[᭙᭖96B]
᭙᭖
ᬫ᭄ᬩᭀᬓ᭄ᬳᬕᬸᬂᬭᬵᬚᬥᬦᬶ᭞ᬲᬶᬩᬗᬾᬚᬮᬭᬳᬸᬶᬦᬶᬧᬸᬦ᭄᭞ᬫᬘᬸᬓ᭄ᬘᬸᬓ᭄ᬭᬶᬂᬧᬓᬸᬋᬦᬦ᭄᭞ᬫᬥᬾᬭᬓᬫᬶᬦᬓᬵᬤᬶ᭞ᬓᬓ᭄ᬮᬸᬂᬓᬸᬂᬗᬢᬸᬭᬂᬭᬕᬶᬶᬚᬧᬶᬰᬸᬦ᭟ᬫᬓ᭄ᬭᬡᬳᬶᬤ᭄ᬯᬕᬸᬂᬫᭂᬗ᭄ᬕᬄ᭞ᬫᬫᬜ᭄ᬘᬦᬲᬓᬶᬂᬲᬶᬮᬶᬩ᭄᭞ᬳᬗᭀ᭠
ᬩ᭄ᬩᬦ᭄ᬩᭂᬮᬶᬫᬗᭂᬦᬂ᭞ᬓᬧᬶᬮᬸᬕ᭄ᬩᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬧᬗᬸᬤᬓᬵᬭᬦᬾᬫᬭᬶ᭞ᬳᬾᬮᬶᬂᬩ᭄ᬮᬶᬓᬤᬶᬦᬾᬲᬵᬫ᭄ᬧᬸᬦ᭄᭞ᬤᬸᬭᬸᬂᬦᬳᭂᬦ᭄ᬩᭂᬮᬶᬢᬸᬮᬓ᭄᭞ᬳᬧᬭᬦ᭄ᬧᬓᬬᬸᬦᬦᬦᬾᬳᬶᬭᬶᬂ᭞ᬳᬮᬳᬬᬸ᭞ᬯ᭄ᬬᬤᬶᬦ᭄ᬫᭂᬕᬢᬦ᭄ᬲᬯᬶᬢ᭄ᬭᬦ᭄᭟ᬦᬵᬗ᭄ᬳᬶᬂ
ᬩ᭄ᬮᬶᬫᬗᬶᬭᬶᬗᬂ᭞ᬦᬢᬓ᭄ᬲᬧᬗ᭄ᬤᬶᬓᬦᬾᬫᬗ᭄ᬓᬶᬦ᭄᭞ᬲᬢ᭄ᬲᬢ᭄ᬦᬸᬦᬲ᭄ᬧᬗ᭄ᬮᬸᬓᬢᬦ᭄᭞ᬧᬸᬭᬸ᭠ᬳᬳᬗ᭄ᬕᭀᬦ᭄ᬦ᭠ᬲᬭᬶᬦ᭄᭞ᬯ᭄ᬓᬲ᭄ᬫᬮᬶᬄᬢᬳᬾᬫᬩᬶᬦ᭄᭞ᬦᬸᬫᬤᬶᬤᬤᬶᬳᬕᬸᬂ᭞ᬭᬢᬸᬓᬭᬗ᭄ᬳᬲᭂᬫ᭄ᬫᬦᬶᬫ᭄ᬩᬮ᭄᭞ᬯᬦ᭄ᬢᬄᬧᬚᬦ᭄ᬢᭀᬲᬦ᭄ᬕᬸ᭠
ᬫᬶ᭞ᬕᬦ᭄ᬢᬶᬩ᭄ᬬᬸᬃ᭞ᬤᬍᬫᬦ᭄ᬩᭀᬬᬫᬕᭂᬳᬂ᭟ᬰᬰᬡᬦ᭄ᬭᬢᬸᬉᬢ᭄ᬢᬫ᭞ᬲᬢᬢᬫᬗᬯᬾᬯᬾᬘᬶ᭞ᬲᬢ᭄ᬫᬓᬤᬶᬭᬶᬂᬕ᭄ᬬᬜᬃ᭞ᬳᬦᬓ᭄ᬫᬸᬮᬢᬼᬪᬓ᭄ᬢᬶ᭞ᬮ᭄ᬯᬶᬄᬳᬧᬓᬬᬾᬂᬗᬹᬦᬶ᭞ᬲᬗ᭄ᬓᬦ᭄ᬳᬶᬤᬳᬜ᭄ᬦᭂᬂᬳᬕᬸᬂ᭞ᬦᬾᬯᬫᬗ᭄ᬕᬶ᭠
[᭙᭗97A]
ᬲ᭄ᬗᬭᬡᬬᬂ᭞ᬲᬋᬂᬩᬤᬸᬂᬯᬄᬩ᭄ᬮᬶ᭞ᬢ᭄ᬮᬲᬼᬩᬸᬭ᭄᭞ᬧᭂᬘᬓ᭄ᬯᬶᬮᬲᬦᬾᬓᬸᬦ᭟ᬢ᭄ᬯᬄᬳᬶᬤᬮᭀᬩᬳᬗ᭄ᬓᬭ᭞ᬜ᭄ᬦᭂᬂᬤᬍᬫ᭄ᬓᬤᬶᬫᬗ᭄ᬓᬶᬦ᭄᭞ᬦᬶᬗ᭄ᬕᬮᬂᬭᬲᬉᬢ᭄ᬢᬫ᭞ᬚᬦᬵᬦᬸᬭᬕᬦᬾᬫᬭᬶ᭞ᬤᬸᬱ᭄ᬝᬤ᭄ᬭᭀᬯᬓᬤ᭄ᬭᬸᬯᬶ᭞ᬓ᭄ᬭᬡ᭠
ᬦᬵᬕᬭᬦᬾᬩ᭄ᬬᬸᬃ᭞ᬫᬫᬸᬲᬸᬄᬮᬵᬯᬦ᭄ᬢᬸᬫ᭄ᬧᬮ᭄᭞ᬓᬓ᭄ᬚᬂᬧᬥᬳᬜ᭄ᬘᬸᬓᬶᬦ᭄᭞ᬫᬗ᭄ᬤᬤᬸᬭᬸᬲ᭄᭞ᬧᬘᬂᬫᬗᬮᬶᬄᬧᬸᬓᬗᬦ᭄᭟ᬢ᭄ᬯᬭᬫᬗᬾᬮᬶᬗᬂᬭᬕ᭞ᬤᬤᬶᬭᬢᬸᬘᬓ᭄ᬭᬯᬃᬢ᭄ᬢᬶ᭞ᬢᭀᬂᬩᬶᬲᬗᬮᬧ᭄ᬧᬶᬢᬺᬱ᭄ᬡ᭞ᬚᭂᬚᭂᬄᬧ᭄ᬭᬕᬸᬗᬾ
ᬢᬗ᭄ᬓᬶᬮ᭄᭞ᬫᬓ᭄ᬚᬂᬧᬥᬧᬓ᭄ᬮᬶᬤ᭄᭞ᬫᬶᬭᬶᬩ᭄ᬧᬘᬂᬓ᭄ᬦᬳᬧᬸᬲ᭄᭞ᬓᬾᬯᬦ᭄ᬢᭂᬦ᭄ᬩᭂᬧᬶᬧᬕᭂᬳᬂ᭞ᬧᬵᬢᬹᬢᬾᬳᬸ᭠ᬕᬶᬫᬃᬵᬕ᭄ᬕᬶᬦᬶᬦ᭄᭞ᬫᬗ᭄ᬤᬾᬦᭂᬫᬸ᭞ᬥᬃᬫ᭄ᬫᬦᬶᬂᬲᬂᬫᬗᬳᬸᬮ᭟ᬦᬾᬫᬗ᭄ᬓᬶᬦ᭄ᬗᬶᬭᬶᬂᬤᬩ᭄ᬤᬩᬂ᭞ᬓ᭄ᬭᬡᬢᬶᬢ᭄ᬬᬂᬭᬳᬸᬄᬫ᭄ᬭᬶᬓᬶ᭞
ᬫᬶᬲᬤ᭄ᬬᬯᬦ᭄ᬢᬄᬫᬩ᭄ᬯᬢ᭄᭞ᬫᬫ᭄ᬯᬢᬶᬦ᭄ᬮᬶᬗ᭄ᬕᬶᬄᬩ᭄ᬮᬶ᭞ᬬᬤ᭄ᬬᬧᬶᬦ᭄ᬓᬢ᭄ᬓᬾᬂᬧᬢᬶ᭞ᬩᭀᬬᬢᬶᬢ᭄ᬬᬂᬧᬘᬂᬓᬾᬗ᭄ᬕᬸᬄ᭞ᬦᬵᬗ᭄ᬳᬶᬂᬲᭀᬧᬬᬦ᭄ᬢᬶᬢ᭄ᬬᬂ᭞ᬭᬭᬳᬦᬲᬓᬶᬂᬳᬳᬭᬶᬲ᭄᭞ᬫᬗ᭄ᬤᬾᬮᬦ᭄ᬢᬸᬃ᭞ᬚᬕᬢᬾᬓᬤᬶᬭᬶᬂᬓᬸᬦ᭟ᬢᬶ
Kaca:Bali-lontar-gaguritan-rereg-gianyar-300ppi.pdf/97
Kaca puniki sampun kauji-wacén
