[᭗7B]
᭗
ᬤᬸᬗᬾᬫᬗᬭᬩ᭄᭞ᬮ᭄ᬯᬶᬃᬓᬤᬶᬕᬸᬦᬸᬂᬳᬧᬶ᭞ᬚᭂᬚᭂᬮ᭄ᬧᬓᬸᬮᬾᬫ᭄᭞ᬫᬦᬓᭂᬧ᭄ᬤᬾᬰᬤᬾᬰ᭞ᬲᬓᬶᬂᬧᬲᬶᬲᬶᬕᬸᬫᬶᬘᬶᬓ᭄᭞ᬓᬥᬮ᭄ᬧᬕᬸᬢᬦ᭄᭞ᬫᬗᬸᬦ᭄ᬢᬸᬃᬤᬾᬰᬰᬰᬶᬄ᭟ᬢᭂᬕᬮ᭄ᬢᬫᬸᬭᬳᬸᬳᬶᬂᬓᬩ᭠
ᬜ᭄ᬚᬃᬩᬜ᭄ᬚᬃ᭞ᬲᬫᬶᬯᬾᬦ᭄ᬢᭂᬦ᭄ᬗᬫᭀᬗᬶᬦ᭄᭞ᬢᬦ᭄ᬧᬵᬯᬦᬦ᭄ᬬᬸᬤ᭄ᬥ᭞ᬫᬓᬵᬤᬶᬩᬢᬸᬩᬸᬮᬦ᭄᭞ᬳᬶᬤᬾᬯᬧᬮᬲᬦᬾᬫᬗ᭄ᬓᬶᬦ᭄᭞ᬜᭂᬭᬳᬂᬭᬕ᭞ᬫᬶᬲᬤ᭄ᬬᬩᬋᬂᬪᬓ᭄ᬢᬶ᭟ᬳᬧᬦ᭄ᬓᬧᭂᬍᬓ᭄ᬢᬸᬮ᭄ᬬᬓᬤᬶ᭠
ᬢᭀᬫ᭄ᬧ᭄ᬮᭀᬓ᭄ᬳᭂᬫ᭄ᬩᬄ᭞ᬓᭀᬩᭂᬢ᭄ᬓᬬᬸᬦᬾᬫᬶᬦᭂᬳᬶᬦ᭄᭞ᬪᬓ᭄ᬢᬶᬦᬾᬓᬕ᭄ᬬᬜᬃ᭞ᬳᬦᬓ᭄ᬫᬸᬮᬫᬭᬕ᭞ᬓᬾᬯᬦ᭄ᬢᭂᬦ᭄ᬓᬵᬭᬶᬫᬗᬦ᭄ᬢᬶ᭞ᬧᬸᬢᬸᬲᬦ᭄ᬕ᭄ᬬᬜᬃ᭞ᬗᬹᬭᬶᬓᬵᬧᬘᬂᬫᬩᬮᬶᬓ᭄᭟ᬓᬘᬭᬶᬢᬘᭀᬓᭀᬃ
ᬤᬳᬕᬸᬂᬲᬓᬶᬂᬩᬢᬸᬬᬂ᭞ᬫᬸᬮᬧ᭄ᬭᬭᬕᬦᬾᬓᬾᬭᬶᬲ᭄᭞ᬲᬸᬲᬸᬧᬶᬦ᭄ᬓᬮᬶᬮᬶᬢᬦ᭄᭞ᬫᬮᬶᬄᬗ᭄ᬭᬓ᭄ᬱᬤᭂᬓᬄ᭞ᬫᬗᬗ᭄ᬓᬲᬗ᭄ᬓᬲ᭄ᬫᬫᬵᬃᬕ᭄ᬕᬶ᭞ᬓᬭᬶᬭᬶᬂᬕ᭄ᬬᬜᬃ᭞ᬳᬶᬲᭂᬗ᭄ᬤᬸᬲᬋᬂᬗᬶᬭᬶᬂ᭟ᬓᬕᬾᬢ᭄ᬩ᭄ᬬᬸᬃᬫᬢᬸᬮᬸ
[᭘8A]
ᬯᬦ᭄ᬤᬶᬚ᭄ᬭᭀᬝᬵ᭞ᬦᬵᬕᬭᬦᬾᬫᬩᬮᬶᬓ᭄᭞ᬘᭀᬓᭀᬃᬤᬩᬢᬸᬬᬂ᭞ᬓᬾᬯᭂᬄᬭᬶᬂᬧ᭠ᬓᬬᬸᬦᬦ᭄᭞ᬤᬶᬚᬮᬓᬸᬫᬮᬳᬶᬩ᭄᭞ᬬᬦᬶᬂᬓᬲᬾᬧᬦ᭄᭞ᬓᬧᭂᬤᭂᬢ᭄ᬩᬜᬤᬶᬦᬶ᭟ᬗᬸᬢᬂᬧᬫᭂᬦᬂᬳᬶ᭠
ᬗᬦᬦ᭄ᬧᬢᬂᬮᬓ᭄ᬱ᭞ᬢᭂᬓᬩᬸᬦ᭄ᬢᭂᬃᬫᬸᬤᬶᬦᬶᬂ᭞ᬮᬩᬸᬄᬲᬶᬂᬲᬶᬂᬚᬮᬦ᭄᭞ᬮᬜ᭄ᬘᬶᬗᬦ᭄ᬯᬾᬓ᭄ᬳᬭᬶᬭᬂ᭞ᬕᬾᬩ᭄ᬭᬸᬤ᭄ᬦᬸᬳᬸᬓ᭄ᬤᬸᬯᬶ᭞ᬫᬮᬶᬄᬩᭂᬮᬸᬲᬦ᭄᭞ᬗᬭᬸᬂᬭᬸᬂᬫᭂᬕᬢ᭄ᬘᬭᬶᬓ᭄᭟ᬤᬲ᭄ᬢᬃᬓᬫ᭄ᬧᬸᬄᬢᬚᬶᬓᭂᬘᬕ᭄ᬲᬶᬂᬲᬶᬂ᭠
ᬚᬮᬦ᭄᭞ᬩᬳᬸᬭᬳᬸᬄᬫᬗᬸᬍᬲᬶᬃ᭞ᬳᬗ᭄ᬲᭂᬗᬦᬾᬢᬸᬗ᭄ᬕᬄ᭞ᬭᬱᬜᬧᭂᬕᬢ᭄ᬧᭂᬕᬢ᭄᭞ᬳᬗ᭄ᬕᬸᬢᬗ᭄ᬕᬸᬢ᭄ᬤᬳᬲ᭄ᬤᬶᬳᬶᬲ᭄᭞ᬓᬸᬤ᭄ᬬᬂᬗᬦ᭄ᬤᬶᬓ᭞ᬫᬶᬢᬸᬤᬸᬄᬳᬦ᭄ᬢᬸᬓ᭄ᬯᬗ᭄ᬲᬶᬢ᭄᭟ᬓᬧ᭄ᬬᬸᬦᬶᬂᬭᬶᬂᬳᬶᬤᬳᬦᬓᬾᬳᬕᬸᬂ
ᬭᬶᬂᬕ᭄ᬬᬜᬃ᭞ᬓᭀᬘᬧ᭄ᬦᬵᬕᬭᬦᬾᬫᬩᬮᬶᬓ᭄᭞ᬲᬵᬫ᭄ᬧᬸᬦ᭄ᬦᬓᭂᬧ᭄ᬤᬾᬰ᭞ᬲᬂᬓᬤᬶᬲᬸᬢᬲᭀᬫ᭞ᬭᬶᬂᬲᬶᬗ᭄ᬳᬦ᭄ᬤᬧᬫᬮᬶᬗ᭄ᬕᬶᬄ᭞ᬚ᭄ᬭᭀᬦᬶᬂᬘᬭᬂᬘᬂ᭞ᬧᬸᬧᬸᬢ᭄ᬭᬲᬫᬶᬫᬦᬗ᭄ᬓᬶᬮ᭄᭟ᬓᬂᬧᬶᬗᬚᭂᬂᬳᬶᬤᬳᬦᬓ᭄ᬳ
Kaca:Bali-lontar-gaguritan-rereg-gianyar-300ppi.pdf/8
Kaca puniki sampun kauji-wacén
