Kaca:Bali-lontar-gaguritan-rusak-gianyar-02-300ppi.pdf/29

Saking Wikisource
Kaca puniki sampun kauji-wacén

[᭒᭘ 28B]
᭒᭘
ᬫᬶᬲᬤ᭄ᬬᬯᬦ᭄ᬢᬄᬦᬢᬓᬶᬦ᭄᭞ᬰᬹᬭᬥᬃᬫ᭄ᬫᬳᬶᬦᬸᬗ᭄ᬲᬶ᭞ᬦᬶᬲ᭄ᬓᬮᬦᬾᬚ᭄ᬯᬓᬚᬸᬚᬸᬭ᭄᭞ᬓ᭄ᬭᬩᬗᬸᬢᬸᬲᬶᬳᬦᬓ᭄᭞ᬫᬗ᭄ᬤᬧᬢᬹᬢᬾᬫᬃᬕ᭄ᬕᬶᬦᬶᬦ᭄᭞ᬫᬗ᭄ᬤᬮᬶᬲᬸᬄ᭞ᬬᬤᬶᬦ᭄ᬫᬢ᭄ᬫᬳᬦᭂᬜᬕ᭄᭟ᬳᬯᬶᬦᬦ᭄ᬓᬳᬶᬘ᭄ᬙᬾᬦ᭄ᬧᬜ᭄ᬚᬓ᭄᭞᭠
ᬢᭂᬩᭂᬗᬦ᭄ᬲᬋᬂᬫᬫᬃᬕ᭄ᬕᬶ᭞ᬫᬓ᭄ᬫᬶᬢ᭄ᬭᬶᬂᬩᬜ᭄ᬚᬭᬗ᭄ᬓᬦ᭄᭞ᬲᬋᬂᬩ᭄ᬭᬳ᭄ᬫᬵᬩᬲᬸᬮᬶᬗ᭄ᬕᬶᬄ᭞ᬦᬾᬮᬸᬗ᭄ᬳᬵᬧᬘᬶᬗᬫ᭄ᬩᬶᬮ᭄᭞ᬓᬯᬶᬢᬦᬾᬲᬦᬾᬓᬢᬸᬭ᭄᭞ᬓᭂᬭᬶᬲᬶᬩᬭᬸᬓᬫ᭞ᬳᬶᬭᬵᬓ᭄ᬱᬲᬩ᭄ᬤᬓ᭄ᬫᬮᬶᬄ᭞ᬫᬶᬯᬄᬲᬩᬸᬓ᭄᭞ᬲᬸᬢ᭄ᬭᬫᬤ
ᬕᬶᬂᬓᭂᬫᬶᬢᬦ᭄᭟ᬫᬤᬸᬮᬸᬃᬢᬸᬫ᭄ᬩᬓᬧᬲᬂ᭞ᬳᬶᬲᬤᬾᬕ᭄ᬳᬶᬩᬭᬸᬳᬮᬶᬲ᭄᭞ᬧᬸᬲ᭄ᬢᬓᬦᬾᬓᭀᬘᬧᬶᬘᬮ᭄᭞᭠ᬳᬫᬸᬦᬶᬓᬦᬾᬓᬢᬫ᭄ᬧᬶ᭞ᬲᬲᬫ᭄ᬧᬸᬦ᭄ᬓᬢᬸᬃᬲᬫᬶ᭞ᬢᬍᬃᬧᬶᬲᬸᬦᬦᬾᬗᬶᬫᬹᬭ᭄᭞ᬢᬦᬸᬲᬦ᭄ᬧᬦᬗ᭄ᬰᬬ᭞ᬗᬫ᭄ᬩᭂ
ᬮᬶᬚᬷᬯᬦᬾᬫᬗ᭄ᬓᬶᬦ᭄᭞ᬲᬓ᭄ᬱᬢ᭄ᬤᬫᬸᬄ᭞ᬢᬦ᭄ᬯᬗ᭄ᬤᬾᬓᬢᬶᬩᬦ᭄ᬧᬦᬲ᭄᭟ᬢᬸᬮ᭄ᬬᬭᬶᬂᬢ᭄ᬕᬮ᭄ᬫᬮᬓᬂ᭞ᬢᭀᬗ᭠ᬦᬩᬦᬶᬦᭀᬗᭀᬲᬶᬦ᭄᭞ᬫᬳᬶᬫ᭄ᬩᬸᬳᬶᬫ᭄ᬩᬸᬄᬤᬸᬄᬓᬶᬢ᭞ᬭᬩᬶᬧᬋᬓᬦ᭄ᬗᭂᬤᬶᬦᬶᬦ᭄᭞ᬳᬓᬸᬤᬕᭂᬮᬸᬄᬫ᭄ᬯᬦᬶ᭞ᬧ᭠
[᭒᭙ 29A]
ᬥᬗᬸᬮᬳᬸᬮᬄᬮᬓᬸ᭞ᬗᬋᬋᬄᬧᬲᬬᬸᬩᬦ᭄᭞ᬜᭂᬗ᭄ᬕᬸᬄᬤᬾᬯᬾᬓ᭄ᬧᬘᬶᬫᬵᬢᬶ᭞ᬲᬗ᭄ᬓᬦ᭄ᬭᬭᬸᬤ᭄᭞ᬫᬸ᭠ᬮᬶᬄᬗᬸᬗ᭄ᬲᬶᬧᬓᬤᬗᬦ᭄᭟ᬭᬲᬫᬵᬢᬶᬫᬧᬸᬯᬦ᭄᭞ᬢ᭄ᬩᭂᬗᬦ᭄ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬫᭂᬫ᭄ᬩᬄᬓᬳᬂᬩᬩᬦ᭄ᬤᬦ᭄
᭞ᬗᬩᬩᭀᬓᬢ᭄ᬮᬦ᭄ᬕᬕᬶᬢᬶᬓ᭄᭞ᬮᬾᬦ᭄ᬫᬮᬓ᭄ᬱᬡᬗᬮᬶᬄ᭞ᬲᬦᬾᬤᬾᬭᬾᬂᬓ᭄ᬦᬶᬳᭂᬚᬸᬓ᭄᭞ᬧᭂᬧᭂᬓ᭄ᬗᬩᬕᬕᬫᬦ᭄᭞ᬫᬤᬸᬮᬸᬭᬦ᭄ᬢᬮᬶᬦ᭄ᬲᬫ᭄ᬧᬶ᭞ᬢᬮᬶᬧᬶᬬᬸᬄ᭞ᬓᬮᬾᬢᬾᬓ᭄ᬲᬢᬸᬲ᭄ᬲᬢᬸᬲᬦ᭄᭟ᬳᬤᬲ᭄ᬗᬧ᭄ᬫᬓ᭄ᬬᬬ
ᬗᬦ᭄᭞ᬫᬫᭂᬢᬸᬄᬩᬸᬦ᭄ᬢᭂᬃᬫᬮᬳᬶᬩ᭄᭞ᬗᬩᬲᬦᬦ᭄ᬫᬢᭂᬕ᭄ᬦᬦ᭄᭞ᬗᬩᬕ᭄ᬮᬗ᭄ᬕᬂᬳᬸᬮᬢ᭄ᬕᬢᬶ᭞ᬳᭂᬦ᭄ᬢᭀᬩᬓᬢ᭄ᬧ᭄ᬮᬳᬶᬩᬶᬦ᭄᭞ᬲᬸᬩᬓᬾᬫᬗᬮᬶᬄᬳᬗᬸ᭞ᬳᬓᬾᬄᬓᬧᬶᬲᬯᬢᬦ᭄᭞ᬲᬦᬾᬫᬳᬸᬮᬄᬭᬭᬘᬶ᭞ᬢᬓᬸ᭠
ᬢ᭄ᬓᬚᬸᬓ᭄᭞ᬲᭂᬗ᭄ᬓᬮᬤᬶᬚᬮᬦ᭄ᬚᬮᬦ᭄᭟ᬚᬕᬢ᭄ᬓᬭᬶᬫᬳᬩᬩᬦ᭄᭞ᬧᬸᬗ᭄ᬕᬯᬫᬜ᭄ᬘᬧᬓ᭄ᬫᬶᬢ᭄᭞ᬫᬫᭂᬗ᭄ᬓᬂᬧᬘᬂᬫᬗ᭄ᬭᬸᬲᬓ᭄᭞ᬩᬗ᭄ᬮᬶᬫᬶᬲᬤ᭄ᬬᬜᬭᭂᬢᬶᬦ᭄᭞ᬧᬥᬂᬦᬯᬸᬃᬲᬲᬗᬶ᭞ᬓᬶᬹᬓᬮᬶᬮᬶᬭᬦ᭄ᬯᬗ᭄ᬓᬾᬧᬸᬧᬸᬢ᭄᭞᭠