[᭖6B]
᭖
ᬫᬗ᭄ᬓᬶᬦ᭄ᬧ᭄ᬭᬲᬶᬤ᭄ᬥᬓᬯᬢᬦ᭄ᬤ᭄ᬯᬚ᭞ᬲᬵᬫ᭄ᬧᬸᬦ᭄ᬤᬶᬤᬾᬯᬲᬓ᭄ᬱᬶ᭞ᬭᬳᬸᬳᬶᬂᬓᬳᬸᬮ᭞ᬯᬢ᭄ᬭᬲᬵᬫ᭄ᬧᬸᬦ᭄ᬓ᭠ᬘᭀᬭᬦ᭄᭞ᬲᬶᬓᭂᬧ᭄ᬦᬵᬕᬭᬦᬾᬫᬗ᭄ᬓᬶᬦ᭄᭞ᬫᬦᬓᭂᬧ᭄ᬤᬾᬰ᭞ᬮ᭄ᬯᬶᬃᬪᬹᬢᬵᬋᬩᬸᬢ᭄ᬤᬕᬶᬂ᭞ᬳᬓᬾᬄᬭᬭᬸᬤ᭄ᬦᭂᬗ᭄ᬕᬸᬄ
ᬧᬘᬂᬓᬭᬦ᭄ᬤᬳᬦ᭄᭞ᬫᬜᬶᬗᬮ᭄ᬧ᭄ᬧ᭄ᬬᬦᬓ᭄ᬘᭂᬭᬶᬓ᭄᭞ᬗᬸᬗ᭄ᬲᬶᬧᬓᬗᬦ᭄᭞ᬜᬸᬲᬸᬧ᭄ᬭᬶᬂᬤᬾᬰᬤᬾ᭠ᬰ᭞ᬦᬾᬲᬸᬕᬶᬂᬦᬦᭂᬫ᭄ᬫᬲ᭄ᬧᬶᬧᬶᬲ᭄᭞ᬲᬤᬜᬗᬶᬤᬂ᭞ᬮᬘᬸᬭᬦ᭄ᬳᬤᬫᬫᬮᬶᬂ᭟ᬮᬾᬦ᭄ᬳᬤᬫᬦᬦ᭄ᬤᬦ᭄ᬢᬸᬯᬫᬳᬾ
ᬫᬾᬦᬾᬫᬤᬦ᭄᭞ᬮᬾᬦ᭄ᬳᬤᬗᬦ᭄ᬤᭀᬂᬲᬓᬶᬢ᭄᭞ᬫᬦᬶᬯᬂᬤᬶᬚᬮᬦ᭄᭞ᬚᬤ᭄ᬫᬮᬸᬄᬫᬗᬤᬸᬫ᭄ᬧ᭄ᬮᬂ᭞ᬫᬸᬜ᭄ᬘᬸᬓ᭄ᬜᭀᬜᭀᬦᬾᬗᬸᬢᬮ᭄ᬢᬶᬮ᭄᭞ᬮᬾᬦ᭄ᬫᬕᬾᬤᬾᬳᬦ᭄᭞ᬲᬶᬲᬸᬫᬜᬗ᭄ᬓᬶᬮ᭄ᬗᭂᬮᬶᬂ᭟ᬫᬲᬮ᭄ᬬᬸᬭᬦ᭄
ᬯᬾᬦ᭄ᬢᭂᬦ᭄ᬗᬸᬗ᭄ᬲᬶᬚ᭄ᬭᭀᬦᬵᬕᬭ᭞ᬢᬦᬸᬘᬧ᭄ᬮᬸᬄᬫ᭄ᬯᬦᬶ᭞ᬫᬲᬸᬮᬸᬗ᭄ᬲᬸᬮᬸᬗᬦ᭄᭞ᬢᬦ᭄ᬧᭂᬕᬢ᭄ᬧᭂᬢᭂᬂᬍᬫᬄ᭞ᬩᬚᬂᬢ᭄ᬯᬘᭂᬭᬶᬓ᭄ᬓᭂᬮᬶᬄ᭞ᬦᬸᬦᬲ᭄ᬳᬸᬭᬶᬧᬂ᭞ᬲᬫᬶᬓᬳᬶᬘ᭄ᬙᬾᬦ᭄ᬧᬚᬜ᭄ᬚᬶ᭟ᬲᬦᬾᬲᬵᬫ᭄ᬧᬸᬦᬢᬓᭂᬧ᭄ᬳᬦ᭄ᬢᬸ
[᭗7A]
ᬓ᭄ᬲᬶᬓᭂᬧ᭄ᬦᬵᬕᬭ᭞ᬩᬢ᭄ᬯᬦ᭄ᬩᬢᬸᬳᬚᬶ᭞ᬧ᭄ᬯᬬᬧᬦᬶᬜ᭄ᬚᭀᬯᬦ᭄᭞ᬲᬶᬫᬫ᭄ᬧᬦ᭄ᬳᬩ᭄ᬬᬦ᭄ᬧᬦ᭄ᬤᬦ᭄᭞ᬘᬫᬗ᭄ᬕᬯᭀᬦ᭄ᬲᬓᬄᬲᬫᬶ᭞ᬫᬮᬶᬄᬓᬗᭂᬢᬦ᭄᭞ᬓᬢᬾᬯᬾᬮ᭄ᬭᬳᬸᬄᬕᬸᬫᬶᬘᬶᬓ᭄᭟ᬲᬶᬗ᭄ᬳᬧᬤᬸᬲᬶᬗ᭄ᬳᬓᭂᬃᬢ᭄ᬣ᭠
ᬲᬶᬡ᭄ᬥᬸᬚᬶᬯ᭞ᬢᬩᭀᬗ᭄ᬓᬗᬾᬫᬓᬵᬤᬶ᭞ᬓᬮᬸᬲᬢᬗ᭄ᬓᬸᬮᬓ᭄᭞ᬲᬫᬦᬩᬜ᭄ᬚᬃᬳᬫ᭄ᬩᭂᬗᬦ᭄᭞ᬢᬕ᭄ᬢᬕ᭄ᬭᬳᬸᬄᬧᬾᬚᬾᬂᬳᬚᬶ᭞ᬫᬮᬶᬄᬬᬾᬄᬢᭂᬗᬄ᭞ᬤᬫᬬᬸᬦᬾᬰᬳᬮᬶᬢ᭄᭟ᬲᬓᬶᬂᬓᬳᬸᬄᬓᬤᬶᬩ
ᬮᬾᬫ᭄ᬩᭀᬂᬓᬢᬶᬕ᭞ᬩᬢᬶᬲ᭄ᬫᬧᬶᬧᬶᬢ᭄ᬧᬶᬧᬶᬢ᭄᭞ᬚᭂᬚᭂᬮ᭄ᬫᬥᬸᬥᬮ᭞ᬧᬗᬗ᭄ᬕᭀᬦᬶᬂᬧᬬᬸᬤ᭄ᬥᬦ᭄᭞ᬲᬶᬓᭂᬧ᭄ᬩᬢᬸᬳᬾᬮᬸᬫᬶᬦ᭄ᬤᬶᬄ᭞ᬫᬦᬓᭂᬧ᭄ᬤᬾᬰ᭞ᬓᬤᬶᬕᬚᬄᬳᬗᬸᬮᬶᬂ᭟ᬋᬂᬋᬂᬭᬶᬗ᭄ᬓᬸᬮ᭄ᬢᭀᬂᬳᬤᬩᬦᬶ
ᬫᬢᬗᬄ᭞ᬫᬭᬱᬕᬸᬦᬸᬂᬳᭂᬫ᭄ᬩᬶᬤ᭄᭞ᬫᬗᬺᬤᭂᬕ᭄ᬕ᭄ᬦᬶᬗ᭄ᬮᬬᬂ᭞ᬫᬫᭀᬭᭀᬤ᭄ᬳᬲᬶᬂᬤᬾᬰ᭞ᬧ᭠ᬓᬸᬭᬾᬬᬓ᭄ᬦᬸᬦᬲ᭄ᬳᬸᬭᬶᬧ᭄᭞ᬗᬢᬸᬭᬂᬓᬦ᭄ᬢᬄ᭞ᬲᬵᬫ᭄ᬧᬸᬦ᭄ᬓᬘᭀᬭᬦ᭄ᬲᬫᬶ᭟ᬲᬓᬶᬂᬓᭂᬮᭀᬤ᭄ᬲᬶᬓᭂᬧ᭄ᬩ᭠
Kaca:Bali-lontar-gaguritan-rereg-gianyar-300ppi.pdf/7
Kaca puniki sampun kauji-wacén
