Kaca:Bali-lontar-gaguritan-rereg-gianyar-300ppi.pdf/43

Saking Wikisource
Kaca puniki sampun kauji-wacén

[᭔᭒42B]
᭔᭒
ᬲᬺᬕᭂᬧ᭄ᬢᬹᬃᬫᬓ᭄ᬢᬳᬬᬫ᭄᭞ᬓᬭᬗ᭄ᬳᬲᭂᬫ᭄ᬲᬋᬂᬩᬂᬮᬶ᭞ᬧᬥᬫᬤᬫ᭄ᬧ᭄ᬬᬓ᭄᭞ᬭᬶᬂᬚ᭄ᬭᬶᬦᬶᬂᬳᬜ᭄ᬘᬓ᭄ᬲᬚᬶ᭟᭠ᬭᬭᬶᬲ᭄ᬫᭂᬤᬮ᭄ᬳᬶᬤ᭄ᬯᬕᬸᬂᬕ᭄ᬥᬾᬫᬓᬼᬘᬦ᭄᭞ᬘᭀᬓᭀᬃᬤᬫᬗ᭄ᬯᬶᬗᬶᬭᬶᬂ᭞ᬳᭂᬗᭀᬦ᭄ᬲᬂᬫᬗᬦ᭄ᬢᭂᬦᬂ᭞ᬓᬤᬶᬲᬂᬪᬶᬫᬲᬾᬦ᭞᭠
ᬕᬸᬮᬕᬸᬮ᭄‌ᬲᬼᬫᬍᬗᬶᬲ᭄᭞ᬦᬾᬢ᭄ᬭᬤᬸᬫᬶᬮᬄ᭞ᬫᬲ᭄ᬓᬃᬧᬸᬘᬸᬓ᭄ᬳᬓᬢᬶᬄ᭟ᬓᬪᬶᬦᬯᬭᬫ᭄ᬬᬦᬶᬂᬓᬓᬼᬘᬦ᭄᭞ᬧ᭄ᬮᬮ᭄ᬬᬦ᭄ᬧᬥᬢᬶᬢᬶᬩ᭄᭞ᬚᬶᬦᬄᬓᬤᬶᬢᬾᬫ᭄ᬩᭀᬓ᭄᭞ᬲ᭄ᬮᬓᬳᬸᬫᬯᭀᬂᬩᬸᬮᬦ᭄᭞ᬚᭀᬕᬾᬤ᭄ᬳᬸᬤᭂᬕ᭠
ᬦ᭄ᬲᬯ᭄ᬗᬶ᭞ᬲ᭄ᬫᬃᬧᬕᬸᬮᬶᬗᬦ᭄᭞ᬕᬕᬫᭂᬮᬦ᭄ᬬᬗᬋᬗᬶᬄ᭟ᬳᬫᬸᬦᬶᬓᬲᬵᬫ᭄ᬧᬸᬦ᭄ᬭᬫ᭄ᬬᬦᬾᬭᬶᬂᬕ᭄ᬬᬜᬃ᭞᭠ᬦᬵᬕ᭄ᬳᬶᬂᬢᬍᬃᬤᬸᬭᬸᬂᬩ᭄ᬘᬶᬓ᭄᭞ᬲᬓᬤᬶᬭᬶᬂᬓᬸᬦ᭞ᬭᬲᬓᬵᬭᬶᬰᬸᬦ᭄ᬬᬧᬶᬲᬦ᭄᭞ᬬᬦᬸᬧᬫᬓᬤᬶᬩᬭᬶᬲ᭄᭞ᬓᬸᬭᬂᬕᬫᭂ
ᬮᬦ᭄᭞ᬓᬸᬤ᭄ᬬᬂᬚᬦᬶᬫᬦᬜ᭄ᬚᭂᬓᬶᬦ᭄᭟ᬳᬶᬗ᭄ᬕᬶᬄᬬᬦ᭄ᬋᬲᭂᬧᬂᬭᬲᬦ᭄ᬧᬸᬭᬶᬦᬾᬭᬶᬂᬕ᭄ᬬᬜᬃ᭞ᬮᬵᬯᬦ᭄ᬓᬬᬸᬩᬳᬶᬗᬶᬦ᭄᭞ᬩᭂᬗᭀᬂᬫᬧᬗᭂᬦᬦ᭄᭞ᬦ᭄ᬗᬚᬧ᭄ᬳᬶᬤᬲᬂᬮᬸᬗ᭄ᬳ᭞ᬩᬶᬦ᭄ᬧᬶᬤᬦ᭄ᬫᬮᬶᬄ᭞ᬫᬦ᭄ᬢᬸᬓ᭄ᬓᬕ᭄ᬬᬜᬃ᭞ᬜ᭠
[᭔᭓43A]
ᬤ᭄ᬬᬧᬘᬂᬦᬢᬓᬶᬦ᭄᭟ᬩᬮᬾᬓᬸᬮ᭄ᬓᬸᬮ᭄‌ᬍᬫ᭄ᬩᬸᬳᬕᬸᬂᬧᬥᬲᭂᬫᬂ᭞ᬯᬦ᭄ᬢᬶᬮᬦ᭄ᬫᬲ᭄ᬩᭂᬂᬳᬾᬮᬶᬂᬢᭀᬕᭀᬕ᭄ᬧᬚᭀᬤᭀᬕ᭄᭞ᬫᬗᬸᬬᬦ᭄ᬭᬲᬳᬂ᭞ᬲᬶᬗᬦᬧᬲ᭄ᬥᬶᬄ᭞ᬓᬶᬗ᭄ᬓᬶᬂ᭞ᬓᬤᬶᬧᬸᬦᬶᬓ᭞ᬓᭀᬭᬶᬳᬕᬸᬂᬩ
ᬭᬓ᭄ᬩᬶᬬᬶᬂ᭟ᬓᬤᬶᬢᬦ᭄ᬫᬢᬶᬗ᭄ᬕᬮ᭄‌ᬳ᭄ᬬᬂᬳ᭄ᬬᬂᬧᬸᬭᬶᬦᬾᬭᬶᬂᬕ᭄ᬬᬜᬃ᭞ᬫᬗ᭄ᬕᭂᬄᬓᬵᬭᬶᬫᬮᬶᬗ᭄ᬕᬶᬄ᭞ᬳᬶᬤᬭᬶᬂ᭠ᬧᬫ᭄ᬭᬚᬦ᭄᭞ᬫᬮᬶᬄᬢᭀᬜᬦᬶᬂᬚ᭄ᬭᭀ᭞ᬧᬤᬶᬓ᭄ᬮᬓ᭄ᬫᬗᭂᬫᬶᬢ᭄ᬧᬸᬭᬶ᭞ᬬᬦ᭄ᬫᬸᬮᬳᬮ᭞ᬢᬦ᭄ᬯᬸᬦ᭄ᬲᬗ᭄ᬓᬮᬧᬗ᭄ᬕᬶᬄ᭟ᬓ
ᬤᬶᬧᬸᬦᬶᬓᬳᬶᬤᬘᭀᬓᭀᬃᬤᬦᬵᬕᬭ᭞ᬤᬸᬭᬸᬲᬂᬳᬬᬫ᭄ᬩᬶᬬᬶᬂ᭞ᬫᭂᬲᭂᬄᬓᬧᬶᬥᬥ᭞ᬳᬶᬤᬫᬺᬕᭂ᭠ᬕ᭄ᬧᬲᬾᬗᬦ᭄ᬜ᭞ᬓᬫᭂᬲᭂᬳᬶᬦ᭄‌ᬢᬸᬭᬸᬩᬶᬬᬶᬂ᭞ᬓᬾᬄᬩᬩ᭄ᬯᬢᬦ᭄᭞ᬲᬵᬫ᭄ᬧᬸᬦ᭄ᬧᬚᭂᬂᬲᬫᬶ᭟ᬢᬦ᭄ᬧᬳᬶᬗᬦ᭄ᬧᬢ᭠
ᬭᬸᬂᬳᬬᬫ᭄ᬓᬃᬯ᭄ᬯ᭞ᬓᭂᬫᭀᬂᬤᬩᬕᬸᬲ᭄ᬜᬫ᭄ᬩᬸᬢᬶᬦ᭄᭞ᬘᭀᬓᭀᬃᬤᬦᬵᬕᬭ᭞ᬳᬧᭀᬫᬜᬫ᭄ᬩᬸᬢ᭄ᬳᬬᬫ᭄᭞ᬓᬤᬶᬭᬗ᭄ᬤᬦᬾᬢ᭄ᬩᭂᬓᬶᬦ᭄᭞ᬩᬄᬫᬦᬸᬗ᭄ᬓᬬᬓ᭄᭞ᬭᬶᬂᬓᬮᬗᬦ᭄ᬗᬸᬮᬶᬦ᭄ᬢᬶᬓ᭄᭟ᬫᬩ᭄ᬭᬶᬬᬓ᭄ᬓᭂᬤᬾᬓᬾᬮ᭄ᬯᬶᬃᬩ᭄ᬮ