[᭗᭙79B]
ᬤᬾᬯᬢᬳᬶᬩ᭄ᬮᬶᬫᬗ᭄ᬕᬶᬲ᭄᭞ᬧᬘᬭᬦᬶᬂᬩ᭄ᬮᬶᬤᬍᬫ᭄ᬲᬫᬶ᭞ᬫᬗ᭄ᬤᬾᬦ᭄ᬜᬲᬫᬶᬓᬭᬗ᭄ᬲᬸᬓ᭄᭞ᬢᬶᬗ᭄ᬓᬄᬲᬂᬭᬢᬸᬉ᭠ᬢ᭄ᬢᬫ᭞ᬭᬯᬸᬄᬧᬗᬲ᭄ᬢ᭄ᬬᬦ᭄ᬧᬫᬶ᭞ᬫᬗ᭄ᬤᬾᬧᬸᬧᬸᬢ᭄᭞ᬧᬶᬢᬺᬱ᭄ᬡᬵᬦ᭄ᬢᬶᬢ᭄ᬬᬂᬫᬜᬫ᭟ᬤᬾᬯᬵᬕᬸᬂᬧᬸᬦᬶᬓᬧᬶᬲᬦ᭄᭞ᬤᬾᬯ
ᬦ᭄ᬧᬵᬢᬹᬢᬾᬧᬸᬦᬶᬓᬶ᭞ᬕ᭄ᬮᬶᬲᬂᬫᬗ᭄ᬓᬶᬦ᭄ᬩᬯᭀᬲᬂ᭞ᬧᬸᬧᬸᬢᬶᬂᬳᬜ᭄ᬘᬬᬦ᭄ᬲᬫᬶ᭞ᬢᬦᬸᬘᬧ᭄ᬤᬶᬦᬭᬢ᭄ᬭᬶ᭞ᬳᬶᬗᬦᬦ᭄ᬧᬫᬃᬵᬕ᭄ᬕᬶᬭᬯᬸᬄ᭞ᬩᬤᬾᬲᬵᬫ᭄ᬧᬸᬦᬶᬂᬫᬓᬃᬵᬬ᭄ᬬ᭞ᬧᭂᬧᭂᬓ᭄ᬘᬭᬦᬶᬂᬭᬢᬸᬤᬶ᭞ᬓᬾᬄᬬᬦ᭄ᬯᬸᬯᬸᬲ᭄᭞ᬫᬗ᭄ᬓᬶᬦ᭄ᬧᬸᬗ᭄ᬕᭂᬮ᭄ᬧᬸᬦᬂᬘ᭠
ᬭᬶᬢ᭟ᬧᬶᬭᬂᬤᬶᬦᬯᬸᬲᬶᬂᬓᬵᬃᬬ᭄ᬬ᭞ᬭᬶᬂᬦᬵᬕᬭᬓᬳᬸᬘᬧ᭄ᬫᬮᬶᬄ᭞ᬤᬾᬯᬳᬬᬸᬢᬦ᭄ᬲᬄᬯᬶᬭᬂᬭᭀᬂ᭞ᬳᬾᬭᬂᬓᬬᬸᬦᬾᬫᬫᬹᬃᬢ᭄ᬢᬶ᭞ᬤᬤᬶᬫᬯ᭄ᬢᬸᬲᭂᬤᬶᬄ᭞ᬢᬦ᭄ᬓᭂᬦᬲᬶᬂᬧᬗᬦ᭄ᬢᬸᬭᬸ᭞ᬓᬜ᭄ᬘᬶᬢ᭄ᬤᬾᬯᬢᬸᬢ᭄ᬲᬦ᭄ᬤᬢ᭄᭞ᬭᬯᬸᬄᬫᬤᬸᬮᬸ᭠
ᬭᬦ᭄ᬳᭂᬮᬶᬂ᭞ᬢ᭄ᬓᬫ᭄ᬓᬸᬮ᭄᭞ᬳᬢᬸᬭᬾᬳᬫ᭄ᬮᬤ᭄ᬧ᭄ᬭᬡ᭟ᬳᬶᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬤᬯᭂᬕ᭄ᬳᬫ᭄ᬧᬸᬭᬦᬲᬶᬗ᭄ᬕᬶᬄ᭞ᬯ᭄ᬦᬂᬢᬶᬦᬓᭂᬦ᭄ᬫᬗ᭄ᬓᭀ᭞ᬤᭀᬱᬦᬾᬢᬺᬱ᭄ᬡᬵᬭᬶᬂᬳᬸᬭᬶᬧ᭄᭞ᬦᬶᬗ᭄ᬕᬮ᭄ᬮᬶᬗ᭄ᬕᬶᬄᬳᬶᬳᬚᬶ᭞ᬤᬤᬶᬫᬗᬸᬮᬳᬂᬳᬶᬤᬸᬧ᭄᭞ᬩᬶ᭠
[᭘᭐80A]
ᬦ᭄ᬧᬶᬤᬦ᭄ᬯᬸᬲ᭄ᬓᬳᬸᬘᬧ᭄᭞ᬤᬤᭀᬲ᭄ᬓᬓ᭄ᬤᬾᬓᬦ᭄ᬕᬸᬫᬶ᭞ᬫᬸᬂᬧᬂᬮᬓᬸ᭞ᬢᬦ᭄ᬧᬗᬶᬢᬶᬂᬳᬸᬚᬃᬧᬭ᭟ᬲᬸᬩᬬᬂᬧ᭄ᬓᬓ᭄ᬜᭂᬮ᭄ᬲᭂᬮᬂ᭞ᬳᬧᬦ᭄ᬫᬸᬮᬢ᭄ᬯᬄᬧᬕᬦ᭄ᬢᬶ᭞ᬧ᭄ᬭᬓᬺᬢ᭄ᬢᬶᬦ᭄ᬢᬶᬢ᭄ᬬᬂᬭᬶᬂᬓᬸᬦ᭞ᬢ᭄ᬯᬭᬓᭀᬤᬤᬶᬓ᭄ᬮᬶᬤᬶᬦ᭄᭞ᬤᬕᬶᬂᬧ᭄ᬓᬓ᭄ᬦᬾᬫᬗ᭄ᬓᬶᬦ᭄ᬳᬾᬮᬶ
ᬗᬂᬲᬓᬤᬶᬤᬸᬫᬸᬦ᭄᭞ᬲ᭄ᬯᬾᬘ᭄ᬙᬦ᭄ᬳᬶᬤᬤᬾᬯᬢ᭞ᬓ᭄ᬭᬡᬳᬤᬩᬸᬓᬚᬦᬶ᭞ᬤᬾᬯᬓ᭄ᬢᬸᬢ᭄᭞ᬳᭂᬗ᭄ᬲᭂᬓ᭄ᬢᬸᬃᬲ᭄ᬩᭂᬗᬾᬘᭀᬗᬄ᭟ᬫᬗᭂᬤᬶᬃᬫᬗᬶᬲᭂᬦᬂ᭞ᬤᬾᬯᬵᬬᬸᬗᬦ᭄ᬤᬶᬓᬳᬭᬶᬲ᭄᭞ᬢᬦ᭄ᬲᬄᬳᬗᭂᬫ᭄ᬩᭂᬗᬶᬂᬧᬦᭀᬦ᭄᭞ᬚᬦᬶᬓᬸᬤ᭄ᬬᬂᬫᬫᬶ
ᬦᭂᬳᬶᬦ᭄᭞ᬳᬸᬩᬬᬦ᭄ᬢᬶᬢ᭄ᬬᬂᬗᬾᬭᬶᬳᬶᬦ᭄᭞ᬭᬶᬂᬳᬶᬤᬲᬂᬧᬭᬳᬕᬸᬂ᭞ᬓᬾᬯᬮᬯᬸᬲ᭄ᬧᬍᬩᭀᬦᬦ᭄᭞ᬇᬭᬶᬓᬵᬢᬶᬢ᭄ᬬᬂᬓᬳᬫ᭄ᬩᬶᬮ᭄᭞ᬬᬦᬶᬂᬤᬸᬭᬸᬲ᭄᭞ᬍᬳᭂᬂᬢᬶᬢ᭄ᬬᬂᬗᬜᬸᬢ᭄ᬚᬶᬯ᭟ᬚ᭄ᬗᬄᬤᬤᭀᬲ᭄ᬓᬓ᭄ᬤᬾᬓᬦ᭄᭞ᬓᬳᬸᬘᬧ᭄ᬰᬾᬱ᭠
ᬦᬶᬂᬫᬵᬢᬶ᭞ᬤ᭄ᬯᬓ᭄ᬢᬸᬢ᭄ᬫᬦ᭄ᬤᭂᬮᬶᬂᬘᬶᬢ᭄ᬢ᭞ᬤᬾᬯᬦ᭄ᬧᬵᬢᬹᬢᬾᬧᬸᬦᬶᬓᬶ᭞ᬲᬂᬫᬕᭂᬳᬂᬓᬤᬤᬶᬦ᭄᭞ᬢ᭄ᬯᬶᬧᬢᬶᬩ᭄ᬭᬢᬕᬶᬦᬸᬂ᭞ᬬᬦ᭄ᬓᬤᬶᬘᭀᬓᭀᬃᬳᬶᬤᬾᬯ᭞ᬬᬤ᭄ᬬᬧᬶᬫᬭᬕᬳᬶᬲ᭄ᬢ᭄ᬭᬶ᭞ᬧᬢᬹᬢᬶᬧᬸᬦ᭄᭞ᬢᬶᬭᬸᬕᬸᬡᬦᬶᬲᬂᬬᬬᬄ᭞ᬢ᭄ᬭᬶ
Kaca:Bali-lontar-gaguritan-rereg-gianyar-300ppi.pdf/80
Kaca puniki sampun kauji-wacén
