Kaca:Bali-lontar-gaguritan-rusak-gianyar-02-300ppi.pdf/26

Saking Wikisource
Kaca puniki sampun kauji-wacén

[᭒᭕ 25B]
᭒᭕
ᬦ᭄ᬢᭂᬦ᭄ᬓᬭᬶᬢᬺᬱ᭄ᬡ᭞ᬧᬸᬦᬶᬓᬩᬗ᭄ᬕᬬᬂᬗᬶᬭᬶ᭞ᬬᬤᬶᬦ᭄ᬢᬦ᭄ᬯᬾᬦ᭄ᬢᭂᬦ᭄ᬪᬓ᭄ᬢᬶ᭞᭞ᬤᬸᬭᬸᬲᬂᬗᬭᬕᬗᬫᬹᬓ᭄᭞ᬮᬸᬓᬢᬦ᭄ᬢᬸᬲ᭄ᬧᬸᬭᬸᬱ᭞ᬲᬍᬢᭂᬳᬗ᭄ᬕᬦᬾᬫᬗ᭄ᬓᬶᬦ᭄᭞ᬲᬢ᭄ᬫᬩᬸᬓᬸᬭ᭄᭞ᬳᬶᬤᬲᬂᬤᬾᬯᬧᬶᬢᬭ᭟ᬩ᭄ᬘᬶᬓ᭄ᬭᬶᬳᬶᬦ᭄ᬫᬢᬶᬓ᭠
ᬲᬦ᭄᭞ᬦᬾᬫᬗ᭄ᬓᬶᬦ᭄ᬓᬦ᭄ᬤᬂᬘᭂᬩᬸᬭᬶᬦ᭄᭞ᬫᬗ᭄ᬤᬾᬕᭂᬮᬶᬲ᭄ᬧᬦ᭄ᬤᬾᬯᬢᬦ᭄᭞ᬓᬧᬸᬗ᭄ᬓᬸᬃᬫᬮᬶᬄᬦᬸᬫᬤᬶ᭞ᬲᬫ᭄ᬧᬸ᭠ᬦᬂᬓᬤᬶᬫᬗ᭄ᬓᬶᬦ᭄᭞ᬓᬩᬾᬭᬾᬩᬾᬭᬾᬗᬤᬸᬯᬸᬂ᭞ᬫᬦᬤᭀᬲ᭄ᬢᬢᭀᬦ᭄ᬢᭀᬦᬦ᭄᭞ᬲᬧᬶᬲᬦ᭄ᬭᬢᬸᬢ᭠
ᬦ᭄ᬤᬶᬗᬶᬦ᭄᭞ᬩᬾᬜ᭄ᬚᬂᬧᬸᬗ᭄ᬓᬸᬭ᭄᭞ᬧᬫᬸᬧᬸᬢ᭄ᬢᬍᬃᬦ᭄ᬤᬾᬯᬢ᭟ᬳᬦᬓᬾᬳᬕᬸᬂᬗᬦ᭄ᬤᬶᬓ᭞ᬗ᭄ᬮᬸᬢ᭄ᬭᬓᬦᬶᬤᬦᬗᬶᬢᬶᬸᬲ᭄᭞ᬦᬦ᭄ᬤᬾᬦᬩ᭄ᬮᬶᬫᬥᬾᬭᬓ᭞ᬯᬶᬭᬾᬄᬲᬵᬫ᭄ᬧᬸᬦ᭄ᬓᬤᬸᬂᬧᭀᬮᬶᬄ᭞ᬤᬤᬶᬦᬓᬸᬢᬶᬦ᭄ᬫᬵᬢᬶ᭞ᬓᬩᬦ᭄ᬤᬩᬦ᭄ᬧ᭄ᬬ
ᬦᬓ᭄ᬘᬸᬘᬸ᭞ᬗ᭄ᬮᬶᬂᬫᬓᬸᬭᬫ᭄ᬩᬾᬬᬦ᭄᭞ᬦᬄᬤᭂᬧᬂᬲᬸᬩᬢᬢᬓᬶᬦ᭄᭞ᬲᬧᬢᬸᬤᬸᬄ᭞ᬚ᭄ᬮᬾᬦᬾᬢᬶᬩᬭᬶᬂᬢᬶᬢ᭄ᬬᬂ᭟ᬳᬶᬭᬢᬸᬩᬲ᭄ᬓᬲᭀᬫ᭄ᬧᭀᬓᬦ᭄᭞ᬧᬲᬸᬗᬸᬦ᭄ᬳᬶᬘᬾᬤᭀᬓ᭄ᬭᬶᬳᬶᬦ᭄᭞ᬚᬦ᭄ᬫᬓᬬᬫᬮᬶᬄᬧ᭄ᬭᬚ᭄ᬜᬦ᭄᭞ᬧᬸᬦᬶᬓᬕ᭄ᬯ
[᭒᭖ 26A]
ᬭᬮᬶᬗ᭄ᬕᬶᬳᬶᬦ᭄᭞ᬘᬘᭂᬮᬶᬃᬗᬸᬧᬵᬬᬲᬦ᭄ᬠᬶ᭞ᬜᬶᬤᬬᬂᬓᬬᬸᬦᬶᬭᬢᬸ᭞ᬓᬾᬗᬶᬦᬶᬧᬸᬦ᭄ᬗᬃᬬ᭄ᬬᬦᬂ᭞ᬳᬶᬲᬸᬭᬓ᭠ᬗ᭄ᬕᬾᬬᬂᬫᬗ᭄ᬓᬶᬦ᭄᭞ᬩᬸᬢᬮᬫᬸᬭ᭄᭞ᬦᬦ᭄ᬤᬦᬂᬫᬶᬭᬶᬕ᭄ᬩᬮᬸᬫ᭄ᬩᬂ᭟ᬓᬤᬶᬕᬚᬳᬾᬭᬶᬗ᭄ᬳᬮᬲ᭄᭞ᬮᬩᬸᬄᬦᭂᬧᬾᬦ᭄ᬧ
ᬗ᭄ᬓᬸᬗᬶᬤᬶᬂ᭞ᬗᬋᬲᭂᬧᬂᬫᬸᬜᬶᬦ᭄ᬓᬢᬓ᭄᭞ᬤᬸᬭᬸᬲ᭄ᬫᬵᬢᬶᬗᬸᬕᬸᬫᬸᬜᬶ᭞ᬫᬸᬜᬶᬦᬾᬘ᭄ᬕᬓ᭄ᬘᭂᬕᬶᬓ᭄᭞ᬲᬧᬸᬦᬶ᭠ᬓᬶᬨᬮᬦᬶᬧᬸᬦ᭄᭞ᬓᬤᬶᬋᬱᬶᬫᬦᬯ᭞ᬗᬸᬭᬶᬧᬂᬫᬘᬦᬾᬫᬵᬢᬶ᭞ᬯᬯᬸᬳᬶᬤᬸᬧ᭄᭞ᬕ᭞ᬭᬕᬦᬾᬗᭂᬫᬲᬶ
ᬦ᭄ᬲᬾᬤ᭟ᬚᬦ᭄ᬫᬦᬾᬦ᭄ᬫᭂᬦ᭄ᬓᬤᬾᬦᬦ᭄᭞ᬫᭀᬫᭀᬦᬾᬓ᭄ᬦᬶᬳᬸᬮᬸᬭᬶᬦ᭄᭞ᬧᭀᬮᬶᬄᬦᬗ᭄ᬓᭂᬩᬂᬭᬭᬲᬦ᭄᭞ᬧᬢᭂᬄᬭᬶᬂᬳᬶᬓᭀᬫ᭄ᬧ᭄ᬬᬂᬩᬚᬶᬂ᭞ᬗᬸᬮᬳᬂᬨᬮᬪᬹᬓ᭄ᬢᬶ᭞ᬢᬦ᭄ᬗᬶᬢᬸᬂᬮᬶᬗ᭄ᬕᬶᬳᬶᬭᬢᬸ᭞ᬓᬤᬶᬫᬗ᭄ᬓᬶᬦ᭄ᬢᬫᬬᬂ᭞ᬭᬸᬲ᭠
ᬓᬦ᭄ᬢᬸᬓ᭄ᬳᬸᬯᬳᬸᬯᬶ᭞ᬩᬬᬢᬸᬤᬸᬄ᭞ᬲ᭄ᬫᬸᬢᬾᬫᬩᬾᬮᬕᬚᬄ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᭀᬭᬧᬲᬄ᭞ᬲᬳᬶᬭᬶᬂᬫᬤᬾᬤᬾᬲᬶᬗ᭄ᬕᬶᬄ᭞ᬓᬢᬯᬸᬭᬂᬫᬫᬋᬓᬦ᭄᭞ᬤᭀᬄᬓᬧᭀᬢᬶᬢ᭄ᬬᬂᬦᬶᬗ᭄ᬕᬮᬶᬦ᭄᭞ᬧᬗᬦ᭄ᬤᬶᬓᬦᬶᬳᬚᬶ᭞ᬪ