[᭓᭓ 33B]
᭓᭓
ᬫᬩᬮᬶᬄ᭞ᬘ᭄ᬦᬶᬓ᭄ᬓᭂᬮᬶᬄᬩᬚᬂᬢᬸᬯ᭞ᬫᬓᬭᭀᬦ᭄ᬮᬸᬄᬫ᭄ᬯᬦᬶ᭞ᬲᭂᬓ᭄ᬲᭂᬓ᭄ᬗᭂᬩ᭄ᬓᬶᬦ᭄ᬫᬃᬕ᭄ᬕᬶ᭞ᬲᭀᬭᭀᬄᬤᬕᬂᬧᬥᬭᬯᬸᬄ᭞ᬳᬾᬜ᭄ᬚᭀᬂᬫᬗᬸᬗ᭄ᬲᬶᬧᭀᬦ᭄ᬤᭀᬓ᭄᭞ᬫᬭᬾᬭᭀᬤ᭄ᬲᬮᬶᬂᬳᬢᭂᬧᬶᬦ᭄᭞᭠
ᬮᬦ᭄ᬫᬢᬸᬯᬸᬓ᭄᭞ᬤᬕᬗᬾᬢᬦ᭄ᬧᬲᬦ᭄ᬤᬗᬦ᭄᭟ᬤᬕᬂᬕᬦ᭄ᬢᬮ᭄ᬫᬜᬮᬲᬃ᭞ᬤᬶᬧᭀᬦ᭄ᬤᭀ᭠ᬓ᭄ᬫᬤᬕᬂᬓᭀᬧᬶ᭞ᬲᬲᬗᬦᬦ᭄ᬩᬵᬮᬶᬚᬯ᭞ᬫᬶᬲ᭄ᬯᬕᬶᬧᬂᬓᬸᬧᬭᭀᬢᬶ᭞ᬍᬫᬸᬄᬫᬕᬸᬮᬧᬲᬶᬃ᭞ᬭ
ᬓᬳᭂᬳᬓᬧᬥᬮ᭄ᬬᬸ᭞ᬳᬓᬸᬤᬦ᭄ᬩᬩᬶᬗ᭄ᬓᬶᬮᬦ᭄᭞ᬤᬕᬂᬫᬗ᭄ᬩᭂᬓᬶᬦ᭄ᬫᬃᬕ᭄ᬕᬶ᭞ᬤᬕᬂᬚᬕᬸᬂ᭞ᬧ᭄ᬢᬶᬲ᭄ᬲᬩ᭄ᬭᬂᬚᭂᬫ᭄ᬧᬶᬭᬗᬦ᭄᭟ᬳᭀᬋᬕ᭄ᬓᬵᬢᬸᬢ᭄ᬤᬕᬂᬧᬶᬦ᭄ᬤᬂ᭞ᬤᬶᬳᬋᬧ᭄ᬗᬓ᭄ᬫᬗᭂᬜ᭄ᬚᬶᬓ᭄᭞ᬮ᭄ᬬᬸᬤᬕᬗᬾ
ᬦᬫ᭄ᬧ᭄ᬬᬕ᭄᭞ᬢᭀᬗᬸᬤᬫᬢᬸᬯᬸᬓ᭄ᬫᬳᬶ᭞ᬫᬓ᭄ᬤᬸᬲ᭄ᬳᭂᬩᭀᬦᬾᬳᬦ᭄ᬤᬶᬄ᭞ᬮᬯᬸᬢ᭄ᬩᬗᬸᬦ᭄ᬧᬢᬶᬢᬸᬯᬸᬓ᭄᭞ᬋᬗᬲ᭄ᬫᬩᬃᬧᬧᭂᬗ᭄ᬕᬓ᭄᭞ᬩᬸᬓᬢᬸᬮᬸᬤᬂᬫᬜᬸᬫ᭄ᬧ᭄ᬭᬶᬢ᭄᭞ᬢᭂᬧᬾᬦ᭄ᬧᬬᬸᬓ᭄᭞ᬫ
[᭓᭔ 34A]
ᬦ᭄ᬤᬸᬲ᭄ᬩᬳᬳᬦ᭄ᬓ᭄ᬯᬄᬧᬶᬦ᭄ᬤᬂ᭟ᬓ᭄ᬤᬾᬓ᭄ᬫᬸᬯᬸᬕ᭄ᬫᬢᬸᬮᬸᬯᬦ᭄᭞ᬚ᭄ᬗᬳᬯᬓᬾᬫᬮᬳᬶᬩ᭄᭞ᬗᬫᭀᬮ᭄ᬫᭀᬮ᭄ᬓᭂᬮᬗᬦ᭄ᬧᬶᬦ᭄ᬤᬂ᭞ᬲᬸᬩᬢ᭄ᬓᬄᬕᬭᬂᬘᬶᬘᬶᬂ᭞ᬗᬮᬶᬄᬳᬶᬮᬶᬤ᭄ᬫᬗ᭄ᬮᬶᬂ᭞ᬫᬢᬚᬸᬄ᭠
ᬫᬗᬸᬭᬸᬢ᭄ᬳᭂᬦ᭄ᬢᬸᬤ᭄᭞ᬗᬸᬯᬾᬮ᭄ᬫᬲᬲᬫ᭄ᬩᬢᬦ᭄᭞ᬦᬦᬓᬂᬕᬶᬭᬂᬫᬩᬮᬶᬄ᭞ᬤᬤᬶ᭠ᬮᬩᬸᬄᬳᭀᬯᬸᬦ᭄ᬤᬂᬳᭀᬜᬧᬬᬸᬓ᭄ᬩᭂᬮᬄ᭟ᬫᬜ᭄ᬘᬲᬸᬩᬫᬤᬩ᭄ᬤᬩᬦ᭄᭞ᬦᬾᬓᬳᬸᬗ᭄ᬕᬸᬄᬫᬦ
ᬦ᭄ᬤᬓᬶᬦ᭄᭞ᬲ᭄ᬯᬾᬗᬦ᭄ᬢᬶᬓᬭᬶᬜᬦ᭄ᬢᭀᬲ᭄᭞ᬤᬸᬭᬸᬂᬫᬭᬯᬢ᭄ᬧᬗᬶᬭᬶᬂ᭞ᬲᬹᬃᬬ᭄ᬬᬦᬾᬧᬶᬦᬄᬲᬶᬗᬶᬢ᭄᭞ᬲᬯᬢᬭᬤᬯᬸᬄᬧᬶᬢᬸ᭞ᬩᬯᬸᬫᬭᬫᬭᬯᬢ᭄᭞ᬫᬗᭂᬦ᭄ᬩᬳᬲ᭄ᬳᬢᬧᬶ᭠
ᬲ᭄᭞ᬗᬩᬢ᭄ᬩᬸ᭞ᬮᬾᬦ᭄ᬤᬸᬮᬂᬘᬭᬢᬦ᭄ᬓᬧᬮ᭟ᬲᬬᬦ᭄ᬗᭂᬦᬄᬧᬘᬮᬜ᭄ᬘᬦ᭄᭞ᬩᬩᬦ᭄ᬤᬭᬦ᭄ᬓᭀᬢᬓ᭄ᬧ᭄ᬢᬶ᭞ᬭᭀᬚᬾᬂᬓᬾᬢᬾᬮ᭄ᬗᭂᬢᬾᬳᬦ᭄᭞ᬭᬦ᭄ᬢᬂᬓᭀᬢᬓ᭄ᬩ᭄ᬲᬶ
