[᭖᭒62B]
᭖᭒
ᬭᬢ᭄ᬯᬭᬗᬶᬢᬸᬗᬂᬭᬵᬚᬩ᭄ᬭᬡ᭞ᬫᬥᬦᬥᬦᬲᬳᬶ᭞ᬫᬜ᭄ᬘᬲᬫ᭄ᬢᭀᬦᬦ᭄᭞ᬧ᭄ᬭᬩ᭄ᬓᭂᬮ᭄ᬧᬓᬢᬶᬓ᭄ᬚᬭᬦ᭄᭞ᬓᬵᬭᬡᬧᬜ᭄ᬚᬓᬾᬲᬸᬪᬓ᭄ᬢᬶ᭞ᬳᬶᬗᭂᬢ᭄ᬢᬸᬢᬸᬭᬦ᭄᭞ᬲᬲᬸᬳᬸᬦᬦ᭄ᬳᬸᬮᬶᬂᬗᬹᬦᬶ᭟ᬭᬶᬂᬓᬢᬾᬯᬾᬮ᭄ᬓᬲᬸᬓ᭄ᬱᬭᬳᬶᬕᬶᬦ᭞᭠
ᬗᬸᬭᬄᬭᬕᬾᬫ᭄ᬩ᭄ᬭᭀᬂᬫᬜᬤᬶ᭞ᬫᬸᬮᬤᬶᬂᬤᬶᬂᬥᬥ᭞ᬓ᭄ᬭᬡᬤᬾᬯᬩᬢᬸᬩᬸᬮᬦ᭄᭞ᬲᬶᬮᬶᬄᬓᬕ᭄ᬥᭀᬲ᭄ᬲᬕᬺᬳᬦ᭄ᬲᬫᬶ᭞ᬧᬦᬸᬕ᭄ᬭᬳᬦ᭄ᬳᬶᬤ᭞ᬪᬝᬵᬭᬤᬍᬫ᭄ᬩᬮᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬲᬲᭀᬭᭀᬂᬩᬫ᭄ᬩᬂᬧᬸᬦᬶᬓ᭞ᬓᬩᬯᭀᬲ᭄ᬢᭂᬩᭂᬮ᭄ᬪ᭠
ᬓ᭄ᬢᬶ᭞ᬭᬶᬂᬲᬂᬲᬶᬤ᭄ᬥᬫᬾᬗᬢ᭄᭞ᬓ᭄ᬭᬡᬓᬢᬸᬦ᭄ᬤᬸᬂᬓᬦᬹᬱ᭞ᬘᭀᬓᭀᬃᬤᬮᬾᬤᬂᬢᬦ᭄ᬲᬶᬧᬶ᭞ᬫᬕᬸᬗᬕᬸᬗ᭠ᬦ᭄᭞ᬢ᭄ᬯᬭᬓᭀᬳᬤᬜᬦ᭄ᬢᬸᬮᬶᬦ᭄᭟ᬢᬦᬶᬦᬸᬘᬧᬼᬯᬶᬄᬓᬭᬫ᭄ᬬᬦᬶᬂᬚᬕᬢ᭄᭞ᬧᬥᬗᬸᬮᬸᬭᬶᬦ᭄ᬓᬵᬧ᭄ᬢᬶ᭞ᬭᬯᬸᬄᬓᬚ
ᬩᬚ᭄ᬭᭀ᭞ᬲᬫᬤᭂᬕ᭄ᬳᬶᬤᬘᭀᬓᭀᬃᬤ᭞ᬫᬮᬶᬗ᭄ᬕᬶᬄᬭᬶᬂᬲᬸᬓᬵᬯᬢᬶ᭞ᬮ᭄ᬯᬶᬃᬍᬗ᭄ᬓᬥᬶᬧ᭞ᬢᬦᬦᬳᬸᬘᬧ᭄ᬫᬮᬶᬄ᭟ᬧᬗ᭄ᬤᬦᬶᬂᬳ᭄ᬬᬂᬤᬤᬶᬯ᭄ᬢᬸᬳᬗ᭄ᬓᬭᬤ᭄ᬭᭀᬯᬓ᭞ᬓᬬᬸᬦᬾᬫᬜᬶᬓ᭄ᬬᬂᬕᬸᬫᬶ᭞ᬭᬯᬸᬄᬓᬧᬮ᭄ᬬᬢᬦ᭄᭞ᬳᬦ᭄ᬤᭂᬮ᭄ᬢᭂᬓᬾ
[᭖᭓63A]
ᬦ᭄ᬓᬳᬕᬸᬗᬦ᭄᭞ᬭᬶᬂᬧᬮ᭄ᬬᬢᬦ᭄ᬳᬮᬶᬢ᭄ᬳᬮᬶᬢ᭄᭞ᬦᬵᬗ᭄ᬳᬶᬂᬢᬦ᭄ᬲᬶᬤ᭄ᬥ᭞ᬓ᭄ᬭᬡᬫᬯ᭄ᬢᬸᬲ᭄ᬗᬶᬢ᭄᭟ᬘᭀᬓᭀᬃᬤᬕ᭄ᬥᬾᬳᬸᬩᬸᬤ᭄ᬫᬗ᭄ᬕᭂᬄᬢᬺᬱ᭄ᬡᬵᬲᬸᬪᬓ᭄ᬢᬶ᭞ᬫᬧᬸᬗᬸᬧᬭᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬗ᭄ᬯᬓᬂ᭞ᬫᬓ᭄ᬦᬶᬦ᭄ᬓᭂᬦᬶᬦ᭄ᬦᬵᬕᬭ᭞ᬢ᭄ᬯᬭᬢᬳᬾᬦ᭄ᬳᬸᬮᬶᬗᬹ᭠
ᬦᬶ᭞ᬯ᭄ᬬᬤᬶᬦ᭄ᬫᬢᬸᬗ᭄ᬓᬲ᭄᭞ᬫᬶᬲᬤ᭄ᬬᬧᬘᬂᬫᬢᬦ᭄ᬤᬶᬂ᭟ᬫᬮᬶᬄᬲᬵᬫ᭄ᬧᬸᬦ᭄ᬜᬶᬓ᭄ᬬᬂᬭᬕᬓᬢ᭄ᬕᬮ᭄ᬮᬮᬂ᭞ᬭᬶᬂᬳᬦᬓ᭄ᬳᬕᬸᬂ᭠ᬮᬶᬗ᭄ᬲᬶᬃ᭞ᬲᬋᬂᬚ᭄ᬮᬾᬫ᭄ᬮᬄ᭞ᬬᬤ᭄ᬬᬧᬶᬦ᭄ᬫᬨᬮᬜᬕ᭄᭞ᬧᬮ᭄ᬬᬢᬦᬾᬓᬢᬶᬦ᭄ᬤᬶᬳᬶᬦ᭄᭞ᬧᬢᬸᬮᬸᬫᬵᬲ᭄᭞ᬲᬬᬦ᭄ᬜᬤ᭄ᬬᬫᬶ
ᬢᬶᬦ᭄ᬤᬶᬄ᭟ᬲᬧᬸᬦᬶᬓᬯᬶᬚᬶᬮ᭄ᬓᬵᬮᬶᬲᬗ᭄ᬳᬭᬦᬶᬂᬚᬕᬢ᭄᭞ᬯ᭄ᬢᬸᬫᬬᬸᬤ᭄ᬥᬲᬳᬶ᭞ᬍᬯᬶᬄᬫᬩ᭄ᬭᬡᬗᬦ᭄᭞ᬢᬹᬃᬲ᭠ᬫ᭄ᬧᬸᬦ᭄ᬗᬯᬗᬸᬦ᭄ᬕᭂᬮᬃ᭞ᬩᬮᬸᬂᬩᬂᬫᬲᬸᬗ᭄ᬕᬧᭀᬮᬶᬂ᭞ᬮᬾᬤ᭄ᬫᬵᬲ᭄ᬧᬸᬦᬶᬓ᭞ᬓ᭄ᬮᬶᬓᬶᬲᬵᬫ᭄ᬧᬸᬦ᭄ᬫᬩᬮᬶᬓ᭄᭟ᬢᬦᬶᬦᬸᬘᬧ᭄ᬭᬫᬾᬧᬸ
ᬦᬂᬬᬸᬤ᭄ᬥ᭞ᬯ᭄ᬬᬢᬭᬯᬾᬦ᭄ᬢᭂᬦ᭄ᬦᭂᬫ᭄ᬰᬰᬶᬄ᭞ᬤᬸᬭᬸᬂᬯᬾᬦ᭄ᬢᭂᬦ᭄ᬓᬵᬮᬄ᭞ᬦᭂᬗᬂᬘᬭᬶᬢᬧᬸᬦᬶᬓ᭞ᬭᬶᬂᬫᬗ᭄ᬯᬶᬓᬳᬸᬘ᭠ᬧ᭄ᬫᬮᬶᬄ᭞ᬚᬕᬢᬾᬭᬸᬦ᭄ᬤᬄ᭞ᬓᬧᬮ᭄ᬬᬢᬦ᭄ᬗᬮᬶᬄᬓᬦ᭄ᬢᬶ᭟ᬫᬓᬵᬤᬶᬦᬾᬘᭀᬓᭀᬃᬤᬕ᭄ᬥᬾᬗᭀᬋᬕᬂ᭞ᬫᬗ᭄ᬯᬶ
Kaca:Bali-lontar-gaguritan-rereg-gianyar-300ppi.pdf/63
Kaca puniki sampun kauji-wacén
