Kaca:Bali-lontar-gaguritan-rusak-banjar-450ppi.pdf/8

Saking Wikisource
Kaca puniki sampun kauji-wacén

[ ᭗ 7B]
᭗᭞
ᬩᬦᬯᬶᬲᬫᬶᬕ᭄ᬮᬶᬲ᭄᭞ᬢ᭄ᬮᬲ᭄ᬲᬕᬯᬦ᭄ᬋᬓᭀ᭞ᬭᬯᬸᬄᬢ᭄ᬯᬦ᭄ᬩᬜᬸᬯᬗᬶ᭞ᬓᬮᬶᬄᬮᬦ᭄ᬰ᭄ᬭᬶᬦᬭᬧᬢᬶ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬓ
ᬧᬭᬳᬸ᭞ᬫᬳᬶᬭᬶᬗᬦ᭄ᬧᬸᬗ᭄ᬕᬯ᭞ᬯᬯᬶᬮᬗᬦ᭄ᬧᭂᬢᬂᬤᬶᬭᬶ᭟ᬧᬲᬂᬓᬸᬢᬸᬲ᭄᭞ᬫᬗᬶᬭᬶᬂᬓᬳ᭄ᬬᬸᬦ᭄ᬳᬶᬢ᭄ᬯᬦ᭄᭟ᬲᬫ᭄ᬧᬸᬦ᭄
ᬢ᭄ᬮᬲ᭄ᬲᬫᬶᬫᬸᬗ᭄ᬕᬄ᭞ᬫᬗᬩᬸᬢ᭄ᬫᬗ᭄ᬕᬭᬾᬕ᭄ᬮᬶᬲ᭄᭞ᬧᬮᬬᬭᬾᬲᬤᬳᬮᭀᬦ᭄᭞ᬫᬓᬭᭀᬦᬦ᭄‌ᬳᬶᬬ᭞ᬤᬶᬫᬃᬕ᭄ᬕᬶ᭞ᬧᬤ
ᬫᬮᬬᬃᬫᬶᬗ᭄ᬕᬶᬃ᭞ᬲᬫ᭄ᬧᬸᬦ᭄ᬦᬫ᭄ᬧᭂᬓᬶᬦ᭄ᬢᬸᬫᬸᬓᬸᬲ᭄᭞ᬧᬤᬜᬸᬚᬸᬃᬧᬮᬩ᭄ᬯᬦ᭄᭞ᬧᬤᬫᬜᬸᬕ᭄ᬚᬸᬕᬶᬦ᭄ᬲᬫᬶ᭞ᬲᬫᬶᬯ᭄ᬭᬸᬄ
[ ᭘ 8A]
᭞ᬗᬾᬮᬶᬗᬶᬦ᭄ᬧᬮᬩᬸᬳᬦ᭄ᬓᬧᬮ᭟ᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬤᬯᬸᬄᬮᬶᬫ᭞ᬓᬧᬮᬾᬫᬮᬩᬸᬄᬲᬫᬶ᭞ᬓᭀᬘᬧᬦ᭄ᬳᬶᬤᬲᬂᬦᬣ᭞
ᬲᬫ᭄ᬧᬸᬦ᭄ᬢᭂᬤᬸᬦ᭄‌ᬫ᭄ᬯᬂᬧᬗᬶᬭᬶᬂ᭞ᬭᬭᬶᬲ᭄ᬓᬧᬘᬶᬦᬦ᭄ᬫᬗ᭄ᬓᬶᬦ᭄᭞ᬲᬸᬭᬤᬤᬸᬭᬭᬶᬲ᭄ᬢᭂᬤᬸᬦ᭄᭞ᬳᭀᬧ᭄ᬲᬶᬃᬫᬶᬯᬄᬓᬸᬫᭂᬦ᭄ᬤᬦ᭄᭞
ᬫᬬᭀᬃᬧᬲᬶᬤᬾᬦ᭄ᬩᬜᬸᬯᬗᬶ᭞ᬧᬤᬮᬚᬸ᭞ᬫᬗ᭄ᬭᬭᬶᬲ᭄ᬓᬧᬲᬂᬕ᭄ᬭᬳᬦ᭄᭟ᬦᭂᬗᬓ᭄ᬦᬯ᭄ᬗᬶᬧᬸᬦᬶᬓ᭞ᬩᬾᬜ᭄ᬚᬂᬯᬾᬦ᭄ᬢᭂᬦ᭄ᬤᬯᬸᬄᬓᬮᬶᬄ᭞
ᬭᬳᬸᬄᬳᬸᬯᬸᬲᬦ᭄ᬳᬶᬤᬗᬸᬭᬄ᭞ᬗᬦ᭄ᬤᬶᬓᬬᬂᬗᬬᬸᬄᬫᬗ᭄ᬓᬶᬦ᭄᭞ᬢᬦ᭄ᬫᬭᬶᬦᬸᬦᬲ᭄ᬳᬸᬭᬶᬧ᭄᭞ᬫᬗᬩᬳᬢᬸᬭᬦ᭄‌ᬮ᭄ᬬᬸ᭞ᬲᬫ᭄ᬧᬶ