᬭ᭞᭠
[᭔᭙ 49A]
ᬲᬸᬓᬯᬢᬶᬓᬩᭀᬂᬓ᭄ᬮᬶᬗᬶᬦ᭄᭞ᬫᬜ᭄ᬘᬭᬶᬩᬸᬭ᭄ᬯᬦ᭄᭞ᬲᬋᬂᬩᬦ᭄ᬩᬶᬬᬸᬗᬶᬭᬶᬂ᭟ᬗᬸᬭᬄᬓ᭄ᬢᬸᬢ᭄ᬭᬶᬂᬩᬜ᭄ᬘᬶᬗᬄᬓᬓᬸᬓᬸᬳᬂ᭞ᬳᬗ᭄ᬮᬸᬭᬄᬫᬥᬾᬫᬮᬶᬄ᭞ᬗᬫᭂᬮᬂᬭᬶᬂᬕ᭄ᬬᬜᬭ᭄᭞ᬩ᭄ᬮᭂᬕᬩᭀᬦᬗᬶᬭᬶᬗᬂ᭞ᬫᬮᬓᬲᬸᬩ᭄ᬲᬓᬶᬂᬗᬹ᭠
ᬦᬶ᭞ᬩᬢᬸᬫᬚᬮᬦ᭄᭞ᬧ᭄ᬭᬚᬸᬭᬶᬢ᭄ᬫᬚᬧᬳᬶᬢ᭄᭟ᬩᬕᬸᬲᬳᬾᬂᬓᬲᬸᬩ᭄ᬧ᭄ᬭᬚ᭄ᬜᬦ᭄ᬘᬾᬱ᭄ᬝᬓᬭ᭞ᬫᬲ᭄ᬓᬸᬃᬧᬸᬘᬸ᭠ᬓᬢᬶᬄ᭞᭞ᬧᬫᬃᬕ᭄ᬕᬶᬦᬾᬗᬫ᭄ᬧᬓ᭄᭞ᬧᬮᬶᬗ᭄ᬕ᭄ᬬᬦ᭄ᬓᬸᬤᬩᬭᬓ᭄᭞ᬫᬢᭂᬤᬸᬂᬩᬤᬗᬓᬢᬶᬄ᭞ᬓᭂᬯᬶᬲ᭄ᬢᬯᬶᬢᬦ᭄᭞ᬳᬶᬦᬵ
ᬕᬓᭂᬭᬲ᭄ᬓᬲᬸᬂᬓ᭄ᬮᬶᬢ᭄᭟ᬓᬸᬫᬭᬸᬢᬸᬕ᭄ᬲ᭄ᬯᬭᬦ᭄ᬕᬕᭂᬮᬦᬲᬶᬫ᭄ᬩᬦ᭄᭞ᬓᬋᬲ᭄ᬋᬲ᭄ᬲᬂᬫᬗ᭄ᬕᬶᬳᬶᬦ᭄᭞ᬮ᭄ᬯᬶᬃᬢᬦ᭄ᬢ᭄ᬭᬸ᭠ᬱ᭄ᬡᬾᬂᬚᬷᬯ᭞ᬲᬕᬾᬢ᭄ᬭᬯᬸᬄᬭᬶᬂᬕ᭄ᬬᬜᬭ᭄᭞ᬲᬸᬫᬶᬗ᭄ᬓᬶᬦ᭄ᬓᬤᬶᬯᭂᬳᬶᬦ᭄᭞ᬕᬮᬦ᭄ᬯᭀᬂᬕ᭄ᬬᬜᬭ᭄᭞ᬢᬸᬮ᭄ᬬᬚᬂᬓ᭄ᬭᬶᬓ᭄ᬓᬶ᭠
ᬮᬶᬢᬶᬦ᭄᭟ᬓᭂᬦ᭄ᬤᭂᬮ᭄ᬮᭂᬕᬓᬤᬶᬓᬲᬶᬭᬢᬦ᭄ᬫᬺᬢ᭄ᬢ᭞ᬩᬶᬗᬃᬗᭂᬢᭀᬫᬗᬸᬭᬶᬧ᭄᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂ᭞ᬲᬫᬶᬲᬵᬫᬫ᭄ᬧᬸᬦ᭄ᬲᬬᬕ᭞ᬧ᭄ᬭᬕᬸᬂᬚ᭄ᬭᭀᬦᬶᬗᬜ᭄ᬘᬓ᭄ᬱᬚᬶ᭞ᬩᬢᬸᬄᬲ᭄ᬬᬗᬦ᭄᭞ᬩ᭄ᬬᬦ᭄ᬩᬲᬾᬩᬶᬢ᭄ᬭᬜᬦ᭄ᬤᬶᬂ᭟ᬤᬾᬯᬗᬸᬭᬄᬢ᭄ᬮᬶᬓᬸ
Kaca:Bali-lontar-gaguritan-rusak-gianyar-02-300ppi.pdf/49
Kaca puniki sampun kauji-wacén
