Kaca:Bali-lontar-gaguritan-resi-byasa-350ppi.pdf/3

Saking Wikisource
Kaca puniki sampun kauji-wacén

[ ᭒ 2B]
᭒᭞ᬚᬕᬤᬶᬢ᭞ᬳᭀᬮᬶᬄᬧ᭄ᬭᬚ᭄ᬜᬦ᭄‌ᬲᬂᬪᬸᬧᬢᬶ᭞ᬫᬗᬾᬦ᭄ᬢᭂᬭᬂᬚᬕᬢ᭄᭞ᬢᬦ᭄ᬳᬦᬯᬦᬶᬮᬸᬫ᭄ᬬᬢ᭄᭞ᬯᬢᭂᬓ᭄ᬘᭀᬭᬄᬲᬫᬶᬚ᭄ᬭᬶᬄ᭞ᬳᬦ᭄ᬢᬸᬓ᭄ᬧ᭄ᬭᬪ
ᬯᬦ᭄᭞ᬳᬶᬤᬲᬂᬪᬸᬧᬢᬶᬍᬯᬶᬄ᭞ᬫ᭄ᬲᭂᬄᬳᬶᬤ᭞ᬲᬫ᭄ᬬᬦ᭄ᬫᬗᬓᬸᬓᬦ᭄ᬤᬧ᭄᭞ᬲᬫᬶᬢᬦ᭄ᬯᬦᬶᬳᬗ᭄ᬮᬶᬂ᭞ᬋᬧᬄᬲᬶᬋᬧ᭄ᬲᬫ᭄ᬬᬦ᭄᭞ᬳᬦ᭄ᬢᬸᬓ᭄ᬓᬯᬶᬰᬾᬱᬦ᭄ᬳᬶ
ᬤ᭞ᬲᬫᬶᬗᬢᬸᬭᬂᬳᬸᬧ᭄ᬢᬶ᭞ᬫᬦᬸᬳᬸᬦ᭄ᬧᬥ᭞ᬫᬭᬶᬂᬳᬶᬤᬲᬂᬪᬸᬧᬢᬶ᭟ᬫᬮᬶᬄᬯᬾᬦ᭄ᬢᭂᬦ᭄᭞ᬓᭀᬘᬧ᭄ᬓᬯᬶᬓᬦᬦ᭄ᬳᬶᬤ᭞ᬲᬦᬾᬓᬮᬶᬦ᭄ᬢᬂᬧᬶᬗᬶᬢ᭄
᭞ᬳᬶᬗ᭄ᬕᬶᬄᬧᬸᬦᬶᬓ᭞ᬳᬶᬤᬯᬶᬓᬦ᭄ᬫᬗᬃᬢ᭄ᬬᬂ᭞ᬫᬸᬜᬶᬦ᭄ᬳᬶᬲᬃᬯ᭄ᬯᬧ᭄ᬭᬡᬶ᭞ᬧᬸᬦᬶᬓᬳᬯᬶᬦᬦ᭄᭞ᬲᬓᬤᬶᬳᬫ᭄ᬧᬂᬓ᭄ᬢᬶᬮ᭄᭟ᬓᬕᬶᬦᬸᬘᬧ᭄᭞ᬲᬦᬾ
[ ᭓ 3A]
ᬫᬗ᭄ᬓᬶᬦ᭄ᬤᬲᬂᬓᬣ᭞ᬧᬘᬂᬳᬦᬫ᭄ᬢᬧ᭄‌ᬦ᭄ᬓᬧ᭄ᬢᬶ᭞ᬧᬘᬂᬳᬗ᭄ᬮᬶᬮᬘᬶᬢ᭞ᬧᬘᬂᬗ᭄ᬮᬗ᭄ᬮᬂᬓᬮᬗ᭄ᬯᬦ᭄᭞ᬳᬩᬩ᭄ᬭᬸᬲᬦᬾᬫᬗ᭄ᬓᬶᬦ᭄᭞ᬳᬸᬫᬲᬸᬓ᭄ᬭᬶᬂᬳᬮᬲ᭄᭞
ᬳᬫᬾᬢ᭄ᬫ᭄ᬭᬕᬲᬢ᭄ᬯᬲᬢ᭄ᬯᬶ᭟ᬓᬘᬭᬶᬢ᭞ᬫᬗ᭄ᬓᬶᬦ᭄ᬳᬶᬤᬯᬸᬲ᭄ᬫᬫᬃᬕ᭄ᬕ᭞ᬳᬶᬭᬶᬗᬦᬾᬧᬭᬚᬸᬭᬶᬢ᭄᭞ᬲᬫᬶᬯᬸᬦ᭄ᬲᬬᬕ᭞ᬩ᭄ᬤᬶᬮ᭄‌ᬢᬸᬫ᭄ᬩᬓ᭄ᬧᬦᬄ᭞ᬚᬭᬶᬂ
ᬧᬸᬓᭂᬓ᭄ᬮᬶᬯᬦ᭄ᬮᬢᬶᬄ᭞ᬲ᭄ᬭᬕᭂᬧ᭄‌ᬲᬫ᭄ᬬᬦ᭄᭞ᬫ᭄ᬯᬂᬩ᭄ᬓᭂᬮ᭄‌ᬯᬸᬲ᭄ᬘᬸᬫᬯᬶᬲ᭄᭟ᬲ᭄ᬯᬾᬳᬶᬤ᭞ᬬᬢᬓᭀᬘᬧ᭄ᬫᬭᬶᬂᬤᬮᬦ᭄ᬧᬫᬃᬕ᭄ᬕᬶᬦᬾ ᬗᬮᬶᬦ᭄ᬢᬗᬶᬦ᭄᭞ᬢᬸᬓ
ᬤ᭄‌ᬬᬫᬸᬦ᭞ᬲᬫᬶᬗᬮᬶᬗ᭄ᬕᬶᬦ᭄‌ᬪᬳᬶᬢ᭞ᬳᬚᬳᬦ᭄‌ᬯᬸᬲ᭄ᬓᬮᬶᬦ᭄ᬢᬗᬶᬦ᭄᭞ᬢᬸᬓᬤ᭄ᬧᬸᬦᬷᬓ᭞ᬭᬶᬂᬳᬮᬲ᭄ᬫᬗ᭄ᬓᬶᬦ᭄‌ᬗ᭄ᬭᬜ᭄ᬚᬶᬂ᭞ᬚ᭄ᬭᭀᬦᬶᬂᬳᬮᬲ᭄᭞ᬳᬶᬤ