[᭑᭘ 18B]
᭑᭘
ᬳᬶᬕᬸᬲ᭄ᬢᬶᬩᬵᬲ᭄ᬚᬦ᭄ᬢᭂᬜ᭄ᬘᭀᬗᬄ᭞ᬢ᭄ᬗᭂᬭᬶᬦ᭄ᬩᬧᬳᬶᬢᬸᬦᬶ᭞ᬳᬶᬕᬸᬲ᭄ᬢᬶᬗᬵᬢᬹᬭᬶᬦ᭄ᬩᬸᬤᬮ᭄᭞ᬳᬦᬓᬾᬳᬕᬸᬂᬦᬾᬫᬦᬶ᭞ᬳᭂᬦ᭄ᬢᭀᬳᬦᬓᬾᬭᬶᬭᬶᬄ᭞ᬤᬸᬯᭂᬕ᭄ᬫᬦᬗ᭄ᬮᬾᬤᬂᬳᬢᬹᬃ᭞ᬘᭀᬗᬳᬾ
ᬫᬶᬭᬶᬩ᭄ᬢᬺᬱ᭄ᬡ᭞ᬳᬶᬕᬸᬲ᭄ᬢᬶᬫᬧᬫᬶᬢ᭄ᬳᬸᬕᬶ᭞ᬚᬕᬫᬦ᭄ᬢᬸᬓ᭄᭞ᬧᬘᬂᬦᬩ᭄ᬤᬩᬂᬓᬯᬸᬮ᭟ᬫᬗ᭄ᬤᬾᬜᬲᬬᬕᬢ᭄ᬓ᭞ᬬᬾᬦ᭄ᬲᬸᬩᬫᬧᬸᬦ᭄ᬤᬸᬄᬲᬫᬶ᭞ᬤᬦᬾᬫᬳᬶᬳᬩ᭄ᬭᬶᬬᬸᬓᬦ᭄᭞ᬫᬗᬶᬲᬶᬧᬸᬭᬶᬦᬾ
ᬤᬶᬦᬶ᭞ᬮᬶᬮᬶᬲᬶᬮᬶᬩᬂᬘᬳᬶ᭞ᬢᬦ᭄ᬲᬾᬗᭂᬄᬳᬦᬓᬾᬳᬕᬸᬂ᭞ᬬᬾᬦ᭄ᬩᬧᬓᬮᬶᬗ᭄ᬕᬶᬳᬦ᭄᭞ᬳᬢᬹᬭᬾᬦᬾᬦᬾᬳᬶᬢᬸᬦᬶ᭞ᬫᬫᬾᬄᬫᬾᬳᬦ᭄᭞ᬤᬳᭂᬦ᭄ᬤᬾᬦ᭄ᬧᬘᬂᬜᬕᭂᬭᬂ᭟ᬩ
ᬧᬫᬗᬵᬢᬹᬭᬶᬦ᭄ᬳᬶᬤ᭞ᬫᬕᭂᬳᬂᬮᬶᬗ᭄ᬕᬶᬄᬤᬶᬧᬸᬭᬶ᭞ᬰᬹᬭᬩ᭄ᬭᬢᬦᬾᬳᬗ᭄ᬕᭀᬦ᭄᭞ᬕ᭄ᬫᭂ᭠ᬢᬂᬓᬺᬗᬾᬕᬶᬲᬶ᭞ᬢᬭᬸᬡᬧᬋᬓᬦᬾᬲᬾᬗᬶᬦ᭄᭞ᬫᬗ᭄ᬤᬾᬜᬲᬬᬕᬭᬯᬸᬄ᭞ᬧᬥᬗᭀ᭠
[᭑᭙ 19A]
ᬚᭀᬕ᭄ᬩᬜ᭄ᬘᬶᬗᬄ᭞ᬧᬯᬶᬮᬗᬦ᭄ᬢᭂᬮᬸᬂᬢᬮᬶ᭞ᬬᬾᬦ᭄ᬜᬢ᭄ᬓᬮᬯᬸᬢ᭄ᬢᬭᬶᬳᬩ᭄ᬭᬶᬬᬸᬓᬦ᭄᭟ᬬᬾᬦ᭄ᬜᬗᬵᬢᬹᬭᬂᬢᬺᬱ᭄ᬡ᭞ᬢ᭄ᬧᬓ᭄ᬓᬸᬮ᭄ᬓᬸᬮᬾᬧᬺᬚᬦᬶ᭞ᬬᬾᬦ᭄ᬭᬯᬸᬄᬳᬶᬤᬧ᭄ᬭᬫᬜ᭄ᬘ᭞ᬮᬯᬸᬢᬂ
ᬧᬺᬚᬦᬶᬢᬭᬶ᭞ᬬᭂᬦ᭄ᬳᬶᬤᬫᬵᬢᬹᬃᬪᬓ᭄ᬢᬶ᭞ᬳᬚᬓ᭄ᬓᬧᬸᬭᬶᬫᬮᬸᬗ᭄ᬕᬸᬄ᭞ᬳᬫ᭄ᬩᬸᬮ᭄ᬓᬾᬦ᭄ᬲᬶᬤ᭄ᬥᬢ᭄ᬓ᭞ᬳᬫ᭄ᬩᬸᬮ᭄ᬢᭀᬘᬶᬭᬶᬦ᭄ᬢᬦ᭄ᬪᬓ᭄ᬢᬶ᭞ᬳᬶᬢᬸᬂᬩᬧ᭞ᬳᬤᭂᬦᬸᬳᬩᬕᬶᬢ᭄ᬗᬄ᭟ᬤᬤᬶᬢ᭄ᬯᬭᬓᬮᬶᬗ᭄ᬕᬶ
ᬳᬦ᭄᭞ᬪᬬᬢ᭄ᬯᬄᬧᬦᬶᬢᬄᬯᬶᬥᬷ᭞ᬳᬶᬲᬭᬤᬤᬶᬗᬯᬾᬦᬂ᭞ᬉᬯᬸᬕ᭄ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬘᬳᬶᬧᬕᭂᬳᬂᬉᬕᬶ᭞ᬪᬓ᭄ᬢᬶᬦᬾᬭᬶᬂᬳᬦᬓ᭄ᬳᬕᬸᬂ᭞ᬬᬦ᭄ᬤᬶᬚᬮᬶᬗ᭄ᬕᬶᬄᬳᬶᬤ᭞ᬘᬳᬶᬧᬕᭂ
ᬳᬂᬫᬗᬶᬭᬶᬂ᭞ᬦᬾᬦᬾᬫᬮᬸ᭞ᬳᬶᬘ᭄ᬙᬦ᭄ᬳᬶᬤᬦᬾᬳᬶᬗᭂᬢᬂ᭟ᬤᬾᬦᬶᬂᬧᬸᬧᬸᬢ᭄ᬳᬢᬹᬃᬩᬧ᭞ᬫᬮᬸᬭᬶᬂᬳᬶᬤᬾᬯᬫᬗ᭄ᬕᬶᬲ᭄᭞ᬩᬧᬫᬧᬫᬶᬢ᭄ᬫᬮ᭄ᬯᬦ᭄᭞ᬫᬢᬶᬤᬾᬦᬶᬂᬲᬸᬩᬕᬦ᭄ᬢᬶ᭞᭠
