[᭒᭗ 27B]
᭒᭗
ᬓᬾᬂᬧᬓᬃᬤᬶᬦ᭄ᬕ᭄ᬬᬜᬭ᭄᭟ᬦᬶᬓᬶᬨᬮᬦᬾᬢᬫᬶᬬᬂ᭞ᬪᬓ᭄ᬢᬶᬦᬾᬫᬓ᭄ᬭᬡᬧᭀᬮᬶᬄ᭞ᬦᬗ᭄ᬳᬶᬂᬜᬦ᭄ᬤᬂᬲᬧᬸᬦᬶᬓ᭞ᬤᬾᬦᬶᬂᬭᬢᬸᬜᬓᬺᬯᬃᬣᬶ᭞ᬳᬮᬳᬬᬸᬦᬶᬂᬪᬸᬫᬶ᭞ᬧᬢᬹᬢ᭄ᬤᬺᬯᬓᬦᬾᬕᬶᬦᬸᬂ᭞ᬗᬫᬭᬶᬬᬶᬲᬥᬸᬥᬃᬫ᭄ᬫ᭞ᬧᬸᬦᬧᬶ᭠
ᬩᬯᭀᬲᬂᬫᬮᬶᬄ᭞ᬦᬓᬾᬳᬕᬸᬂ᭞ᬗᬸᬭᬄᬲᬵᬫ᭄ᬧᬸᬦ᭄ᬫᬤᬩ᭄ᬤᬩᬦ᭄᭟ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭞ᬲ᭄ᬯᬪᬯᬪᬾᬲ᭄ᬫᬸᬢᬗᬶᬲ᭄᭞ᬦᬶᬲ᭄ᬢᬾᬚᬓᬮᬶᬦ᭄ᬢᬗᬾᬭᬂ᭞ᬢᬦ᭄ᬧᬢ᭄ᬤᬸᬂᬓᬫ᭄ᬧᬾᬓᬮᬶᬢ᭄᭞ᬮᬸᬤᬶᬦ᭄ᬧᬦᬲ᭄ᬭᬶᬂᬫᬃᬕ᭄ᬕᬶ᭞ᬓᬭᬶ
ᬗᭂᬢᬾᬦᬸᬯᬸᬢ᭄ᬩᬳᬸ᭞ᬮᬶᬦ᭄ᬢᬂᬤᬾᬰᬧᬦᬲᬦ᭄᭞ᬭᬭᬶᬲ᭄ᬓᬳᬦ᭄ᬤᭂᬕ᭄ᬭᬶᬂᬫᬃᬕ᭄ᬕᬶ᭞ᬯᬯᬸᬭᬯᬸᬄ᭞ᬫᬭᬵᬃᬬ᭄ᬬᬦ᭄ᬭᬶᬂᬳᬸᬫᬮᬗ᭄ᬲᬢ᭄᭟ᬯᬾᬦ᭄ᬢᭂᬦᬸᬢᬸᬲᬦ᭄ᬫᬜᬧ᭞ᬳᬶᬤᬩ᭄ᬭᬳ᭄ᬫᬵᬩᬲᬸᬮᬶᬗ᭄ᬕᬶᬄ᭞ᬡᬶᬭᬶᬗᬦ᭄ᬧᬭᬫᬾᬦᬓ᭄᭞ᬦᬫ᭄ᬧᬶᬧ᭠
ᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬤᬕᬶᬗᬶᬧᬸᬦᬾᬲᬫᬶ᭞ᬓᬯᬶᬢᬦᬾᬧ᭄ᬭᬬᬓᬢᬸᬭ᭄᭞ᬦᬗ᭄ᬳᬶᬂᬦᬸᬦᬲ᭄ᬢᭂᬩᭂᬗᬦ᭄᭞ᬧ᭠ᬘᬂᬫᬗᭂᬫᬶᬢᬶᬳᬚᬶ᭞ᬳᬦ᭄ᬢᬸᬓ᭄ᬲᬵᬫ᭄ᬧᬸᬦ᭄᭞ᬦᬵᬕᬭᬗᬭᬭᬢ᭟ᬚᬕᬤᬤᭀᬲᬳᭀᬭᭀᬗᬦ᭄᭞ᬩ᭄ᬮᬄᬩ
[᭒᭘ 28A]
ᬢᬸᬄᬫᬚᬧᬶᬢ᭄ᬢᬸᬗ᭄ᬕᬶᬮ᭄᭞ᬳᬓᬸᬤᬢᬫ᭄ᬩᬄᬮᬦ᭄ᬲᭀᬭᭀᬓ᭄᭞ᬫᬃᬕ᭄ᬕᬶᬲᬵᬫ᭄ᬧᬸᬦ᭄ᬓᬤᬶᬓᬸᬭᬶᬲ᭄᭞ᬭᬶᬢ᭄ᬕᬮ᭄ᬩᭂᬲᬃᬲᬫᬶ᭞ᬳᬸᬫᬓᬾᬮᭀᬃᬓᬤᬶᬕᭂᬭᬸᬲ᭄᭞ᬭᬯᬸᬳᬶᬂᬧᬗᬸᬩᭂᬗᬦ᭄᭞ᬚᬕᬢ᭄ᬧᬦᬶᬫ᭄ᬩᬸᬗᬦ᭄ᬲᬫᬶ᭞ᬫᬗ᭄ᬤᬾᬮᬦ᭄ᬢᬸᬭ᭄᭞ᬳᬋ
ᬧᬾᬓᬩᬜ᭄ᬚᬭᬗ᭄ᬓᬦ᭄᭟ᬲᬶᬓᭂᬧ᭄ᬲᬵᬫ᭄ᬧᬸᬦ᭄ᬫᬳᬜ᭄ᬘᬬᬦ᭄᭞ᬮᬍᬩᭀᬦ᭄ᬩᬗ᭄ᬓᬾᬫᬫᬸᬜᬶ᭞ᬧᬯᬶᬮᬗᬦ᭄ᬚᬦ᭄ᬫᬤᭀᬫᬲ᭄᭞ᬦᬾᬧᬘᬂᬗᭀᬚᭀᬕ᭄ᬓᬧᬸᬭᬷ᭞ᬫᬮᬶᬄᬫᬲᬶᬓᭂᬧ᭄ᬩᭂᬤᬶᬮ᭄᭞ᬕᬕᭂᬮᬭᬦ᭄ᬧᬘᬂᬗᭂᬚᬸᬓ᭄᭞ᬗᬩᬓᬮᬾ
ᬢᬾᬓ᭄ᬮᬶᬫ᭞ᬩᭀᬓᬢ᭄ᬩᬯᬓ᭄ᬫᬫᬸᬜ᭄ᬘᬸᬓᬶᬦ᭄᭞ᬚ᭄ᬭᬬᬗ᭄ᬚᬸᬓ᭄᭞ᬦ᭄ᬮᬲᬂᬦᬾᬓᬭᬶᬩᬭᬓ᭄᭟ᬲᬵᬫ᭄ᬧᬸᬦ᭄ᬧᬢᬹᬢᬶᬗᬜ᭄ᬘᬬᬦ᭄᭞ᬓᬾᬯᬦ᭄ᬢᭂᬦ᭄ᬫᬗᬦ᭄ᬢᬶᬯᬗ᭄ᬲᬶᬢ᭄᭞ᬓᬭᬶᬚᭂᬚᭂᬮ᭄ᬭᬶᬂᬓᬸᬭᬫᬲ᭄᭞ᬯᬢᭂᬓ᭄ᬮᬍᬩᭀᬦᬾᬲᬶ᭞ᬧᬸᬦᬶᬓᬓᬩᭀ
ᬗ᭄ᬓᭀᬳᬶᬦ᭄᭞ᬳᬦ᭄ᬢᬸᬓ᭄ᬢᬭᬸᬩᬗᬗᬤᬸ᭞ᬫᬮᬶᬄᬲᬶᬓᭂᬧ᭄ᬧᬚᭂᬕᬦ᭄᭞ᬧ᭄ᬭᬫᬾᬦᬓ᭄ᬲᬦᬾᬫᬸᬗ᭄ᬓᬸᬭᬶᬦ᭄᭞ᬧᬘᬂᬦᬸᬯᬸᬓ᭄᭞ᬓᬤᬶᬩᬮᬩᬸᬃᬓᬢᬶᬕ᭟ᬲᬧᬸᬦᬶᬓᬯᬾᬦ᭄ᬢᭂᬦ᭄ᬕᬢ᭄ᬭ᭞ᬦᬗ᭄ᬳᬶᬂᬳᬦᬓᬕᬸᬂᬫᬗ᭄ᬕᬶᬲ᭄᭞ᬓᬤᬶᬯᭂᬯᭂᬳᬶᬦᬚ᭄ᬜᬦ᭞
Kaca:Bali-lontar-gaguritan-rusak-gianyar-02-300ppi.pdf/28
Kaca puniki sampun kauji-wacén
