[᭕᭕55B]
᭕᭕
ᬧᬗᬼᬗᬦᬾᬋᬓᭀ᭞ᬬᬦ᭄ᬢᬓᭀᬘᬧ᭄ᬫᭀᬃᬢ᭄ᬢᬩ᭄ᬘᬶᬓ᭄᭞ᬤᬦᬸᬦᬶᬃᬫᬮᬲᬸᬘᬶ᭞ᬤᬶᬢᬸᬓᬤᬮᬗᭃᬦᬾᬮ᭄ᬬᬸ᭞ᬓᭀᬘᬧᬦ᭄ᬲᬂᬫᬦᭀᬦ᭄ᬢᭀᬦ᭄᭞ᬧᬤᭂᬗᭀᬓ᭄ᬫ᭄ᬭᬲᬲ᭄ᬥᬶᬚ᭄᭞ᬫᬫᬗᭂᬦᬂᬳᬦᬓ᭄ᬫᬚᬮᬦ᭄ᬫᬤᬦ᭄ᬤᬦ᭄᭟ᬢᭀ᭠
ᬦᬾᬫᬜᬶᬗᬮ᭄ᬧ᭄ᬬᬦᬓ᭄᭞ᬗᬸᬭᬂᬗᬭᬶᬂᬦᬕᬶᬄᬫᬸᬮᬶᬄ᭞ᬤᬸᬧ᭄ᬤᬸᬧᬂᬩᬳᬦ᭄ᬓᬢᬶᬧᬢ᭄᭞ᬮᬾᬦ᭄ᬳᬤᬓ᭄ᬘᬕ᭄ᬤᬶ᭠ᬫᬃᬵᬕ᭄ᬕᬶ᭞ᬳᬾᬜ᭄ᬘᭀᬂᬫᬸᬮ᭄ᬬᬦ᭄ᬫᬜᬗᬶᬤ᭄᭞ᬗᬸᬗ᭄ᬲᬶᬧᬓᬤᬗᬦᬶᬧᬸᬦ᭄᭞ᬳᬓᬾᬄᬋᬓᭀᬬᬦ᭄ᬢᬸᬢᬸᬭᬂ᭞ᬢᬶᬗ᭄ᬓᬄᬳ᭠
ᬦᬓᬾᬭᬶᬂᬫᬃᬵᬕ᭄ᬕᬶ᭞ᬦ᭄ᬤᬦ᭄ᬓᬯᬸᬯᬸᬲ᭄᭞ᬲᭀᬭᬾᬭᬯᬸᬄᬭᬶᬂᬧᬮ᭄ᬬᬢᬦ᭄᭟ᬓᭀᬘᬧ᭄ᬘᭀᬓᭀᬃᬤᬭᬶᬂᬧ᭠ᬮ᭄ᬬᬢᬦ᭄᭞ᬬᬸᬱᬲᬫᬶᬳᬮᬶᬢᬮᬶᬢ᭄᭞ᬓᬾᬬᬮᬘᭀᬓᭀᬃᬤᬭᬓ᭞ᬲᬭᬾᬦ᭄ᬓᬯᬸᬄᬧᬗ᭄ᬮᬶᬗ᭄ᬲᬶᬃ᭞ᬤᬾᬯᬓ᭠
ᬮᬾᬃᬫᬓᬵᬤᬶ᭞ᬗᭂᬫ᭄ᬩᬦ᭄ᬧᬗ᭄ᬭᬯᭀᬲᬾᬤᬶᬢᬸ᭞ᬫᬜ᭄ᬘᬧᬢᬸᬮᬸᬳ᭄ᬫᬵᬲ᭄᭞ᬳᬸᬩᬸᬤ᭄ᬫᬓᬵᬤᬶᬲ᭄ᬭᬢᬶ᭞ᬧᬥᬧᬳᬸᬫ᭄᭞ᬓᬭᬶᬜᬦ᭄ᬢᭀᬲ᭄ᬭᬶᬂᬩᬜ᭄ᬘᬶᬗᬄ᭟ᬫᬮᬶᬄᬳᬶᬤᬾᬯᬢ᭄ᬕᬮ᭄ᬮᬮᬂ᭞ᬫᬳᬶᬭᬶᬗᬦ᭄ᬫᬜ᭄ᬘᬲᬫᬶ᭞ᬓ᭄ᬥᬶᬲ᭠
[᭕᭖56A]
ᬦ᭄ᬓᬾᬦ᭄ᬤᬾᬭᬦᬸᬯᬩ᭞ᬚ᭄ᬭᭀᬓ᭄ᬮᭀᬤᬦ᭄ᬧᬾᬚᬾᬂᬢᬚᬶ᭞ᬲᬳᬓᬯᬸᬮᬲᬫᬶ᭞ᬫᬶᬲᬤ᭄ᬬᬧᬘᬂᬫᬢᬸᬮᬸᬂ᭞ᬓᬵᬭᬶᬫᬦ᭄ᬤᭂᬕ᭄ᬭᬶᬂᬧᬮ᭄ᬬᬢᬦ᭄᭞ᬫᬓᬸᬫ᭄ᬧᬸᬮ᭄ᬤᬤᭀᬲ᭄ᬳᬲᬶᬓᬶ᭞ᬧᬥᬧᬳᬸᬫ᭄᭞ᬳᬾᬮᬶᬂᬭᬶᬂᬩᬯᭀᬲᬾᬲᬸᬩ᭟
ᬲᬬᬕᬲᬳᬢ᭄ᬗᭂᬗᬦ᭄᭞ᬫᬶᬲᬤ᭄ᬬᬯᬦ᭄ᬢᬄᬫᬶᬢᬶᬦ᭄ᬤᬶᬄ᭞ᬲᬕᬾᬢ᭄ᬭᬯᬸᬄᬲᬓᬶᬂᬓ᭄ᬮᭀᬤ᭄᭞ᬧ᭄ᬭᬭᬸᬤᬦ᭄ᬩᬢᬸᬄᬲᬸᬓᬵᬯᬢᬶ᭞ᬘᭀᬓᭀᬃᬤᬕ᭄ᬥᬾᬲᬸᬓᬵᬯᬢᬶ᭞ᬗᬢᬩ᭄ᬢᬩ᭄ᬫᬯᭂᬯᭂᬄᬩᭂᬦ᭄ᬤᬸ᭞ᬲᬳᬲᬢ᭄ᬓᬗᬦ᭄ᬤᭂᬕᬂ᭞ᬗᭂᬩᬢᬂᬢᬗ
ᬦ᭄ᬫᬯᬗ᭄ᬲᬶᬢ᭄᭞ᬯ᭄ᬗᬶᬲᬵᬫ᭄ᬧᬸᬦ᭄᭞ᬗᬋᬋᬧ᭄ᬭᬶᬂᬓ᭄ᬭᭀᬧᬮ᭄ᬬᬢᬦ᭄᭟ᬫᬮᬶᬄᬤᬸᬓ᭄ᬯᭂᬗᬶᬧᬸᬦᬶᬓ᭞ᬧᬳᬸᬫ᭄ᬗ᭄ᬭᬯᭀᬲ᭄ᬲᬋᬂᬲᬫᬶ᭞ᬩᬢᬸᬄᬲᬸᬓᬵᬯᬢᬶᬧᬮ᭄ᬬᬢᬦ᭄᭞ᬢ᭄ᬕᬮ᭄ᬮᬮᬂᬫᬶᬦᬓᬵᬤᬶ᭞ᬘᭀᬓᭀᬃᬤᬕ᭄ᬥᬾᬲᬸᬓᬵᬯᬢᬶ᭞
ᬢ᭄ᬯᬶᬦᭀᬮᬾᬓ᭄ᬲᬓᬶᬂᬧᬵᬢᬹᬢ᭄᭞ᬩ᭄ᬮᬶᬭᬢᬸᬲᬋᬂᬲᬫ᭄ᬬᬦ᭄᭞ᬫᬜᬤᬶᬳᬦᬓᬾᬮᬶᬗ᭄ᬲᬶᬭ᭄᭞ᬗ᭄ᬕᬶᬄᬬᬦ᭄ᬧᬵᬢᬹᬢ᭄᭞ᬩ᭄ᬘᬶᬓᬦ᭄ᬫᬮᬶᬄᬫᬢᬸᬮᬓ᭄᭟ᬗᬶᬭᬶᬂᬩ᭄ᬮᬶᬫᬢ᭄ᬮᬲᬦ᭄᭞ᬳᬾᬭᬗᬂᬭᬕᬦᬾᬫᬗ᭄ᬓᬶᬦ᭄᭞ᬚᬕᬤᬤᭀ
Kaca:Bali-lontar-gaguritan-rereg-gianyar-300ppi.pdf/56
Kaca puniki sampun kauji-wacén
