[᭕᭖56B]
ᬲ᭄ᬧᬭᬭᬸᬤᬦ᭄᭞ᬲᬢᬢᬓ᭄ᬤᬾᬓᬶᬦ᭄ᬕᬸᬫᬶ᭞ᬧᬮ᭄ᬬᬢᬦ᭄ᬧᬘᬂᬫᬶᬢᬶᬦ᭄ᬤᬶᬄ᭞ᬢ᭄ᬕᬮᬮᬂᬩᬋᬂᬫᬚᭂᬧ᭄ᬬᬸᬓ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬘᬭᬸᬯᬂ᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬢᬺᬱ᭄ᬡᬲᬶᬄ᭞ᬫᬗ᭄ᬤᬾᬢᬸᬫ᭄ᬧᬸᬃ᭞ᬭᬶᬢ᭄ᬗᬳᬶᬂᬭᬡᬗ᭄ᬕᬦ᭟ᬦᬾᬫᬗ᭄ᬓᬶᬦ᭄ᬜᬦ᭄ᬤᬂᬤᬩ᭄ᬤᬩᬂ᭞᭠
ᬭᬳᬶᬦᬦᬾᬩᬾᬜ᭄ᬚᬂᬫᭂᬤᬮᬶᬦ᭄᭞ᬳᬲᬶᬂᬯᬾᬦ᭄ᬢᭂᬦ᭄ᬓᬭᬶᬢᬺᬱ᭄ᬡᬵ᭞ᬧᬸᬦᬶᬓᬫᬗ᭄ᬤᬾᬫᬗᬶᬭᬶᬂ᭞ᬧᬸᬭᬸᬦ᭄ᬫᬢᬶᬦ᭄ᬤᬶᬄᬩ᭄ᬮᬶ᭞ᬢᭀᬄᬢ᭄ᬯᬭᬓᭀᬲᬶᬤ᭄ᬥᬾᬂᬮᬓᬸ᭞ᬮᬸᬓᬢ᭄ᬳᬦ᭄ᬢᬸᬓ᭄ᬧᬸᬭᬸᬱ᭞ᬤᬾᬯᬳᬩ᭄ᬬᬦ᭄ᬘᬦᬂᬫᬶᬲᬶᬗ᭄ᬕᬶᬄ᭞ᬬᬤᬶᬦ᭄ᬧᬸᬗ᭄ᬓᬸᬃ᭞
ᬫᬧᬫᬸᬧᬸᬢ᭄ᬧᬘᬂᬲᬾᬤ᭟ᬤᬾᬯᬢ᭄ᬕᬮ᭄ᬮᬮᬂᬫᬫᬵᬢᬹᬢ᭄ᬧᬶᬲᬦ᭄᭞ᬗᬸᬭᬄᬓ᭄ᬢᬸᬢ᭄ᬫᬜᬳᬸᬭᬶᬦ᭄᭞ᬦ᭄ᬤᬯᭂᬕᬂᬭᬢᬸᬘᭀᬓᭀᬃᬤ᭞ᬯᬶᬭᬾᬄᬲᬵᬫ᭄ᬧᬸᬦ᭄ᬓᬤᬸᬂᬧ᭄ᬮᬶᬄ᭞ᬲᬶᬤ᭄ᬥᬦᬓᬸᬢᬶᬦ᭄ᬫᬵᬢᬶ᭞ᬓᬩᬡ᭄ᬥᬩᬦ᭄ᬘᬸᬘᬸᬘᬸᬘᬸ᭞ᬲᬓᬶᬂᬧᬗ᭄ᬤ
ᬦᬶᬂᬢᬶᬢᬄ᭞ᬢᬶᬢ᭄ᬬᬂᬫᬶᬲᬤ᭄ᬬᬦᬢᬓᬶᬦ᭄᭞ᬲᬱᬢᬸᬤᬸᬄᬚ᭄ᬮᬾᬦᬾᬢᬶᬩᬭᬶᬂᬢᬶᬢ᭄ᬬᬂ᭟ᬗᬸᬭᬄᬳᭀᬓᬫᬦᬯᭂᬕᬂ᭞ᬯᬦ᭄ᬢᬄᬧᬓᬃᬤ᭄ᬥᬶᬦᬾᬗᬹᬦᬶ᭞ᬢᬸᬫᬶᬢᬶᬲ᭄ᬓᬫᬥ᭄ᬬᬧᬤ᭞ᬳᬮᬶᬢ᭄ᬗᬸᬭᬄᬫᬜᬳᬸᬭᬶᬦ᭄᭞ᬳᬶᬗ᭄ᬕᬶᬄᬧᬸᬦᬶ
[᭕᭗57A]
ᬓᬯ᭄ᬬᬓ᭄ᬢᬶ᭞ᬢᬦ᭄ᬯᬗ᭄ᬤᬾᬚᭂᬗᬄᬲᬢᬸᬳᬸᬓ᭄᭞ᬩᬶᬦ᭄ᬧᬶᬤᬦ᭄ᬯᬸᬲ᭄ᬓᬳᬸᬘᬧ᭄᭞ᬨᬮᬦᬾᬩᬲ᭄ᬢᬓᬸᬢ᭄ᬫᬵᬢᬶ᭞᭠ᬤ᭄ᬫᭂᬦ᭄ᬳᬶᬤᬸᬧ᭄᭞ᬳᬶᬗᬸᬭᬄᬫᬦᬶᬫ᭄ᬩᬮ᭄᭟ᬲᬫ᭄ᬧᬸᬭᬭᬢᬸᬘᭀᬓᭀᬃᬤ᭞ᬲᬢᬢᬢ᭄ᬓᬗᭂᬩᬸᬓᬶᬦ᭄᭞ᬭᬢᬸᬭᬢᬸᬲᬋᬂᬲ
ᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬗᬫᬦᬳᬶᬦ᭄᭞ᬩᭀᬬᬤᬤᭀᬲ᭄ᬓᭂᬮᬶᬤᬶᬦ᭄᭞ᬢ᭄ᬯᬄᬧᬕᬦ᭄ᬢᬶᬦ᭄ᬢᬶᬢ᭄ᬬᬂᬮᬘᬸᬃ᭞ᬯᬶᬭᬾᬄᬤᬤᭀᬲ᭄ᬢᬢᬓᬦ᭄᭞ᬳᬶᬤᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬫᬗ᭄ᬤᬾᬢᬸᬫᬹᬓ᭄᭞ᬓᬯᭀᬦᬾᬢᬶᬩᬭᬶᬂᬢᬶᬢ᭄ᬬᬂ᭟ᬳ᭠
ᬓᬾᬄᬋᬓᬾᬬᬦᬸᬘᬧᬂ᭞ᬧᬗ᭄ᬭᬳᭀᬲᬾᬤᬸᬓ᭄ᬭᬶᬂᬯ᭄ᬗᬶ᭞ᬚᬦ᭄ᬢᭀᬲ᭄ᬭᬳᬸᬄᬓᬭᬳᬶᬦᬦ᭄᭞ᬧᬥᬲᬮᬶᬂᬧᬶᬓ᭄ᬥᭂᬳᬶᬦ᭄᭞ᬢ᭄ᬯᬭᬤᬤᬶᬧᬸᬗ᭄ᬕᭂᬮᬶᬦ᭄᭞ᬫᬸᬮᬢ᭄ᬯᬄᬱᬕᬦ᭄ᬢᬶᬮᬘᬸᬃ᭞ᬲᬶᬦᬄᬲᬵᬫ᭄ᬧᬸᬦ᭄ᬢᬢᬲ᭄ᬕᬮᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬵᬕ᭄ᬕᬶ᭞ᬫᬗ᭠
ᬯᬦᬂ᭞ᬢ᭄ᬥᬸᬦ᭄ᬭᬶᬂᬢᬸᬓᬤ᭄ᬧᬘᬫ᭄ᬧᬸᬳᬦ᭄᭟ᬫᬸᬜᬶᬦ᭄ᬓᬸᬮ᭄ᬓᬸᬮ᭄ᬫᬢ᭄ᬭᬬᬸᬯᬦ᭄᭞ᬢ᭄ᬯᬄᬳᬦᬓ᭄ᬫᬦᬓᬾᬦᬶᬦ᭄᭞ᬧᬢᬶ᭠ᬮᬸᬫ᭄ᬮᬸᬫ᭄ᬫᬗᬮᬾᬭᬂ᭞ᬓᬤᬸᬮᬸᬭᬶᬦ᭄ᬳᬸᬚᬦ᭄ᬳᬗᬶᬦ᭄᭞ᬩᬗ᭄ᬓ᭄ᬬᬂᬚᬭᬦᬾᬳᬸᬗ᭄ᬲᬶ᭞ᬫᬮᬶᬧᭂᬢᬦ᭄ᬢᭂᬤᬸᬦ᭄ᬓᬳᬸᬄ᭞ᬫᬗ᭄ᬭᬕᬲ᭄ᬢᬸ᭠
Kaca:Bali-lontar-gaguritan-rereg-gianyar-300ppi.pdf/57
Kaca puniki sampun kauji-wacén
