Kaca:Bali-lontar-gaguritan-rusak-gianyar-02-300ppi.pdf/24

[᭒᭓ 23B]
᭒᭓
ᬲᬭᬶᬳᬬᬸᬦᬦ᭄᭟ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬲ᭄ᬭᬦ᭄ᬢ᭞ᬪᬝᬭᬲᬸᬯᬾᬗᬦ᭄ᬢᭀᬲᬶᬦ᭄᭞ᬗᬶᬭᬶᬂᬕ᭄ᬮᬶᬲᬂᬫᬫᬃᬕ᭄ᬕ᭞ᬬᬦ᭄ᬲᬵᬫ᭄ᬧᬸᬦ᭄ᬤᬤᭀᬲᬲᬶᬓᬶ᭞ᬦᬧᬶᬫᬮᬶᬄᬧᬶᬦᭂᬳᬶᬦ᭄᭞ᬫᬸᬫ᭄ᬧᬸᬂᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬤᬬᬸᬄ᭞ᬧᬗᬶᬭᬶᬂᬲᬵᬫ᭄ᬧᬸᬦ᭄ᬤᬩ᭄ᬤ᭠
ᬩ᭄᭞ᬚᬸᬭᬸᬕᬬᭀᬢ᭄ᬚᬸᬭᬸᬳᬯᬶᬦ᭄᭞ᬓᬸᬤᬸᬲᬵᬫ᭄ᬧᬸᬦ᭄᭞ᬓᬭᬶᬚᬦ᭄ᬢᭀᬲ᭄ᬭᬶᬂᬩᬜ᭄ᬘᬶᬗᬄ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬗᬫᬃᬕ᭄ᬕᬶᬦᬶᬦ᭄ᬭᬶᬂᬧᬲᬶᬲᬶ᭞ᬓᬢᬄᬧᬜ᭄ᬚᬓᬾᬧᬤ᭄ᬗᭀᬓ᭄᭞ᬫᬦ᭄ᬢᭂᬕ᭄ᬢᬗ᭄ᬓᬄᬗᭂᬧᭂᬲ᭄ᬗᭂᬮᬶᬂ᭞ᬯᬾᬳ᭄ᬢᭂᬦ᭄ᬦᬾᬫᬸᬦ᭄ᬢᬂᬫ᭠
ᬦ᭄ᬢᬶᬂ᭞ᬓᬗᭂᬦ᭄ᬭᬶᬗᬦᬓᬾᬳᬕᬸᬂ᭞ᬳᬮᬶᬢᬮᬶᬢ᭄ᬲ᭄ᬢ᭄ᬭᬷᬳᬦᭀᬫ᭄᭞ᬲᬫᬶᬗ᭄ᬢᬾᬮ᭄ᬢᭀᬬᬦᬵᬓ᭄ᬱᬶ᭞ᬓᬤᬸᬂᬓᬤᬸᬂ᭞ᬬᬦ᭄ᬲᬯᬗᬂᬫᬶᬦᬩ᭄ᬩᬾᬮ᭟ᬭᬯᬸᬄᬭᬶᬂᬤ᭄ᬮᭀᬤ᭄ᬩᬜ᭄ᬘᬶᬗᬄ᭞ᬫᬯᬲ᭄ᬢᬭᬶᬂᬩᬜ᭄ᬚᬃᬲᬗ᭄ᬕᬶᬂ᭞ᬫᬤᬾᬧᬲᭂᬓ᭄ᬲᬵᬫ᭄ᬧᬸᬦ᭄ᬲᬾ
ᬤ᭞ᬧᬭᬭᬩᬶᬚᭂᬭᬶᬢ᭄ᬚᭂᬭᬶᬢ᭄᭞ᬤᬫᬃᬓᬸᬭᬸᬂᬳᭀᬕᬭᬶᬦ᭄᭞ᬫ᭄ᬩᬦ᭄ᬧᬥᬄᬤᬯᬕᬸᬂᬫᬬᬸᬦ᭄᭞ᬳᬮᬶᬢᬮᬶᬢᬾᬮᬸᬗ᭄ᬳᬵ᭞ᬚᬮᬦ᭄ᬩᬧᬩᬋᬂᬗᬶᬭᬶᬂ᭞ᬧᬂᬭᬳᬬᬸ᭞ᬫᬫᬃᬕ᭄ᬕᬓᬩᬜ᭄ᬚᬭᬗ᭄ᬓᬦ᭄᭟ᬳᬓᬾᬄᬲᬹᬓᬾᬬᬦᬸᬘᬧᬂ᭞ᬢᬶ᭠
[᭒᭔ 24A]
ᬗ᭄ᬓᬳᬦᬓᬾᬭᬶᬂᬫᬃᬕ᭄ᬕᬶ᭞ᬫᬤᭂᬓ᭄ᬲᬦ᭄ᬓᬗᭂᬦ᭄ᬩᭂᬗᭀᬂ᭞ᬗ᭄ᬢᭀᬦ᭄ᬲᬂᬲ᭄ᬠᭂᬓ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬓᬗᬶᬦ᭄᭞ᬕ᭠ᬕᭂᬮᬶᬲᬫ᭄ᬫᬗ᭄ᬓᬶᬦ᭄ᬭᬯᬸᬄ᭞ᬭᬶᬂᬚ᭄ᬭᭀᬩᬜ᭄ᬚᬭᬗ᭄ᬓᬦ᭄᭞ᬲᬸᬫᬶᬗ᭄ᬓᬶᬦᬸᬫᬸᬂᬓᬂᬢᬗᬶᬲ᭄᭞ᬢᬸᬮ᭄ᬬᬕᬸᬭᬸᬄ᭞ᬧᬕᭂᬋᬂᬭᬯᬸᬄ
ᬓᬚᬩ᭟ᬓᭀᬘᬧᬦᬓᬕᬸᬂᬗᬸᬭᬄ᭞ᬫᬧᬧᬸᬗᬸᬭᬶᬗᬶᬳᬚᬶ᭞ᬧᬘᬂᬗᬫᬃᬕ᭄ᬬᬂᬳᬸᬢᬸᬲᬦ᭄᭞ᬭᬶᬗᬶᬤᬲᬂᬫᬸᬢᭂᬃ᭠ᬩᬮᬶ᭞ᬓᬧᬢᬹᬢ᭄ᬧᬭᬳᬶᬲ᭄ᬢ᭄ᬭᬷ᭞ᬧ᭄ᬭᬬᬫᬫ᭄ᬤᭂᬓ᭄ᬓᬓ᭄ᬮᬸᬗ᭄ᬓᬸᬂ᭞ᬳᬦᬓᬕᬸᬂᬢᬦ᭄ᬧᬜ᭄ᬚᬂ᭞ᬓ᭄ᬦᬶᬧᬢᬹᬢᬾᬫᬃᬕ᭄ᬕᬶᬦᬶᬦ᭄᭞ᬩ᭄ᬬᬓ᭄ᬢᬦ᭄ᬫᬸ
᭞ᬲᭀᬢᬦᬶᬂᬪᬓ᭄ᬢᬶᬗᬯᬸᬮ᭟ᬫᬮᬶᬄᬗᬶᬦ᭄ᬓᬶᬦᬂᬧᬫᬃᬕ᭄ᬕ᭞ᬧᬗᬋᬧᬶᬲ᭄ᬢ᭄ᬭᬷᬓᬓᬮᬶᬄ᭞ᬩᬶᬬᬂᬳᬦᬓᬕᬸᬂᬗᬸᬭᬄ᭞ᬫᬫᬦ᭄ᬢᭂᬕ᭄ᬧᬸᬧᬸᬫᬦᬗᬶᬲ᭄᭞ᬧᬸᬢᬸᬦᬾᬧᬧᬲᬶᬳᬶᬦ᭄᭞ᬫᬓᬬᬸᬦ᭄ᬦᬸᬢᬸᬕ᭄ᬮᬗ᭄ᬓᬸᬂ᭞ᬳᬦᬓᬕᬸᬂᬩ᭄ᬬᬗᭀᬓ᭞ᬲᬋᬂᬲ᭠
ᬫ᭄ᬩᬶᬮ᭄ᬫᬧᬲᬶᬳᬶᬦ᭄᭞ᬗᬯᬾᬮᬦ᭄ᬢᬤ᭄᭞ᬢᬦ᭄ᬫᬋᬦ᭄ᬫᬢᬢᬗᬶᬲᬦ᭄᭟ᬧᬗᬶᬭᬶᬂᬲᬵᬫ᭄ᬧᬸᬦ᭄ᬢᬸᬫᬤᬂ᭞ᬦᬾᬫᬓ᭄ᬢᬢ᭄ᬤᬸᬂᬧᬗᬯᬶᬦ᭄᭞ᬲᬫᭂᬧᭂᬧᭂᬓ᭄ᬚᬸᬭᬸᬕᬬᭀᬢ᭄᭞ᬫ᭄ᬤᬮ᭄ᬗᬭᬭᬶᬲ᭄ᬫᬫᬃᬕ᭄ᬕᬶ᭞ᬗᭂᬫ᭄ᬩᭂᬂᬢᭀᬬᬦ᭄ᬧᬗᬓ᭄ᬱᬶ᭞ᬜᭂᬲᭂᬮ᭄ᬭᬭᬫᭂᬭᬄᬫᭂᬭᬸᬄ᭞