Kaca:Bali-lontar-gaguritan-rusak-gianyar-01-350ppi.pdf/27

Saking Wikisource
Kaca puniki sampun kauji-wacén

[᭒᭖ 26B]
᭒᭖
ᬦ᭄ᬕᬸᬫᬶ᭞ᬧᬜ᭄ᬚᬓᬾᬳᬾᬕᬃ᭞ᬫᬩᬶᬦ᭄ᬤᭂᬃᬲᬮᬶᬂᬢᬭᬶ᭟ᬲᬓᬶᬂᬩᬥᬸᬂᬧ᭄ᬭᬫᬗ᭄ᬓᬶᬦ᭄ᬦᬶᬜ᭄ᬘᬧᬂᬭᭀᬯᬂ᭞ᬓᬲᬶᬫᬦ᭄ᬫᬳᬫᬸᬘᬸᬓᬶᬦ᭄᭞ᬗᬯᬸᬕ᭄ᬩᬢᬸᬩᬸᬮᬦ᭄᭞ᬕᬸᬫᬶᬘᬶᬓ᭄ᬓᬲᬋᬗᬂ᭞ᬲᬓᬶᬂᬳᬶᬦ᭄ᬢᬭᬦ᭄ᬫᬗᬶ᭠
ᬲᬶ᭞ᬳᬶᬕᬸᬲ᭄ᬢᬶᬗᬸᬭᬄ᭞ᬫᬥᬾᬲᬓᬶᬂᬚ᭄ᬭᭀᬤᬗᬶᬦ᭄᭟ᬲᬓᬶᬂᬩᬗ᭄ᬮᬶᬧ᭄ᬭᬫᬗ᭄ᬓᬶᬦ᭄ᬦᬶᬜ᭄ᬘᬧᬂᬭᭀᬯᬂ᭞ᬲᬶᬥᬦ᭄ᬤᬸᬓᬸᬄᬓᬕᬶᬲᬶ᭞ᬧᬦ᭄ᬲᬶᬦᬾᬓᬚᬦ᭞ᬳᬦᬓ᭄ᬳᬕᬸᬂᬫᬥᬾᬓ᭞ᬜᬼᬕᬶᬦ᭄ᬧᬜ᭄ᬚ
ᬓᬾᬲᬫᬶ᭞ᬢ᭄ᬯᬭᬜᭂᬗ᭄ᬓᬬᬂ᭞ᬦᬤ᭄ᬬᬦ᭄ᬫᬦ᭄ᬲᭂᬓ᭄ᬧᬸᬭᬶ᭟ᬳᬦᬓ᭄ᬳᬕᬸᬂᬲᬸᬓᬯᬢᬶᬫᬘᬶᬗ᭠ᬓ᭄᭞ᬕ᭄ᬮᬸᬦᬾᬢᬦ᭄ᬲᬶᬧᬶ᭞ᬩᬵᬦᬾᬓᬳᬶᬍᬳᬦ᭄᭞ᬧᬸᬭᬶᬦᬾᬩᬵᬜ᭄ᬚᬦ᭄ᬫ᭞ᬦ᭄ᬢᭀᬳᬯᬦᬦ᭄ᬳᬶᬤ
ᬫᬶᬚᬶᬮ᭄᭞ᬲᬳᬧᬋᬓᬦ᭄᭞ᬯᬾᬦ᭄ᬢᭂᬦ᭄ᬲᬢᬸᬲ᭄ᬫᬗᬶᬭᬶᬂ᭟ᬲᬳᬲᬶᬓᭂᬧ᭄ᬳᬶᬤᬭᬭᬶᬲ᭄ᬗᬚ᭠ᬩᬬᬂ᭞ᬤᬶᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭞ᬓᬭᬶᬫᬶᬚᬦ᭄ᬢᭂᬦᬂ᭞ᬭᬭᬶᬲ᭄ᬘᭀᬓᭀᬃᬤ᭄ᬥᬪᬷᬫ᭞ᬓᬩᬜ᭄ᬘᬶ

[᭒᭗ 27A]
ᬗᬄᬜᬕ᭄ᬚᬕᬶᬦ᭄᭞ᬭᬯᬸᬄᬳᬶᬭᬶᬓ᭞ᬲᬫᬶᬲᬋᬂᬫᬮᬶᬗ᭄ᬕᬶᬄ᭟ᬩᬕᬸᬲ᭄ᬭᬳᬶᬫᬦᬸᬢᬸᬕ᭄ᬳᬶᬤᬘᭀᬓᭀᬃᬤ᭄ᬥ᭞ᬳᬓᬾᬄᬚᬦ᭄ᬫᬫᬗᬶᬭᬶᬂ᭞ᬢ᭄ᬩᭂᬂᬤᬶᬩᬜ᭄ᬘᬶᬗᬄ᭞ᬭᬭᬶᬲ᭄ᬘᭀᬓᭀᬃᬤ᭄ᬥᬪᬶᬫ᭞ᬓ᭄ᬫᭂᬢ᭄ᬭ
ᬯᭀᬲᬾᬫᬦᬭᬶ᭞ᬦᬾᬘᬳᬶᬕ᭄ᬥᬾ᭞ᬳᬫ᭄ᬩᬸᬮ᭄ᬳᬧᬦᬾᬦᬾᬚᬦᬶ᭟ᬇᬥᭂᬧ᭄ᬩᬧᬚᬦᬶᬫᬩᬮᬶ᭠ᬓ᭄ᬓᬕ᭄ᬬᬜᬃ᭞ᬫᬮᬶᬓᬶᬦ᭄ᬳᬶᬤᬾᬫᬗ᭄ᬕᬶᬲ᭄᭞ᬬᬾᬜ᭄ᬘᬳᬶᬦᬸᬢᬺᬱ᭄ᬡ᭞ᬧᬘᬂᬗ᭄ᬢᭀᬳᬶᬦ᭄ᬳᬶᬤ᭞ᬩᬧᬦᬾ
ᬤᬶᬦᬶᬢᬦ᭄ᬤᬶᬗᬶᬦ᭄᭞ᬮᬯᬦ᭄ᬫᬲ᭄ᬬᬢ᭄᭞ᬳᬲᬶᬂᬮᬘᬸᬭᬦ᭄ᬫᬢᬶ᭟ ᭚᭜᭚ ᬧᬸᬧᬸᬄᬲᬶᬦᭀᬫ᭄ ᭚᭜᭚ ᬳᬶᬲᭂᬂᬗ᭄ᬕᬯᬾᬯᬯᬦᬢᭂᬓᬦ᭄᭞ᬕᬸᬫᬶᬦᬾᬤᬤᬶᬳᬩ᭄ᬲᬶᬓ᭄᭞ᬯᬮᬸᬬᬩᬸᬦ᭄ᬢᭂᬃᬫᬲ᭄ᬧᬢ᭄
᭞ᬓᬢᭀᬜ᭄ᬘᬶᬭᬶᬦᬾᬤᬶᬮᬗᬶᬢ᭄᭞ᬩᬸᬮᬦ᭄ᬫᬤᬸᬮᬸᬃᬳᬧᬶ᭞ᬫᬮᬶᬄᬯᬾᬦ᭄ᬢᭂᬦ᭄ᬳᬦ᭄ᬤᬶᬄᬫᬸᬭᬸᬩ᭄᭞ᬲᬓᬤᬶᬦᬵᬕᬭᬵᬚ᭞ᬮᬾᬦ᭄ᬕᭀᬯᬓ᭄ᬓᬵᬮᬦᬶᬂᬯ᭄ᬗᬶ᭞ᬓᬯᬸᬓᬯᬸᬓ᭄᭞ᬗ᭄ᬕᬕᬮᭀᬓ᭄ᬫ᭠