[᭒᭕ 25B]
᭒᭕
ᬯᬄᬓᬲᬸᬓᬯᬢᬶ᭞ᬦᬾᬓᬓᬾᬦᬾᬲᬸᬩᬉᬯᬸᬕ᭄᭞ᬓᬾᬦ᭄ᬓᬾᬦ᭄ᬩᭂᬢᬾᬫᬤᬬ᭞᭠ᬓᬤᬸᬂᬕ᭄ᬮᬸ᭞ᬚᬕᬢᬾᬳᬶᬭᬢᬸᬭᬭᬸᬤ᭄᭞ᬬᬤ᭄ᬬᬧᬶᬦ᭄ᬳᬤᬪᬓ᭄ᬢᬶᬦ᭄ᬜ᭞ᬜᬾᬜ᭄ᬚᬧᬘᬂᬫ᭠
ᬦᬫ᭄ᬧᬶ᭟ᬍᬯᬶᬄᬧᬘᬂᬗᬭᬱᬬᬂ᭞ᬢ᭄ᬯᬭᬳᬤᬦᬤ᭄ᬬᬦ᭄ᬤᬶᬲᬸᬓᬯᬢᬶ᭞ᬧ᭄ᬤᬲ᭄ᬳᬶᬘ᭄ᬦᬶᬂᬬᬕ᭄ᬮᬸ᭞ᬦᬶᬗᭂᬄᬳᬶᬭᬢᬸᬩᬸᬤᬮ᭄᭞ᬤᬶᬳᬤᬦᬾᬫᬦ᭄ᬓᭂᬧ᭄ᬳᬦᬓᬾᬕ᭄ᬮᬸ᭞ᬤᬸᬮᬸᬭᬶᬦ᭄ᬕᬸᬲ᭄ᬢᬶᬦ᭄ᬜᬩᬸᬤᬮ᭄᭞ᬢ᭄ᬯᬭᬵᬤᬦᬸᬤᬶ᭠
ᬧᬸᬭᬶ᭟ᬢ᭄ᬤᬲ᭄ᬳᬶᬧᬸᬦ᭄ᬫᬢᬸᬢᬸᬢᬦ᭄᭞ᬳᬶᬗ᭄ᬕᬶᬄᬭᬢᬸᬘᭂᬦ᭄ᬤᭂᬓᬂᬓᬤᬶᬫᬗ᭄ᬓᬶᬦ᭄᭞ᬢᬶᬢᬳᬾᬳᬲᬶᬓᬶᬢᬸᬯᬸᬢ᭄᭞ᬤᬶᬚᬚᬓᬢᬸᬕ᭄ᬦᬄ᭞ᬦᬸᬦᬲ᭄ᬢᬶᬢ᭄ᬬᬂᬫᬗᬶᬭᬶᬂᬲᬧᬭᬮᬓᬸ᭞ᬩᬵᬲ᭄ᬚᬦ᭄ᬢᭂᬦ᭄ᬧᬶᬲᬦ᭄ᬫᬭᬹ᭞ᬤᬸᬃ
ᬫ᭄ᬫᬗ᭄ᬕᬮᬦᬾᬦ᭄ᬫᭀᬦᬶᬦ᭄᭟ ᭚᭜᭚ ᬤᬶᬦᬵᬕᬭᬩᬸᬯᬶᬜ᭄ᬚᬦᬶᬘᬭᬶᬢᬬᬂ᭞ᬲᬵᬫ᭄ᬧᬸᬦ᭄ᬳᬶᬤᬫᬫᬃᬕ᭄ᬕᬶ᭞ᬲᬶᬓᭂᬧᬾᬫᬤᬩ᭄ᬤᬩ᭄᭞ᬫᬗᬯᬸᬕ᭄ᬩᬶᬮᬂᬤᬾᬰ᭞ᬫᬗ᭄ᬯᬶᬦᬾᬫᬜᬋᬗᬶ
[᭒᭖ 26A]
ᬦ᭄᭞ᬧᬥᬧ᭄ᬭᬬᬢ᭄ᬦ᭞ᬲᬶᬂᬓ᭄ᬦᬓᬚᬜ᭄ᬚᬶᬦᬶᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬶᬮᬂᬤᬾᬰᬗᬶᬭᬶᬗᬂ᭞ᬫᬗ᭄ᬓᬶᬜ᭄ᬚᬕᬗᬫᬭᬦᬶᬦ᭄᭞ᬗ᭄ᬭᬯᭀᬲ᭄ᬓᬓ᭄ᬫᭂᬢᬦ᭄᭞ᬚᬦ᭄ᬢᭂᬦ᭄ᬧᬘᬂᬫᬬᬸᬤ᭄ᬥ᭞ᬫᬗᬯᬸᬕ᭄ᬓᬲᬸᬓᬯᬢᬶ᭞
ᬤᬾᬦᬶᬂᬩᬲ᭄ᬓᬃᬯ᭄ᬯᬦ᭄᭞ᬧᬘᬂᬢᭀᬂᬩᬓᬢ᭄ᬓᬶᬮᬶᬢ᭄᭟ᬦ᭄ᬢᭀᬳᬯᬦᬜ᭄ᬘᭀᬓᭀᬃᬤ᭄ᬥᬫᬧᬶᬦᭂᬄᬤᬬ᭞ᬩᬕᬸᬲ᭄ᬭᬳᬶᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬫᬦᬄᬢᬶᬢ᭄ᬬᬂ᭞ᬢᬍᬃᬲᬫᬶᬧᬶᬦᭂᬳᬂ᭞ᬬᬦ᭄ᬫᬸᬗ᭄ᬕ᭄ᬯᬶᬂ
ᬲᬓᬤᬶᬫᬗ᭄ᬓᬶᬦ᭄᭞ᬭᬢᬸᬤᬸᬭᬸᬲᬂ᭞ᬗᬯᬸᬕ᭄ᬓᬲᬸᬓᬯᬢᬶ᭟ᬧᬥᬾᬲᬵᬫ᭄ᬧᬸᬦ᭄ᬭᬯᬸᬄᬢ᭄ᬧᬶ᭠ᬦᬶᬂᬦᬕᬭ᭞ᬲ᭄ᬥᬸᬢ᭄ᬮᬾᬮᬦᬾᬲᬫᬶ᭞ᬫᬗ᭄ᬤᬾᬦ᭄ᬳᬶᬧᬸᬦ᭄ᬦᬶᬗ᭄ᬓ᭄ᬭᬓ᭄᭞ᬓᬯᬸᬮᬦᬾᬲᬶᬦᬫ᭄ᬬᬦ᭄᭞ᬧᬸᬦᬶ
ᬓᬓᬧᬵᬢᬹᬢ᭄ᬭᬭᬶᬲ᭄᭞ᬳᬶᬤᬫᬫᬃᬕ᭄ᬕ᭞ᬭᬯᬸᬄᬭᬶᬂᬲᬸᬓᬯᬢᬶ᭟ᬓᬼᬢ᭄ᬢᭂᬚᭂᬮ᭄ᬲᬶᬓᭂᬧᬾᬗ᭄ᬩᭂᬓᬶᬦ᭄ᬫᬃᬕ᭄ᬕ᭞ᬗᬶᬍᬳᬶᬦ᭄ᬲᬸᬓᬯᬢᬶ᭞ᬲᬫᬶᬲᬵᬫ᭄ᬧᬸᬦᬧᬓ᭄᭞ᬭᬭᬶᬲ᭄ᬫᬲ᭄ᬯᬭᬮᬾᬮ᭞ᬗᬺᬤᭂᬕ᭄ᬗᭂᬩ᭄ᬓᬶ
