[᭘᭖86B]
᭘᭖
ᬫᬲᬶᬓᭂᬧ᭄ᬩ᭄ᬮᬶᬤᬲᬫᬶ᭞ᬧᬋᬓᬦ᭄ᬩᭀᬓᬢ᭄᭞ᬫᬲᬹᬃᬬ᭄ᬬᬓ᭄ᬫᬗ᭄ᬓᬶᬦ᭄ᬕᬸᬫᬶᬭᬶᬄ᭟ᬭᬭᬶᬲ᭄ᬫᭂᬤᬮ᭄ᬧᬗᬫᬹᬓᬾᬫᬤᬦ᭄ᬤᬦ᭄ᬢᬗᬦ᭄᭞ᬢᬸᬮ᭄ᬬᬳᬦᬓ᭄ᬫᬩᬸᬜ᭄ᬘᬶᬂ᭞ᬫᬫ᭄ᬮᬩ᭄ᬤ᭄ᬯᬚᬲᬶᬜ᭄ᬚᬂ᭞ᬲᬹᬃᬬ᭄ᬬᬓ᭄ᬧᬗ᭄ᬭᬶᬓᬶᬂᬓ᭄ᬭᬾᬢ᭞ᬓᬸᬫᭂᬜ᭄ᬘ᭄ᬬᬂᬦᬯᬾ᭠
ᬳᬗᬺᬱᬶ᭞ᬧᬗᬤᬸᬦᬶᬂᬳ᭄ᬬᬂ᭞ᬩᬸᬗ᭄ᬓᬳᬚ᭄ᬭᬶᬄᬲᬶᬓᭂᬧ᭄ᬫᬗ᭄ᬯᬶ᭟ᬫᬕᬸᬮᬸᬗᬦᬸᬧᬫᬯᬮᬂᬢᬶᬦᭂᬩᬄ᭞ᬤᬳᬸᬢ᭄ᬧᬬᬸᬂᬧᬚᬸᬗ᭄ᬓᬶᬮᬶᬂ᭞ᬢᭀᬂᬤᬤᬶᬳᬦ᭄ᬤᭂᬕᬂ᭞ᬳᬓᬾᬄᬮᬸᬂᬦᭂᬧᬾᬦ᭄ᬚᬸᬭᬂ᭞ᬫᬯᬲ᭄ᬢᬸᬬᬤᬤᬶᬧᬮᬶᬂ᭞ᬫᬗ᭄ᬮᬯᬦ᭄ᬢᬶᬫ᭄ᬧᬮ᭄᭞ᬢᬦ᭄ᬧᬾ
ᬗᬦ᭄ᬧ᭄ᬭᬗᬭᬓᬶᬢ᭄᭟ᬲᬸᬤᬸᬓ᭄ᬲᬶᬦᬸᬤᬸᬓ᭄ᬧᬕ᭄ᬭᭀᬄᬕᭀᬄᬫᬗ᭄ᬮᬯᬦ᭄ᬢᬶᬫ᭄ᬧᬮ᭄᭞ᬳᬓᬾᬄᬫᬵᬢᬶᬳᬓᬦᬶᬦ᭄᭞ᬚᬕᬸᬂᬓᬤᬶᬧ᭄ᬮᬲᬄ᭞ᬕᬸᬲ᭄ᬢᬶᬫᬬᬸᬦ᭄ᬓᬫᭂᬫᭂᬕᬦ᭄᭞ᬢᬸᬳᬸᬓ᭄ᬭᭀᬯᬂᬫᬜᬸᬗ᭄ᬓᬶᬮᬶᬂ᭞ᬢᬹᬃᬫᬭᬫ᭄ᬧ᭞ᬳᬗ᭄ᬓᬶᬳ
ᬦ᭄ᬢᬸᬗ᭄ᬕᬄᬤᬳᬲ᭄ᬤᬶᬳᬶᬲ᭄᭟ᬗᬸᬭᬄᬓ᭄ᬭᬸᬕ᭄ᬩᬄᬩᬗᬸᬦ᭄ᬫᬗᬤᬫ᭄ᬧ᭄ᬮᬂ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭞ᬚᭂᬚᭂᬳᬾ᭠ᬓᬮᬶᬯᬢ᭄᭞ᬮᬶᬮᬶᬄᬫᬗᬸᬢᬂᬭᭀᬯᬂ᭞ᬤᬸᬮᬸᬭᬶᬦ᭄ᬳᬸᬚᬦ᭄ᬗ᭄ᬭᬶᬩᬶᬲ᭄᭞ᬢ᭄ᬯᬄᬫᬗᬶᬮ᭄ᬕᬶᬮᬂ᭞ᬧᬜ᭄ᬚᬂᬬᬦ᭄ᬘᬭᬶᬢᬫᬮᬶᬄ᭟
[᭘᭗87A]
ᬤᬤᬶᬓᬵᬢᬹᬃᬭᬶᬂᬧ᭄ᬭᬳᬕᬸᬂᬗᬾᬳᬸᬩᬸᬤ᭄ᬢ᭄ᬕᬮ᭄ᬮᬮᬂ᭞ᬫᬗ᭄ᬯᬶᬦᬾᬲᬫ᭄ᬧᬸᬦ᭄ᬮᬶᬮᬶᬄ᭞ᬭᬭᬶᬲ᭄ᬫᬧᬸᬢᬸᬲᬦ᭄᭞ᬧᭂ᭠ᬘᬮᬂᬗᬶᬍᬲᬂᬧᬜ᭄ᬚᬓ᭄᭞ᬩᬦ᭄ᬩᬦ᭄ᬧᬓᬶᬍᬲᬾᬫᬶᬭᬶᬂ᭞ᬯᭀᬂᬓᬢᬶᬗ᭄ᬕᬮᬦ᭄᭞ᬲᬫᬶᬫᬮᬶᬄᬫᬩᬮᬶᬓ᭄᭟ᬦᬸᬚᬸᬤᬶᬦ
ᬘᭀᬫᬯᬕᬾᬯᬭᬧ᭄ᬭᬂᬩᬓᬢ᭄᭞ᬧᬤᬶᬦᬦ᭄ᬜᬦᬾᬧᬲ᭄ᬢᬶ᭞ᬧᬗ᭄ᬮᭀᬂᬧᬶᬂᬲᭀᬮᬲ᭄᭞ᬰᬰᬶᬄᬓᬧᬶᬢᬸᬭᬄᬓᬭᭀ᭞ᬓᭀᬭᬶᬢᭂᬗ᭄ᬕᭂᬓᬾᬳᬲᬶᬓᬶ᭞ᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬭᭀᬭᬲ᭄ᬲᬶᬓᬶ᭟ᬯᬮᬸᬬᬭᬶᬂᬓᬸᬦᬭᬶᬂᬫᬲ᭄᭠
ᬫᬢᬓᬸᬲ᭄ᬮᬃ᭞ᬳᬧᬦ᭄ᬚᬕᬢ᭄ᬓᬯᭀᬦᬶᬦ᭄᭞ᬮᬘᬸᬭᬾᬫᬭᬕ᭞ᬲᬂᬗᭂᬓᭂᬲ᭄ᬫᬮᬶᬄᬘᬭᬶᬢ᭞ᬭᬶᬂᬧᬸᬭᬶᬦᬵᬕ᭠ᬭᬳᬦ᭄ᬤᬶᬭᬶ᭞ᬲᬤ᭄ᬬᬫᬭᬕ᭞ᬩᬩᬢᬸᬳᬾᬢ᭄ᬓᬦᬫ᭄ᬧᬶᬄ᭞ᬪᬝᬵᬭᬤᬍᬫ᭄ᬭᬗ᭄ᬓᬸᬂᬓ᭄ᬭᭀᬥᬧᬓᬬᬸᬦᬦ᭄᭞ᬳᬋ᭠
ᬧᬾᬓᬫᬗ᭄ᬯᬶ᭞ᬓᬳᬸᬩᬸᬤ᭄ᬢ᭄ᬕᬮ᭄ᬮᬮᬂ᭞ᬓᬢᬹᬃᬲᬧᬭᬶᬧᭀᬮᬄ᭞ᬫᬓᬵᬤᬶᬦᬾᬓᬫᬗ᭄ᬯᬶ᭞ᬲᬵᬫ᭄ᬧᬸ᭠ᬦ᭄ᬫᬢᬦ᭄ᬤ᭞ᬧ᭄ᬭᬲᬗ᭄ᬕᬓᬤᬶᬫᬗ᭄ᬓᬶᬦ᭄᭟ᬫᬗᭂᬲᬾᬗᬶᬦ᭄ᬭᬓᬭᬳᬶᬲᬫ᭄ᬢᭀᬦᬦ᭄᭞ᬳᬶᬭᬳᬶᬤ᭄ᬯᬕᬸᬂᬭᬳᬶ᭞ᬗᬶᬭᬶᬂᬫᬩᬳᭀ
Kaca:Bali-lontar-gaguritan-rereg-gianyar-300ppi.pdf/87
Kaca puniki sampun kauji-wacén
