[᭘᭒82B]
ᬳᬶᬂᬲᬂᬭᬵᬚᬲ᭄ᬫᬭ᭟ᬫᬳᬸᬭᬕᬦ᭄ᬭᬶᬂᬚ᭄ᬭᭀᬓᬸᬢ᭞ᬧᬜ᭄ᬚᬓᬾᬢ᭄ᬓᬫᬲᬸᬦ᭄ᬤᬶᬄ᭞ᬲᬕᬾᬢ᭄ᬲᬶᬓᭂᬧ᭄ᬭᬶᬂᬩᬜ᭄ᬘᬶᬗᬄ᭞ᬧᬢᬶᬦ᭄ᬤᬶᬄᬓ᭄ᬮᬸᬂᬓᬸᬂᬢᬶᬢᬶᬩ᭄᭞ᬦᬾᬢ᭄ᬯᬭᬫᬗ᭄ᬕᬶᬄᬳᬶᬦ᭄ᬤᬶᬓ᭄᭞ᬫᬚᬶᬜ᭄ᬚᬶᬦ᭄ᬭᬶᬂᬢᬶᬫ᭄ᬧᬮᬶᬧᬸᬦ᭄᭞ᬮᬾᬦ᭄ᬳᬤᬫᬗᬦ᭄ᬤᬬᬂ᭞ᬳᬶᬦ᭄ᬤᬶᬓᬾ
ᬲᬓᬤᬶᬫᬗ᭄ᬓᬶᬦ᭄᭞ᬳᬚᬓ᭄ᬮ᭄ᬬᬸ᭞ᬚᭂᬚᭂᬄᬓᭂᬦ᭄ᬤᭂᬮ᭄ᬫᬮᬾᬦ᭄ᬮᬾᬦᬦ᭄᭟ᬫᬮᬶᬄᬦᬾᬲᬤᬕ᭄ᬢᬧᬦ᭄᭞ᬧᬓ᭄ᬫᬶᬓ᭄ᬫ᭠ᬓᬶᬲᬶᬓᬶᬲᬶ᭞ᬓᬾᬦ᭄ᬓᬾᬦ᭄ᬚᬦᬶᬩᬦ᭄ᬫᬤᬬ᭞ᬢᬦ᭄ᬯᬸᬭᬸᬗᬦ᭄ᬧᬘᬂᬫᬵᬢᬶ᭞ᬚᬮᬦ᭄ᬚᬦᬶᬧᬶᬦᭂᬳᬶᬦ᭄᭞ᬳᬸᬮᬳᬂᬳᬧᬂᬦᬸᬳᬶ
ᬤᬸᬲ᭄᭞ᬮᬾᬦ᭄ᬳᬤᬫᬗᬸᬲᬾᬓ᭄ᬘᬓ᭄᭞ᬍᬕᬇᬥᭂᬧᬾᬦᬾᬚᬦᬶ᭞ᬲᬶᬓᭂᬧ᭄ᬓ᭄ᬮᬸᬂᬓᬸᬂ᭞ᬩᬩᬢᬸᬄᬗ᭄ᬫᬶᬢ᭄᭠ᬘᭀᬓᭀᬃᬤ᭟ᬫᬲᬓᭀᬩᬦᬶᬫᬢᬗᬄ᭞ᬳᬸᬩᬸᬤ᭄ᬧᬮ᭄ᬬᬢᬦᬾᬚᬦᬶ᭞ᬯᬶᬭᬾᬄᬤᬍᬫ᭄ᬗᬭᬕᬳᬂ᭞ᬳᬧᬩ᭄ᬯᬶ
ᬦ᭄ᬲᭂᬫᬗᬶᬦ᭄ᬳᬢᬶ᭞ᬢ᭄ᬯᬄᬩ᭄ᬯᬶᬦ᭄ᬕᬦ᭄ᬢᬶᬫᬫᬹᬃᬢ᭄ᬢᬶ᭞ᬳᬓᬾᬄᬢᬢᬶᬫ᭄ᬩᬗᬦᬾᬲᬵᬫ᭄ᬧᬸᬦ᭄᭞ᬳᬶᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄᭞ᬲᬋᬂᬕᬸᬲ᭄ᬢᬶᬕᬾᬫ᭄ᬩ᭄ᬭᭀᬂᬫᬮᬶᬄ᭞ᬧᬥᬳᬶᬚᬸᬓ᭄᭞ᬫᭂᬜ᭄ᬘᬭᬂᬧᬗᭀᬮᬾᬲ᭄ᬧᬜ᭄ᬚᬓ᭄᭟ᬧᬥᬲᬫᬶᬫᬜ
[᭘᭓83A]
ᬗ᭄ᬕᬸᬧᬂ᭞ᬭᬯᬸᬳᬶᬂᬓᬢᭂᬧᬶᬲᬶᬭᬶᬂ᭞ᬢᬹᬃᬲᬵᬫ᭄ᬧᬸᬦ᭄ᬭᬩ᭄ᬤᬂᬲᬜ᭄ᬚᬢ᭞ᬲ᭄ᬫᭂᬗᬦ᭄ᬩᬳᬸᬳᭂᬦ᭄ᬤᬕ᭄ᬳᬳᬶ᭞ᬢᬦ᭄ᬓᭀᬘᬧ᭄ᬧᬸᬦᬶᬓᬫᬗ᭄ᬓᬶᬦ᭄᭞ᬧᬮ᭄ᬬᬢᬦ᭄ᬳᬸᬩᬸᬤ᭄ᬓᬯᬸᬯᬸᬲ᭄᭞ᬓᬵᬢᬹᬃᬲᬧᬭᬶᬧᭀᬮ᭞ᬘᭀᬓᭀᬃᬤᬕ᭄ᬥᬾᬰ᭄ᬭᬸᬭᬸᬦ᭄ᬢᬶᬓ᭄᭞ᬓᬸᬫ
ᬭᬸᬢᬸᬕ᭄᭞ᬫᬗᬸᬦ᭄ᬤᬃᬫ᭄ᬫᬗ᭄ᬕᬮᬾᬂᬭᬡ᭟᭜᭟ᬧᬸᬄᬤᬹᬃᬫ᭄ᬫ᭟᭜᭟ᬩᬂᬰᬭᬶᬭᬬᬬᬳᬭᬭᬯᬸᬄ᭞ᬫᬮᬢᬸᬮᬢᬸᬭᬶᬂᬳᬓ᭄ᬱᬶ᭞ᬲᬸᬫᬶᬭᬢ᭄ᬳᬕ᭄ᬦᬶᬚ᭄ᬯᬮ᭞ᬳᬦᬶᬓᭂᬮᬶᬂᬲᬶᬭᬢ᭄ᬫᬬ᭞ᬧᬗᬸᬘᬧ᭄ᬦᬶᬂᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬩᬬᬦᬫᬶᬢ᭄ᬬ᭞ᬢ
ᬦ᭄ᬯ᭄ᬭᬸᬄᬧ᭄ᬬᬸᬢᬗᬦ᭄ᬳᬸᬭᬶᬧ᭄᭟ᬳᬄᬥᬸᬥᬹᬳᬸᬮᬳᬶᬂᬓ᭄ᬱᬢ᭄ᬭᬶᬬᬯᬗ᭄ᬰ᭞ᬳᬗᬫ᭄ᬪᭃᬓᬂᬲᬢᭀᬚᬮᬶᬃ᭞ᬳᬗ᭄ᬓᬾᬢᬦ᭄ᬤᬗᬦ᭞ᬤᭀᬲᬦᬾᬩᬲ᭄ᬓᬮᬶᬯᬢ᭄᭞ᬢᬸᬫᬸᬮᬶᬗᬦ᭄ᬤᬶᬓᬳᬕ᭄ᬮᬶᬲ᭄᭞ᬦᭂᬫ᭄ᬩᬂᬧᬗᬭᬄ᭞ᬳᬸᬫᬸᬂᬲ᭄ᬯᬭᬦ᭄ᬬᬦᬶᬢᬶ᭟
ᬮᬲ᭄ᬘᬃᬬ᭄ᬬᬫᬧᬸᬢᬸᬲᬦ᭄ᬓᬢ᭄ᬕᬮ᭄ᬮᬮᬂ᭞ᬫᬓᬵᬤᬶᬦ᭄ᬬᬢᬫ᭄ᬘᬭᭀᬢᬧᬸᬦᬶᬓ᭞ᬳᬸᬩᬸᬤ᭄ᬫᬮᬶᬄᬘ᭠ᬭᬶᬢ᭞ᬘᭀᬓᭀᬃᬤᬳᭀᬓᬫᬮᬾᬳᬶᬦ᭄᭞ᬫᬤᬾᬧᬶᬦᭂᬳᬶᬦ᭄ᬫᬤᬾᬧᬶᬦᭂᬳᬶᬦ᭄ᬫ᭄ᬮᬄᬢᬸᬦ᭄ᬤᬾᬦᬂᬦᬾᬚᬦᬶ᭟ᬳᬸᬮᬶᬫᬗ᭄ᬯᬶᬳ
Kaca:Bali-lontar-gaguritan-rereg-gianyar-300ppi.pdf/83
Kaca puniki sampun kauji-wacén
