Kaca:Bali-lontar-gaguritan-rusak-gianyar-01-350ppi.pdf/13

Saking Wikisource
Kaca puniki sampun kauji-wacén

[᭑᭒ 12B
᭑᭒
ᬩ᭄ᬭᬳ᭄ᬫᬡᬜᬋᬗᬶᬦ᭄᭞ᬘᭀᬓᭀᬃᬤ᭄ᬥᬳᭀᬓᬓᬳᬸᬢᬸᬲ᭄᭞ᬲᬋᬂᬮᬦ᭄ᬪᬕᬯᬵᬦ᭄ᬢ᭞ᬢᬦ᭄ᬲᬄᬳᬶᬤᬩᬕᬸᬲ᭄ᬭᬳᬶ᭞ᬩᬕᬸᬲ᭄ᬕᭂᬥᬾ᭞ᬲᬫ᭄ᬬᬦ᭄ᬗᬶᬭᬶᬂᬘᭀᬓᭀᬃᬤ᭄ᬥ᭟ᬧᬯᬶᬮᬗ᭠
ᬦ᭄ᬲᬋᬂᬧᬢ᭄ᬧᬢ᭄᭞ᬯᬮᬓᬦᬾᬦᬾᬫᬗᬶᬭᬶᬂ᭞ᬜᬶᬮᬶᬩ᭄ᬧᬫᬃᬕ᭄ᬕᬶᬦᬾᬮᬸᬗ᭄ᬳ᭞ᬤᬵᬲ᭄‌ᬍᬫᬄᬕ᭄ᬥᬾᬫᬫᬃᬕ᭄ᬕᬶ᭞ᬗᬫ᭄ᬩᬳᬶᬦ᭄ᬓᬧᬲᬶᬲᬶ᭞ᬫᬳᬶᬭᬶᬗᬦ᭄ᬧᬢᬸᬗᬢᬸᬲ᭄᭞ᬦᬵᬗ᭄ᬳᬶᬂᬲᬫᬶᬫ
ᬫᭀᬕᭀᬮ᭄᭞ᬲᬓᬾᬫᬯᭀᬦ᭄ᬓᬭᭀᬓ᭄ᬭᬶᬲ᭄᭞ᬮᬶᬦ᭄ᬢᬂᬤᬬᬸᬄ᭞ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭟ᬫᬲᬶᬬᭀᬓ᭄ᬳᬸᬚᬦᬾᬢ᭄ᬓ᭞ᬕᬼᬲ᭄ᬋᬓᬾᬫᬗᬋᬧᬶᬦ᭄᭞ᬧᬫᬃᬕ᭄ᬕᬶᬦ᭄ᬳᬶᬤᬘᭀ᭠
ᬓᭀᬃᬤ᭄ᬥ᭞ᬘᬶᬭᬶᬦ᭄ᬭᬳᬬᬸᬓᬧᬗ᭄ᬕᬶᬄ᭞ᬧᬥᬳᬕᬾᬫᬫᬃᬕ᭄ᬕᬶ᭞ᬦᬗᬭᬶᬦ᭄ᬫᬗ᭄ᬤᬾᬤᬢᬯᬸ᭞ᬚᬕᬢᬾᬓᬮᬶᬦ᭄ᬢᬗᬦ᭄᭞ᬲᬶᬤ᭄ᬥᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬲᬕᬾᬢ᭄ᬭᬯᬸᬄ᭞ᬳᬶᬤᬭᬶᬂᬚᬕᬢ᭄ᬦᬵ

[᭑᭓ 13A]
ᬦᬕᬭ᭟ᬘᭀᬓᭀᬃᬤ᭄ᬥᬩᬵᬪᬷᬫᬫᬜᬧ᭞ᬫᬗ᭄ᬭᬭᬶᬲ᭄ᬓᬚ᭄ᬭᭀᬧᬸᬭᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬭᬯᭀᬲᬦ᭄᭞ᬩᬾᬜ᭄ᬚᬂᬲ᭄ᬫᭂᬗᬾᬫᬫᬃᬕ᭄ᬕᬶ᭞ᬦ᭄ᬓᭂᬧ᭄ᬕᬸᬫᬶᬦᬾᬲᬫᬶ᭞ᬘᭀᬓᭀᬃᬤ᭄ᬥᬫᬮᬶᬄᬫᬓᬳ᭄ᬬᬸᬦ᭄
᭞ᬭᬭᬶᬲ᭄ᬳᬶᬤᬗᬦ᭄ᬤᬶᬓ᭞ᬕᬮᭀᬮᭀᬓ᭄ᬫᬗ᭄ᬕᬯᬾᬢᬸᬮᬶᬲ᭄᭞ᬮᬯᬸᬢ᭄ᬘᬳᬶ᭞ᬚᬦᬶᬢᬸᬦ᭄ᬤᬾᬦᬂᬜᬮᬦᬂ᭟ᬓᬩᬥᬸᬂᬳᬾᬗ᭄ᬕᬮᬂᬧᬶᬲᬦ᭄᭞ᬓᬫᬗ᭄ᬯᬶᬧᬕᬜ᭄ᬘᬗᬶᬦ᭄᭞ᬓᬩᬗ᭄ᬮᬶᬚᬦᬶᬚᬮ
ᬦᬂ᭞ᬳᬧᬂᬧ᭄ᬭᬬᬳᬶᬜᬚᬦᬶ᭞ᬤᬾᬦᬶᬂᬓᬓᭂᬜ᭄ᬘᬦ᭄ᬲᬶᬗᬶᬤ᭄᭞ᬫᬦᬶᬳᬧᬗᬫᬜᬸᬚᬸᬃ᭞᭠ᬤᬶᬲ᭄ᬩᭂᬄᬢᭀᬗᭀᬲᬶᬜ᭞ᬦᬵᬗ᭄ᬳᬶᬂᬬᬢ᭄ᬯᬄᬳᬤᬯᬗ᭄ᬲᬶᬢ᭄᭞ᬳᬧᬂᬳᬶᬤ᭞ᬮᬚᬸᬫᬦᬶᬜ᭄ᬘᬧᬂ᭠
ᬭᭀᬯᬂ᭟ᬳᬶᬤᬩᬕᬸᬲ᭄ᬭᬳᬶᬦᬶᬫ᭄ᬩᬮ᭄᭞ᬭᬢᬸᬢᬶᬢ᭄ᬬᬂᬮᬶᬦ᭄ᬢᬂᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬳᬶᬤᬗᬯᬗᬸᬦ᭄ᬲᬸᬭᬵᬢ᭄᭞ᬫᬫᬃᬕ᭄ᬕᬶᬲᬶᬤ᭄ᬥᬧ᭄ᬭᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬲᬶᬤ᭄ᬥᬧ᭄ᬭᬸᬶᬓᬳᬢᬹᬃᬲᬫᬶ᭞ᬲᬸᬭᬵᬢᬾᬭᬶᬂ᭠