Kaca:Bali-lontar-gaguritan-rereg-gianyar-300ppi.pdf/42

[᭔᭑41B]
᭔᭑
ᬮᬾᬦ᭄ᬳᬶᬮᬾᬦᬾᬢᬦ᭄ᬫᬭᬶ᭞ᬫᬢᬢᬫ᭄ᬧᬳᬦ᭄᭞ᬢᬦ᭄ᬓᬸᬭᬂᬢᬤᬄᬪᬸᬓ᭄ᬢᬶ᭟ᬯᬮᬸᬬᬭᬶᬂᬓᬸᬦᬓᬭᬫ᭄ᬬ᭠ᬦᬾᬭᬶᬂᬕ᭄ᬬᬜᬃ᭞ᬲᬓᬜ᭄ᬘᬦ᭄ᬲᬩᬾᬂᬧᬸᬭᬶ᭞ᬢ᭄ᬮᬲ᭄ᬗᬬᬄᬓᬚ᭄ᬭᭀ᭞ᬧᬥᬧ᭄ᬭᬕᬢᬫᬾᬂᬧᭀᬮᬄᬢ᭄ᬯᬭᬤᬲ᭄ᬥᭂᬂᬘᬘᬤᬶᬦ᭄
᭞ᬭᬭᬲ᭄ᬕ᭄ᬬᬜᬃ᭞ᬭᬲ᭄ᬧᬢᬶᬗᬬᬄᬭᬶᬂᬕᬸᬲ᭄ᬢᬶ᭟ᬜᬦ᭄ᬤᬂᬳᬗᭀᬩ᭄ᬧᬗᬶᬭᬶᬂᬓ᭄ᬮᬸᬂᬓᬸᬂᬧᬸᬦᬶᬓ᭞ᬳᬶᬤ᭄ᬯᬕᬸᬂᬲ᭄ᬫᬸᬓ᭄ᬜᬶᬃᬓ᭄ᬜᬶᬃ᭞ᬲᬾᬢᬦ᭄ᬭᬶᬂᬚᬕᬢ᭄᭞ᬫᬮᬶᬄᬭᬶᬂᬧᬓᬬᬸᬦᬦ᭄᭞ᬢᬦᬂᬱᬫᬯᬦ᭄ᬢᬸᬦ᭄ᬫᬮᬶᬄ᭞ᬩᬶᬮᬶᬄᬓᬮᬸᬕ᭄ᬭ᭞ᬭᬶᬂᬕ᭄ᬬᬜᬃᬳᬃᬱᬫ
ᬧᬸᬭᬶ᭟ᬦ᭄ᬤᬢᬦ᭄ᬮ᭄ᬬᬦ᭄ᬧᬓᬬᬸᬦᬦᬾᬫᬹᬃᬯ᭄ᬯᬓᬡ᭄ᬬᬓ᭞ᬳᬧᬦ᭄ᬦᭂᬥᭂᬂᬢᬭᬸᬡᬶ᭞ᬳᬃᬱᬫᬧᬸᬢᬸᬲᬦ᭄᭞ᬫᬗ᭄ᬭᬸᬭᬸᬄᬲᬲᬗ᭄ᬓ᭄ᬭᬶᬗᬦ᭄᭞ᬳᬦᬾᬕᭂᬦ᭄ᬢᭂᬦ᭄ᬩᬚᬂᬳᬮᬶᬢ᭄᭞ᬧᬸᬦᬶᬓᬧᬶᬲᬦ᭄᭞ᬓᬂᬦᬸᬚᬶᬓᬤᬶᬫᬗ᭄ᬓᬶᬦ᭄᭟ᬩᬩᬄᬘᬶᬦᬫ
ᬓᬵᬤᬶᬜᬲᬸᬩᬦ᭄ᬤᬃ᭞ᬲᬸᬫᬸᬬᬸᬕ᭄ᬧᬥᬦᬗ᭄ᬓᬶᬮ᭄᭞ᬧᬕ᭄ᬭᬾᬦ᭄ᬤᭀᬢ᭄ᬫᬢᬸᬭᬦ᭄᭞ᬲᬮ᭄ᬯᬶᬭᬶᬂᬩ᭄ᬯᬢᬦ᭄ᬚᬯ᭞᭠ᬳᬫ᭄ᬧ᭄ᬬᬸᬦᬾᬳᬢ᭄ᬗᬄ᭞ᬧᬘᬂᬭᬬᬸᬦᬦ᭄᭞ᬮᬾᬦ᭄ᬧᬶᬘᬳᬂᬭᬶᬂᬧᬗᬶᬭᬶᬂ᭟ᬫᬥᬦᬥᬦᬢᬦ᭄ᬪᬶᬦᬓᬤᬶᬳᭂᬫ᭄ᬩᬄᬫ᭠
[᭔᭒42A]
ᬤᬓ᭄᭞ᬳᬶᬭᬶᬗᬦ᭄ᬳᬕᬸᬂᬳᬮᬶᬢ᭄᭞ᬫᬳᭀᬢᭀᬓᭀᬢᭀᬓᬦ᭄᭞ᬤ᭄ᬫᭂᬦᬾᬗᭀᬫᬾᬮ᭄ᬫᬗᭀᬃᬢ᭄ᬢ᭞ᬧᬥᬲᬮᬶᬂᬧᬤᭂᬗ᭄ᬓᬸᬮᬶᬦ᭄᭞ᬩᬋᬂᬫᬫᬤᬢ᭄᭞ᬤᬸᬗ᭄ᬓᭂᬤᬂᬘᬂᬓ᭄ᬮᭀᬂᬳᬭᬶᬧ᭄᭟ᬫᬓᬫᬗ᭄ᬕᬮᬳᬶᬤᬘᭀᬓᭀᬃᬤᬦᬵ
ᬕᬭ᭞ᬩᬩᬢᬸᬄᬲᬂᬢᬶᬕᬂᬲᬶᬓᬶ᭞ᬧᬮ᭄ᬬᬢᬦ᭄ᬢᭂᬕᬮᬮᬂ᭞ᬢᬫ᭄ᬧᬓ᭄ᬲᬶᬭᬶᬂᬧᬬᬗᬦ᭄᭞ᬩᬩᬶᬢ᭄ᬭᬮᬦ᭄ᬲᬸᬓᬵᬯᬢᬶ᭞ᬩᬤᬸᬮᬸᬲ᭄ᬬᬗᬦ᭄᭞ᬳᬩ᭄ᬬᬦ᭄ᬩᬲᬾᬦᬶᬓᬫᬮᬶᬄ᭟ᬳᬶᬤᬳᬶᬤ᭄ᬯᬕᬸᬂᬮᬗ᭄ᬓᬸᬂᬲᬹᬓ᭄ᬱ᭄ᬫᬧᬓᬬᬸᬦᬦ᭄᭞ᬢᬫ᭄ᬩᬾ᭠
ᬲᬓᬤᬶᬫᬗ᭄ᬓᬶᬦ᭄᭞ᬓᬵᬢᬸᬭᬦ᭄ᬳᬾᬬᬩᬦ᭄᭞ᬭᬶᬂᬓ᭄ᬮᬸᬂᬓᬸᬂᬤᬸᬭᬸᬂᬧᬶᬲᬦ᭄᭞ᬫᬧᬢᬶᬃᬢ᭄ᬣᬦ᭄ᬓᬤᬶᬫᬗ᭄ᬓᬶᬦ᭄᭞ᬧᬭᬧᬸᬗ᭄ᬕ᭠ᬯ᭞ᬳᬾᬧᭀᬢ᭄ᬧᬥᬗᬬᬳᬶᬦ᭄᭟ᬲᭀᬮᬲ᭄ᬤᬶᬦᬳᬶᬤᬓᬵᬢᬸᬭᬦ᭄ᬳᬬᬩᬦ᭄᭞ᬧ᭄ᬭᬕᬸᬂᬓ᭄ᬮᬸᬂᬓᬸᬂᬫᬗ᭄ᬯᬶ᭞ᬫᬫᭀᬦ᭄ᬤᭀ᭠
ᬓ᭄ᬭᬶᬂᬕ᭄ᬬᬜᬃ᭞ᬢᬹᬃᬗᬯᬾᬦ᭄ᬢᭂᬦᬂᬓᬓᬼᬘᬦ᭄᭞ᬭᬶᬂᬚ᭄ᬭᭀᬦᬶᬂᬳᬜ᭄ᬘᬓ᭄ᬲᬚᬶ᭞ᬫ᭄ᬯᬂᬢᬢᭀᬦ᭄ᬢᭀᬦᬦ᭄᭞ᬢ᭠ᬦ᭄ᬧ᭄ᬕᬢ᭄ᬲᬳᬶ᭟ᬗᬸᬦ᭄ᬤᬂᬩᭀᬢᭀᬄᬭᬓᬚᬯᬶᬓᬸᬢ᭞ᬲᬫᬶᬧᬥᬗ᭄ᬭᬳᬸᬳᬶᬦ᭄᭞ᬩᬤᬸᬂᬮᬦ᭄ᬢᬩᬦᬦ᭄᭞