Kaca:Bali-lontar-gaguritan-rusak-gianyar-01-350ppi.pdf/2

Saking Wikisource
Kaca puniki sampun kauji-wacén

[᭑ 1B]

᭚᭜᭚ ᬧᬸᬧᬸᬄᬤᬹᬃᬫ᭄ᬫ ᭚᭜᭚ ᬳᬤᬓᬶᬤᬸᬂᬕᬕᬸᬭᬶᬢᬦ᭄ᬢᭂᬫ᭄ᬩᬂᬤᬹᬃᬫ᭄ᬫ᭞ᬫᬸᬜᬶᬦ᭄ᬜᬶᬯᬶᬩᬵᬮᬶ᭞ᬢ᭄ᬯᬭᬫᬵᬦᬹᬢ᭄ᬢᭂᬫ᭄ᬩᬂ᭞ᬧᬸᬧᬸᬄᬲᬫᬶᬫᬗᬚᬕ᭄᭞ᬤᬾᬯᬾᬓ᭄ᬩᭂᬮᭀᬄᬫᬳᬩᭂᬢ᭄ᬭᬶᬭᬶᬄ᭞
ᬲᭀᬓᬳᬧᬂᬳᬦ᭞ᬳᬗ᭄ᬕᭀᬦ᭄ᬧᬜᬮᬶᬫᬸᬃᬳᬢᬶ᭟ᬲᬶᬂᬫᬫᬯᬸᬄᬲᬵᬫ᭄ᬧᬸᬦ᭄ᬧᬢᬶᬗ᭄ᬕᭂᬧᬶ᭠ᬲᬦ᭄᭞ᬤᬾᬦᬶᬂᬲᬢ᭄ᬯᬜᬭᬶᬫ᭄ᬩᬶᬢ᭄᭞ᬲᬓᬶᬂᬦᬸᬧ᭄ᬢᬸᬧ᭄ᬯ᭄ᬭᬢ᭄ᬢ᭞ᬜᬓᬬᬜᬓᬢ᭄ᬯᬭ᭞ᬧ᭄ᬦᬾᬓᬂᬤ
ᬤᬶᬧᬗᬯᬶ᭞ᬫᬗ᭄ᬤᬾᬜᬳᬤ᭞ᬳᬗ᭄ᬕᭀᬦ᭄ᬧᬗᬾᬮᬶᬂᬳᬾᬮᬶᬂ᭟ᬢᬶᬗ᭄ᬓᬄᬉᬯᬸᬕ᭄ᬕ᭄ᬬᬜ᭠ᬭᬾᬚᬦᬶᬉᬘᬧᬂ᭞ᬤᬶᬦᬦ᭄ᬜᬦᬾᬯᬺᬲ᭄ᬧᬢᬶ᭞ᬯᬕᬾᬧᬸᬚᬸᬢ᭄ᬯᬭ᭞ᬰᬰᬶᬳᬶᬱᬸᬦ᭄ᬓᬲᬗ᭄ᬳ᭞ᬭᬄᬉ
ᬮᬸᬢᭂᬗ᭄ᬕᭂᬓ᭄ᬢᬦ᭄ᬫᬶᬲᬶ᭞ᬇᬰᬓᬲᬶᬬᬸᬉᬮᬸᬗᬢᬸᬲ᭄‌ᬦ᭄ᬫᭀᬦᬶᬦ᭄᭟ᬦᬵᬗ᭄ᬳᬶᬂᬢᬶᬢᬄᬓᬵᬕᬸᬗᬦᬾᬭᬶᬂᬕ᭄ᬬᬜᬃ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬭᬢᬸᬫᬉᬢ᭄ᬢᬫ᭞ᬜᬓᬺᬯᬢᬶᬦᬶᬂᬚᬕ᭠

[᭒ 2A]
ᬢ᭄᭞ᬭᬢᬸᬫᬩᬮᬪᬹᬧᬢᬶ᭞ᬓᬚᬦ᭄ᬧ᭄ᬭᬬ᭞ᬯᬶᬤᬕ᭄ᬤᬦᬾᬢᬦ᭄ᬲᬶᬧᬶ᭟ᬲᬫᬶᬫᬢ᭄ᬯᬂᬲᬧ᭄ᬭᬫᬜ᭄ᬘᬜᬸᬗ᭄ᬲᬸᬂᬳᬶᬤ᭞ᬩᬩᬢᬸᬄᬲᬸᬓᬯᬢᬶ᭞ᬦᬵᬕᬭᬧᬮᬶᬬᬢᬦ᭄᭞ᬉᬩᬸᬤ᭄ᬫ᭄ᬯᬂᬩᬢᬸᬩᬸᬮ᭠
ᬦ᭄᭞ᬩᬜ᭄ᬚᬭᬗ᭄ᬓᬦ᭄ᬢᬫ᭄ᬧᬓ᭄ᬱᬶᬭᬶᬂ᭞ᬫᬶᬯᬄᬧᬾᬮᬗᬦ᭄᭞ᬲ᭄ᬭᭀᬗ᭄ᬕᬧᬾᬚᬾᬂᬫᬓᬤᬶ᭟ᬅᬩ᭄ᬬᬦ᭄ᬩᬲᬾᬫᬶᬯᬄᬩᬩᬶᬢᬺᬜᬮ᭄ᬬᬦ᭄᭞ᬲ᭄ᬬᬗᬦ᭄ᬲᬫᬶᬪᬓ᭄ᬢᬶ᭞ᬲᬸᬫᬾᬯᬲᬂᬦᬵᬣ᭞ᬤᬾᬦᬶᬂ᭠
ᬳᬶᬤᬓᬉᬘᬧ᭄᭞ᬧᬸᬧᬸᬢᬶᬂᬫ᭄ᬯᬂᬦᬬᬳᬚᬶ᭞ᬩᬢᬹᬃᬢᬫᬦ᭄ᬢ᭄ᬭ᭞ᬧᬥᬓᬕᬫᭂᬮ᭄ᬲᬫᬶ᭟ᬓ᭠ᬮᬶᬄᬯᬾᬦ᭄ᬢᭂᬦ᭄ᬧ᭄ᬭᬓᬗ᭄ᬕᬾᬦ᭄ᬳᬶᬤᬲᬂᬦᬵᬣ᭞ᬫᬥᬾᬧᬲᭂᬓ᭄ᬳᬦᬫᬶ᭞ᬫᬶᬯᬄᬦᬾᬳᬮᬶᬢᬦ᭄᭞ᬓ᭄ᬢᬸᬢ᭄ᬧ
ᬲᭂᬓ᭄ᬳᬦᬫ᭞ᬧᬥᬳᬧᬓᬬᬾᬂᬕᬸᬲ᭄ᬢᬶ᭞ᬧᬸᬧᬸᬢᬶᬂᬕᬸᬡ᭞ᬯᬶᬘᬓ᭄ᬱᬡᬵᬗ᭄ᬮᬸᬲ᭄ᬕᬸᬫᬶ᭟ᬮᬶᬦ᭄ᬢᬂᬭᬵᬫ᭄ᬬᬦᬵᬕᬭᬦᬾᬭᬶᬂᬕ᭄ᬬᬜᬃ᭞ᬢᬦ᭄ᬤᬂᬤᬸᬓᬓᬳᬧ᭄ᬢᬶ᭞ᬧᬥᬇᬥᭂᬧ᭄ᬯᬃᬬ᭄ᬬ᭞ᬳᬗᬸᬮᬸᬭᬶ᭠