[᭔᭓43B]
᭔᭓
ᬩᬹᬃᬓᬢᬶᬕ᭞ᬮᬸᬤ᭄ᬓᬦ᭄ᬢᬶᬓᭂᬤᭂᬢᬶᬦ᭄᭞ᬲ᭄ᬩᭂᬢ᭄ᬫᬢᬸᬂᬢᬸᬂᬳᬾᬭᬂ᭞ᬓᬤᬶᬧᬸᬘᬸᬓᬾᬓᬸᬘ᭞ᬳᭀᬘᭂᬫ᭄ᬯᬃᬡ᭄ᬦᬩᬸᬓᬮᬦ᭄ᬢᬶᬕ᭄᭞ᬢ᭄ᬯᬭᬗᬦ᭄ᬤᬶᬓ᭞ᬭᬭᬶᬲ᭄ᬩᬸᬤᬮ᭄ᬢᬦ᭄ᬧᬫᬶᬢ᭄᭟ᬕᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬲᬓᬄ᭞ᬫᬸᬮᬧᬗ᭄ᬤᬦᬶᬂᬯᬶᬤ᭄ᬥᬶ᭞
ᬤᬤᬶᬢᭂᬧᬾᬦ᭄ᬧᬧᬄ᭞ᬓᬸᬤ᭄ᬥᬦᬾᬋᬗᬲ᭄ᬫᬦᭀᬂᬓ᭄ᬮᬂ᭞ᬫ᭄ᬮᬳᬶᬩ᭄ᬓᬧᬸᬭᬸᬕ᭄ᬧᬸᬭᬸᬕᬶᬦ᭄᭞ᬳᬶᬤᬘᭀᬓᭀᬃᬤ᭞ᬫᬮᬶᬄᬭᬸᬦ᭄ᬢᬸᬄᬫᬜᬸᬂᬓ᭄ᬮᬶᬂ᭞ᬩᬩᬓ᭄ᬩᭂᬮᬸᬃᬓᬲᬄᬳᬶᬓᬲᬄᬳᬸᬭᬗ᭄ᬓᬩ᭄ᬮᬄ᭞ᬧᬗᬶᬭᬶᬕ᭄ᬮᬶᬲ᭄ᬜᬕ᭄ᬚᬕᬶᬦ᭄᭞ᬦᬸᬦ᭄ᬢᬸᬦ᭄ᬗᬭᬭ
ᬫ᭄ᬧ᭞ᬭᬳᬸᬄᬓᬧᬸᬭᬶᬦᬵᬕᬭ᭞ᬲᬓᬢᬄᬳᬦᬓ᭄ᬫᬗ᭄ᬕᬶᬳᬶᬦ᭄᭞ᬢ᭄ᬯᬄᬫᬤᭂᬓᭂᬲᬦ᭄᭞ᬫᬗ᭄ᬕᬶᬳᬶᬦ᭄ᬓᬤᬶᬫ᭠ᬗ᭄ᬓᬶᬦ᭄᭟ᬘᭀᬓᭀᬃᬤᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬧᬓᬬᬸᬦᬦ᭄᭞ᬲᬗ᭄ᬓᬵᬮᬦᬾᬓᬤᬶᬫᬗ᭄ᬓᬶᬦ᭄᭞ᬢᬶᬩᬾᬂᬤᬹᬃᬫ᭄ᬫᬗ᭄ᬕᬮ᭞ᬕᭂ
ᬮᬶᬲ᭄ᬗᬢᬸᬭᬶᬦ᭄ᬧᬥᬡ᭄ᬥ᭞ᬫᬗ᭄ᬮᬸᬓᬢ᭄ᬧ᭄ᬭᬚᬦᬶ᭞ᬓᬾᬄᬬᬦ᭄ᬢᬸᬢᬸᬭᬂ᭞ᬭᬶᬂᬕ᭄ᬬᬜᬃᬘᬭᬶᬢᬫᬮᬶᬄ᭟ᬧᬶᬭᬲ᭄ᬯᬾᬦᬾᬳᬶᬤ᭄ᬯᬕᬸᬂᬫ᭄ᬮᬶᬗ᭄ᬕᬶᬄᬭᬶᬂᬕ᭄ᬬᬜᬃ᭞ᬯ᭄ᬬᬢᬭᬯᬾᬦ᭄ᬢᭂᬦᬰᬰᬶᬄ᭞ᬭᬭᬶᬲ᭄ᬳᬶᬤᬩᬸᬤᬮ᭄᭞ᬧ᭄ᬭᬕᬸᬂᬳᬕᬸᬂᬲᬫᬶᬩᬸᬤᬮ᭄᭞
[᭔᭔44A]
ᬲᬳᬦᬦᬶᬓᬂᬫᬗᬶᬭᬶᬂ᭞ᬪᬝᬵᬭᬤᬍᬫ᭄᭞ᬳᬦ᭄ᬤᭂᬮ᭄ᬓᬬᬸᬦᬾᬢᬦ᭄ᬲᬶᬧᬶ᭟ᬳᬧᬦ᭄ᬲᬵᬫ᭄ᬧᬸᬦ᭄ᬓᬧ᭄ᬬᬸᬦᬶᬂᬲᬧ᭠ᬭᬶᬧᭀᬮᬄ᭞ᬪᬓ᭄ᬢᬶᬦ᭄ᬚᬕᬢᬾᬲᬫᬶ᭞ᬮᬦ᭄ᬫᬜ᭄ᬘᬧᬸᬗ᭄ᬕᬯ᭞ᬧᬸᬦᬧᬶᬫᬮᬶᬄᬩᬳᭀᬲᬂ᭞ᬘᬕᭂᬭᬾᬲᬓᬤᬶᬫᬗ᭄ᬓᬶ
ᬦ᭄᭞ᬧᬸᬭᬸᬦ᭄ᬗᭂᬫ᭄ᬩᬸᬮᬂ᭞ᬭᬸᬫᬲᬢ᭄ᬲᬵᬫ᭄ᬧᬸᬦ᭄ᬭᬶᬂᬧ᭄ᬢᬶ᭟ᬭᬭᬶᬲ᭄ᬓᬲᬶᬦᬫ᭄ᬧᬸᬭᬲᭀᬭᭀᬄᬓᬢᬸᬦ᭄ᬤᬸᬂᬓᬦᬹᬱ᭞ᬳᬶᬓ᭄ᬢᬸᬢ᭄ᬧᬲᭂᬓ᭄ᬓᬮᬶᬄ᭞ᬮᬦ᭄ᬳᬶᬓ᭄ᬢᬸᬢ᭄ᬲᭂᬓᬃ᭞ᬤᬸᬭᬸᬂᬓᬮᬸᬕ᭄ᬭᬩᬸᬤᬮ᭄᭞ᬭᬶᬂᬓ᭄ᬮᬸᬂᬓᬸᬂᬓᬳᭂᬦ᭄ᬤᭂᬓ᭄ᬓᬭᬶ᭞ᬰᬾᬱᬦ᭄ᬧᬸᬦᬶᬓ᭞ᬲ
ᬫ᭄ᬧᬸᬦ᭄ᬓᬮᬸᬕ᭄ᬭᬫᬸᬮᬶᬄ᭟ᬭᬶᬕ᭄ᬬᬜᬃᬓᬲᬸᬓ᭄ᬱᬭᬳᬶᬤᬾᬯᬗᬸᬭᬄ᭞ᬢᬮᬶᬓᬸᬧ᭄ᬗᬫᭂᬮ᭄ᬭᬶᬂᬧᬸᬭᬶ᭞ᬲᬧᬗ᭠ᬚ᭄ᬭᭀᬯᬦ᭄ᬕ᭄ᬬᬜᬃ᭞ᬳᬸᬘᬧᬂᬳᬦᬓᬾᬢᬺᬱ᭄ᬡᬵ᭞ᬪᬓ᭄ᬢᬶᬦᬾᬧᬥᬫᬜᬶᬮᬶᬩ᭄᭞ᬫᬕᬕ᭄ᬭᬾᬦ᭄ᬤᭀᬢᬦ᭄᭞ᬓᬲ᭠
ᬢ᭄ᬭᬶᬬᬢᬦ᭄ᬢᬸᬦᬦᬗ᭄ᬓᬶᬮ᭄᭟ᬬᬦ᭄ᬓᬢ᭄ᬗᭂᬃᬲᬶᬦᬄᬮᬘᬸᬃᬓᬧᬥᭂᬫᬂ᭞ᬯᬦ᭄ᬢᬄᬫᬩᬬᬧᬢᬶ᭞ᬢᬍᬃᬩᭀᬬᬢᬸᬦ᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬲᬸᬪᬓ᭄ᬢ᭄ᬬ᭞ᬬᬤ᭄ᬬᬧᬶᬦᬗ᭄ᬫᬲᬶᬦ᭄ᬫᬵᬢᬶ᭞ᬫᬓᬧᬜᬸᬤ᭄ᬥ᭞ᬲᬶᬄᬤᬦᬾᬦᬾᬭᬶᬗᬹᬦᬶ᭟ᬧᬵ᭠
Kaca:Bali-lontar-gaguritan-rereg-gianyar-300ppi.pdf/44
Kaca puniki sampun kauji-wacén
