Kaca:Bali-lontar-gaguritan-rusak-gianyar-02-300ppi.pdf/30

[᭒᭙ 29B]
᭒᭙
ᬲᬭᬢ᭄ᬫᬧᬶᬦᬸᬦᬲᬦ᭄᭞ᬭᬶᬗᬶᬤᬲᬂᬫᬸᬢᭂᬃᬩᬮᬶ᭞ᬤᬕᬶᬗᬶᬧᬸᬦ᭄᭞ᬫᬗ᭄ᬤᬳᬶᬘ᭄ᬙᬧᬦᬸᬕ᭄ᬭᬳᬦ᭄᭟ᬬᬦᬶᬂᬓᬦᬸᬕ᭄ᬭᬳᬦ᭄ᬚᬷᬯ᭞ᬧᬶᬦᬸᬦᬲ᭄ᬫᬗ᭄ᬘᬦᬾᬲᬫᬶ᭞ᬕᭂᬮᬶᬲᬂᬧᬶᬲᬦ᭄ᬩᬸᬦᬵᬮᬂ᭞ᬳᬶᬤᬳᬦᬓᬕᬸᬂᬫᬗ᭄ᬕᬶᬲ᭄᭞ᬲᬧᬭᬧᬸ᭠
ᬢ᭄ᬭᬲᬫᬶ᭞ᬫᬗ᭄ᬤᬾᬚᬕᬢᬾᬭᬳᬬᬸ᭞ᬬᬦᬶᬂᬭᬶᬂᬩᬜ᭄ᬚᬭᬗ᭄ᬓᬦ᭄᭞ᬮᬶᬗ᭄ᬕᬶᬳᬶᬤᬓᬤᬶᬫᬗ᭄ᬓᬶᬦ᭄᭞ᬗᬯᬾᬋᬤᬸ᭠ᬢ᭄᭞ᬧᬶᬲᬸᬦᬦᬾᬗᬮᬶᬫ᭄ᬩᬓᬂ᭞ᬳᬸᬧᬫᬶᬦ᭄ᬜᬚᬕᬢ᭄ᬕ᭄ᬬᬜᬭ᭄᭞ᬳᬫ᭄ᬩᭂᬗᬦ᭄ᬲᬵᬫ᭄ᬧᬸᬦ᭄ᬢᬸᬳᬓᬶᬂ᭞ᬧᬶᬲᬸᬦᬦᬾ᭠
ᬓᬤᬶᬕ᭄ᬮᬫ᭄᭞ᬕ᭄ᬦᬶᬳᬦᬓᬕᬸᬂᬫᬗ᭄ᬕᬶᬲ᭄᭞ᬓᬤᬶᬓᬸᬦᬂᬓᬸᬦᬗᬮᬶᬢ᭄᭞ᬢᬦ᭄ᬧ᭄ᬭᬶᬯᬗ᭄ᬤᬾᬫᬫᬸᬯᬸᬦ᭄᭞ᬯᬾᬦ᭄ᬢᭂᬦ᭄ᬗᬸᬧᬶᬦᬸᬧᬶᬦᬂ᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬦᬾᬗᬶᬭᬶᬂ᭞ᬢ᭄ᬯᬭᬲᬸᬯᬸᬤ᭄᭞ᬫᭂᬜ᭄ᬘᬭᬂᬳᭀᬮᬾᬲᭀᬮᬾᬲᬦ᭟ᬧᬸᬦᬶᬓᬦᬾᬳᬾ
ᬦᬶᬗᬬᬂ᭞ᬦᬸᬦᬲ᭄ᬩᬸᬤᬮᬂᬦᬾᬫᬗ᭄ᬓᬶᬦ᭄᭞ᬩᬯᭀᬲ᭄ᬪᬫᬵᬭᬳᬦ᭄ᬧᬜ᭄ᬚᬂ᭞ᬬᬦᬶᬂᬲᬵᬫ᭄ᬧᬸᬦ᭄ᬧᬢᬹᬢ᭄ᬲᬫᬶ᭞ᬧᬸᬦᬶᬓᬮᬶᬗ᭄ᬕᬶᬳᬶᬦ᭄᭞ᬤᬾᬦᬶᬂᬫᬨᬮᬭᬳᬬᬸ᭞ᬦᬾᬫᬗ᭄ᬓᬶᬦ᭄ᬫᬧᬸᬢᬸᬲᬦ᭄᭞ᬫᬜᬮᬸᬓ᭄ᬮᬸᬗ᭄ᬓᬸᬂᬮᬦ᭄ᬫᬗᬸᬯᬶ᭞ᬲᬋᬂ᭠
[᭓᭐ 30A]
ᬩᬤᬸᬂ᭞ᬲᬫᬶᬫᬤᬸᬮᬸᬃᬧᬡ᭄ᬠᬶᬢ᭟ᬗᬭᬭᬶᬲ᭄ᬓᬩᬜ᭄ᬚᬭᬗ᭄ᬓᬦ᭄᭞ᬗᬢᬸᬭᬶᬦ᭄ᬦᬓᬕᬸᬂᬫᬗ᭄ᬕᬶᬲ᭄᭞ᬭᬯᬸᬳᬶᬂᬲᬭᬵ᭠ᬚᬧᬸᬢ᭄ᬭ᭞ᬲᬚᬯᬶᬦᬶᬂᬧᬭᬳᬶᬲ᭄ᬢ᭄ᬭᬷ᭞ᬲᬵᬫ᭄ᬧᬸᬦ᭄ᬫᬢᬸᬰ᭄ᬯᬮᬶ᭞ᬕᭂᬮᬶᬲ᭄ᬭᬯᬸᬄᬭᬶᬓᬮᬸᬗ᭄ᬓᬸᬂ᭞ᬲ᭄ᬯᬪᬯᬦᬪᬶᬳᬾᬭᬂ᭞ᬳ
ᬓᬾᬳᬦᬓᬾᬫᬩᬮᬶᬄ᭞ᬲᬮᬶᬂᬢᬸᬯᬸᬓ᭄᭞ᬫᬶᬲᬤ᭄ᬬᬳᬶᬧᬸᬦ᭄ᬦᬸᬫᭀᬦᬂ᭟ᬫᬓᭀᬍᬫ᭄ᬭᬶᬂᬲᬢ᭄ᬭᬶᬬᬓᬯᬦ᭄᭞ᬭᬶᬗᬶᬤᬘᭀᬓᭀᬃᬤᬭᬢᬶ᭞ᬳᬦᬓᬾᬫᬸᬮᬫᬭᬕ᭞ᬧᭂᬃᬦᬳᬚᬶᬭᬶᬂᬫᬶᬗ᭄ᬲᬶᬓᬶ᭞ᬢᬦ᭄ᬯᬾᬦ᭄ᬢᭂᬦ᭄ᬩᬯᭀᬲ᭄ᬫᬮᬶᬄ᭞ᬓᬧᬶᬢ᭄ᬮ᭠
ᬲ᭄ᬧᬘᬂᬗᭂᬫ᭄ᬧᬸ᭞ᬧᬯᬾᬲ᭄ᬢ᭄ᬭᬷᬦᬾᬭᬶᬂᬕᬶᬬᬜᬭ᭄᭞ᬢ᭄ᬮᬲᬦ᭄ᬲᬤᬕᬶᬂᬧᬸᬭᬷ᭞ᬧ᭄ᬭᬬᬭᬯᬸᬄ᭞ᬗ᭄ᬤᬾᬫᬲᬋᬗᬦ᭄ᬕᭂᬦᬄ᭟ᬧᬗᬶᬭᬶᬂᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬓᬸᬦᬕᬬᭀᬢ᭄ᬫᬶᬯᬄᬚᭀᬮᬶ᭞ᬩᬋᬩᭂᬤ᭄ᬤᬸᬭᬸᬂᬫᬫᬃᬕ᭄ᬕ᭞ᬭᬾᬳᬮᬶᬢ᭄᭠
ᬮᬶᬢ᭄ᬦᬗᬶᬲ᭄᭞ᬗᭂᬧᭂᬲ᭄ᬲᬮᬶᬂᬲᬳᬸᬭᬶᬦ᭄᭞ᬍᬓ᭄ᬚᭂᬗᬄᬧᬘᬂᬓᬓ᭄ᬮᬸᬗ᭄ᬓᬸᬂ᭞ᬫᬓᬤᬶᬭᬢᬸᬓᭀᬫ᭄ᬧ᭄ᬬᬂ᭞ᬩᬶᬬᬂᬗᬦᬓᬕᬸᬂᬫᬗ᭄ᬕᬶᬲ᭄᭞ᬮᬶᬦ᭄ᬢᬂᬲᭂᬧᬸᬄ᭞ᬲᬵᬫ᭄ᬧᬸᬦ᭄ᬲᬶᬲᬸᬓᬮᬶᬗ᭄ᬲᬶᬭᬦ᭄᭟ᬫᬲᬸᬭᬸᬗᬦ᭄ᬭᬭᬶᬲ᭄ᬫᭂᬤᬮ᭄᭞ᬧᬭᬳᬶᬲ᭄ᬢ᭄ᬭᬶ᭠