[᭓᭔ 34B]
᭓᭔
ᬧᬸᬢᬶᬄ᭞ᬓᬲᬸᬦ᭄ᬤᬸᬮ᭄ᬳᬸᬮᬶᬤᬸᬭᬶ᭞ᬩᬩᬦ᭄ᬤᬭᬦᬾᬳᬓ᭄ᬭᬸᬕ᭄᭞ᬧᬥᬳᬤᬗᬢᭂᬳᬂ᭞᭠ᬓᬸᬤᬂᬫᬓᬸᬦ᭄ᬤᬂᬫᬫ᭄ᬩᬦ᭄ᬢᬗᬶᬦ᭄᭞ᬫᬶᬭᬶᬩ᭄ᬕᬫ᭄ᬩᬸᬄ᭞ᬫᬦᭀᬮᬶᬄᬗᬾᬢᬾᬲᬂᬮᬶᬫ᭟ᬲᬤᬗᬾ
ᬗ᭄ᬕᬮᬂᬫᬚᬮᬦ᭄᭞ᬩᬚᬂᬧᬥᬭᬫ᭄ᬧᬶᬂᬭᬫ᭄ᬧᬶᬂ᭞ᬳᬤᬗᬶᬗ᭄ᬕᭂᬓ᭄ᬫᬳᬾᬗ᭄ᬕᭀᬢᬦ᭄᭞ᬜᬭᬾᬭᬾᬫᬗᬸᬲᬧ᭄ᬩᬶᬩᬶᬄ᭞ᬜᬍᬤᬾᬢ᭄ᬩᬸᬓᬢᬝᬶᬢ᭄᭞ᬮᬾᬦ᭄ᬳᬤᬫᬲᬶᬮᬄᬮᬸᬯᬸᬂ᭞ᬫᬚᬮᬦ᭄ᬤᬾᬫ᭄ᬧᭀ
ᬤᬾᬫ᭄ᬧᭀ᭞ᬬᬦ᭄ᬲᬯᬗᬂᬫᬳᬶᬭᬶᬩ᭄᭞ᬲ᭄ᬤᬶᬄ᭞ᬳᬦᬢᬸᬬᬸᬄ᭞ᬫᬚᬮᬦ᭄ᬫᬳᬯᬜ᭄ᬚᬭᬦ᭄᭟ᬳᬤᬫ᭄ᬯᬦᬶᬦᬸᬭᬶᬬᬦ᭄᭞ᬦᬶᬓᬸᬮ᭄ᬧᬚᭂᬂᬓ᭄ᬜᬶᬂᬓ᭄ᬜᬶᬂ᭞ᬲ᭄ᬩᭂᬗᬾᬫᬶᬭᬶᬩ᭄ᬗᭂᬮᬳᬂ᭞ᬫᬶᬲᬥ᭄ᬬᬦᬕᬶᬄᬳᬤ᭠ᬗ
ᬤᬶᬦ᭄᭞ᬳᬤᬓᬸᬦ᭄ᬤᬂᬤᬶᬉᬭᬶ᭞ᬧᬢᬸᬄᬧᬥᬫᬢᭂᬗ᭄ᬓᬸᬮᬸᬓ᭄᭞ᬫᬳᬗᭀᬤᬾᬃᬩᬚᬂᬩᬚᬂ᭞ᬲᭀᬮᬳᬾᬗ᭄ᬜᬸᬤᬗ᭄ᬳᬢᬶ᭞ᬜᬦ᭄ᬤᬂᬲᬸᬗ᭄ᬲᬸᬂ᭞ᬳᬗ᭄ᬕᭀᬦ᭄ᬳᬃᬘ᭄ᬘᬤᬶᬧ᭄ᬥᭂᬫᬦ᭄᭟ᬧᬚᬮᬦᬾᬍᬜ᭄ᬚ᭠
[᭓᭕ 35A]
ᬍᬜ᭄ᬚ᭞ᬕᬯᭀᬓ᭄ᬳᬦᬓᬾᬫᬩᬮᬶᬄ᭞ᬢ᭄ᬯᬭᬲᬸᬘᬸᬤ᭄ᬫᬦᬼᬓ᭄ᬢᭂᬓᬂ᭞ᬲᬶᬂᬳᬶᬯᬲᬶᬦ᭄ᬧᬥᬧ᭠ᬗᬶᬤ᭄᭞ᬫᬭᬾᬭᭀᬤ᭄ᬩᬸᬓᬧᬸᬢ᭄ᬭᬶ᭞ᬤᬶᬤᬸᬭᬶᬲᬕᬾᬢ᭄ᬫᬓᬸᬯᬸᬕ᭄᭞ᬩ᭄ᬤᬶᬮ᭄ᬫᬧᬦ᭄ᬢᬧᬦ᭄ᬢ᭞ᬫᬫᬲ᭄ᬫᬗ᭄ᬩᭂᬓᬶ
ᬦ᭄ᬫᬃᬕ᭄ᬕᬶ᭞ᬢ᭄ᬤᬸᬂᬳᬕᬸᬂ᭞ᬫᬓᭂᬫ᭄ᬩᭂᬃᬫᬧᬭᬾᬦ᭄ᬤᬄ᭟ᬧᬗᬶᬭᬶᬗᬾᬫᬕ᭄ᬚᭂᬭᬦ᭄᭞ᬤᬶᬫᬃᬕ᭄ᬕᬶᬦᬾ᭠ᬓᬤᬶᬧᬲᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬲᬵᬫ᭄ᬧᬸᬦ᭄ᬧᬥᬢ᭄ᬥᬸᬦ᭄ᬲᬫᬶ᭞ᬧᬫᭂᬦ᭄ᬤᬓᬾᬫᬦᬫ᭄ᬧᭂ᭠
ᬓᬶᬦ᭄᭞ᬧᬥᬗᬫᭀᬗᬶᬦ᭄ᬫᬢᬸᬦ᭄ᬢᬸᬦ᭄᭞ᬗ᭄ᬭᬭᬶᬲ᭄ᬫᬓᭀᬍᬫᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬦᬫ᭄ᬧᬶᬯ᭄ᬗᬶ᭞ᬤᬤᬶᬲᬸᬭᬸᬧ᭄᭞ᬧᬗᬶᬭᬶᬗᬾᬫᬳᬶᬜ᭄ᬚᭂᬗᬦ᭄᭟ᬳᬸᬫᬶᬦᬾᬲᬬᬦ᭄ᬫ᭄ᬢᭂᬗᬂ᭞ᬲᬸᬩᬜᬦ᭄ᬤᬂᬦᭂᬜᬶ᭠
ᬢ᭄ᬲᬸᬦ᭄ᬤᬶᬄ᭞ᬫᬲᬶᬄᬢ᭄ᬯᬭᬩᬶᬱᬧ᭄ᬕᬢ᭄᭞ᬦ᭄ᬓᬳᬬᬂᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬦᬾᬦᬾᬢ᭄ᬓᭂᬤ᭄ᬤᬶᬤᭀᬭᬶ᭞ᬓᬾᬯᭂᬄᬢ᭄ᬯᬭᬳᬤᬮᬓᬸ᭞ᬮᬾᬦ᭄ᬦᬾᬫᬗᬩᬕᬬᭀᬢ᭄᭞ᬫᬲᭂᬓ᭄ᬱᭂᬓ᭄ᬢᭀᬗᬤᬜᬫ᭄ᬧᬶᬂ᭞ᬗᬩ
