[᭑᭗ 17B]
᭑᭗
ᬦᬾᬫᬦ᭄ᬢᬸᬓ᭄᭞ᬓ᭄ᬜᭂᬫᬾᬩᬸᬲᬦ᭄ᬩᬸᬲᬦ᭄᭞ᬤᬾᬦᬶᬂᬫᬸᬮᬳᬦᬓ᭄ᬭᬶᬭᬶᬄ᭞ᬲᬶᬗᬶᬤ᭄ᬗᬧᬸᬲ᭄᭞ᬘᭀᬗᬳᬾᬫᬕᭀᬩᬢᬺᬱ᭄ᬡ᭟ᬤᬾᬯᬫᬗ᭄ᬕᬶᬲ᭄ᬗᬧᬸᬭᬶᬬᬂ᭞ᬲᬫ᭄ᬧᬸᬦᬾᬭᬯᬸᬄᬤᬶᬧᬸᬭᬶ
᭞ᬤᬧᭂᬢᬂᬫᬩ᭄ᬬᬬᬸᬳᬦ᭄᭞ᬲᭀᬭᭀᬄᬭᬩᬶᬤᬕᬶᬂᬧᬸᬭᬶ᭞ᬫᬓ᭄ᬚᬂᬧᬥᬗ᭄ᬮᬶᬂ᭞ᬫᬤᬶ᭠ᬜᬦᬾᬦᬾᬩ᭄ᬗᬸᬮ᭄᭞ᬢ᭄ᬯᬄᬚ᭄ᬭᭀᬓ᭄ᬧᭂᬢ᭄ᬘᬶᬦ᭞ᬲᬸᬯᬸᬤ᭄ᬫᬕᬸᬬᬂᬫᬗ᭄ᬮᬶᬂ᭞ᬧᬸᬲᬸᬂᬉᬯᬸᬕ᭄᭞ᬳᬦ
ᬓ᭄ᬳᬕᬸᬂᬫᬗ᭄ᬕᬶᬲ᭄ᬓᬕ᭄ᬬᬢ᭄᭟ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭞ᬤᬚᬳᬶᬩᬫᬢᬶᬲ᭄ᬤᬶᬄ᭞ᬲᬶᬗ᭄ᬓᬳᬶᬧᬘᬂᬭᬸᬲᬓ᭄᭞ᬓᬾᬯᬮᬤᬩ᭄ᬤᬩᬂᬚᬦᬶ᭞ᬓᬳᬶᬮᬓᬃᬫᬓᬶᬲᬶᬤ᭄᭞ᬓᬩᬜ᭄ᬚᬭᬗᬦ᭄ᬫᬗ᭄ᬮ
ᬯᬸᬢ᭄᭞ᬧᬭᬭᬩᬶᬲᬫ᭄ᬬᬦ᭄᭞ᬫᬶᬯᬄᬧᬭᬧᬸᬢᬺᬱᬫᬶ᭞ᬲᬵᬫ᭄ᬧᬸᬦ᭄ᬳᬶᬤ᭞ᬤᬦᬾᬲᬫ᭄ᬬᬦ᭄ᬫᬤᬩ᭄ᬤᬩᬦ᭄᭟ᬳᬶᬕᬸᬲ᭄ᬢᬶᬗᬸᬭᬄᬓ᭄ᬢᬸᬢ᭄ᬲᬸᬩ᭞ᬢ᭄ᬓᭂᬤ᭄ᬤᬶᬩᬩᬢᬸᬄᬯ᭄ᬗᬶ᭞ᬲᬵᬫ᭄ᬧᬸᬦ᭄ᬤᬦᬾ᭠
[᭑᭘ 18A]
ᬫᬦ᭄ᬤᬃᬣᬬᬂ᭞ᬩᬸᬓᬳᬢᬹᬭᬾᬳᬶᬢᬸᬦᬶ᭞ᬳᬶᬕᬸᬲ᭄ᬢᬶᬗᬸᬭᬄᬚ᭄ᬮᬦ᭄ᬢᬶᬓ᭄᭞ᬓᭂᬓᬳ᭄ᬬᬸᬦᬾᬫ᭠ᬗ᭄ᬭᬸᬗᬸ᭞ᬓᬮᬶᬄᬫᬵᬢᬹᬃᬫᬦᬶᬫ᭄ᬩᬮ᭄᭞ᬓᬾᬯᭂᬄᬢᬶᬢ᭄ᬬᬗᬾᬳᬶᬢᬸᬦᬶ᭞ᬳᬦ᭄ᬢᬸᬓ᭄ᬩᬧ᭞ᬦᬾᬦ᭄ᬢᭂᬦ᭄ᬲᬋᬂᬳᬶ
ᬭᬶᬂᬢᬶᬢ᭄ᬬᬂ᭟ᬳᬶᬘᬾᬤᭀᬓ᭄ᬫᬗ᭄ᬓᬶᬦ᭄ᬓᭀᬘᬧᬂ᭞ᬢ᭄ᬓᭂᬤ᭄ᬚᬸᬫᬄᬳᬾᬕᬃᬕᬢᬶ᭞ᬮᬯᬸᬢ᭄ᬗᬯᬸᬓᬶᬦ᭄ᬧ᭄ᬬᬦᬓ᭄᭞ᬲᭀᬫᬄᬳᬾᬗ᭄ᬕᬮ᭄ᬫᬜᬕ᭄ᬚᬕᬶᬦ᭄᭞ᬳᬶᬘᬾᬤᭀᬓ᭄ᬗᬫᬸᬜᬶᬦᬶᬦ᭄᭞ᬧᬦᬓᬾᬫᬗ᭄ᬤᬾᬜ
ᬢᬳᬸ᭞ᬘᬳᬶᬚᬦᬶᬓ᭄ᬦᭂᬳᬂ᭞ᬫᬦᬶᬧᬘᬂᬕᬸᬫᬶᬓᬮᬶ᭞ᬳᬦᬓ᭄ᬳᬕᬸᬂ᭞ᬫᬗ᭄ᬕᬶᬲ᭄ᬢᬦ᭄ᬯᬗ᭄ᬤᬾᬜᬓᬮᬄ᭟ᬘᭀᬓᭀᬃᬤ᭄ᬥᬪᬷᬫᬫᬫᬦ᭄ᬤᬮ᭄᭞ᬲᬋᬂᬕᬸᬲ᭄ᬢᬶᬗᬸᬭᬄᬚ᭄ᬮᬦ᭄ᬢᬶᬓ᭄᭞ᬫᬦᬶᬧᬘᬂᬗ᭄ᬯᬗᬸᬦ᭄ᬬᬸᬤ᭄ᬥ᭞ᬦᬵ
ᬗ᭄ᬳᬶᬂᬲᬶᬂᬩᬸᬯᬸᬂᬘᬳᬶ᭞ᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞ᬧᬘᬂᬫᬫᬗ᭄ᬕᬶᬳᬶᬦ᭄ᬲᬸᬗ᭄ᬲᬸᬢ᭄᭞ᬲᬶᬂᬚᬮᬜ᭄ᬚᬮᬦ᭄ᬫᬦᭀᬗᭀᬲ᭄᭞ᬳᬢᬹᬃᬩᬧᬢᬦ᭄ᬓᬲᬶᬗ᭄ᬕᬶᬄ᭞ᬳᬢᬹᬃᬕᬸᬲ᭄ᬢᬶ᭞ᬗᬸᬭᬄᬓ᭄ᬢᬸᬢ᭄ᬓᬮᬶᬗ᭄ᬕᬶᬳᬦ᭄᭟
