Kaca:Bali-lontar-gaguritan-rereg-gianyar-300ppi.pdf/81

Saking Wikisource
Kaca puniki sampun kauji-wacén

[᭘᭐80B]
ᬓᬂᬲᬶᬦᬗ᭄ᬕᬄᬲᬢ᭄ᬬ᭞ᬧᬸᬦᬶᬓᬜᬦ᭄ᬤᬂᬧᬶᬮᬶᬳᬦ᭄᭞ᬕ᭄ᬮᬋᬦ᭄ᬭᬶᬂᬰᬢ᭄ᬭᬸᬋᬓᭀ᭞ᬰᬹᬭᬓᬡ᭄ᬬᬓᬳᬶᬦᬶᬲ᭄ᬢᬶ᭞ᬬᬦ᭄ᬲᬵᬫ᭄ᬧᬸᬦ᭄ᬧᬕᭂᬳᬶᬂᬓᬶᬃᬢ᭄ᬢᬶ᭞ᬬᬤ᭄ᬬᬧᬶᬦᬢ᭄ᬫᬄᬍᬍᬩᬹᬃ᭞ᬫᬗ᭄ᬓᬶᬦ᭄ᬗᬶᬭᬶᬂᬤᬩ᭄ᬤᬩᬂ᭞ᬳᬸᬘᬧᬶᬂᬢᬦ᭄ᬢ᭄ᬭᬶᬓᬧᬗ᭄ᬕᬶᬄ᭞ᬢᬶᬦᬶᬮ᭄ᬬᬥᬹ᭞ᬳᬓᬦ᭄ᬢᬶ
ᬭᬶᬂᬲᬂᬓᬵᬕᬾᬦ᭄ᬤ᭄ᬭ᭟ᬦᬾᬫᬗ᭄ᬓᬶᬦ᭄ᬧᬫᬸᬗᬸᬦ᭄ᬢᬶᬢ᭄ᬬᬂ᭞ᬳᬶᬭᬢᬸᬫᬭᬕᬳᬶᬲ᭄ᬢ᭄ᬭᬶ᭞ᬫᬶᬯᬄᬓᬶᬭᬗᬦ᭄ᬲᬳᬬ᭞ᬬᬦ᭄ᬢᬦ᭄ᬘ᭠ᬢᬹᬃᬦᬬᭀᬧᬬᬲᬦ᭄ᬤᬶ᭞ᬕ᭄ᬮᬭᬦᬭᬶᬫᬶᬳᬶᬦ᭄᭞ᬫᬗ᭄ᬤᬾᬜᬓ᭄ᬓᬲᬶᬤ᭄ᬥᬾᬂᬮᬓᬸ᭞ᬫᬶᬲᬤ᭄ᬬᬗᬯ᭄ᬓᬲᬂ᭞ᬧᬗ᭄ᬭᬶᬲ᭄ᬢᬦᬶᬂᬰᬢ᭄ᬭᬸᬰᬓ᭄ᬢᬶ᭞
ᬮ᭄ᬯᬶᬃᬓᬶᬫ᭄ᬧᬸᬭᬸ᭞ᬩᬶᬦᬸᬭᬤᬾᬦᬶᬂᬪᬹᬫᬶᬚ᭞ᬤᬾᬯᬵᬬᬸᬫᬾᬲᭂᬫ᭄ᬗᬦ᭄ᬤᬶᬓ᭞ᬧ᭄ᬓᬓ᭄ᬩᭀᬬᬢᬶᬢ᭄ᬬᬂᬫᬮᬶᬄ᭞ᬯᬶᬓ᭠ᬦ᭄ᬧᭂᬓᬓ᭄ᬫᬫᬳᭀᬲᬂ᭞ᬗ᭄ᬕᬶᬄᬢᬶᬢ᭄ᬬᬂᬢ᭄ᬓᬲᬳᬶᬭᬶᬂ᭞ᬮᬫᬓᬦᬾᬲᬶᬤ᭄ᬥᬫᬲᬶᬮᬶᬄ᭞ᬳᬶᬤᬾᬯᬲᬦ᭄ᬤᬢ᭄ᬫᬳᬢᬹᬃ᭞ᬭᬢᬸᬲᬵ᭠
ᬫ᭄ᬧᬸᬦ᭄ᬫᬗᭀᬩᭂᬢᬂ᭞ᬫᬦᬄᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬓᬓ᭄ᬮᬸᬂᬓᬸᬂ᭞ᬳᬶᬤᬾᬯᬕᬸᬂᬫ᭄ᬭᬕᬭᬸᬥ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬯᭀᬲᬦ᭄᭞ᬤᬾᬯ᭄ᬯᬲᬦ᭄ᬤᬢ᭄ᬭᬭᬶᬲ᭄ᬫᬧᬫᬶᬢ᭄᭞ᬢᬦ᭄ᬓᭀᬦᬶᬂᬭᬢ᭄ᬭᬶᬳᬶᬂᬫᬃᬵᬕ᭄ᬕ᭞ᬩᬶᬗᬃᬫᬧᬶᬦᭂᬄᬭᬶᬂᬳᬢᬶ᭞ᬲᬓᬶᬂᬳ
[᭘᭑81A]
ᬫ᭄ᬭᬶᬄᬲᬶᬮᬶᬩ᭄᭞ᬯ᭄ᬬᬓ᭄ᬢᬶᬦ᭄ᬬᬫᬗᬸᬮᬸᬂᬗᬸᬮᬸᬂ᭞ᬲᬕᬾᬢ᭄ᬳᬶᬗᭂᬢ᭄ᬭᬶᬂᬦᬾᬲᬸᬩ᭞ᬩᬸᬦ᭄ᬢᭂᬃᬫᬮᬳᬶᬩ᭄ᬫᬩᬸᬤᬶᬦᬶᬂ᭞ᬭᬶᬂᬧᬬᬸᬤ᭄ᬥᬦ᭄᭞ᬓᬓ᭄ᬮᬸᬂᬓᬸᬂᬗᬢᬸᬭᬂᬭᬕ᭞ᬧᬸᬦᬧᬶᬫᬮᬶᬄᬩᬯᭀᬲᬂ᭞ᬕ᭄ᬢᬧᬾᬓᬤᬸᬂᬫᬳᬸᬫ᭄ᬩᬶ᭞ᬲᬭᬸᬩᬦ᭄ᬧ᭄ᬭᬚ᭄ᬜᬦ᭄ᬫᬗ᭄ᬭ᭠
ᬯᭀᬲ᭄᭞ᬕᬸᬤᬶᬗᬾᬓᬤᬸᬂᬧᬸᬧᭀᬦ᭄᭞ᬢᬦ᭄ᬓᬘᬭᬶᬢᬧᬸᬦᬶᬓᬶ᭞ᬕ᭄ᬮᬶᬲ᭄ᬭᬯᬸᬄᬭᬶᬂᬓ᭄ᬮᬸᬂᬓᬸᬂ᭞ᬭᬭᬶᬲ᭄ᬫᬗ᭄ᬚᭀᬕ᭄ᬓᬚ᭄ᬭᭀ᭞ᬯᬦ᭄ᬢᬄᬜᬤ᭄ᬬᬦᬸᬦᬲ᭄ᬓᬦ᭄ᬢᬶ᭞ᬫᬓᬓᬸᬓᬸᬄ᭞ᬫᬘᭂᬓᬶᬦ᭄ᬚᬕᬢᬦᬵᬕᬭ᭟ᬤᬍᬫ᭄ᬦᭀᬭᬳᬶᬤᬧ᭠
ᬜ᭄ᬚᬂ᭞ᬮᬾᬤᬂᬓᬬᬸᬦᬾᬦᬫ᭄ᬧᬾᬦᬶᬦ᭄᭞ᬧᬲᬾᬗᬦ᭄ᬘᭀᬓᭀᬃᬤᬧ᭄ᬮᭀᬓᭀᬢ᭄᭞ᬓᬦᬶᬓᬗᬸᬢᬸ᭠ᬲ᭄ᬫᬫᬵᬃᬕ᭄ᬕᬶ᭞ᬓᬦᬵᬕᬭᬫᬗᬸᬓᬸᬳᬶᬦ᭄᭞ᬩᬶᬗᬃᬓᬬᬸᬦᬾᬢᬦ᭄ᬓᬾᬢᬸᬂ᭞ᬢᬹᬃᬓᬶᬘ᭄ᬙᬾᬦ᭄ᬧᬚ᭄ᬦᭂᬗᬦ᭄᭞ᬲᬶᬓᭂᬧ᭄ᬯᬾᬦ᭄ᬢᭂᬦ᭄ᬧᬶ
ᬢᬸᬂᬩᬗ᭄ᬲᬶᬢ᭄᭞ᬭᬶᬂᬩᬩᬢᬸᬄ᭞ᬫᭀᬗ᭄ᬓᭀᬮᬶᬦ᭄ᬳᬦ᭄ᬢᬸᬓ᭄ᬢᭂᬩᭂᬗᬦ᭄᭟ᬕᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕ᭞ᬓᬓ᭄ᬢᬸᬕ᭄ᬧ᭄ᬭᬫᬵᬡᬦᬾᬧᬲ᭄ᬢᬶ᭞ᬤ᭄ᬯᬲᬦ᭄ᬤᬢ᭄ᬯ᭄ᬭᬸᬳᬶᬂᬲ᭄ᬫᬶᬢ᭞ᬭᬢᬸᬬᬦ᭄ᬯ᭄ᬭᬸᬄᬭᬶᬂᬧᬸᬭᬶᬲᬵᬫ᭄ᬧᬸᬦ᭄ᬫᬗᬸᬩ᭄ᬤᬫᬮᬶᬄ᭞ᬳᬶᬳᬭᬶᬳᬶᬤᬳ