Kaca:Bali-lontar-gaguritan-rusak-gianyar-01-350ppi.pdf/32

Saking Wikisource
Kaca puniki sampun kauji-wacén

[᭓᭑ 31B]
᭓᭑
ᬧᬫᬸᬗᬸᬦ᭄ᬳᬶᬤᬲᬗ᭄ᬓᬮᬶᬄ᭞ᬤᬾᬦᬶᬂᬳᬦᬹᬢ᭄᭞ᬲᬓᬤᬶᬉᬘᬧᬶᬂᬰᬵᬲ᭄ᬢ᭄ᬭ᭟ᬫᬲᬥᬦᬧᬲ᭄ᬬᬓᬭᬡ᭞ᬯ᭄ᬢᬸᬇᬘᬵᬕᬦ᭄ᬢᬶᬕᬦ᭄ᬢᬶ᭞ᬉᬲᬦ᭄ᬫᬧᬫᬶᬢ᭄ᬲᬧᬶᬲᬦ᭄᭞ᬫᬦᭂᬫ᭄ᬩᬳᬶᬤᬲᬗ᭄ᬓᬮᬶᬄ᭞ᬤᬾᬦᬶᬂ᭠
ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬧᬗ᭄ᬭᬯᭀᬲ᭄ᬫᬧᬫᬶᬢ᭄ᬫᬦ᭄ᬢᬸᬓ᭄᭞ᬧ᭄ᬭᬬᬧᬘᬂᬫᬗᬸᬦᬶᬗᬂ᭞ᬧᬸᬧᬸᬢ᭄ᬧᬗ᭄ᬭᬯᭀᬲᬾᬫᬗ᭄ᬓᬶᬦ᭄᭞ᬫᬗ᭄ᬤᬭᬯᬸᬄ᭞ᬳᬶᬤᬲᬂᬢᬶᬕᬦᬵᬕᬭ᭟ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬳᬦ᭄ᬩᬸᬤᬮ᭄᭞ᬩ
ᬥᬸᬂᬲᬋᬂᬮᬦ᭄ᬫᬗ᭄ᬯᬶ᭞ᬳᬲ᭄ᬢᬓᬡᬲᬸᬫ᭄ᬓᭂᬃ᭞ᬫᬫᬃᬕ᭄ᬕᬶᬦᬸᬯᬸᬢ᭄ᬧᬲᬶᬲᬶ᭞ᬫᬓᬭᭀᬦᬦ᭄ᬫᬫᬃᬕ᭄ᬕᬶ᭞ᬕᬕᬜ᭄ᬘᬗᬦ᭄ᬧᬥᬭᬯᬸᬄ᭞ᬲᬵᬫ᭄ᬧᬸᬦ᭄ᬲᬫᬶᬗᬸᬦᬶᬗᬂ᭞ᬲᬯᬘᬦᬤᬍᬫ᭄ᬲᬫᬶ᭞ᬬᬦ᭄ᬭᬶᬂᬩᬥᬸᬂ᭞ᬫᬮᬶᬄ
ᬗᬯᬗᬸᬦ᭄ᬲᬸᬭᬢ᭄᭟ᬗ᭄ᬲᬾᬗᬶᬦ᭄ᬫᬜ᭄ᬘᬕ᭄ᬬᬜᬃ᭞ᬓᬮᬶᬄᬩ᭄ᬭᬵᬳ᭄ᬫᬡᬲᬸᬮᬶᬗ᭄ᬕᬶᬄ᭞ᬳᬲᬶᬂᬲ᭄ᬤᭂᬂᬫ᭄ᬗᬓ᭄ᬢᬲᬸᬭᬵᬢ᭄᭞ᬉᬢᬸᬲᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬤᬕᬶᬂᬳᬶᬧᬸᬦ᭄ᬓᬳᬶᬭᬶᬂ᭞ᬲᬢᬶᬢᬄᬳᬦᬓᬾᬳᬕᬸᬂ᭞

[᭓᭒ 32A]
ᬕ᭄ᬥᬾᬗᬸᬭᬄᬧᬫ᭄ᬘᬸᬢᬦ᭄᭞ᬧ᭄ᬭᬬᬯᬾᬦ᭄ᬢᭂᬦ᭄ᬳᬶᬤᬲᬸᬮᬶᬗ᭄ᬕᬶᬄ᭞ᬧ᭄ᬭᬬᬭᬯᬸᬄ᭞ᬫᬸᬧᬸᬢᬂᬧᬦᬫᬬ᭟ᬢᬦ᭄ᬮᬾᬦ᭄ᬤᬦᬾᬓ᭄ᬢᬸᬢ᭄ᬲᬭ᭞ᬯᭀᬂᬳᬦ᭄ᬤᭂᬮ᭄ᬧᬘᬂᬗᬶᬭᬶᬂ᭞ᬬᬦ᭄ᬲᬯᬗᬂᬬᬸᬥᬶᬱ᭄ᬝᬶᬭ᭞ᬧᬺᬦᬄᬧᬸᬢ᭄ᬭ᭠
ᬤᬾᬯᬶᬓᬸᬦ᭄ᬢᬷ᭞ᬓᬳᬦᬦᬶᬂᬥᬃᬫ᭄ᬫᬭᬶᬭᬶᬄ᭞ᬳᬍᬧ᭄ᬢᬶᬗ᭄ᬓᬳᬾᬳᬸᬫᬵᬢᬹᬃ᭞ᬓᬳᬶᬘ᭄ᬙᬾᬦ᭄ᬧᬗᬯᬰ᭞ᬦᬾᬩᬾᬜ᭄ᬚᬂᬚᬕᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬗᬺᬘᭀᬲᬾᬭᬶᬂᬕ᭄ᬬᬜᬃ᭟ᬲ᭄ᬫᭂᬗᬦ᭄ᬲᬸ᭠
ᬩᬫᬤᬩ᭄ᬤᬩ᭄᭞ᬳᬦᬓ᭄ᬫᬸᬮᬧ᭄ᬭᬬᬕᬢᬶ᭞ᬧᬥᬡ᭄ᬥᬭᬭᬶᬲ᭄ᬫᬫᬃᬕ᭄ᬕ᭞ᬳᬶᬓ᭄ᬢᬸᬢ᭄ᬲᬭᬫᬗᬶᬭᬶᬂ᭞ᬫᬳᬯᬦ᭄ᬓᬸᬤᬕ᭄ᬮᬶᬲ᭄᭞ᬧᬗᬶᬭᬶᬂᬳᬓᬾᬄᬫᬗ᭄ᬢᬸᬢ᭄᭞ᬫᬾᬄᬲᬵᬫ᭄ᬧᬸᬦ᭄ᬤᬯᬸᬄᬢᬶᬕ᭞ᬧᬥᬗᬸᬮ᭠
ᬳᬂᬫᬫᬃᬕ᭄ᬕᬶ᭞ᬢ᭄ᬓᬜᬸᬚᬸᬃ᭞ᬗᭀᬚᭀᬕ᭄ᬩᬜ᭄ᬘᬶᬗᬄ[strike]ᬤᬾᬦ᭄ᬧᬲᬃ᭟ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬗ᭠ᬯ᭄ᬓᬲᬂ᭞ᬧᬥᬡ᭄ᬥᬭᬭᬶᬲ᭄ᬓᬧᬸᬭᬶ᭞ᬢᬦ᭄ᬓᬾᬲᬄᬳᬶᬓ᭄ᬢᬸᬢ᭄ᬲᬭ᭞ᬤᬶᬧᬲᬭᬾᬦᬦ᭄ᬫᬦᬗ᭄ᬓᬶᬮ᭄᭞ᬭᬭ