[᭑᭙ 19B]
ᬦ᭄᭞ᬢᬳᬶᬕᬓ᭄ᬦᬶᬓᬩᭂᬤᬶᬮ᭄᭞ᬕᬶᬧᬶᬄᬩᬸᬤᬮ᭄ᬫᬕᭀᬲᭀᬗᬦ᭄᭞ᬫᬗ᭄ᬭᬭᬶᬲ᭄ᬧᬤᭂᬫᬲᬶᬓᬶ᭞ᬓᬦ᭄ᬢᬸᬦ᭄ᬮᭂᬮᭂᬄᬓᬓᬮᬶᬄ᭞ᬫᬢ᭄ᬕᭂᬦ᭄ᬓᬩᬓ᭄ᬢᬫᬦ᭄ᬢᬸᬓ᭄᭞ᬲᬶᬓᭂᬧᬾᬓᬳᬤᭂᬕᬂ᭞ᬭᬶᬂᬲᬫ᭄ᬧ᭄ᬮᬗᬦ᭄ᬫᬗᬸᬓᬸᬳᬶᬦ᭄᭞ᬦᬗᬸᬦ᭄ᬘᬸᬓ᭄ᬘᬸᬓ᭄
᭞ᬫᬢᬶᬦ᭄ᬫᬃᬕ᭄ᬕᬫᬮᬸᬫ᭄ᬩᬂ᭟ᬢᬸᬚᬸᬯᬾᬓ᭄ᬢᭂᬦᬶᬘ᭄ᬙᬦ᭄ᬤᬾᬯ᭞ᬭᬶᬗᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬬᬦ᭄ᬓᬲᬾᬧ᭄ᬫᬮᬶᬄᬳᬓᬶᬮᬧ᭄᭞ᬦ᭄ᬤᬾᬯᬳᬳᬶᬤᬭᬶᬂᬫᬃᬕ᭄ᬕᬶ᭞ᬓᬢᬸᬚᬸᬮᬶᬦ᭄ᬢᬂᬓᬗᬶᬦ᭄᭞ᬲᬾᬩᭂᬢᬸᬢᬸᬲᬦ᭄ᬓᬮᬸᬗ᭄ᬓᬸᬂ᭞ᬜᬕᬮᬯᬸᬢ᭄ᬗᬸ᭠
ᬦ᭄ᬤᭂᬕᬂ᭞ᬗᭂᬩᬢᬦ᭄ᬮᬶᬫᬫᬯᬗ᭄ᬲᬶᬢ᭄᭞ᬓᬯᬸᬓ᭄ᬓᬯᬸᬓ᭄᭞ᬭᬭᬶᬲ᭄ᬧᬥᬫᬚᬤᭂᬗᬦ᭄᭟ᬬᬦ᭄ᬚᬢᬶᬧᬸᬭᬸᬦ᭄ᬗ᭠ᬭᬸᬲᬓ᭄᭞ᬩᬶᬮᬶᬄᬓᬾᬫᬩᬭᬶᬩᬭᬶ᭞ᬤᬾᬦᬶᬗᬓᬾᬄᬫᬳᬶᬭᬶᬗᬦ᭄᭞ᬲᬯᬢᬭᬧᬶᬢᬸᬂᬩᬗ᭄ᬲᬶᬲ᭄᭞ᬲᬬ
ᬕᬬᬢ᭄ᬦᬲᬫᬶ᭞ᬲᬋᬂᬫᬕ᭄ᬢᬶᬄᬳᬩᬸᬂᬩᬸᬂ᭞ᬲᬫᬶᬕᬮᬓ᭄ᬫᬗᬫᬮ᭄᭞ᬜᬤ᭄ᬬᬫᬗ᭄ᬢᭀᬳᬂᬳᬸᬭᬶᬧ᭄᭞ᬓᬾᬄᬬᬦ᭄ᬯᬸᬯᬸᬲ᭄᭞ᬯᬸᬲ᭄ᬭᬯᬸᬄᬭᬂᬩᬜ᭄ᬚᬭᬗᬦ᭄ᬓᬦ᭄᭟ᬩᬗ᭄ᬮᬶᬦᬾᬫᬮᬶᬄᬳᬸᬘᬧᬂ᭞ᬗᬫᭂᬮ᭄ᬲᬸᬍᬤ᭄ᬩᬸᬓᬶᬢ᭄ᬚᬢᬶ᭞ᬭ᭠
[᭒᭐ 20A]
ᬯᬸᬄᬓᬧᬲᬶᬲᬶᬓ᭄ᬮᭀᬤ᭄᭞ᬲᬫ᭄ᬧ᭄ᬮᬗᬦ᭄ᬯᬾᬦ᭄ᬢᭂᬦ᭄ᬓᬮᬶᬗ᭄ᬓᬶᬂ᭞ᬳᬾᬩᭂᬓ᭄ᬫᬤᬕᬶᬂᬧᬤᬶ᭞ᬧᬸᬦᬶᬓᬭᬭᬶᬲ᭄ᬓᬋᬩᬸᬢ᭄᭞ᬢᭀᬂᬚᬗ᭄ᬓᬬᬦ᭄ᬫᬚᬭᬄ᭞ᬫᬲᭂᬕ᭄ᬲᭂᬕ᭄ᬦᭂᬤᬸᬦᬂᬧᬤᬶ᭞ᬦ᭄ᬕᭂᬦ᭄ᬜᬸᬯᬸᬦ᭄᭞ᬫᬕᬭᬂᬗᬮᬯᬦ᭄ᬢᬶᬫ᭄ᬧᬮ᭄᭟ᬧᬕ᭄ᬭᬾ
ᬧᬾᬫ᭄ᬦᬾᬓ᭄ᬥᬳᬸᬦᬂ᭞ᬫᬓ᭄ᬘᭀᬲ᭄ᬯᬾᬦ᭄ᬢᭂᬦ᭄ᬗᬸᬮᬦ᭄ᬢᬶᬂ᭞ᬗᬮᬦ᭄ᬤᭀᬓ᭄ᬲᬓᬤᬶᬩᬸᬓᬮ᭄᭞ᬲᬫ᭄ᬩᬶᬮᬂᬗᬸᬬᬸᬗᬂᬧᬤᬶ᭞ᬲᬩᬮᬳᬸᬚᬦ᭄ᬧᬤᬶ᭞ᬳᬩᭂᬢ᭄ᬦᬾᬩ᭄ᬢᬾᬦ᭄ᬫᬋᬩᬸᬢ᭄᭞ᬫᬮᬳᬶᬩᬂᬢ᭄ᬦᬳᬦ᭄᭞ᬮᬾᬦ᭄ᬫᬲᭂᬕ᭄ᬲᭂᬕ᭄ᬲ
ᬮᬶᬗᬫ᭄ᬩᬶᬲ᭄᭞ᬦ᭄ᬫᬄᬫᬶᬲᬸᬄ᭞ᬦᬾᬓᬤᭀᬗᬫ᭄ᬩᬶᬮ᭄ᬢᭂᬦᬳᬦ᭄᭟ᬢᬦ᭄ᬧᬾᬦ᭄ᬤᬄᬓᬤᬶᬘᬭᬶᬢ᭞ᬯᬢᭂ᭠ᬓ᭄ᬯᬦᬭᬦᬾᬗᬹᬦᬶ᭞ᬤᬸᬓ᭄ᬫᬓᬵᬃᬬ᭄ᬬᬲᬶᬢᬸᬩᬦ᭄ᬤ᭞ᬗᬚᬂᬩᬢᬸᬧᬶᬮᬄᬕᬶᬢ᭄ᬕᬶᬢ᭄᭞ᬫᬸᬦ᭄ᬤᬲᬮᬶᬂᬳᬫ᭄ᬩᬶᬮᬶᬦ᭄
᭞ᬚᬦ᭄ᬢᭀᬲ᭄ᬓᬮᬶᬗ᭄ᬓᬶᬗᬾᬧᬸᬚᬸᬂ᭞ᬗᬕᭂᬦᬶᬧᬸᬦ᭄ᬫᬓᬚᬂ᭞ᬦᬾᬕᭂᬫ᭄ᬩᬧᭀᬮᬶᬳᬲᭂᬧᬶᬂ᭞ᬓᬤᬶᬯ᭄ᬤᬸᬲ᭄᭞ᬕᬶ᭠ᬭᬂᬫ᭄ᬦᬾᬓ᭄ᬢᬭᬸᬋᬩᬄ᭟ᬢᬦ᭄ᬓᭀᬘᬧᬦ᭄ᬲᬂᬫᬚᬭᬄ᭞ᬭᬶᬂᬕ᭄ᬬᬜᬃᬳᬸᬘᬧᬂᬫᬮᬶᬄ᭞ᬲᬦᬯᭂᬕ᭄ᬯᭂᬦᬶᬧᬸᬧᬶᬓ
Kaca:Bali-lontar-gaguritan-rusak-gianyar-02-300ppi.pdf/20
Kaca puniki sampun kauji-wacén
