[᭖᭗67B]
᭖᭗
ᬓᬯᬶᬯᬂᬳᬸᬩᬸᬤ᭄ᬳᬢᬗ᭄ᬓᭂᬧ᭄ᬫᬶᬭᬶᬂ᭟ᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄ᬢᬸᬫᬦ᭄ᬤᬂᬳᬗᬫᬹᬓ᭄ᬭᬫ᭄ᬧᬓ᭄᭞ᬩᬶᬭᬫᬳᬗᬯᬶᬭᬯᬶᬃ᭞ᬫᬗ᭠ᬤᭀᬓᬂᬭᭀᬯᬂ᭞ᬢᬦ᭄ᬫᬭᬶᬕᬶᬮᬂᬕᬶᬮᬂ᭞ᬢᬦ᭄ᬯ᭄ᬭᬸᬄᬭᬶᬘᬶᬦ᭄ᬤ᭄ᬭᬗᬭᬶ᭞ᬦ᭄ᬤᬢᬦ᭄ᬚᬗ᭄ᬓᬬᬦ᭄᭞ᬫᬢ᭄ᬩᬢᬗᬸᬩᬢᬩᬶᬢ᭄᭟ᬳᬶᬄ
ᬓᭀᬳᬸᬩᬸᬤ᭄ᬕᬸᬲ᭄ᬢᬶᬦ᭄ᬳᬶᬩᬤᬶᬚᬬ᭞ᬓᬳᬶᬗᬶᬤᬫ᭄ᬫᬢᬦ᭄ᬤᬶᬂ᭞ᬜᭂᬦ᭄ᬢᭀᬓᬂᬓᬥᬷᬭᬦ᭄᭞ᬫᬸᬮᬲᬢ᭄ᬭᬶᬬᬧᬸᬭᬸ᭠ᬱ᭞ᬤᬤᬶᬳᬶᬩᬢ᭄ᬓᬚ᭄ᬭᬶᬄ᭞ᬢ᭄ᬯᬭᬗ᭄ᬮᬄᬚ᭄ᬗᬄ᭞ᬤᬤᬶᬳᬸᬘᬧᬦ᭄ᬕᬸᬫᬶ᭟ᬫᬳᬶᬦᬚᬦᬶᬲᬶᬂᬩᬳᬸᬗᬦ᭄ᬳᬶᬩᬳ᭄ᬜᬕ᭄᭞ᬳᬧᬶᬗᬬᬸᬄᬦᬸ
ᬦᬲ᭄ᬳᬸᬭᬶᬧ᭄᭞ᬜᬾᬦ᭄ᬲᬦ᭄ᬤᭂᬫ᭄ᬦᬸᬫᬳᬂ᭞ᬲᬮᬄᬳᬶᬩᬦᬾᬧ᭄ᬭᬲᬗ᭄ᬕ᭞ᬲᬶᬂᬩᬸᬳᬸᬗᬦ᭄ᬳᬶᬩᬫᬵᬢᬶ᭞ᬦᬾᬯᬓ᭄ᬢᬸᬢ᭄ᬲᬦ᭄ᬤᬢ᭄᭞ᬧᬫᬹᬓᬾᬢᭀᬂᬕᬶᬕᬶᬲᬶᬦ᭄᭟ᬲᬶᬦᬸᬭᬓᬦ᭄ᬮ᭄ᬯᬶᬃᬓᬭᬂᬓᬭᬸᬲᬓ᭄᭞ᬯᭀᬂᬦᬵᬕᬭᬮᬸᬫᬶᬦ᭄ᬤᬶᬄ᭞ᬘᭀᬓᭀᬃᬤ
ᬩᬢᬸᬬᬂ᭞ᬲᭂᬗᬮ᭄ᬲᭂᬗᬮ᭄ᬫᬗᬶᬮᬓᬂ᭞ᬲᬶᬗ᭄ᬳᬧᬤᬸᬦᬾᬫᬜᬦ᭄ᬤᬶᬂ᭞ᬦᭀᬤᭀᬲ᭄ᬗᬮᬾᬭᬂ᭞ᬭᬲᬢᬦ᭄ᬳᬶᬥᭂᬧ᭄ᬯᬶᬱ᭄ᬝᬶ᭟ᬳᬶᬤᬘᭀᬓᭀᬃᬤᬕ᭄ᬥᬾᬯᬶᬓᬦ᭄ᬧᬓᬶᬍᬲᬶᬂᬧᬜ᭄ᬚᬓ᭄᭞ᬢᬸᬫᬦ᭄ᬤᬂᬢ᭄ᬓᬦᬸᬤᬶᬗᬶᬦ᭄᭞ᬳᬗᬋᬧᬂ᭠
[᭖᭘68A]
ᬳᬧ᭄ᬭᬂ᭞ᬋᬫ᭄ᬋᬫ᭄ᬲᬗ᭄ᬳ᭄ᬬᬂᬤᬶᬯᬵᬗ᭄ᬓᬭ᭞ᬳᬯᭀᬃᬮᬦ᭄ᬧᬯᬦᬫᬶᬭᬶᬃ᭞ᬢᬾᬚᬤᬸᬫᬶᬮᬄ᭞ᬫᬮᬢᬸᬮᬢᬸᬮ᭄ᬯᬶᬃᬕ᭄ᬦᬶ᭟ᬓᬤᬶᬲᬶᬦᬯᬸᬓ᭄ᬰᬢ᭄ᬭᬸᬦᬾᬗᬢᭀᬦᬂ᭞ᬫᬯ᭄ᬢᬸᬬᬧᬥᬳᬭᬶᬧ᭄᭞ᬚᭂᬚᭂᬳᬾᬓᬮᬶᬯᬢ᭄᭞ᬘᭀᬓᭀᬃᬤᬳᬢᭀ
ᬦ᭄ᬭᬗ᭄ᬤ᭞ᬫᬕᬸᬮᬸᬗᬦ᭄ᬩᬸᬗ᭄ᬓᬄᬳᬚ᭄ᬭᬶᬄ᭞ᬢᭀᬂᬤᬤᬶᬳᬦ᭄ᬤᭂᬕᬂ᭞ᬧᬢᬶᬮᬸᬧ᭄ᬮᬸᬧ᭄ᬬᬫᬮᬳᬶᬩ᭄᭟ᬗᬸᬭᬸᬕ᭄ᬧᬗ᭄ᬓᬸᬂ᭠ᬮᬾᬦᬳᬤᬜᭂᬩᬸᬭᬶᬦ᭄ᬲᬸᬗ᭄ᬕ᭞ᬳᬓᬾᬳᬵᬳ᭄ᬮᬸᬂᬳᬓᬦᬶᬦ᭄᭞ᬫᬢᬢᬦ᭄ᬓᬧ᭄ᬯᬭ᭞ᬳᬶᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄᭞ᬫᬮᬳᬶᬩ᭄ᬩᬸᬦ᭄ᬢᭂᬃ
ᬫᬗᬸᬤᬶᬤᬶᬂ᭞ᬫᬗᬸᬢᬂᬭᭀᬯᬂ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬓ᭄ᬮᬃᬓ᭄ᬮᭀᬃᬩᬄᬩᬗᬸᬦ᭄ᬫᬦᬸᬗ᭄ᬓᬬᬓ᭄᭞ᬓᬫ᭄ᬩᭂᬦ᭄ᬲᬾᬢ᭄ᬲᬾᬢ᭄ᬧᬲᬸᬭᬦ᭄ᬢᬶᬂ᭞ᬳᬗ᭄ᬓ᭄ᬬᬦ᭄ᬜᬦᬾᬢᬸᬗ᭄ᬕᬄ᭞ᬫᬮᬶᬄᬳᬲᬶᬂᬢᬸᬫᬗ᭄ᬕᬮ᭄᭞ᬢᬍᬃᬢᬸᬫᬸᬮᬶᬓᬢᬸᬤᬶᬂ᭞ᬳᬦ᭄ᬢᬸᬓ᭄
ᬘᭀᬓᭀᬃᬤ᭞ᬩᬸᬗ᭄ᬓᭂᬃᬗ᭄ᬢᭀᬃᬧᭂᬲᬸᬢᬳᬶ᭟ᬲᬧᬸᬦᬶᬓᬬᬸᬲ᭄ᬧᬚ᭄ᬦᭂᬗᬦᬾᬭᬶᬂᬧᬘᬫ᭄ᬧᬸᬳᬦ᭄᭞ᬢ᭄ᬯᬄᬓᬲᬸᬩ᭄ᬳᬸᬮᬶᬗᬹᬦᬶ᭞ᬤᬸᬓ᭄ᬓᬯᭀᬦ᭄ᬲᬫᬦ᭞ᬧᬸᬦᬧᬶᬫᬮᬶᬄᬧᬜ᭄ᬚᬗᬂ᭞ᬯᬸᬢᬸᬲᭂᬦ᭄ᬬᬸᬤ᭄ᬥᬦᬾᬫᬗ᭄ᬓᬶᬦ᭄᭞ᬮᭀᬤ᭄
Kaca:Bali-lontar-gaguritan-rereg-gianyar-300ppi.pdf/68
Kaca puniki sampun kauji-wacén
