[᭘᭙89B]
᭘᭙
ᬳᬜ᭄ᬚ᭄ᬭᬄᬮ᭄ᬯᬶᬃᬯᬶᬦ᭄ᬢᬂ᭞ᬳᬧᬦ᭄ᬲᬂᬫᬳᬵᬍᬯᬶᬄ᭞ᬲᬳᬢᭂᬤᬸᬂᬓᭂᬫ᭄ᬩᬃ᭞ᬧᬦ᭄ᬢᭂᬲ᭄ᬗᬮᬶᬗ᭄ᬕᬶᬳᬶᬦ᭄ᬤᬫ᭄ᬧ᭞ᬢᬦ᭄ᬘᬭᬶᬢᬤᬸᬓ᭄ᬭᬶᬂᬫᬵᬃᬕ᭄ᬕᬶᬫᬾᬄᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬩᬢᬸᬄᬗᬋᬋᬧ᭄ᬲᬯ᭄ᬗᬶ᭟ᬫᬩᬩᬳᭀᬲ᭄ᬩᬾᬜ᭄ᬚᬗᬦ᭄ᬫᬮᬶᬄᬫᬫᬃᬵᬕ᭄ᬕ᭞
ᬢᬦ᭄ᬓᬯᬃᬡ᭄ᬦᬭᬶᬂᬫᬃᬵᬕ᭄ᬕᬶ᭞ᬭᬳᬸᬄᬭᬶᬂᬦᬵᬕᬭ᭞ᬇᬭᬶᬓᬵᬫᬓᭀᬍᬫᬦ᭄᭞ᬲᬯᬢᬭᬢᬶᬕᬂᬯ᭄ᬗᬶ᭞ᬢᬹᬃᬧᬸᬢᬸᬲᬦ᭄᭞ᬕᬕ᭄ᬮᬶᬲᬦ᭄ᬓᬫᬗ᭄ᬯᬶ᭟ᬫᬗᭂᬲᬾᬗᬶᬦ᭄ᬳᬦᬓᬾᬳᬕᬸᬂᬭᬶᬂᬓᬯᬶᬰᬸᬦ᭄ᬬ᭞ᬭᬭᬶᬲ᭄ᬫᬗ᭄ᬤᬾᬫᬗᬶᬭᬶᬂ᭞ᬕᬸᬲ᭄ᬢᬶᬫᬥᬾ
ᬗᬸᬭᬄ᭞ᬫᬢᭂᬢᭂᬫᬸᬭᬶᬂᬩᬢᬸᬩᬸᬮᬦ᭄᭞ᬫᬩᬳᭀᬲ᭄ᬲᬋᬂᬲᬫᬶ᭞ᬗᬋᬋᬄᬓᬭᬳᬬ᭄ᬯᬦ᭄᭞ᬋᬘᭂᬳᬾᬓᬤᬶᬫᬗ᭄ᬓᬶᬦ᭄᭟ᬳᬦᬓ᭄ᬳᬕᬸᬂᬫᬗ᭄ᬯᬶᬲᬾᬩᭂᬢ᭄ᬭᬶᬂᬘᬾᬲ᭄ᬢᬓᬵᬃᬭ᭞ᬫᬲᬗ᭄ᬓᬾᬲᬸᬗ᭄ᬓᬦ᭄ᬧ᭄ᬭᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬫᬧᬸᬢᬸᬲᬦ᭄᭞᭠
ᬦᬯᭂᬕᬂᬓᬩᬢᬸᬩᬸᬮᬦ᭄᭞ᬳᬶᬤᬢᬸᬳᬸᬃᬓᬫᬗ᭄ᬯᬶ᭞ᬲᬓᬾᬂᬇᬭᬶᬓᬵ᭞ᬲᬭᬮᬾᬤᬂᬫᬫᬳᭀᬲᬶᬦ᭄᭟ᬧᬗᬤᬸᬦᬶᬂᬳ᭄ᬬᬂᬳᬶᬤ᭄ᬯᬕᬸᬂᬓᬤᬶᬲᬮᬳᬃᬱ᭞ᬓᬩᬳᭀᬲ᭄ᬓᬤᬶᬗᭂᬲᬾᬗᬶᬦ᭄᭞ᬢᬹᬃᬫᬯ᭄ᬢᬸᬓ᭄ᬭᭀᬥ᭞ᬘᭂᬦ᭄ᬤᭂᬓᬶᬂᬩᬩ
[᭙᭐90A]
ᬳᭀᬲᬦ᭄᭞ᬳᬶᬤᬓᬵᬭᬶᬫᬫᬶᬦᭂᬳᬶᬦ᭄᭞ᬭᬭᬶᬲ᭄ᬓᬢᬸᬮᬓ᭄᭞ᬳᬸᬢᬸᬲᬦ᭄ᬩᬸᬤᬮ᭄ᬧ᭄ᬭᬫᬗ᭄ᬓᬶᬦ᭄᭟ᬫᬸᬭᬸᬩᬶ᭠ᬩ᭄ᬭᬳ᭄ᬫᬵᬦ᭄ᬢ᭄ᬬᬲ᭄ᬯᬪᬵᬯᬓᬤᬶᬕᬮᬸᬕ᭞ᬫᬮᬢᬸᬮᬢᬸᬭᬶᬂᬳᬓ᭄ᬱᬶ᭞ᬦ᭄ᬤᬄᬢᬸᬫᬸᬮᬶᬮᬸᬗ᭄ᬳ᭞ᬓᬩᬤᬸᬂᬕᬕ᭄ᬮᬶᬲᬦ᭄᭞ᬭᬢᬸ
ᬩᬤᬸᬂᬫᬫᭂᬦ᭄ᬤᬓᬶᬦ᭄᭞ᬫᬶᬯᬄᬢᬩᬩᬩ᭄᭞ᬧᬸᬗ᭄ᬕᬯᬲᬫᬶᬫᬗᬶᬭᬶᬂ᭟ᬫᬧᬓᭀᬍᬫ᭄ᬜᬸᬚᬸᬃᬓᬧᬸᬭᬶᬤᬾᬦ᭄ᬧᬲᬃ᭞ᬧ᭄ᬭᬕᬸᬂᬧᬸᬗ᭄ᬕᬯᬲᬫᬶ᭞ᬗᬶᬭᬶᬂᬫᬧᬗ᭄ᬭᬳᭀᬲ᭄᭞ᬢᬦ᭄ᬮ᭄ᬬᬦ᭄ᬦᬾᬓᬩᬳᭀᬲᬦ᭄᭞ᬧ᭄ᬭᬲᬗ᭄ᬕᬦᬾᬳᬶᬫᬗ᭄ᬯᬶ᭟ᬢᬩ᭠
ᬦᬦ᭄ᬩᬤᬸᬂᬲᬫᬶᬧᬥᬫᬵᬢᬸᬓᬂ᭞ᬓᬵᬮᬶᬄᬜᬤ᭄ᬬᬫᬗᬶᬭᬶᬂ᭞ᬫᬓ᭄ᬱᬫᬗ᭄ᬭᬸᬲᬓ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬳᭀᬲᬦ᭄᭞ᬳᬶᬤ᭄ᬯᬕᬸᬂᬮᬾᬤᬂᬢᬦ᭄ᬲᬶᬧᬶ᭞ᬦ᭄ᬤᬢᬦ᭄ᬓᬯᬃᬡ᭄ᬦ᭞ᬲᬸᬯᬾᬦᬾᬭᬶᬂᬩᬤᬸᬂᬫᬮᬶᬗ᭄ᬕᬶᬄ᭟ᬦ᭄ᬤᬢᬦ᭄ᬮ᭄ᬬᬦ᭄ᬗᬭᬶ
ᬜ᭄ᬘ᭄ᬬᬂᬧᬗᬶᬦ᭄ᬤ᭄ᬭᬚᬮ᭞ᬫᬗ᭄ᬤᬾᬦ᭄ᬜᬲᬶᬤ᭄ᬥᬳᬸᬕᬶ᭞ᬓᬤᬶᬧᬓᬬᬸᬦᬦ᭄᭞ᬫᬶᬯᬄᬲᬵᬫ᭄ᬧᬸᬦ᭄ᬫᬧᬸᬢᬸᬲᬦ᭄᭞ᬫᬦ᭄ᬢᬸᬓ᭄ᬓᬓ᭄ᬮᬸᬂᬓᬸᬂᬧ᭄ᬭᬚᬦᬶ᭞ᬫᬗᬸᬦᬶᬗ᭄ᬳᬬᬂ᭞ᬢᬶᬗ᭄ᬓᬳᬾᬳᬶᬫᬗ᭄ᬯᬶ᭟ᬫᬗᭂᬲᬾᬗᬶᬦ᭄ᬕᬸᬲ᭄ᬢᬶᬳᬕᬸᬂᬭᬶᬂᬲᬶᬩᬂ᭞ᬤᬕᬶᬂᬦᬸᬭᬸᬲᬂᬫ᭠
Kaca:Bali-lontar-gaguritan-rereg-gianyar-300ppi.pdf/90
Kaca puniki sampun kauji-wacén
