[᭙᭐90B]
᭙᭐
ᬩᬮᬶᬓ᭄᭞ᬲᬂᬓᬶᬘ᭄ᬙᬾᬦ᭄ᬯᬘᬦ᭞ᬫᬸᬮᬳᬦᬓ᭄ᬫᬗᬗ᭄ᬓᬲ᭄᭞ᬓᬤᬶᬳᬬᬫᬾᬩᭂᬦ᭄ᬢᬾᬢᬶᬦ᭄᭞ᬕᬮᬓ᭄ᬫᬗᬫᬄ᭞ᬫᬶᬲᬤ᭄ᬬᬯᬦ᭄ᬢᬄᬗᬶᬭᬶᬂ᭟ᬧᬸᬦᬶᬓᬓ᭄ᬭᬡᬯᬦ᭄ᬢᬄᬘᬕᭂᬃᬭᬶᬂᬧᬫ᭄ᬦᬂ᭞ᬕᬦ᭄ᬢ᭄ᬬᬦᬶᬂᬘᬭᬶᬢᬫᬮᬶᬄ᭞ᬭᬶᬂᬫᬗ᭄ᬯᬶᬓᭀᬘᬧ
ᬦ᭄᭞ᬓᬵᬢᬹᬃᬲᬧᬭᬶᬧᭀᬮᬄ᭞ᬳᭀᬲᭂᬓ᭄ᬧᬗ᭄ᬭᬳᭀᬲᬾᬫᬗ᭄ᬓᬶᬦ᭄᭞ᬫᬤᬸᬮᬸᬃᬳᬾᬭᬂ᭞ᬚᬦ᭄ᬢᭂᬦ᭄ᬫ᭠ᬦᬤᭀᬲ᭄ᬓᬵᬮᬶ᭟ᬳᬦᬓᬾᬳᬕᬸᬂᬭᬭᬶᬲ᭄ᬫᭂᬤᬮ᭄ᬓᬩᬜ᭄ᬘᬶᬗᬄ᭞ᬦᬭᬶᬲᬂᬓᬵᬭᬶᬪᬓ᭄ᬢᬶ᭞ᬧᬸᬢ᭄ᬭᬲᬫ᭄ᬢᭀᬦᬦ᭄᭞ᬧ᭄ᬭ
ᬩ᭄ᬓᭂᬮ᭄ᬫᬜ᭄ᬘᬢᬭᬸᬡ᭞ᬩᬢᬸᬳᬮᬂᬓᬚᭂᬂᬲᬫᬶ᭞ᬮ᭄ᬯᬶᬄᬧᬗᬦ᭄ᬤᬶᬓ᭞ᬓᬤᬶᬗᬦᬶᬦᬶᬦ᭄ᬳᬢᬶ᭟ᬗ᭄ᬕᬶᬄᬧᬥᬡ᭄ᬥᬮᬘᬸᬃᬧᬥᬡ᭄ᬥᬦᬾᬫᬭᬕ᭞ᬜᬫᬘᬳᬶᬧᬥᬲᬫᬶ᭞ᬦᬾᬚᬦᬶᬩᭂᬲᬶᬓᬂ᭞ᬇᬥᭂᬧᬾᬳᬚᬓ᭄ᬫᬓ᭄ᬚᬂ᭞ᬦᬄᬚᬮᬦ᭄ᬚ
ᬦᬶᬢᬢᬓᬶᬦ᭄᭞ᬲᬧᬓᬬᬸᬦᬦ᭄᭞ᬳᬶᬤᬲᬂᬫᬸᬢᭂᬃᬩᬮᬶ᭟ᬲᬶᬂᬚᬧ᭄ᬮᬶᬄᬬᬦ᭄ᬳᬶᬤᬫᬓᬵᬃᬬ᭄ᬬᬭᬸᬦ᭄ᬤᬄ᭞᭠ᬢ᭄ᬯᬄᬳᬶᬤᬲ᭄ᬦᭂᬂᬩᬦᬶᬦᬶᬦ᭄᭞ᬳᬲᬶᬂᬧᬓᬬᬸᬦᬦ᭄᭞ᬲᬢ᭄ᬦᬸᬦᬲ᭄ᬧᬗ᭄ᬮᬸᬓᬢᬦ᭄᭞ᬰᬹᬭᬭᬶᬂᬭᬡᬳᬶᬦᬶᬲ᭄ᬢᬶ᭞ᬭᬶᬂᬚᬤ᭄ᬫᬵ
[᭙᭑91A]
ᬦ᭄ᬢᬭ᭞ᬤᬶᬢᬸᬚᬮᬦ᭄ᬚᬸᬫᬸᬦᬶᬦ᭄᭟ᬕᬸᬲ᭄ᬢᬶᬕ᭄ᬥᬾᬳᬕᬸᬂᬧᬸᬢ᭄ᬭᬧᬗᬋᬧᬢᬹᬃᬲᭂᬫ᭄ᬩᬄ᭞ᬩᬗ᭄ᬕ᭄ᬬᬂᬢᬶᬢ᭄ᬬᬂᬓᬵᬭᬶᬳᬮᬶᬢ᭄᭞ᬗ᭄ᬕᬶᬄᬭᬢᬸᬘᭀᬓᭀᬃᬤ᭞ᬳᬶᬕ᭄ᬥᬾᬫᬗ᭄ᬓᬶᬦ᭄ᬘᬭᬸᬯᬂ᭞ᬫᬸᬮᬓᬲᬸᬩ᭄ᬳᬸᬮᬶᬗᬹᬦᬶ᭞ᬧ᭄ᬭᬓ᭄ᬱᬢ᭄ᬭᬶᬬᬾᬂᬤᬳ᭞ᬧ᭄ᬭ
ᬚᬸᬭᬶᬢ᭄ᬫᬚᬧᬳᬶᬢ᭄᭟ᬗᬸᬭᬄᬢ᭄ᬭᬸᬕ᭄ᬓᬤᬶᬢᬶᬦᬗᬶᬂᬓᬧᬸᬭᬸᬱᬵᬦ᭄᭞ᬳᬢᬹᬃᬳᬦᬓᬾᬳᬮᬶᬢ᭄᭞ᬓᬩᬗᬦᬢᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄ᬗᭀᬩᭂᬢᬂ᭞ᬫᭀᬦ᭄ᬓᬭᬶᬳᬶᬓ᭄ᬭᬸᬕ᭄ᬳᬸᬭᬶᬧ᭄᭞ᬫᬲᬢᭀᬂᬲᬶᬤ᭄ᬥ᭞ᬫᬦᬤᬶ᭠
ᬲᬵᬕᬭᬯᬶᬮᬶᬲ᭄᭟ᬓᬾᬯᬦ᭄ᬢᭂᬦ᭄ᬭᬢᬸᬲᬩᬸᬳᬶᬦ᭄ᬢᬶᬢ᭄ᬬᬂᬯᬘᬦ᭞ᬢᬶᬢ᭄ᬬᬂᬜᬤ᭄ᬬᬗᬭᬶᬳᬶᬦᬶᬦ᭄᭞ᬗᬋ᭠ᬚᭂᬓ᭄ᬳᬶᬲᬶᬩᬂ᭞ᬫᬲᬢᭀᬂᬲᬶᬤ᭄ᬥᬜᬕ᭄᭞ᬳᬦᬓᬾᬳᬕᬸᬂᬜᬳᬸᬭᬶᬦ᭄᭞ᬦ᭄ᬤᬾᬦ᭄ᬤᬦᬸᬳᬸᬦᬂ᭞ᬳᬧᬦ᭄ᬮ᭄ᬬᬸᬦᬸᬓ᭄ᬦᭂᬳᬶ
ᬦ᭄᭟ᬕᬸᬲ᭄ᬢᬶᬫᬬᬸᬦ᭄ᬳᬢᬸᬭᬾᬫᬫᬵᬢᬹᬢ᭄ᬧᬶᬲᬦ᭄᭞ᬯ᭄ᬬᬓ᭄ᬢᬶᬜᬦ᭄ᬤᬂᬚᬦ᭄ᬢᭀᬲᬶᬦ᭄᭞ᬲᬵᬫ᭄ᬧᬸᬦ᭄ᬗᬭᬶᬳᬶᬦᬂ᭞ᬯᬦ᭄ᬢᬄᬓᬾᬲᬶᬤ᭄ᬥᬜᬕ᭄᭞ᬚᬕᬢᬾᬮ᭄ᬯᬶᬃᬲᭂᬫᬢ᭄ᬳᬸᬮᬶᬕ᭄᭞ᬩ᭄ᬘᬶᬓ᭄ᬢᭂᬮᬦᬂ᭞ᬤᭀᬄᬢᬦᬾᬮᬶᬂᬲᬸᬪᬓ᭄ᬢᬶ᭟ᬯ᭄ᬬᬤᬶᬦᬶ᭠
Kaca:Bali-lontar-gaguritan-rereg-gianyar-300ppi.pdf/91
Kaca puniki sampun kauji-wacén
