Kaca:Bali-lontar-gaguritan-rereg-gianyar-300ppi.pdf/86

Saking Wikisource
Kaca puniki sampun kauji-wacén

[᭘᭕85B]
᭘᭕
ᬕᬶᬕᬶᬲ᭄᭞ᬲᭂᬗᬧ᭄ᬫᬭᬾᬗᬂ᭞ᬳᬗ᭄ᬓ᭄ᬬᬦ᭄ᬢᬸᬕ᭄ᬕᬄᬤᬳᬲ᭄ᬤᬶᬳᬶᬲ᭄᭟ᬲ᭄ᬗᬮ᭄‌ᬲ᭄ᬗᬮ᭄‌ᬳᬢᬸᬭᬾᬭᬢᬸᬘᭀᬓᭀᬃᬤ᭞ᬤᬸᬭᬸᬲ᭄ᬓᬾᬤᬦᬾᬫᬗ᭄ᬓᬶᬦ᭄᭞ᬢ᭄ᬮᬲ᭄ᬧᬯᬶᬮᬗᬦ᭄᭞ᬗᬶᬭᬶᬂᬭᬢᬸᬧᬸᬦ᭄ᬤᬸᬳᬂ᭞ᬘᭀᬓᭀᬃᬤᬲᬸᬫᬗ᭄ᬓᬶᬦ᭄ᬳ᭄ᬭᬶ᭞ᬩᬲ᭄ᬓᬮᬶ᭠
ᬦᬢᬗᬦ᭄᭞ᬭᬩᬶᬦᬾᬕ᭄ᬮᬸᬢ᭄‌ᬕ᭄ᬮᬦ᭄ᬢᬶᬗᬶᬦ᭄᭟ᬳᭂᬦ᭄ᬭᬕᬢᬦᬸᬭᬸᬗᬦ᭄ᬧᬘᬂᬲᬾᬤ᭄ᬥ᭞ᬘᭀᬓ᭄‌ᬯ᭄ᬯᬂᬚ᭄ᬭᭀᬧᬋᬓᬦ᭄ᬓᬵᬭᬶ᭞ᬜᬾᬦ᭄ᬤᬦᬶᬫᬦᬦᬂ᭞ᬢ᭄ᬮᬲ᭄ᬧᬯᬶᬮᬗᬦᬾᬓᭀᬘᬧ᭄᭞ᬫᬯ᭄ᬢᬸᬲᬫ᭄ᬩᬢᬦᬗᬶᬲ᭄᭞ᬥᬹᬄᬓᬤᬸᬂᬧᬶᬲᬦ᭄᭞
ᬤᬤᬶᬗ᭄ᬮᭀᬕᭀᬓᬂᬧᬢᬶ᭟ᬤᬶᬬᬾᬦᬾᬳᬶᬤ᭄ᬯᬕᬸᬂᬢ᭄ᬯᬭᬫᬧᬸᬢᬸᬲᬦ᭄᭞ᬫᬦᬫ᭄ᬧᬶᬄᬢ᭄ᬓᬫᬳᬶ᭞ᬮᬦ᭄ᬳᬤᬶᬫᬢᬶᬗ᭄ᬕᬮ᭄᭞ᬤᬾᬯᬳᬬᬸᬲ᭄ᬫᬸᬓᬩᬗᬦ᭄᭞ᬦ᭄ᬳᭂᬃᬢᬸᬫᬸᬮᬶᬦᬸᬤᬶᬂ᭞ᬦᬾᬲᬢ᭄ᬭᬶᬬᬦᬶᬲ᭄ᬢ᭞ᬢ᭄ᬯᬭᬗ᭄ᬮᬄᬚ᭄ᬗᬄᬳᬢᬶ᭟
ᬦᬾᬫᬮᬸᬳᬧᬫᬓ᭄ᬭᬡᬜᬾᬦ᭄ᬗᬸᬤᬳᬸᬳᬂ᭞ᬓᬤᬾᬦ᭄ᬓᬲᬸᬓᬵᬦᬾᬗᭂᬦ᭄ᬢᬶᬧ᭄᭞ᬤᬦᬶᬤᬶᬦᬵᬕᬭ᭞ᬓᬤᭀᬤᬸᬳᬦ᭄‌ᬢ᭄ᬯᬭᬫᭂᬤᬲᬂ᭞ᬳᬾᬗ᭄ᬕᬮᬾᬗ᭄ᬕᬮ᭄ᬓᭂᬫᬸᬮᬶᬄ᭞ᬦᬾᬢᬧᬶᬄᬩᬭᬓ᭄᭞ᬓᬸᬤᬸᬗᬂᬤᬶᬚᬮᬦ᭄ᬫᬸᬮᬶᬄ᭟ᬤᭂᬧᬂ᭠
[᭘᭖86A]
ᬓᬸᬢᬂᬢ᭄ᬯᬄᬩᬦᬶᬦ᭄ᬤᬶᬳᬶᬦ᭄ᬓᬭᬂ᭞ᬬᬤ᭄ᬬᬧᬸᬦ᭄ᬳᬢ᭄ᬫᬄᬫᬵᬢᬶ᭞ᬫᬗᬶᬭᬶᬂᬤᬾᬯᬢ᭞ᬘᭀᬓᭀᬃᬤᬓᬤᬶᬧᬗᭂᬕᭂᬃᬵ᭞ᬚᭂᬚᭂᬳᬾᬫᬢᬸᬂᬢᬸᬂᬳᬲᬶᬄ᭞ᬚᬦᬶᬓᬾᬦ᭄ᬓᬾᬦᬂ᭞ᬢᬍᬃᬮᬯᬦ᭄ᬮᬯᬦᬶᬦ᭄᭟ᬲᬬᬦ᭄ᬯᬶᬚᬶᬮ᭄ᬧᬧᬶᬦᭂᬄᬕ
ᬮᬓ᭄ᬫᬫᬶᬲᬦ᭄᭞ᬤᬾᬦᬶᬂᬓᬤᬶᬢᬶᬦᬗ᭄ᬳᬶ᭞ᬲᬃᬯ᭄ᬯᬶᬗᬸᬲᬧ᭄ᬯᬱ᭄ᬧ᭞ᬦ᭄ᬳᭂᬃᬭᬭᬶᬲ᭄ᬗᬦ᭄ᬤᬶᬓ᭞ᬥᬹᬄᬫᬶᬭᬄᬩ᭄ᬮᬶᬦᬾᬳᬤᬶ᭞ᬤᬲᬮᬳᬃᬱ᭞ᬤᭀᬄᬩ᭄ᬮᬶᬦᬶᬗ᭄ᬕᬮᬶᬦ᭄ᬳᬤᬶ᭟ᬳᬸᬩᬬᬦᬾᬩᬢ᭄ᬯᬄᬩᬋᬂᬚ᭄ᬮᬾᬫ᭄ᬮᬄ᭞ᬬᬤ᭄ᬬᬧᬶᬦ᭄ᬢᬶᬩᬾᬗᬯᬾ᭠
ᬘᬶ᭞ᬫᬭᬶᬧᬶᬢ᭄ᬭᬮᭀᬓ᭞ᬫᬗ᭄ᬤᬩ᭄ᬮᬶᬫᬲᬋᬗᬦ᭄᭞ᬢᬦ᭄ᬲᬄᬫᬗᬶᬭᬶᬂᬳᬶᬳᬤᬶ᭞ᬚᬮᬦ᭄ᬧᬶᬲᬳᬂ᭞ᬳᬫᬹ᭠ᬓ᭄‌ᬢ᭄ᬯᬭᬕᬶᬕᬶᬲᬶᬦ᭄᭟ᬳᬶᬤᬾᬯᬳᬬᬸᬋᬗᬲ᭄ᬳᬫᬦ᭄ᬢᭂᬲ᭄ᬧᬶᬲᬦ᭄᭞ᬘᭀᬓᭀᬃᬤᬬᬦ᭄ᬯ᭄ᬬᬓ᭄ᬢᬶ᭞ᬧᬘᬂᬫᬫᬕᭂᬳᬂ᭞ᬰ
ᬰᬡᬦ᭄ᬤᬍᬫ᭄ᬲᬫᬢ᭄ᬭ᭞ᬲᬵᬫ᭄ᬧᬸᬦ᭄ᬧᬜ᭄ᬚᬂᬩᬯᭀᬲ᭄ᬫᬮᬶᬄ᭞ᬗᬶᬭᬶᬂᬫᬫᬃᬵᬕ᭄ᬕ᭞ᬲᬵᬫ᭄ᬧᬸᬦ᭄ᬜᬦ᭄ᬤᬂᬫᭂᬤᬮᬶᬦ᭄᭟ᬩᬧᬧ᭄ᬓᬓ᭄‌ᬘᬳᬶᬜᬳᬶᬧᬥᬫᬓ᭄ᬚᬂ᭞ᬚᬮᬦᬫᬹᬓ᭄ᬦᬾᬚᬦᬶ᭞ᬭᬢᬸᬜᬤ᭄ᬬᬧᬶᬲᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬕᬶᬭᬲ᭄᭞