[᭕᭑51A]
ᬓ᭄ᬲᬚᬶ᭞ᬓᬧᬓᭀᬍᬫᬦ᭄᭞ᬢᬦ᭄ᬫᬭᬶᬫᬫᬶᬦᭂᬳᬶᬦ᭄᭟ᬧᬲ᭄ᬢᬶᬲᬵᬫ᭄ᬧᬸᬦ᭄ᬳᬦ᭄ᬢᬸᬓ᭄ᬤᬦᬾᬫᬫᬶᬦᭂᬳᬂ᭞ᬯ᭄ᬬᬢ᭠ᬭᬢ᭄ᬗᬄ᭞ᬢᭀᬂᬤᬤᬶᬳᬦ᭄ᬤᭂᬕᬂ᭞ᬩᬸᬤᬮ᭄ᬫᬗᬸᬢᬂᬭᭀᬯᬂ᭞ᬓ᭄ᬭᬶᬲ᭄ᬧᬘᬦᬗᬦ᭄ᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕ᭞ᬧᬜ᭄ᬚᬓᬾᬗᭂ
ᬢᬸᬢ᭄ᬩᬸᬭᬶ᭟ᬫᬕᬸᬮᬸᬗᬦ᭄ᬩᬸᬤᬮ᭄ᬩᬩᬢᬸᬳᬾᬗᬸᬭᬾᬢᬓ᭄᭞ᬓᭀᬘᬧ᭄ᬭᬶᬂᬕ᭄ᬬᬜᬃᬫᬗ᭄ᬓᬶᬦ᭄᭞ᬯ᭄ᬬᬓ᭄ᬢᬶᬓ᭠ᬫᭂᬫᭂᬕᬦ᭄᭞ᬢ᭄ᬯᬓᬃᬯ᭄ᬯᬜ᭄ᬚᬮᬩᬮᬗᬦ᭄᭞ᬳᬶᬤᬾᬯᬗᬸᬭᬄᬦᬾᬫᬗ᭄ᬓᬶᬦ᭄᭞ᬳᭀᬲᭂᬓᬶᬂᬘᬶᬢ᭄ᬢ᭞ᬳᬦ᭄ᬢᬸᬓ᭄ᬩᬢᬸᬳᬾᬦᬶᬗ᭄ᬕ᭠
ᬮᬶᬦ᭄᭟ᬕᬕ᭄ᬮᬶᬲᬦ᭄ᬭᬭᬶᬲ᭄ᬳᬶᬤᬫᬧᬸᬢᬸᬲᬦ᭄᭞ᬫᬗᭂᬤᭂᬂᬲᬶᬓᭂᬧ᭄ᬩᬗ᭄ᬮᬶ᭞ᬧ᭄ᬭᬩ᭄ᬓᭂᬮ᭄ᬕ᭄ᬬᬜᬃ᭞ᬫᬵᬫᬃᬕ᭄ᬕᬶᬕᬸᬲ᭄ᬢᬶᬕ᭄ᬢᬲᬦ᭄᭞ᬢᬶᬫ᭄ᬧᬮ᭄ᬜᬦᬾᬢ᭄ᬯᬭᬳᬸᬦᬶᬂ᭞ᬧᬂᬕᬕ᭄ᬮᬶᬲᬦ᭄᭞ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕᬶ᭟ᬤᬤᬶᬫᬓᬶᬧᭂᬓ᭄ᬧ᭄ᬭᬩ᭄ᬓᭂᬮᬾᬤᬶ᭠
ᬩᬜ᭄ᬘᬶᬗᬄ᭞ᬕᬸᬲ᭄ᬢᬶᬕ᭄ᬢᬲᬦ᭄ᬢᬦ᭄ᬓᬭᬶ᭞ᬫᬶᬢᬳᭂᬦ᭄ᬓᬓᬸᬢᬂ᭞ᬬᬦᬸᬧᬫᬓᬤᬶᬳᬬᬫ᭄᭞ᬓᬲᬫ᭄ᬩᭂᬳᬶᬦ᭄ᬩᬳ᭠ᬦ᭄ᬳᬶᬜ᭄ᬚᬶᬦ᭄᭞ᬤᬦᬾᬕ᭄ᬢᬧᬦ᭄᭞ᬭᬭᬶᬲ᭄ᬭᬭᬸᬤ᭄ᬧ᭄ᬭᬫᬗ᭄ᬓᬶᬦ᭄᭟ᬓᬧ᭄ᬬᬸᬦᬶᬂᬭᬶᬂᬳᬶᬤᬾᬯᬕ᭄ᬥᬾᬳᬩ᭄ᬬᬦ᭄ᬲᭂᬤᬄ᭞ᬩᬩᬢᬸ᭠
[᭕᭒52A]
ᬳᬾᬦᬶᬗ᭄ᬕᬮᬶᬦ᭄᭞ᬲᬸᬯᬸᬂᬭᬶᬂᬕ᭄ᬬᬜᬃ᭞ᬗ᭄ᬭᬯᭀᬲᬂᬭᬕᬫᬓᬸᬢᬂ᭞ᬓᬾᬫᭂᬂᬓᬬᬸᬦᬾᬫᬶᬦᭂᬳᬶᬦ᭄᭞ᬗᭂᬢᬹᬢ᭄ᬩᬸᬭᬶᬬᬂ᭞ᬭᬭᬶᬲ᭄ᬭᬭᬸᬤ᭄ᬧ᭄ᬭᬫᬗ᭄ᬓᬶᬦ᭄᭟ᬲᬕᬺᬳᬦ᭄ᬮᬦᬂᬳᬶᬲ᭄ᬢ᭄ᬭᬶᬧᬸᬢ᭄ᬭᬧᭀᬢ᭄ᬭᬓ᭞ᬭᬯᬸᬄᬓᬚ᭄ᬭᭀᬓ᭄ᬮᭀᬤᬦ᭄ᬲᬫᬶ᭞ᬩ᭠
ᬢᬸᬳᬾᬚᬸᬚᬸᬭᬂ᭞ᬦ᭄ᬤᬢᬦ᭄ᬘᬭᬶᬢᬧᬸᬦᬶᬓ᭞ᬭᬶᬂᬕ᭄ᬬᬜᬃᬓᬳᬸᬘᬧ᭄ᬫᬮᬶᬄ᭞ᬯᬸᬲ᭄ᬢᬢᬲ᭄ᬕᬮᬂ᭞ᬲᬕᬾᬢ᭄ᬭᬯᬸᬄᬲᬶᬓᭂᬧ᭄ᬩᬗ᭄ᬮᬶ᭟ᬓᬩᬶᬦᬯᬲᬶᬓᭂᬧ᭄ᬓ᭄ᬮᬸᬂᬓᬸᬂᬫᬲᬋᬗᬦ᭄᭞ᬤ᭄ᬯᬧᭀᬦ᭄ᬤᬮ᭄ᬫᬫᬸᬘᬸᬓᬶᬦ᭄᭞ᬫᬾᬗ᭄ᬕᭀᬓ᭄ᬫᬗ᭄ᬮᭀᬤᬂ᭞ᬲᬶᬓᭂᬧ᭄ᬩ᭠
ᬗ᭄ᬮᬶᬫᬗᬯᬂ᭞ᬤᬶᬩᬜ᭄ᬘᬶᬗᬄᬲᬓᬶᬂᬓᬗᬶᬦ᭄᭞ᬩᬋᬂᬫᬗ᭄ᬮᭀᬤᬂ᭞ᬫᬦ᭄ᬤᭂᬕ᭄ᬭᬶᬂᬩᬜ᭄ᬚᬃ᭟ᬫᬲᬂᬩᬦ᭄ᬤᬾᬭᬫᬯᬢᭂᬲ᭄ᬳᬦ᭄ᬢᬸᬓ᭄ᬢᭂᬮᬩᬄ᭞ᬩᬮᬾᬃᬢ᭄ᬮᬩᬄᬤ᭄ᬭᬸᬯᬾᬩᬗ᭄ᬮᬶ᭞ᬓ᭄ᬮᬸᬂᬓᬸᬂᬲᬮᭀᬤ᭄ᬢᭂᬮᬩᬄ᭞ᬩᬾᬢᬾᬮ᭄ᬓᬧᬲᬶᬲᬶᬓ᭄ᬮᭀᬤ᭄᭞ᬢ
ᬦ᭄ᬓᭀᬘᬧ᭄ᬧᬦᬶᬓᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬕ᭄ᬬᬜᬭᬾᬤ᭄ᬯᬾᬩᬗ᭄ᬮᬶ᭟ᬳᬮᬶᬢ᭄ᬗᬸᬭᬄᬩᬄᬩᬗᬸᬦ᭄ᬫᬗᬤᬸᬫ᭄ᬧ᭄ᬮᬂ᭞ᬓ᭄ᬭᬫᬲ᭄ᬲᬵᬫ᭄ᬧᬸᬦ᭄ᬫᬩᬮᬶᬓ᭄᭞ᬕᬸᬲ᭄ᬢᬶᬳᬕᬸᬂᬗᭀᬋᬕᬂ᭞ᬧᬦ᭄ᬕᬸᬲ᭄ᬢᬶᬦ᭄ᬜᬦᬾᬫᬸᬮ᭞ᬬᬦ᭄ᬢᬦ᭄ᬲᬾᬩᭂᬢ᭄ᬳᬶᬤᬓᬸ
Kaca:Bali-lontar-gaguritan-rereg-gianyar-300ppi.pdf/52
Kaca puniki sampun kauji-wacén
