[᭑᭑ 11B]
᭑᭑᭞
ᬫ᭄ᬩᬗᬂᬩᬳᬶᬢ᭞ᬓᬗᭂᬦ᭄ᬫᬦᬄᬢᬶᬢ᭄ᬬᬂᬚᬢᬶ᭞ᬭᬭᬶᬲ᭄ᬗᬸᬦᬶᬗᬂ᭞ᬲᬂᬤᬸᬃᬕᬦ᭄ᬤᬶᬦᬶᬫᬗ᭄ᬓᬶᬦ᭄᭟ᬳᬶᬗ᭄ᬕᬶᬄᬦ᭄ᬤᬯᬾᬕ᭄᭞ᬢᬶᬢ᭄ᬬᬂᬯᬦ᭄ᬢᬄᬚᬦ᭄ᬫᬦᬶᬱ᭄ᬝ᭞ᬩᭀᬬ
ᬢᬶᬢ᭄ᬬᬂᬯᬶᬤ᭄ᬬᬤᬭᬶ᭞ᬩᭀᬬᬢᬶᬢ᭄ᬬᬂᬢᭀᬜ᭞ᬩᭀᬬᬳ᭄ᬬᬂᬦᬶᬂᬬᬫᬸᬦᬶ᭞ᬫᬧᬦ᭄ᬢᬶᬢ᭄ᬬᬂᬚᬸᬭᬸᬧᬜ᭄ᬘᬶᬂ᭞ᬢᬶᬢ᭄ᬬᬂᬦ᭄ᬭᬓᬧᬶᬲᬦ᭄᭞ᬲᬓᬶᬂᬳᬮᬶᬢ᭄ᬭᬯᬸᬄᬫᬂ
ᬓᬶᬦ᭄᭞ᬳᬫ᭄ᬩᬸᬦ᭄ᬢᬶᬢ᭄ᬬᬂ᭞ᬳᬮᬶᬤ᭄ᬢᬦ᭄ᬓᭀᬤᬕ᭄ᬓᭀᬤᬕ᭄᭞ᬫᬾᬫᬾᬦ᭄ᬩᬧᬦ᭄ᬢᬶᬢ᭄ᬬᬂᬧᬮᬶᬂ᭞ᬫᬗᬺᬋᬳᬂᬢᬫ᭄ᬩ᭞ᬢᬍᬃᬢᬦ᭄ᬫᬭᬭᬤᬦ᭄᭞ᬳᬤᬸᬄᬮ
ᬘᬸᬃᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬲᬧᬲᬶᬭᬲ᭄ᬯᬾᬘ᭄ᬙ᭞ᬢᬶᬢ᭄ᬬᬂᬲᬗ᭄ᬕᬸᬧ᭄ᬫᬫᬜ᭄ᬚᬓᬶᬦ᭄᭟ᬲᬂᬧᬡ᭄ᬥᬶᬢ᭞ᬓᬗᭂᬦ᭄ᬳᬶᬤᬫ᭄ᬬᬃᬱᬬᬂ᭞ᬤᬸᬃᬕ᭄ᬕᬦ᭄ᬤᬶᬦᬶᬗᭂᬢᬸᬲ᭄ᬳᬢᬶ᭞ᬭᬭᬶᬲ᭄ᬫᬗ
[ ᭑᭒ 12A]
ᬦ᭄ᬤᬶᬓ᭞ᬤᬸᬄᬤᬾᬯᬤᬾᬯᬦ᭄ᬢᬶᬢ᭄ᬬᬂ᭞ᬦᬄᬦᬾᬩᬧᬳᬦᬾᬚᬦᬶ᭞ᬢᬸᬮᬸᬂᬮᬶᬯᬢᬂ᭞ᬳᬸᬮᬶᬤᬶᬬᬫᬸᬦᬤᬶᬦᬶ᭟ᬤᬸᬃᬕ᭄ᬕᬦ᭄ᬤᬶᬦᬶ᭞ᬫᬭᬭᬶᬲ᭄ᬫᬳᬢᬸᬃᬲᭂᬫ᭄ᬩᬄ᭞ᬤᬸᬭᬸ
ᬲ᭄ᬲᬂᬫᬳᬫᬸᬦᬶ᭞ᬫᬸᬗ᭄ᬕᬄᬫᬭᬶᬂᬧᬮ᭄ᬯ᭞ᬢᬶᬢ᭄ᬬᬂᬜᬤ᭄ᬬᬗᬮᬶᬦ᭄ᬢᬗᬂ᭞ᬲᬂᬧᬡ᭄ᬥᬶᬢᬫᬸᬗ᭄ᬕᬄᬭᬭᬶᬲ᭄ᬫᬗ᭄ᬓᬶᬦ᭄ᬓᬘᬭᬶᬢ᭞ᬲᬂᬳᬬᬸᬫᬤᬬᬸᬂᬭᬭᬶᬲ᭄᭟ᬤᬬᬸᬂᬤᬬᬸᬂ
᭞ᬲᬫ᭄ᬧᬦᬾᬓᬤᬬᬸᬗᬂ᭞ᬲᬂᬳᬬᬸᬫᬕ᭄ᬬᭂᬢ᭄ᬲᬸᬫᬶᬗ᭄ᬓᬶᬦ᭄᭞ᬧ᭄ᬭᬶᬗᭂᬢᬾᬫᭂᬫ᭄ᬩᬄ᭞ᬲᬂᬧᬡ᭄ᬥᬶᬢᬯ᭄ᬮᬲ᭄ᬳᬃᬱ᭞ᬫᬗᬓ᭄ᬱᬶᬲᬂᬳᬬᬸᬍᬢᬶᬄ᭞ᬦᬸᬮᬶᬫᬗ
ᬦ᭄ᬤᬶᬓ᭞ᬤᬸᬄᬩᬧᬓᬗᭂᬦ᭄ᬫᬗᬓ᭄ᬱᬶ᭟ᬳᬸᬤᬸᬄᬤᬾᬯ᭞ᬩᬧᬓᬗᭂᬦ᭄ᬩᬦ᭄ᬳᬶᬤᬾᬯ᭞ᬓᬾᬢᭀᬤᬾᬯᬫᬗᬲ᭄ᬢᬶᬢᬶ᭞ᬫ᭄ᬯᬢᬂᬫᬬᬰ᭞ᬫᬤᬓ᭄ᬤᬾᬯᬓ
