[᭒᭐ 20B]
᭒᭐
᭞ᬳᬾᬋᬕ᭄ᬲᬚ᭄ᬭᭀᬓᬸᬳᬲᬫᬶ᭞ᬘᭀᬓᭀᬃᬤᬫᬗᬾᬧ᭄ᬭᬧ᭄ᬢᬶ᭞ᬳᬸᬢᬸᬲᬦ᭄ᬤᬾᬯᬕᬸᬂᬓ᭄ᬮᬸᬗ᭄ᬓᬸᬂ᭞ᬇᬫᭂᬮ᭄ᬧᬸᬭᬷᬦᬾᬭᬶᬂᬕ᭄ᬬᬜᬭ᭄᭞ᬤᬾᬦᬶᬂᬲᬶᬓᬭᬶᬫᬓ᭄ᬫᬶᬢ᭄᭞ᬧᬭᬳᬕᬸᬂ᭞ᬧᬺᬩ᭄ᬓᭂᬮ᭄ᬮᬦ᭄ᬲᬫ᭄ᬢᭀᬦᬦ᭄᭟ᬜᭂᬗ᭄ᬕᬸᬄᬭ
ᬕᬧᬘᬂᬭᬸᬲᬓ᭄᭞ᬲ᭄ᬭᬫᬸᬬᬸᬕ᭄ᬳᬢᬸᬭᬂᬪᬓ᭄ᬢᬶ᭞ᬘᭀᬓᭀᬃᬤᬳᬃᬱᬦᬭᬶᬫ᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬫᬭᬲᬫᬤ᭄ᬯᬾᬕᬸᬫᬶ᭞ᬤ᭄ᬫᭂᬦ᭄ᬓᬤᬾᬦ᭄ᬩᭂᬮᭀᬕᬚᬸᬫ᭄᭞ᬩᬮᬶᬹᬲ᭄ᬮᬶᬯᬢᬦ᭄ᬧ᭄ᬭᬧᬜ᭄ᬘ᭞ᬳᬶᬭᬶᬗᬦᬾ᭠
ᬓᭂᬦ᭄ᬤᭂᬮ᭄ᬲᬫᬶ᭞ᬲᬕᭂᬃᬫᬗ᭄ᬕᬸᬄ᭞ᬫᬸᬮᬩᬸᬢᬢᬸᬫ᭄ᬩᬾᬦ᭄ᬓᭂᬤᬢ᭄᭟ᬕᬢᬶᬜᬘᬦ᭄ᬭᬵᬚᬩ᭄ᬭᬡ᭞ᬤ᭄ᬭᬸᬯᬾᬦ᭄ᬧᬸᬭᬷᬕ᭄ᬬᬜᬃᬲᬫᬶ᭞ᬕᬸᬭᬸᬦ᭄ᬢᬶᬍᬫ᭄ᬫᬗᬸᬘᬾᬓ᭄ᬘᬓ᭄᭞ᬲᭂᬤᬦᬦ᭄ᬲᬫᬶᬳᭀᬫᬾᬏᬗᬶᬦ᭄᭞ᬤᬾᬯᬫᬺᬕᬦ᭄ᬫ
ᬓᬤᬶ᭞ᬗᬮᬶᬄᬳᭀᬃᬣᬚᬕ᭄ᬫᬫᭂᬭᬸᬮ᭄᭞ᬳ᭄ᬤᭀᬢ᭄ᬢᭂᬓᬾᬦ᭄ᬫᬲᬓᬦ᭄᭞ᬓᬢᭀᬓᭀᬲᬳᬶᬫᬮᬮᬶ᭞ᬗᬸ᭠ᬮᬄᬲᬬᬸ᭞ᬲᭀᬓ᭄ᬫᬩᬳᬦᬲᬓ᭄ᬱᬡ᭟ᬳᬾᬤᬍᬫ᭄ᬬᬦ᭄ᬘᬭᬶᬢᬬᬂ᭞ᬳᬶᬭᬶᬗᬦ᭄ᬓ᭄ᬮᬸᬗ᭄ᬓᬸᬗᬾᬲᬫᬶ᭞ᬜ
[᭒᭑ 21A]
ᬲᬸᬧ᭄ᬩᬶᬮᬗᬸᬫᬦ᭄ᬗᭀᬓ᭄᭞ᬜᬤ᭄ᬬᬮᬓᬃᬗᬮᬶᬄᬪᬸᬓ᭄ᬢᬶ᭞ᬫᬧᬶᬫᬧᬶᬦᬸᬮᬸᬗᬶᬦ᭄᭞ᬓᬤᬶᬘᬗᬓ᭄ᬢᭂᬧᬦ᭄ᬤᬦᬸ᭞ᬲᬶᬗᭀᬚᭀᬕ᭄ᬚᭂᬚᭂᬄᬗ᭄ᬢᭀᬭ᭄᭞ᬧᬢᬶᬚ᭄ᬮᬫᬸᬢ᭄ᬦᬸᬦᬲᬸᬭᬶᬧ᭄᭞ᬳᬧᬗᬶᬧᬸᬦ᭄᭞ᬤᬾᬦᬶᬂᬕᬸᬫᬶᬫᬲᬦ᭄ᬭᬸᬦ᭄ᬤᬄ᭟
ᬧᬭᬳᬶᬲ᭄ᬢ᭄ᬭᬷᬭᬶᬂᬚ᭄ᬭᭀᬧᬸᬭ᭞ᬓᬤᬶᬳᬸᬮᬫᬾᬭᬶᬂᬤᬸᬗ᭄ᬓᬶ᭞ᬧᬓ᭄ᬭᭀᬲᭀᬓ᭄ᬦᬳᭂᬦ᭄ᬩᬜ᭄ᬘᬦ᭞ᬓᬾᬦ᭄ᬓᬾᬦ᭄ᬩᬦ᭄ᬚᬦᬶᬫᬓ᭄ᬮᬶᬤ᭄᭞ᬓᬦ᭄ᬤᬸᬕᬶᬲᬮᬶᬂᬢᬭᬶ᭞ᬪᬓ᭄ᬢᬶᬭᬶᬗᬦᬓᬾᬳᬕᬸᬂ᭞ᬲᬫᬶᬧᬥᬜᬗ᭄ᬕᬸᬧᬂ᭞ᬧᬕᭂᬋᬂᬲᬶᬕ᭄ᬲᬶᬕᭂᬦ᭄ᬦᬗᬶᬲ᭄᭞ᬓ
ᬤᬶᬕᬸᬦ᭄ᬢᬸᬭ᭄᭞ᬓᬵᬮᬦᬶᬂᬰᬰᬶᬄᬓᬃᬣᬶᬓ᭟ᬳᬶᬫᬥᬾᬧᬲᭂᬓ᭄ᬓᬲᬾᬗᬦ᭄᭞ᬘᭀᬓᭀᬃᬤᬫᬓᬃᬱᬳᬦᬶᬂ᭞ᬭᬯᬸᬄᬤᬦᬾᬫᬭᬭᬫ᭄ᬧ᭞ᬘᭀᬓᭀᬃᬤᬗᬦ᭄ᬤᬶᬓᬓᬓᬶ᭞ᬚᬮᬦ᭄ᬩᬋᬂᬢᬢᬓᬶᬫ᭄᭞ᬗᬶᬭᬶᬗᬂᬓᬬᬸᬦ᭄ᬤᬾᬯᬕᬸᬂ
᭞ᬳᬧᬂᬩᬸᬓᬦᬾᬲᬸᬩ᭞ᬤᬸᬕᬲ᭄ᬗᬶᬭᬶᬂᬩᬧᬫᬗ᭄ᬓᬶᬲ᭄᭞ᬳᬶᬤᬾᬯᬕᬸᬂ᭞ᬧᬶᬦ᭄ᬤᬬᬂᬚᬦᬶᬳᬶᬩᬧ᭟ᬳᬶᬘᬂᬦᬾᬚᬦᬶᬳᭂᬫ᭄ᬧᬸᬳᬂ᭞ᬫᬥᬾᬧᬲᭂᬓ᭄ᬫᬢᬸᬃᬲᬶᬲᬶᬧ᭄᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬲᬶᬦᬫ᭄ᬧᬸᬭ᭞ᬓᬤᬶᬗᬸᬋᬤᬶᬦ᭄ᬲᬸᬪᬓ᭄ᬢᬶ᭞ᬗ᭄ᬮᬸᬗ᭄ᬲᬸᬃ᭠
Kaca:Bali-lontar-gaguritan-rusak-gianyar-02-300ppi.pdf/21
Kaca puniki sampun kauji-wacén
