[ ᭑ 1B]
᭑᭞
᭚ᬅᬯᬶᬖ᭄ᬦᬫᬲ᭄ᬢᬸ᭟ᬧᬗᬓ᭄ᬱᬫ᭟ᬧᬸᬄᬫ᭄ᬕᬢ᭄ᬭᬸᬄ᭟ᬕᭃᬂᬳᬫ᭄ᬧᬸᬭ᭞ᬳᬶᬢᬫ᭄ᬩᭂᬢ᭄ᬫᬗ᭄ᬓᬶᬦ᭄ᬫᬳᬢᬸᬃ᭞ᬭᬶᬂᬲᬂᬲᬸᬤᬶᬫᬫᬯᭀᬲᬶᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬮᬶᬜᬂᬚᬸᬕᬸᬮ᭄
᭞ᬫᬳᬸᬭᬸᬓ᭄ᬫᬗᬯᬾᬕᬸᬭᬶᬢ᭄᭞ᬳᬫᬸᬕᬶᬓᬲᬶᬤ᭄ᬥᬦᬤᭀᬦ᭄᭟ᬗ᭄ᬳᬶᬂᬤᬕᬶᬂᬦ᭄ᬬ᭞ᬯᬦ᭄ᬢᬄᬯ᭄ᬬᬓ᭄ᬢᬶᬩᬩᬤ᭄ᬮᬸᬳᬸᬂ᭞ᬳᬗ᭄ᬕᬶᬂᬢᬫ᭄ᬩᭂᬢ᭄ᬲᬦᬾᬗᬸᬭᬶᬢ᭄᭞ᬰᬵᬲ᭄ᬢ᭄ᬭ
ᬦ᭄ᬜᬦᬾᬓᬶᬭᬂᬭᬗ᭄ᬓᬸᬂ᭞ᬫᬓᬯᬶᬦᬦ᭄ᬢᬸᬦᬍᬯᬶᬄ᭞ᬦ᭄ᬤᬯᭂᬕ᭄ᬳᬫ᭄ᬧᬸᬭᬬᬂᬫᬗ᭄ᬓᭀ᭟ᬧᬗᬸᬭᬶᬢ᭄᭟ᬧᬸᬄᬤᬹᬃᬫ᭄ᬫ᭟ᬤᬹᬃᬫᬗ᭄ᬕᬮ᭞ᬧᬹᬃᬯ᭄ᬯᬓᬢᬶᬢ᭄ᬬᬂᬳᬜ᭄ᬚᬮ
᭞ᬭᬶᬂᬳᬶᬤᬳ᭄ᬬᬂᬰᬭᬲ᭄ᬯᬢᬶ᭞ᬢᬶᬢ᭄ᬬᬂᬦ᭄ᬤᬮᬸᬕ᭄ᬭᬳ᭞ᬫᬤᬓ᭄ᬳᬶᬗᬶᬲᬾᬦ᭄ᬫᬦᬄᬳ᭄ᬦᬶᬂ᭞ᬑᬁᬲ᭄ᬯᬲ᭄ᬢ᭄ᬬᬢᬸ᭞ᬦᬵᬫᬰᬶᬯᬩᬸᬤ᭄ᬥᬬᬩᬸᬥᬶ᭟ᬓᬧᬶᬂᬭ᭄ᬯ᭞ᬢᬶᬢ᭄ᬬᬂᬮᬮᬶ
[ ᭒ 2A]
ᬢᬂᬮᬸᬕ᭄ᬭᬳ᭞ᬭᬶᬂᬳᬶᬤᬲᬂᬫᬳᬵᬋᬱᬶ᭞ᬫᬳᬵᬋᬱᬶᬯ᭄ᬬᬲ᭞ᬓᬗ᭄ᬕᭂᬄᬧᬦᭂᬫ᭄ᬩᬳᬦ᭄ᬚᬕᬵᬢ᭄᭞ᬚᬕᬢ᭄ᬪᬭᬣᬯᬃᬱᬤᬶ᭞ᬲᬋᬂᬲᬫ᭄ᬬᬦ᭄᭞ᬢᬦ᭄ᬫᬭᬶ
ᬫᬜᬸᬪᬓ᭄ᬢᬶ᭟ᬤ᭄ᬯᬦᬶᬂᬳᬶᬤ᭞ᬲᬦᬾ ᬫᬗ᭄ᬓᬶᬦ᭄ᬭᬶᬧ᭄ᬢᬦ᭄ᬢᬶᬢ᭄ᬬᬂ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬗᬸᬦᬶ᭞ᬳᬯᬶᬦᬦ᭄ᬓᬮᭀᬓ᭄ᬢᬄ᭞ᬲᬧᬸᬦᬧᬶ᭞ᬳᭂᬫ᭄ᬩᬲ᭄ᬳᬶᬤ᭞ᬗᬶᬭᬶᬂᬫᬗ᭄ᬓᬶ
ᬦ᭄ᬧᬯᭀᬲᬶᬦ᭄᭞ᬮᬶᬂᬩᬩᬤ᭄ᬳᬶᬤ᭞ᬲᬧᬸᬦᬶᬓᬶᬓᬯᬶᬦᬂᬡ᭄ᬦᬶ᭟ᬘᬶᬭᬭᬶᬢ᭞ᬢᬶᬕᬗᬢᬸᬲ᭄ᬲᬾᬓᭂᬢ᭄ᬢᬶᬩᬦ᭄᭞ᬲᬤᬸᬭᬸᬂᬢᬳᬸᬦ᭄ᬫᬲᬾᬳᬶ᭞ᬯᬾᬦ᭄ᬢᭂ
ᬦ᭄ᬪᬸᬧᬢ᭄ᬬ᭞ᬪᬲᬸᬧᬭᬶᬘᬭᬗᬭᬦ᭄᭞ᬫᬤᭂᬕ᭄ᬭᬶᬂᬯᬵᬭᬣᬦᬕ᭄ᬭᬶ᭞ᬧ᭄ᬭᬚ᭄ᬜᬦ᭄ᬧ᭄ᬭᬕᬶᬯᬓ᭞ᬯᬶᬄᬯᬓᬭᬶᬂᬦᬬᬲᬦ᭄ᬤᬶ᭞ᬯᬤ᭄ᬯᬦ᭄ᬳᬶᬤ᭞ᬯᬲ᭄ᬢᬸᬫᬗ᭄ᬕᬸᬄ
Kaca:Bali-lontar-gaguritan-resi-byasa-350ppi.pdf/2
Kaca puniki sampun kauji-wacén
