Kaca:Bali-lontar-gaguritan-rereg-gianyar-300ppi.pdf/84

Saking Wikisource
Kaca puniki sampun kauji-wacén

[᭘᭓83B]
᭘᭓
ᬧᬂᬦᭂᬢᭂᬕ᭄ᬓᬦᬵᬕᬭ᭞ᬩ᭄ᬦᭂᬳᬾᬚ᭄ᬯᬚᬮᬦᬶᬦ᭄᭞ᬬᬦ᭄ᬢ᭄ᬯᬭᬫᬢᬶᬗ᭄ᬕᬮ᭄᭞ᬤᬶᬢᬸᬕ᭄ᬩᬸᬕ᭄ᬲᬧᬶᬲᬦ᭄᭞ᬤᬤᬶᬤᬤ᭄ᬯᬫᬧᬶᬓᬵᬮᬶᬄ᭞ᬮ᭄ᬯᬶᬃᬧᬶᬰᬸᬦᬬᬂ᭞ᬘᭀᬓᭀᬃᬤᬕ᭄ᬥᬾᬜᬳᬸᬭᬶᬦ᭄᭟ᬓᭀᬤᬳᬳᬶᬲᬵᬫ᭄ᬧᬸᬦ᭄ᬤᬫᬫᬜ᭄ᬚᬗᬂ᭞ᬲᬶᬫ᭄ᬗᬶ᭠
ᬢᬓ᭄ᬯᬾᬄᬢᬶᬦᭀᬮᬶᬄ᭞ᬓᬲᬶᬗ᭄ᬳᬯᬶᬓ᭄ᬭᬫᬦ᭄᭞ᬧᬸᬦᬶᬓᬫᬗ᭄ᬓᬶᬦ᭄ᬚᭂᬍᬕᬂ᭞ᬗᬶᬭᬶᬂᬓᬧᬮ᭄ᬬᬢᬦ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬢᬸᬫᬸᬮᬶᬫᬫᬃᬵᬕ᭄ᬕᬶᬧᬶᬄ᭟ᬭᬯᬸᬄᬭᬶᬂᬮ᭄ᬬᬢᬦ᭄ᬤᬧᭂᬢ᭄ᬧ᭄ᬭᬕᬸᬗᬾᬫᬤᬫ᭄ᬧ᭄ᬬᬓ᭄᭞ᬧ᭄ᬭᬩ᭄ᬓᭂᬮ᭄ᬫᬜ᭄ᬘᬲᬫᬶ᭞
ᬫᬶᬯᬄᬲᬫ᭄ᬢᭀᬦᬦ᭄᭞ᬲᬋᬕᭂᬧ᭄ᬲᬳᬲᬜ᭄ᬚᬢ᭞ᬳᬸᬩᬸᬤᬾᬓᬵᬭᬶᬚᬦ᭄ᬢᭀᬲᬶᬦ᭄᭞ᬲᬫᬶᬫᬗᬗ᭄ᬓᬲ᭄᭞ᬳᬧ᭄ᬢᬶᬳᬢᬦ᭄ᬤᬶᬂᬚᬸᬭᬶᬢ᭄᭟ᬳᬕᬸᬤᬸᬳᬦ᭄ᬧᬜ᭄ᬚᬓᬾᬕ᭄ᬮᬶᬲᬦ᭄ᬢᭂᬓ᭞ᬲᬋᬕᭂᬧ᭄ᬕᬕᬫᬦ᭄ᬲᬫᬶ᭞ᬗᬾᬮᬶᬗᬶᬦ᭄ᬩᭂᬓᭂᬮᬦ᭄᭞
ᬳᬸᬧᬫᬮᬭᬸᬮᬮᬭ᭄ᬯ᭞ᬯᬾᬢ᭄ᬦᬶᬂᬢᬦ᭄ᬧᬧ᭄ᬕᬢ᭄ᬫᬶᬚᬶᬮ᭄᭞ᬲᬓᬶᬂᬯᬶᬯᬭ᭞ᬧᬥᬳᬗᬢᬶᬳᬢᬶ᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬢ᭄ᬕᬮ᭄ᬮᬮᬂᬲᬓᬶᬂᬓᬚ᭞ᬳᬶᬤᬾᬯ᭄ᬭᬳᬶᬮᬶᬗ᭄ᬲᬶᬃ᭞ᬫᬳᬶᬃᬗᬦ᭄ᬫᬜ᭄ᬘ᭞ᬲᬸᬧ᭄ᬦᬸᬄᬭᬶᬂᬧᬮ᭄ᬬᬢᬦ᭄᭞ᬩᬸᬓᬯᬾᬦ᭄ᬢᭂᬦ᭄ᬓᬸᬢᬸᬲ᭄ᬢ
[᭘᭔84A]
ᬮᬶ᭞ᬧᬥᬫᬗ᭄ᬓᬲ᭄᭞ᬳᬧ᭄ᬢᬶᬳᬓᬬᬾᬂᬕᬸᬲ᭄ᬢᬶ᭟ᬓᬤᬶᬢᬶᬦᬗᬶᬤᬾᬦᬶᬂᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬲᬲᬶᬤ᭄ᬥᬧ᭄ᬭᬯᬶᬭᬾᬂᬚᬸᬭᬶᬢ᭄᭞ᬢᬦ᭄ᬓᬶᬫᬸᬢᬾᬂᬩᬬ᭞ᬬᬦ᭄ᬓᬢᬸᬂᬧ᭄ᬬᬦᬓ᭄ᬲᭀᬫᬄ᭞ᬰᬹᬭᬧ᭄ᬭᬮᬶᬡᬳᬶᬦᬶᬲ᭄ᬢᬶ᭞ᬓᬾᬄᬬᬦᬸᬧᬫ᭞
ᬓᬜ᭄ᬘᬶᬢ᭄ᬳᬸᬢᬸᬲᬦ᭄ᬫᬗ᭄ᬯᬶ᭟ᬤᬕᬶᬂᬳᬸᬢᬸᬲᬦ᭄ᬧᬸᬦᬶᬓ᭞ᬳᬦᬓᬾᬳᬕᬸᬂᬭᬶᬂᬫᬗ᭄ᬯᬶ᭞ᬢᬸᬯᬶᬫᬶᬲᬤ᭄ᬬᬬᬂ᭞ᬧ᭄ᬭ᭠ᬬᬫᬩ᭄ᬯᬢ᭄ᬧᬶᬲᬦ᭄᭞ᬲᬓᬾᬂᬓᬯᬸᬄᬫᬗᬗ᭄ᬓᬢᬶᬦ᭄᭞ᬚᬕᬢ᭄ᬦᬵᬕᬭ᭞ᬩᭀᬬᬚᬦ᭄ᬢᭀᬲ᭄ᬳᬲᭂᬮᬶᬤ᭄᭟ᬓᬾᬫ᭠
ᬳᭀᬦ᭄ᬳᬶᬭᬶᬓᬶᬬᬢ᭄ᬦᬫᬓᬸᬓᬸᬳᬦ᭄᭞ᬩᬩᬢᬸᬄᬳᬋᬋᬗᬶᬦ᭄᭞ᬲᬧ᭄ᬭᬕᬸᬗᬾᬲᬫ᭄ᬬᬦ᭄‌᭞ᬧᬥᬳᬾᬕᬃᬫ᭄ᬬᬃᬱ᭞ᬲᬳᬸᬃᬲᬸᬫᬓᬸᬢᬲᬫᬶ᭞ᬲᬵᬫ᭄ᬧᬸᬦ᭄ᬗᭀᬩᭂᬢᬂ᭞ᬲᬧᬦᬗ᭄ᬓᬦ᭄ᬲᬓᬶᬂᬓᬗᬶᬦ᭄᭟ᬕ᭄ᬮᬶᬲᬶᬂᬘᬭᬶᬢᬲᬵᬫ᭄ᬧᬸᬦ᭄ᬧᬸ
ᬧᬸᬢ᭄ᬗᬩᬳᭀᬲᬦ᭄᭞ᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬧᬫᬶᬢ᭄᭞ᬢᬹᬃᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬫᬤᬸᬫ᭄‌ᬲᬳᬳᭀᬭᭀᬗᬦ᭄᭞ᬢ᭄ᬕᬮ᭄ᬮᬮᬗᬾᬲᬶᬲᬶᬓᬗᬶᬦ᭄᭞ᬫᬭᬶᬂᬲ᭄ᬫᬫ᭄ᬧᬦ᭄᭞ᬓᬫ᭄ᬦᬸᬳᬾᬓᬓᬸᬓᬸᬳᬶᬦ᭄᭟ᬘᭀᬓᭀᬃᬤᬲ