[᭕᭐50B]
᭕᭐
ᬫ᭄ᬧᬸᬦᬂᬫᬗ᭄ᬮᬮᬶᬬᬂ᭞ᬳᬸᬮᬳᬶᬂᬲᬂᬓ᭄ᬱᬢ᭄ᬭᬶᬬ᭞ᬓᬤᬶᬮᬶᬗᬶᬂᬲᬗ᭄ᬳ᭄ᬬᬂᬳᬚᬶ᭞ᬧᬸᬦᬶᬓᬧᬶᬲᬦ᭄᭞ᬫᬗ᭄ᬓᬶᬦ᭄ᬗᬶᬭᬶᬂᬬᬰᬳᬶᬦ᭄᭟ᬤᬤᬶᬧᬹᬃᬡ᭄ᬦᬧᬓᬬᬸᬦᬦᬾᬢ᭄ᬯᬄᬳᬚᬳᬦ᭄᭞ᬧᬦ᭄ᬲᬓᬶᬂᬧᬶᬢᬸᬢᬹᬃᬬᬸᬓ᭄ᬢᬶ᭞ᬤᬸᬓ᭄ᬯᭂᬗᬶᬧᬸᬦᬶᬓ᭞᭠
ᬓᭀᬘᬧ᭄ᬫᬗ᭄ᬓᬶᬦ᭄ᬩᬾᬜ᭄ᬚᬗᬦ᭄᭞ᬲ᭄ᬫᭂᬂᬯᬯᬸᬳᭂᬦ᭄ᬤᬕ᭄ᬳᬳᬶ᭞ᬓᬵᬭᬶᬫᬗᬫ᭄ᬩ᭄ᬬᬃ᭞ᬲᬶᬓᭂᬧᬾᬭᬶᬂᬫᬃᬵᬕ᭄ᬕᬶᬫᬃᬵ᭠ᬕ᭄ᬕᬶ᭟ᬲᬤᬗᬶᬦ᭄ᬚ᭄ᬭᭀᬲᬓᬶᬂᬧᬗᬤᬸᬦᬶᬂᬢᬶᬢᬄ᭞ᬲᬕᬾᬢ᭄ᬫᬓ᭄ᬮᬧ᭄ᬲᬓᬶᬂᬓᬗᬶᬦ᭄᭞ᬳᬶᬤᬾᬯᬲ᭄ᬦᬢᬦ᭄᭞ᬭᬯᬸᬄ᭠
ᬫᬤᬦ᭄ᬤᬦ᭄ᬢᬗᬦ᭄᭞ᬲᬋᬂᬳᬶᬤᬾᬯᬕ᭄ᬥᬾᬭᬳᬶ᭞ᬲᬓᬶᬂᬓᬢᬸᬮᬸᬮᬓ᭄᭞ᬧ᭄ᬭᬡ᭄ᬥᬓ᭄ᬮᬸᬂᬓᬸᬂᬫᬜᬋᬗᬶ᭠ᬦ᭄᭟ᬭᬶᬂᬲᬫ᭄ᬧ᭄ᬮᬗᬦ᭄ᬧᬥᬡ᭄ᬥᬫᬮᬶᬄᬫᬢᬸᬮᬓ᭄᭞ᬘᬭᬶᬢᬬᬂᬲᬂᬭᬯᬸᬄᬓᬵᬮᬶᬄ᭞ᬲᬵᬫ᭄ᬧᬸᬦ᭄ᬭᬶᬂᬕ᭄ᬬᬜᬃ᭞᭠
ᬲ᭄ᬩᭂᬗᬾᬓᬤᬶᬩᬸᬗᬄ᭞ᬚ᭄ᬭᭀᬢᬮᬶᬓᬸᬧᬾᬦᬾᬳᬸᬗ᭄ᬲᬶ᭞ᬲᬓ᭄ᬯᬾᬄᬢᬸᬫᬶᬗᬮ᭄᭞ᬓᬫᭂᬫᭂᬕ᭠ᬦ᭄ᬫᬶᬦᭂᬳᬶᬦ᭄᭟ᬤᬾᬦᬶᬂᬲ᭄ᬓᭂᬦ᭄ᬳᭀᬃᬢᬲᬵᬫ᭄ᬧᬸᬦ᭄ᬓᬲᭂᬲᭂᬤᬂ᭞ᬳᬶᬳᬚᬶᬕ᭄ᬮᬶᬲ᭄ᬜᬕ᭄ᬚᬕᬶᬦ᭄᭞ᬲᬄᬲᬓᬶᬂᬢᬗ᭄ᬓᬶᬮᬦ᭄᭞
[᭕᭑51A]
ᬕᬸᬲ᭄ᬢᬶᬗᬸᬭᬄᬫᬥᬾᬓᭀᬘᬧ᭄᭞ᬧᬜ᭄ᬚᬂᬤᬦᬾᬫᬫᬶᬦᭂᬳᬶᬦ᭄᭞ᬳᭀᬲᭂᬓᬶᬂᬘᬶᬢ᭄ᬢ᭞ᬩᬬᬓᬵᬧᬸᬲ᭄ᬲᬸᬚᬢᬶ᭟ᬓᬤᬶᬕᬸᬫᬸᬭᬸᬄᬧᬗ᭄ᬭᬯᭀᬲᬾᬤᬸᬓ᭄ᬧᬸᬦᬶᬓ᭞ᬓᬧᬶᬦᭂᬄᬲᬂᬭᬯᬸᬄᬓᬵᬮᬶᬄ᭞ᬲᬓᬶᬂᬧᬓᬬᬸᬦᬦ᭄᭞ᬤᬍ
ᬫ᭄ᬗᬦ᭄ᬤᬶᬓᬬᬂᬫᬢᬸᬮᬓ᭄᭞ᬫᬗ᭄ᬤᬾᬫᬵᬢᬹᬃᬭᬶᬂᬳᬶᬳᬚᬶ᭞ᬧᬘᬂᬦᬩ᭄ᬤᬩᬂ᭞ᬤᬍᬫ᭄ᬢᬦ᭄ᬯᬦᭂᬄᬫᬯᭀᬲᬶᬦ᭄᭟ᬧ᭄ᬭᬕᬸᬂᬳᬕᬸᬂᬓᭀᬩᭂᬢ᭄ᬓᬬᬸᬦᬾᬫᬶᬦᭂᬳᬂ᭞ᬩᬩᬢᬸᬳᬾᬫᬓᬤᬶ᭞ᬭᬗ᭄ᬓᬸᬂᬲᬸᬫᬗ᭄ᬲᬬ᭞ᬫ᭄ᬭᬲᬭᬶᬂᬓᬧᭂᬕᭀᬓᬂ᭞ᬫ
ᬮᬶᬄᬳᭀᬃᬢ᭄ᬢᬦᬾᬲᬸᬚᬢᬶ᭞ᬕᬸᬲ᭄ᬢᬶᬳᬕᬸᬂᬓ᭄ᬭᬫᬲ᭄᭞ᬩᬸᬤᬮ᭄ᬧᬘᬂᬫᬸᬘᬸᬓᬶᬦ᭄᭟ᬲᬵᬫ᭄ᬧᬸᬦ᭄ᬲᬶᬦᬄᬫ᭠ᬥᬾᬋᬩᬸᬢ᭄ᬲᬄᬲᬓᬶᬂᬫ᭄ᬥᬳᬦ᭄᭞ᬕᬸᬲ᭄ᬢᬶᬳᬕᬸᬂᬫᬗᭂᬧᬸᬗᬶᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬳᭀᬃᬢ᭄ᬢ᭞ᬫᬥᬾᬤ᭄ᬭᬢᬫ᭄ᬓᭂᬮ᭄ᬢᭂᬕᬮ᭄᭞
ᬲᬵᬫ᭄ᬧᬸᬦ᭄ᬓᬢᬩᭀᬭᬶᬂᬫᬃᬵᬕ᭄ᬕᬶ᭞ᬲᬓᬶᬂᬤ᭄ᬯᬩᬜ᭄ᬚᬃ᭞ᬲᬶᬫᬗ᭄ᬓᬶᬦ᭄ᬫᬗᬯᬾᬭᬶ᭟ᬧᬗ᭄ᬤᬦᬶᬂᬢᬶᬢᬄᬚᬮᬭᬦ᭄ᬫᬗ᭄ᬕᬶᬄᬓᬮᬭᬦ᭄᭞ᬳᬦᬹᬢ᭄ᬧ᭄ᬭᬓᬺᬢ᭄ᬣᬗᬹᬦᬶ᭞ᬓ᭄ᬦᬇᬦ᭄ᬤ᭄ᬭᬚᬮ᭞ᬇᬭᬶᬓᬵᬕᬸᬲ᭄ᬢᬶᬗᬸᬭᬄ᭞ᬩᬸᬤᬮ᭄ᬲᬓᬶᬂᬳᬜ᭄ᬘ᭠
Kaca:Bali-lontar-gaguritan-rereg-gianyar-300ppi.pdf/51
Kaca puniki sampun kauji-wacén
