Kaca:Bali-lontar-gaguritan-rusak-gianyar-02-300ppi.pdf/14

Saking Wikisource
Kaca puniki sampun kauji-wacén

[᭑᭓ 13B]
᭑᭓
᭞ᬩᭂᬩᭂᬓᬶᬦᬜ᭄ᬘᬓ᭄ᬱᬚᬶ᭟ᬫᬗ᭄ᬓᬶᬦ᭄ᬓᭀᬢᬸᬲ᭄‌ᬧᬤᬩ᭄ᬟᬮᬶᬗ᭄ᬲᬶᬃᬩᬩᬶᬢ᭄ᬭ᭞ᬓᬦᬵᬕᬭᬦᭂᬤᬸᬦᬶᬦ᭄᭞ᬗᬺ᭠ᬋᬄᬓᬲᬶᬦᬳᬦ᭄᭞ᬧᬦ᭄ᬲᬢ᭄ᬲᬢ᭄ᬕᬸᬭᬸᬬᬩ᭞ᬬᬦ᭄ᬢᬦᬶᬤᬩᭀᬬᬧᭀᬮᬶᬄ᭞ᬬᬦᬸᬫᬋᬓ᭞ᬳᬾᬮᬶᬂᬰᬶ
ᬢᬶᬯᬳᬸᬦᬶ᭟ᬫᬦᬄᬦᬵᬕᬩᬦ᭄ᬤᬤᬸᬓ᭄ᬧᬮ᭄ᬩᭀᬦ᭄ᬓᬸᬦ᭞ᬧᬸᬦᬶᬓᬓ᭄ᬭᬡᬧᭀᬮᬶᬄ᭞ᬧᬲᬯᬸᬃᬘᭀᬓᭀᬃᬤ᭞ᬩᬸᬤᬮ᭄ᬭᬢᬸᬧᬤᬩ᭄ᬟ᭞ᬘᬸᬢᭂᬢᬢᬸᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬭᬾᬄᬓᬲᬾᬫ᭄ᬤᬳᬢ᭄᭞ᬭᬯᬸᬄᬧᬤᬸᬓᬫᬗ᭄ᬓᬶᬦ᭄᭟ᬓ
ᬤᬸᬗᬾᬭᬂᬳᬶᬰᬭᬳᬶᬧᬸᬦ᭄ᬗᬃᬬ᭄ᬬᬦᬂ᭞ᬩᭀᬬᬤᬤᭀᬲ᭄ᬯᬦ᭄ᬢᬸᬦᬶᬦ᭄᭞ᬧᬦ᭄ᬲᬵᬫ᭄ᬧᬸᬦ᭄ᬫᬘᬶᬳ᭄ᬦ᭞ᬕᬸᬢᬸᬲᬦ᭄ᬲᬂᬫᬸᬢᭂᬃᬭᬵᬢ᭄᭞ᬧᬤᬩ᭄ᬟᬳᬕᬾᬜᬳᬸᬭᬶᬦ᭄᭞ᬬᬦ᭄ᬲᬧᬸᬦᬶᬓ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄‌ᬗ᭄ᬕᬶᬄᬭᬭᬶᬲᬂᬧᬤ
ᬩ᭄ᬟᬦᬸᬮᬶᬫᬫᬃᬕ᭄ᬕ᭞ᬓᬦ᭄ᬢᬶᬦᬭᬶᬢᬭᬶᬂᬫᬃᬕ᭄ᬕᬶ᭞ᬭᬯᬸᬄᬭᬶᬕᬶᬬᬜᬭ᭄᭞ᬓᬢᬸᬃᬲᬧᬲᬭᬶᬧᭀᬮᬄ᭞ᬫ᭄ᬦᭂᬗᬦ᭠ᬓᬕᬸᬂᬫᬗ᭄ᬕᬶᬲ᭄᭞ᬗ᭄ᬭᬲᬾᬗᬵᬚ᭄ᬜᬦ᭞ᬳᬫ᭄ᬓᬸᬮ᭄ᬢᭀᬩᬦ᭄ᬢᬶᬘᬶᬦᬶᬦ᭄᭞ᬳᬕᬸᬂᬩᬋᬂᬯ᭄ᬓᬲᬦ᭄ᬭᬭᬶᬲ᭄ᬗᬦ᭄ᬤᬶᬓ᭞ᬥᬸᬄᬘ᭄ᬦᬶᬂ
[᭑᭔ 14A]
ᬜᬫᬲᬫᬶ᭞ᬧᬢᬹᬢᬾᬚᬓᬦᬂ᭞ᬤᬲᬭᬶᬦ᭄ᬩᬸᬤᬶᬰᬦ᭄ᬢᭀᬲ᭞ᬦᬄᬓᬓ᭄ᬮᬸᬗ᭄ᬓᬸᬂᬚᬦᬶᬢᬗ᭄ᬓᬶᬮ᭄᭞ᬤᬶᬳᬸᬢᬸᬦᬲᬂ᭞ᬲᬳᬸᬃᬫᬦᬸᬓ᭄ᬲᬂᬦᬗ᭄ᬓᬶᬮ᭄᭟ᬢᬸᬃᬓᬧᬢᬹᬢ᭄ᬬᭀᬕ᭄ᬬᬳᬦᬓᬕᬸᬂᬗᬸᬭᬄ᭞ᬓᬲᬋᬗᬶᬦ᭄ᬳᬶᬭᬳᬶ᭞ᬦᬓ᭠
ᬕᬸᬂᬕ᭄ᬟᬾᬭᬓ᭞ᬮᬦ᭄ᬫᬜ᭄ᬘᬲᬫ᭄ᬢᭀᬦᬦ᭄᭞ᬗᬸᬭᬄᬫᬥᬾᬫᬶᬦᬓᬤᬶ᭞ᬤᬾᬯᬩᬩᬶᬢ᭄ᬭ᭞ᬤᬾᬯᬢᬸᬮᬶᬓᬸᬧ᭄ᬫᬮᬶᬄ᭟ᬫᬓᬲᬗᬶᬸᬗ᭄ᬲᬶᬃᬳᬶᬤᬾᬯᬗᬸᬭᬄᬲ᭄ᬬᬗᬦ᭄᭞ᬮᬾᬦ᭄ᬓᬭᬶᬗ᭄ᬫᬶᬢ᭄ᬧᬸᬭᬷ᭞ᬓᬓ᭄ᬮᬸᬗ᭄ᬓᬸᬂᬦᬸᬦᬲᬂ᭞ᬭᬶᬗᬶᬤᬲᬂᬫᬸ᭠
ᬢᭂᬃᬭᬵᬢ᭄᭞ᬤ᭄ᬯᬦᬶᬂᬦᬵᬕᬭᬫᬩᬮᬶᬓ᭄᭞ᬲᬓᬾᬂᬳᬓᬃᬱ᭞ᬭᬾᬄᬯᬦ᭄ᬢᭂᬦ᭄ᬫᬜᬶᬦᬳᬶᬦ᭄᭟ᬯᬸᬲ᭄ᬓᬧᬢᬹ᭠ᬢ᭄ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬤᬩ᭄ᬤᬩ᭄᭞ᬧᬥᬗ᭄ᬮᬸᬯᬭᬶᬦ᭄ᬢᬗ᭄ᬓᬶᬮ᭄᭞ᬳᬦᬓᬕᬸᬂᬗᬸᬭᬄ᭞ᬓᭀᬘᬧ᭄ᬭᬶᬂᬲᬲᬭᬾᬦᬦ᭄᭞ᬧᬭ
ᬭᬩᬶᬧᬥᬦᬗᬶᬲ᭄᭞ᬫᬦᬶᬕ᭄ᬳᬶᬕ᭄ᬭᬕ᭞ᬮᬾᬦ᭄ᬯᬾᬦ᭄ᬢᭂᬦ᭄ᬫᬗᬸᬮᬶᬮᬶᬂ᭟ᬲ᭄ᬭ᭄ᬬᭀᬓ᭄ᬭ᭄ᬬᭀᬓ᭄ᬢᬗᬶᬲᬾᬲᬯᬗᬵᬫ᭄ᬧᬸᬩᬦ᭄᭞ᬧᬯ᭄ᬯᭀᬗᬦ᭄ᬧᬥᬲ᭄ᬤᬶᬄ᭞ᬭᬭᬶᬲ᭄ᬲᬫᬶᬫ᭄ᬤᬮ᭄᭞ᬳᬦᬓᬾᬳᬕᬸᬂᬗᬸᬭᬄ᭞ᬬᬂᬮᬶᬫᬂᬤᬶᬭᬶᬫᬗᬶᬭᬶᬂ᭞ᬦᬸᬮᬶᬫ᭠