Kaca:Bali-lontar-gaguritan-rusak-gianyar-02-300ppi.pdf/22

[᭒᭑ 21B]
᭒᭑
ᬭᬳᬶᬦᬯ᭄ᬗᬶ᭞ᬧᬦ᭄ᬲᬵᬫ᭄ᬧᬸᬦ᭄ᬫᬲᬦᬶᬂᬭᬯᬸᬄ᭞ᬢᬶᬢ᭄ᬬᬂᬧᬫᬶᬢ᭄ᬲᬧᬶᬲᬦ᭄᭞ᬘᭀᬓᭀᬃᬤᬳᭂᬗ᭄ᬲᭂᬓ᭄ᬜᬳᬸᬭᬶᬦ᭄᭞ᬤᬦ᭄ᬤᬾᬦ᭄ᬗᬫ᭄ᬩᬸᬮ᭄᭞ᬳᬶᬘᬂᬚᬦᬶᬳᬲ᭄ᬢᬧᬬᬂ᭟ᬬᬾᬦᬶᬂᬤᬤᬶᬳᬮ᭄ᬬᬂᬩᬮ᭄ᬬᬦ᭄᭞ᬲᬳᬤᬤᬶᬕᬸᬫᬶᬩᬮᬶ
᭞ᬤᬾᬯᬕᬸᬗᬵᬃᬱᬜᬭᬢᬂ᭞ᬫᬥᬾᬧᬲᭂᬓ᭄ᬲᭂᬫᬸᬓ᭄ᬜᬶᬂ᭞ᬲᬵᬫ᭄ᬧᬸᬦ᭄ᬫᬜ᭄ᬚᬗᬂᬫᬮᬶᬄ᭞ᬤᬸᬄᬧᬶᬦᭂᬄᬭᬢᬸᬤᬾᬯᬕᬸᬂ᭞ᬭᬾᬄᬲᬓᬶᬂᬧ᭄ᬭᬫᬲᬓ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬾᬮᬦᬶᬦ᭄᭞ᬘᬸᬢᭂᬢ᭄ᬧᬸᬧᬸᬢ᭄᭞ᬭᬶᬂᬓ᭄ᬮᬸᬗ᭄ᬓᬸᬂᬫᬗ᭄ᬓᬶᬦ᭄ᬧᬶᬤᬃ
ᬢ᭟ᬳᬶᬤᬳᬦᬓᬕᬸᬂᬗᬸᬭᬄ᭞ᬲᬳᬤᬤᬶᬕᬸᬫᬶᬩᬮᬶ᭞ᬤᬾᬯᬕᬸᬳᬃᬱᬜᬭᬢᬂ᭞ᬧᬺᬲᬗ᭄ᬖᬦᬸᬦᬲ᭄ᬫ᭠ᬧᬫᬶᬢ᭄᭞ᬲᬸᬫᬗ᭄ᬰᬬᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬳᬾᬮᬶᬂᬭᬶᬗᬶᬤᬳᬶᬳᬚᬶ᭞ᬲᬸᬗ᭄ᬓᬦᬦᬵᬦ᭄ᬢᬓ᭄ᬮᬶᬗ᭄ᬲᬶᬭ᭄᭞ᬕᭂᬫ᭄ᬩᬭᬸ
ᬚᬸᬤᬵᬦ᭄ᬢᬸᬓ᭄ᬭᬸᬦ᭄ᬢᬸᬄ᭞ᬲᬫᬮᬶᬄᬯᬾᬦ᭄ᬢᭂᬦ᭄ᬳᭀᬃᬢ᭞ᬬᬢᬓᭀᬘᬧ᭄ᬲᬶᬓᭂᬧ᭄ᬩᬗ᭄ᬮᬶ᭞ᬧ᭄ᬭᬬᬗᬯᬸᬕ᭄᭞ᬦᬸᬯᬸᬓ᭄ᬲᬲᬶᬤᬲᬶᬤᬬᬦ᭄᭟ᬳᬢᬸᬭᬾᬫᬶᬲᭂᬭᬾᬄᬧᬶᬲᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲ᭄ᬯᬭᬦ᭄ᬩᭂᬤᬶᬮ᭄᭞ᬓ᭄ᬦᬶᬲᬫ᭄ᬧᬸᬦᬂᬓᬲᬾ᭠
[᭒᭒ 22A]
ᬧᬦ᭄᭞ᬧᬘᬂᬫᬗ᭄ᬫᬶᬢᬶᬳᬚᬶ᭞ᬲᬫ᭄ᬢᭀᬦᬮᬶᬢᬮᬶᬢ᭄᭞ᬳᬶᬲ᭄ᬢ᭄ᬭᬷᬤᬸᬭᬸᬂᬧᭂᬧᭂᬓ᭄ᬭᬯᬸᬄ᭞ᬓᬳᬶᬘ᭄ᬙᬾᬦ᭄ᬧᬦᬸᬕ᭄ᬭ᭠ᬳᬦ᭄᭞ᬢᬸᬫᬸᬮᬶᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬧ᭄ᬭᬬᬫᬦ᭄ᬢᬸᬓ᭄᭞ᬯᬸᬲ᭄ᬭᬯᬸᬄᬭᬶᬂᬩᬜ᭄ᬚᬭᬗ᭄ᬓᬦ᭄᭟ᬕᭂᬮᬲ᭄ᬧᬋᬓ᭄ᬲᬳᬲᭂᬫ᭄ᬩᬄ
᭞ᬳᬢᬸᬭᬾᬫᬢᬸᬂᬢᬸᬂᬢᬗᬶᬲ᭄᭞ᬜᬮᬾᬫ᭄ᬧᭀᬄᬗᬓᭂᬩᬶᬦ᭄ᬧᬗ᭄ᬓ᭄ᬯᬦ᭄᭞ᬳᬦᬓᬕᬸᬂᬓᬤᬶᬫᬗ᭄ᬓᬶᬦ᭄᭞ᬤᬸᬄᬓᬶᬢᬦᬾᬓᬧᬗ᭄ᬕᬶᬄ᭞ᬓᬍᬩᬸᬭᬶᬂᬓᬯᬄᬳᭂᬦ᭄ᬤᬸᬢ᭄᭞ᬩᬶᬦ᭄ᬧᬶᬤᬦ᭄ᬧᬘᬂᬮᬸᬓᬢ᭄᭞ᬲᬲᬸᬗ᭄ᬓᬦᬶᬂᬧᬜ᭄ᬘᬪᬸᬫᬶ᭞ᬲᬶ
ᬮᬶᬄᬧ᭄ᬓᬸᬮ᭄᭞ᬗᭂᬮᬸᬢ᭄ᬘᭀᬓᭀᬃᬫᬢᬗᬶᬲᬦ᭄᭟ᬳᬶᬓ᭄ᬢᬸᬢ᭄ᬧᬲᭂᬓ᭄ᬩᭂᬢᬾᬦᬦ᭄᭞ᬫᬧᬸᬗᬸᬲᬫ᭄ᬩᬶᬮᬂᬗᭂᬮᬶᬂ᭞ᬲᬵᬫ᭄ᬧᬸᬦ᭄ᬭᬢᬸᬫᬫᬜ᭄ᬚᬗᬂ᭞ᬭᬾᬄᬧᬦᬶᬢᬄᬲᬂᬳ᭄ᬬᬂᬯᬷᬥᬶ᭞ᬫᬦᬯᬶᬳᬫᬸᬦ᭄ᬦᬶᬓᬶ᭞ᬯᬢᭂᬲ᭄ᬧᬦᬸᬕ᭄ᬭᬦᬾᬤᬸᬫᬸᬦ᭄᭞
ᬳᬸᬲᬦᬂᬫᬜᬸᬗ᭄ᬓᬦᬂ᭞ᬲᬸᬫᬶᬗ᭄ᬓᬶᬦ᭄ᬫᬯᭂᬯᭂᬄᬤᬓᬶ᭞ᬫᬗ᭄ᬤᬮᬶᬲᬸᬄ᭞ᬓᬬᬸᬦᬾᬫᬶᬦᭂᬳᬶᬦ᭄ᬭᬕ᭟ᬩᭂᬘᬶᬓᬂᬗᬫᭀᬂᬧ᭄ᬭᬫᬩ᭞ᬧᬾᬕᭂᬳᬗᬸᬕᬶᬦᬢᬓᬶᬦ᭄᭞ᬬᬤ᭄ᬬᬦ᭄ᬭᬯᬸᬄᬧᬦ᭄ᬤᬾᬯᬢ᭞ᬭᬶᬂᬘᭀᬓᭀᬃᬳᬶᬤᬾᬯᬓᬮᬶᬄ᭞ᬳᬶ