Kaca:Bali-lontar-gaguritan-rereg-gianyar-300ppi.pdf/50

Saking Wikisource
Kaca puniki sampun kauji-wacén

[᭔᭙49B]
᭔᭙
ᬦᬾᬭᬶᬳᬶᬦ᭄᭞ᬗᭂᬦ᭄ᬤᭀᬦ᭄ᬓᬩ᭄ᬮᬂᬩᬗᬦ᭄᭞ᬜᬾᬤ᭄ᬥᬳᬂᬤᬍᬫ᭄‌ᬦᬹᬱ᭞ᬧ᭄ᬭᬩ᭄ᬓᭂᬮ᭄ᬕ᭄ᬬᬜᬭᬾᬲᬫᬶ᭞᭠ᬩᬗᬸᬦ᭄ᬧᬤᬶᬂᬓ᭄ᬮᬓ᭄᭞ᬧᬥᬲᬮᬶᬂᬳᭀᬓᭀᬓᬶᬦ᭄᭟ᬳᬓᬾᬄᬬᬜ᭄ᬘᬭᬶᬢᬢᬢᬭᬶᬬᬦᬾᬤᬸᬓ᭄ᬧᬸᬦᬶᬓ᭞
ᬫᬗ᭄ᬕᬶᬄᬳᬩᬸᬂᬩᬸᬂᬲᬫᬶ᭞ᬘᬭᬶᬢᬩᭀᬭᬾᬬᬂ᭞ᬲᬶᬓᭂᬧ᭄‌ᬓ᭄ᬮᬸᬂᬓᬸᬗᬾᬫᬸᬗ᭄ᬕᬄ᭞ᬫᬗᬗ᭄ᬓᬢᬶᬦ᭄ᬚᬕᬢᬼᬩᬶᬄ᭞ᬢᬸᬮᬶᬓᬸᬧ᭄ᬓᭂᬫ᭄ᬩᭂᬗᬦ᭄᭞ᬲᬵᬫ᭄ᬧᬸᬦ᭄ᬓᬳᬯᬸᬕ᭄ᬲᬫᬶ᭟ᬢᬦ᭄ᬧᬵᬯᬦ᭄ᬬᬸᬤ᭄ᬥᬗᬬᬸᬄᬢᬹᬃᬓᬕᬤᬾᬦᬂ᭞ᬳᬶ
ᬕ᭄ᬥᬾᬭᬳᬶ᭞ᬮᬦ᭄ᬤᬾᬯᬲ᭄ᬦᭂᬢᬦ᭄᭞ᬓᬾᬫ᭄ᬫᬦ᭄ᬓᬫᭂᬫᭂᬕᬦ᭄᭞ᬓᬢᬓᭂᬃᬓ᭄ᬩᭂᬓ᭄ᬧ᭄ᬭᬫᬗ᭄ᬓᬶᬦ᭄᭞ᬭᬭᬶᬲ᭄ᬫ᭠ᬲ᭄ᬭᬄ᭞ᬓᬓ᭄ᬮᬸᬂᬓᬸᬂᬓᬵᬢᭂᬄᬫᬗ᭄ᬓᬶᬦ᭄᭟ᬯᬾᬦ᭄ᬢᭂᬦ᭄ᬧᬋᬓ᭄ᬓᬂᬫᬯᬵᬱ᭄ᬝᬳᬶᬤᬭᬓ᭞ᬫᬫ᭄ᬢᭂᬂᬬᬫᬜᬶᬮᬶᬩ᭄᭞ᬗᬸ᭠
ᬦᬶᬗ᭄ᬳᬓᬕ᭄ᬬᬜᬃ᭞ᬭᬶᬂᬳᬶᬳᬚᬶᬤᬾᬯᬗᬸᬭᬄ᭞ᬫ᭄ᬮᬳᬶᬩ᭄ᬓᬧᬸᬭᬸᬕ᭄ᬧᬸᬭᬸᬕᬶᬦ᭄᭞ᬫᬜ᭄ᬫᬄᬜ᭄ᬫᬄ᭞ᬲᬕᬾᬢ᭄ᬮᬩᬸᬄᬫᬜᬸᬂᬓ᭄ᬮᬶᬂ᭟ᬕᬕᬜ᭄ᬘᬗᬦ᭄ᬲᬕᬾᬢ᭄ᬭᬯᬸᬄᬭᬶᬂᬕ᭄ᬬᬜᬃ᭞ᬗᭀᬚᭀᬕ᭄ᬭᬭᬶᬲ᭄ᬓᬧᬸᬭᬶ᭞ᬧᬦᬗ᭄ᬓᬶ᭠
[᭕᭐50A]
ᬮᬦ᭄ᬳᬢᬧ᭄᭞ᬢᬗ᭄ᬓᭂᬚᬸᬢ᭄ᬓᬢᬸᬫᬶᬦ᭄ᬳᬮ᭄᭞ᬭᬯᬸᬄᬲᭂᬗᬧ᭄ᬤᬳᬲ᭄ᬤᬶᬳᬶᬲ᭄᭞ᬬᬫᬸᬮᬤᭂᬓᬄ᭞ᬳᬢᬸᬭᬾᬫᬤᬸᬮᬸᬃᬳ᭄ᬮᬶᬂ᭟ᬳᬦᬓ᭄ᬳᬕᬸᬂᬮᬘᬸᬃᬘᭀᬓᭀᬃᬳᬶᬤᬾᬯᬫᬭᬕ᭞ᬳᬶᬳᬦᬓ᭄ᬫᬓᬓᬵᬮᬶᬄ᭞ᬦᬾᬯᬯᬸᬜᭀ
ᬭᬾᬬᬂ᭞ᬲᬵᬫ᭄ᬧᬸᬦ᭄ᬓᬓ᭄ᬮᬸᬂᬓᬸᬂᬓᬵᬢᭂᬳᬂ᭞ᬯᬺᬢ᭄ᬢᬦᬾᬧᬗ᭄ᬕᬶᬄᬭᬶᬂᬫᬃᬵᬕ᭄ᬕᬶ᭞ᬗ᭄ᬕᬶᬄᬬᬦ᭄ᬢᬓᭀᬘᬧ᭄᭞ᬲᬫ᭄ᬧᬸᬦ᭄ᬓᬩᬂᬩᬗᬦᬾᬓᬸᬦᬶ᭟ᬭᬶᬂᬓ᭄ᬱᬾᬢ᭄ᬭᬢᬓ᭄ᬫᬸᬗᬾᬫᬶᬦᬩ᭄ᬲᬵᬫ᭄ᬧᬸᬦ᭄ᬓᬲᬾᬤ᭄ᬥᬬᬂ᭞ᬳᭀᬃᬢ᭄ᬢᬲᬵᬫ᭄ᬧᬸᬦ᭄ᬲᬸᬚ
ᬢᬶ᭞ᬫᬗ᭄ᬓᬶᬦ᭄ᬤᬾᬯᬗᬸᬭᬄ᭞ᬳᭂᬗ᭄ᬲᭂᬓ᭄ᬫᬫᬦ᭄ᬢᭂᬕ᭄ᬧᭂᬳ᭞ᬫᬗᭂᬫ᭄ᬩᭂᬂᬢᭀᬬᬦ᭄ᬧᬗᬓ᭄ᬱᬶ᭞ᬫᬗ᭄ᬭᬱᬭᬱ᭞ᬥᬹᬄᬓᬢᬸᬯᭀᬦᬶᬂᬯᬶᬤ᭄ᬥᬶ᭟ᬳᬶᬤᬾᬯᬕ᭄ᬥᬾᬳᬩ᭄ᬬᬦ᭄ᬩᬲᬾᬯ᭄ᬭᬶᬂᬘᬾᬱ᭄ᬝᬓᬵᬭ᭞ᬳᬶᬗ᭄ᬕᬶᬄᬩ᭄ᬮᬶᬧᬶᬦᭂᬳᬶᬦ᭄᭞ᬲᬵᬫ᭄ᬧᬸ
ᬦ᭄ᬓᬭᬕᬮ᭄᭞ᬤᬾᬦᬶᬧᬸᬦ᭄ᬓᬭᬶᬯᬺᬢ᭄ᬢ᭞ᬧᬫᬸᬧᬸᬢ᭄ᬧᬘᬂᬓᬧᬗ᭄ᬕᬶᬄ᭞ᬭᬶᬂᬧᬶᬢ᭄ᬭᬮᭀᬓ᭞ᬩ᭄ᬮᬶᬢᬶ᭠ᬢ᭄ᬬᬂᬢᬍᬃᬫᬵᬢᬶ᭟ᬤᬤᬶᬓᬧᬵᬢᬹᬢ᭄ᬳᬦ᭄ᬢᬸᬓ᭄ᬳᬶᬤᬾᬯᬗᬸᬭᬄᬲ᭄ᬬᬗᬦ᭄᭞ᬗᬸᬭᬄᬫᬥᬾᬫᬜᬳᬸᬭᬶᬦ᭄᭞ᬲ