Kaca:Bali-lontar-gaguritan-rereg-gianyar-300ppi.pdf/46

Saking Wikisource
Kaca puniki sampun kauji-wacén

[᭔᭕45B]
᭑᭕
ᬲᬧᬶᬲᬦ᭄ᬲᬫᬶ᭞ᬲᬋᬂᬤ᭄ᬯᬂᬮᬓ᭄ᬱ᭞ᬓᬓ᭄ᬮᬸᬂᬓᬸᬂᬓᬢᬗ᭄ᬓᬶᬮ᭄᭟ᬢ᭄ᬓᬧᬶᬓ᭄ᬥᭂᬄᬢᬸᬦᬲ᭄ᬳᬦᬓᬾᬳᬕᬸᬂᬩᬸᬤ᭠ᬮᬂ᭞ᬬᬦ᭄ᬢ᭄ᬯᬭᬓᬳᬶᬘ᭄ᬙᬦᬶᬦ᭄᭞ᬤᬶᬢᬸᬓᬾᬫᬩ᭄ᬯᬢ᭄᭞ᬕᭂᬧ᭄ᬬᬓ᭄ᬩᬋᬂᬤ᭄ᬯᬂᬮᬓ᭄ᬱ᭞ᬢᬦ᭄ᬤᬶᬗᬶᬦ᭄ᬓᬳᬚᬓ᭄ᬲᬫᬶ᭞ᬤᭀᬄ
ᬢ᭄ᬯᬭᬲᬶᬤ᭄ᬥ᭞ᬩᬸᬓᬧᬗᬧ᭄ᬢᬶᬦᬾᬚᬦᬶ᭟ᬬᬦ᭄ᬳᬦ᭄ᬤᬾᬬᬂᬕᬸᬫᬶᬓ᭄ᬮᬸᬂᬓᬸᬂᬫᬓᬩᬶᬤᬂ᭞ᬳᬫ᭄ᬩᬸᬮ᭄ᬳᭂᬚᬶᬢᬾᬫ᭠ᬜᬫ᭄ᬧᬶᬂ᭞ᬳᬓᬸᬤᬳᬚᬓ᭞ᬳᬾᬗ᭄ᬕᬮᬦ᭄ᬲᬍᬕ᭄ᬲᭂᬕᬦ᭄᭞ᬗ᭄ᬳᬶᬂᬲᭂᬓᭂᬧᬂᬳᬸᬮᬶᬚᬦᬶ᭞ᬧᬂᬤᬓᬘᬶᬃᬬ᭄ᬬᬦ᭄᭞ᬯᬸᬲ᭄ᬓᬧᬵ
ᬢᬹᬢ᭄ᬲᬋᬂᬲᬫᬶ᭟ᬓᬵᬮᬇᬭᬶᬓᬵᬤᬦᬾᬳᬶᬧᬸᬦ᭄ᬧ᭄ᬭᬩ᭄ᬓᭂᬮ᭄ᬕ᭄ᬬᬜᬃ᭞ᬲᬗ᭄ᬕᬸᬧᬾᬲᬮᬶᬮᬶᬗ᭄ᬕᬾᬦᬶᬦ᭄᭞ᬫᬗ᭄ᬢᭀᬳᬂᬚᬶᬯ᭞ᬩᬗᬸᬦ᭄ᬗᭂᬢᭀᬃᬫᬸᬮᬶᬭᬓ᭄᭞ᬕᬕ᭄ᬭᬾᬧᬾᬦᬦ᭄ᬩᬭᬓ᭄ᬩᬶᬬᬶᬂ᭞ᬗᭂᬜᬗᬂᬮᬶᬫ᭞ᬢ᭄ᬓᬫᬩᬸᬍᬢ᭄ᬕᬶᬦ᭄ᬢᬶᬂ᭟
ᬦᬶᬕ᭄ᬢᬶᬕ᭄ᬢᬗ᭄ᬓᬄᬮᬾᬦ᭄ᬳᬤᬫᬓ᭄ᬧᬓ᭄ᬓᬤᬸᬢᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬫᬦ᭄ᬮᬶᬓ᭄᭞ᬮ᭄ᬯᬶᬃᬓᬤᬶᬤᬭᬢᬦ᭄᭞᭠ᬓᬾᬯᬮᬓᬸᬭᬂᬕᬫᭂᬮᬦ᭄᭞ᬳᬭᬓ᭄‌ᬩᬺᬫ᭄ᬫᬶᬯᬄᬧᬶᬢᬶᬓ᭄᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬧᬗ᭄ᬭᬯᭀᬲᬾᬲᬋᬂᬲᬫᬶ᭟
[᭔᭖46A]
ᬫᬮᬸᬯᬭᬦ᭄ᬩᬸᬤᬮ᭄ᬧᬥᬗᬸᬗ᭄ᬲᬶᬳᬸᬫᬄ᭞ᬳᬸᬩᬬᬓᬭᬶᬫᬗᬦ᭄ᬢᬶ᭞ᬯᬗ᭄ᬲᬶᬢ᭄ᬧᬗᬸᬚᬶᬯᬢ᭄᭞ᬓᬾᬯᬮ᭠ᬧᬥᬬᬢ᭄ᬦ᭞ᬢᬦ᭄ᬘᬭᬶᬢᬤᬶᬦᬭᬢ᭄ᬭᬶ᭞ᬧᬸᬧᬸᬢ᭄ᬧᬗ᭄ᬭᬳᭀᬲ᭄᭞ᬭᬶᬂᬢᬫᬦᬬᬸᬦ᭄ᬫᬗ᭄ᬯᬶ᭟ᬫᬚᬚ᭄ᬭᬸᬓᬦ᭄ᬧᬥᬦᬩ᭄ᬤ᭠
ᬩᬂᬲᬜ᭄ᬚᬢ᭞ᬧᬦ᭄ᬧᬥᬳᬢᬶᬳᬗᬢᬶ᭞ᬲᬧᬗᭂᬚ᭄ᬭᭀᬯᬦ᭄‌ᬕ᭄ᬬᬜᬃ᭞ᬬᬦ᭄ᬢᬦ᭄ᬓᬮᬸᬕ᭄ᬭᬩᬸᬤᬮ᭄᭞ᬲᬸ᭠ᬓᬵᬗᬫᬹᬓᬾᬂᬧᬸᬭᬶ᭞ᬫ᭄ᬢᭀᬄᬲᬧᬶᬲᬦ᭄᭞ᬢᬦ᭄ᬓᬾᬫᬸᬢᬶᬂᬚᬶᬯᬧᬢᬶ᭟ᬗᬸᬭᬄᬫᬥᬾᬫᬲᬶᬄᬓ᭄ᬯᬂᬧᬗᬸᬦᬵᬥᬶ᭠
ᬓ᭞ᬳᬋᬧᬾᬓᬫᬗ᭄ᬯᬶ᭞ᬓᬗᬾᬢ᭄ᬯᬭᬳᬾᬢᬂ᭞ᬢ᭄ᬯᬄᬢᬾᬫᬕᭀᬩᬢᬸᬗ᭄ᬓᬲ᭄᭞ᬫᬲᬶᬄᬢᭀᬲ᭄ᬥᭂᬂᬬᬢ᭄ᬦᬳᬶᬦ᭄᭞ᬳᬧᬶᬲᬸᬩᬧ᭄ᬭᬕᬢ᭄᭞ᬫᬚᬮᬭᬦᬸᬧᬲᬓ᭄ᬱᬶ᭟ᬧᬶᬭᬂᬤᬶᬦᬯᬸᬲ᭄ᬧᬸᬢᬶᬂᬳᬸᬩᬬ᭞ᬓᬮᬗᬦ᭄ᬳᬸ
ᬢᬸᬲᬦ᭄ᬫᬗ᭄ᬯᬶ᭞ᬭᬯᬸᬄᬓᬧᬮ᭄ᬬᬢᬦ᭄᭞ᬩᬩᬢᬸᬄᬓᬢ᭄ᬕᬮ᭄ᬮᬮᬂ᭞ᬧᬘᬂᬗᬚᬓᬶᬦ᭄ᬫᬩᬮᬶᬓ᭄᭞ᬭᬶᬂᬮᬶᬗ᭄ᬕᬦ᭄ᬳᬶᬤ᭞ᬲᬂᬓᬲᬸᬗ᭄ᬲᬸᬗᬶᬂᬩᬮᬶ᭞ᬤᬤᬶᬓᬸᬫ᭄ᬩᭂᬂᬧᬗ᭄ᬭᬯᭀᬲᬾᬭᬶᬂᬩᬢᬸᬄᬢ᭄ᬕᬮ᭄ᬮᬮᬂ᭞ᬧᬮ᭄ᬬᬢᬦ᭄‌ᬲᬸᬓᬵᬯ᭠